金沙角冰室 (Closed)

減脂增肌人士嘅快樂！由佢開張時已經想食，終於有機會去食！當然要試佢地招牌花膠鐵板！本身係配一個焗薯，我問老闆可唔可以焗薯轉成配菜。老闆就幫我轉咗👍🏻而且汁都係另上，你可以落可以點可以唔食，輕鬆控制一日內嘅蛋白質同碳水！花膠同雞扒都好大塊！食晒真係好飽！雞扒煎得好香，花膠好淋好有味！有紅白湯我揀咗紅湯，一碗湯勁多料！$88有餐包，餐湯，鐵板同餐飲！真係好抵食！！入面裝修好靚，我諗去打卡影相都好適合！同埋啲職員都好有禮貌，態度好好！唔係茶記個啲感覺！

同朋友去旺角行完花墟睇吓附近有乜坐得舒服啲嘅茶餐廳見到呢一間門面好有香港情懷親切感🥰🥰諗住入去食返個菠蘿油下午茶入到去見到佢枱面有個內置電磁爐先至知道佢夜晚原來係可以食雞煲😂座位都算大同埋闊落冷氣都好夠可惜冇晒菠蘿油，轉左叫西多士同埋炸雞比沙律西多士都冇令我哋失望，新鮮熱辣炸雞髀炸得好透😋但係都唔乾身欣賞佢個沙律好足料，唔係剩係得沙律醬而且都好大份，我哋兩個女仔食呢個下午茶非常足料😃😃最鍾意食茶餐廳嘅我哋決定下次嚟試吓雞煲😀

係金都拎完西裝一行出黎就見到呢間懷舊冰室，裝修都幾特別，有香港懷舊既味道。一去食埋午餐快靚正，結果叫完真係幾分鐘就上菜，食左個豬扒焗薯$55。塊豬排大過塊面，個汁就係普通茄汁豆既味道，肉質幾好，薯仔就焗到岩岩好，食完飽足一佃下就。

今日同朋友去太子行街，一行入門口見到啲裝修好靚同埋好有懷舊feel之後一坐低個阿姐即刻攞個杯俾我地自己斟水飲，服務算幾好，望下個餐牌睇吓有啲咩食，揀咗5分鐘要咗個瑞士汁炒牛河,我朋友做叫左個炒貴叼，一杯凍奶茶同埋一杯凍檸茶！之後唔洗3分鐘就到齊，我覺得有少少奇怪冇理由會咁快！個牛河顏色就幾靚不個河粉同啲牛肉冇咩味同埋食落口啲青蒽好生個炒貴叼都麻麻地！ 同埋佢下午茶餐都比較貴，連埋凍飲要51蚊，咁嘅價錢係太子應該會有好多選擇，所以應該唔會有下次！

今日媽咪帶咗我嚟呢度食嘢 一入到門口見到樓底好高 空間感十足 裝修都充滿懷舊老香港情懷 有好多霓虹燈 非常色彩繽紛 十分奪目 令我都忍唔住影咗幾張相 唯一小缺點就係啲燈光有少少刺眼 坐得耐可能會有少少唔舒服因為都兩點幾 所以就等到兩點半下午茶時段先落單 不過呢度啲下午茶同其他茶餐廳相比價錢偏貴 常餐都要58蚊 所以唔係好肚餓嘅我就叫咗一個鹹牛肉奄列算啦因為係單點 所以我都擔心份量會好少。點知又出乎我意料之外喎 個奄列好大份又厚 切開入面都有好多鹹牛肉 蛋炒得幾好唔會太熟 連埋好juicy嘅鹹牛肉一齊食都幾飽肚 再加埋有兩塊多士 雖然多士烘得有啲乾 不過勝在夠香脆 所以都收貨啦

4.00都未夠就見到人食🎉🎉🎉講真$88真係超值 鐵板餐都呢個價餐廳裝修非常特別富有懷舊色彩金都廣場非常就腳 彌敦道749號可能限聚令只可以坐2人所以唔洗排佢杯奶茶交足功課 餐湯夠曬濃佢話全港首創花膠鐵板餐🥩🥩🥩睇吓花膠有幾大快$88起咋⚠️⚠️⚠️📞你當然可以打外賣熱線👇☎️⛳️位於彌敦道太子站恆生銀行側⛳️🚧提醒大家營業時間短暫更改🚧。。🕰上午6.30至下午6.00🕰。。🍳限聚令收緊後我哋一齊抗疫🍳

今日經過太子，見到有間新餐廳。內面乾淨整齊，疫情期間令食客食得安心。裝修懷舊，別有一番風味。餐單提供港式,大牌檔,熟食中心等推介美食，食物質素，性價比高。值得推介。

