金大班

Open Now

Now Closed

終於等到正式秋涼啦! 又係行山郊遊好時候💪介紹返一間最近獅子山下的著名冬菇比大家，亦都係小編後花園郊遊後經常會去獎勵自己食餐好嘅地方之一。由黃大仙地鐵站行大約8分鐘的路程就到金大班茶餐廳先講大有來頭的招牌秘方奶茶，2021得獎奶茶師人手沖製奶茶，以樽仔奶茶示人，既時尚又承傳了家族傳統技藝，100%本地製造「茶香、奶滑、醇厚」無添加人造色素及防腐劑嘅港式奶茶，跟餐一律+$10 就嘆到啦👏流華西多士 $38推介:⭐️⭐️⭐️⭐️一上檯要快快同樽仔奶茶打卡，因為趁熱食是必需的，華田粉放滿西多面，切開四份流心感強烈，煉奶即時出現。肉醬芝士薯條 $38推介:⭐️⭐️⭐️⭐️有少少驚喜👏 唔係間間茶記都有呢個組合，溶岩級肉醬芝士加落熱氣嘅薯條之上，感覺無咁邪惡而又惹味吸睛。脆脆炸雞 $40推介:⭐️⭐️⭐️⭐️⭐️推介非常有誠意嘅一款，三種醬汁任你上，蜜糖芥辣、青芥辣、小牛芝士各有特式，粒粒麥片炸脆香口，加埋炸雞皮的確係脆上脆，沾上醬汁嘅層次更加特出。整體三款下午茶餐都滿意好味，行山前食返個靚早餐，行山後又可以食個下午茶餐嘆奶茶，期待有機會在獅子山下相遇上😆

間中都會在金大班吃晚飯，客飯套餐大碟又抵食，有湯飲，每款都係六十六蚊不等，真係別無他選👍蝦仁炒蛋~蝦仁又多又爽，雞蛋唔老又多蔥。海味粉絲雜菜煲~好多不同款式的菜，又多粉絲，有魷魚鬚同蝦米，大蔥，菇乜都有d。菠蘿生炒骨~新鮮多排骨，夠酸甜味，菠蘿同配菜青椒洋蔥都多，正。我只係嫌金大班下午茶時間雖然至六點鐘，但五點半去到，成日都話廚師收左工，唔做公司三文治等茶餐，既然咁早收工，不如提早收下午茶市啦！

諗住今日投完票去幫襯啦， 點知入到去人都唔係多，點個三文治等足45分鐘都未黎，問阿叔點解咁耐，個阿叔仲大聲鬧返我話好多人點餐，等下會死呀。話曬我都係街坊，平均每個星期最少有日都係呢度用餐，呢間野除咗D食物越黎越無誠意兼難食之外，態度梗系隨著食物般衰到無朋友！絕無下次！！！

今日去金大班食晚飯，呢間舖頭我都成日幫親，算係幾重人情味，會打下招呼，叫送會問你夠唔夠食，唔夠的話，間唔中會送下飯呀例湯呀油菜比你。今日叫左個特餐，黑椒雞排煎蛋飯，好多汁，d汁都夠味，啱曬我呢d重口味人士，雞排同煎蛋都各有兩份，用黎送飯啱啱好，唔會d送食曬，d飯都重未食得完。另外叫左杯凍檸茶，味道唔錯，茶底幾香，檸檬都幾厚，唔似有d餐廳會偷工減料，一塊切做兩塊，成杯野就無曬味！總的來說，成個用餐體驗都幾好

金大班雖然唔近地鐵站，不過都無話好偏僻，地鐵站行十分鐘就差不多到，算ok啦。野食方面，花款唔係特別多，都係一般餐廳有嘅茶色，小菜同常餐個d都唔缺嘅。早餐黎講，佢d沙嗲牛肉麵略嫌味道唔夠濃厚，沙嗲味唔夠香，不過肉丁麵就幾足料嘅。午餐餐單跟住每個月日期更換，唔會話一星期食黎食去都係個幾款，算係幾多變化，又有中有西，想食乜都有，唔想係街市熟食中心食得咁唔舒服嘅話，金大班都係一個唔錯嘅選擇！晚餐就水準一般，份糧都幾足，而且有竹筒蒸飯呢d特色小菜，幾有心思。不過味道比起一般大排擋嘅小菜就無咁好啦。總括黎講，金大班係ok嘅，不過唔洗山長水遠去食。