📍太子 #金沙角冰室 #今日午餐食咩好 💆🏻‍♀️ #天天午餐的煩惱 這是茶餐廳 你相信嗎？ 🙀 環境一流 服務態度好 上菜快一邊聽住 80 90 年代 廣東歌 🎼🎤 一邊食晏～ 正🍚🐥🍍 ：菠蘿雞粒炒飯 gd gd 💵 $58 雖然唔係特別平 但包埋個湯（蓮藕豬骨湯）清甜好飲 個飯唔會太油（份量極多） ☕️：鴦走（鴛鴦加煉奶） 💯menu 📖 : 選擇多，不過午餐以外 就貴啲 6x up 常餐都偏貴： ～$50岩岩上黎打食評先知-》 原來新開 😂

啱啱星期六又同啲friend 再去試吓，佢地睇完嗰post嗰嗰都話想去打咭所以星期六行完街街走去High嗰懷舊tea先，一睇餐牌價錢大眾化唔貴，我地叫咗嗰炸雞脾配薯皇、龍蝦湯雞扒米線、焗肉醬意粉同肉絲炒麵。炸脾唔會太乾好juicy 加配勁多薯皇焗肉醬意粉味道啱啱好又唔會太over,坊間有啲意粉會好淋，反而龍蝦湯米線湯底我覺得可以再濃啲但雞扒搭救返大過我塊面呀！肉絲炒麵嗰買點一定係嗰麵底，卜卜脆份量啱啱好咁下一轉要去試埋個鐵板先!期待中……(PS上次冇影場景，今次補數)

今日路經太子，見到一間好吸引嘅餐廳，入到去感覺好有懷舊feel ，感覺好正，嗰件豬扒真係又好食又大件，仲要好鬆脆，瑞士雞翼又入味仲有埋趣卜卜嘅牛角包，加埋佢嗰個冰鎮奶茶，簡直係絶，聞說佢仲有一個熱辣辣嘅懷舊鐵板，我打算今晚再嚟品嚐呢道懷舊風味，各位想打咭又想有懷舊風味嘅朋友，不妨一試，款式包羅萬有，服務態度又認真，除咗大南街，呢個係我覺得旺角首選，我個人覺得絕對係一間不錯嘅懷舊茶餐廳👍🏻👍🏻👍🏻

太子旺角又有新餐廳。。。我一定會去試一試。。。門面裝修主要賣懷舊。。外貌就非常吸引啦不過價錢就同區餐廳略貴🤑🤑🤑 我一定會食最基本嘅火腿仿鮑片餐🍜試一試。。不過照餐牌所見佢最基本嘅早餐都要$38💰💰💰講真就略為貴。。附近同類冰室一般同一套餐$32-35不過好彩質素都還算可以炒蛋🍳真係唔錯。。不會炒得過熟。。但佢隻餐包就真係普通過普通。。🙈🙈🙈。。如果要轉多士仲要加兩蚊加一蚊就合理啲😅

太子新開咗間冰室，門面極度吸睛，係對面馬路都比佢吸引到，即管走入去試試。全部裝修都以懷舊設計，好特別。午餐有8款選擇，為咗配合主題就揀嗰魚香茄子試吓嗰廚房先! 嚟遠已經聞到好香，份量都好足夠，心目中嘅魚香茄子一定要有啲辣辣地咁先惹味，呢碟飯完全表現到出嚟，平時食飯都起碼剩一半今日竟然食哂!餐飲叫咗杯冰鎮奶茶，夠哂滑口又有茶香味。成日話嗰場好靚，點知掛住食都唔記得影相，一定要再去，打吓咭潮吓聖，尤其“掂過碌蔗”嗰位，影相一流!

見到間咁有特色既冰室，就打算入去試下，哩到除咗環境有特色，最重要原來睇得又食得😍有驚喜🎉坐底叫左個招牌黑椒牛柳，再配個原隻焗薯。 黎到見到好正，牛扒大大件有兩舊，食落去好鮮嫩juicy，原全超越左冰室個水準👍🏻👍🏻👍🏻👍🏻焗薯又好味 夠曬熱再配埋d醬汁 一流😋😋😋😋😋我再叫左杯招牌冰鎮奶茶，真係好香濃😍😝成個餐$118 再加左$5 轉左杯奶茶，都真係抵食👍🏻大家有機會都要去試下，我強烈推薦👍🏻👍🏻🤘🏻😋

今次介紹呢個鐵板餐真係份量十足牛扒唔會太多梳打粉豬扒仲要係爽口腸仔同埋煙又唔使講啦行快鐵板真係好高溫囉啲汁倒落去炸一聲!依家呢個價錢真係好過嗰啲大乜樂大乜活簡直可以同金鳳凰比