今日早左起身所以就黎到金大班食個早餐 叫咗五香肉丁麵 同埋一杯熱奶茶熱奶茶都OK嘅不過唔係肉丁味道比較淡唔係肉丁唔夠多 另外仲有麵包同蛋蛋我就叫咗炒蛋都OK 價錢大概30幾蚊都合理

之前亦有幫襯晚飯，感覺良好，是日試試午餐，叫例牌的常餐系列，心大心細叉燒還是雪菜肉絲，心想茶記唔荒有好叉燒，所以叫了雪菜肉絲，點知佢話冇雪菜，榨菜得唔得，估唔到連雪菜都冇。當食嘅時候，發現原來肉絲等於叉燒，所以之前跟本唔需要思前想後。隨了食材含糊之外、味道正常，冇大驚喜，但又唔太差。至於星洲炒米，配料唔夠，火侯亦一般。整體真係一般般。

外賣接聽員真係唔掂 次次嗌外賣都欠左佢咁 口齒不清 又成日送漏野 明明你已經重複左再三叮囑 有時小小野都費事叫佢重新送過 但食得淡而無味真係...... 唔想做生意不如全部改為堂食啦

平時幫襯開呢間因為可以送外賣 聽電話果個成日耳聾都算 豬扒湯河聽成瑤柱飯 唔係第一次 次次叫外賣都覺得自己係咪同外星人溝通緊 語言不通 搞錯左送漏左野唔認仲要人地落去拎 態度差到死 講明唔係錢問題 係佢話人地冇落果下先嬲 一句唔好意思我都算數噶啦 難道我要湊住兩個小朋友落去換？咁點解開頭要叫外賣唔帶佢地落街食其他又平又好食呢？咁大個人仲講大話 雖然唔係咩職位但做人唔係咁做囉

今日初三【赤口】以前唔信咩赤口，今日終於相信喇！打後唔會再幫襯呢間金大班！講真，淨係講衛生都足以可以投訴你金大班啦！今朝同呀仔落樓去金大班食早餐，早餐到左後我叫呀姐比2碟辣椒油比我，我同個仔一人一碟仔，跟住我覺得唔夠辣，就再叫個呀姐比多2碟我，當時我都諗住分2次叫人做野唔好意思，都準備攞封利是比呀姐，小小意思意思吓！點知呀姐好大聲話：喂！你已經攞左4碟喇！我打左個突，當然啦！利是已經送唔出手！同時我心諗咁又點呀？唔係辣椒油都唔比人食嘛？諗諗吓我開始躁底，跟住我問佢咁辣椒油係咪要我比錢呀？佢再答我：緊係啦！攞貨返黎都要錢啦！當時我再無出聲，因為我知如果我唔忍住的話，一定即場同佢開年！插到佢反轉！😤拿拿林食埋早餐埋單，我問收錢既員工，知道佢原來係一個早更既大家姐，唔知真係以為佢係老闆娘呀！我話你知！你夠膽收我就照樣比！時不時我落去食晚飯都叫幾碟辣椒油，從來都未試過話要收我錢！一個老闆開飲食業既餐館，所有調味料都應該計在成本內，大多數既餐廳，調味料都係放響枱上，你地唔放都算喇！食客有要求，你地都呀芝呀左，如果我叫左唔食就話我浪費啫！宜家我係唔夠呀！請問你係咪真係做傻左呀？同埋我宜加先知道，原

放假！無約朋友，唔洗湊仔，諗緊今晚食乜好？行行下望到金大班，咦～想想都好幾個月無食過金大班喎！今晚就呢度啦！一個人食飯都好，我從來絕少食（碟頭飯），食野係一種享受！就算得我一個，一樣要食得豐富，食得開心！今晚照舊時一樣，點兩份小菜套餐，我例牌要一菜一肉，所以菜類我點【金銀蛋菠菜】跟一碗白飯+老火例湯，肉類我點左【蝦醬豆卜豬頸肉】，不過呢個原來唔係套餐，不過呢個餸好惹味，一碗飯又點夠呢？我又叫多一碗白飯，又加左杯凍杏霜。我一向鐘意食金銀蛋，總之唔係配小棠菜就點煮都好食啦！至於個蝦醬豆卜豬頸肉，實在太多肉喇！所以我根本食唔晒，但身為吃貨我又點會浪費呢？堂食左2碗飯，我再外賣多一盒白飯，將剩餘的餸打包埋一齊，咁今晚宵夜有著落啦！至於杯凍杏霜，唔知係咪我太耐無飲，覺得現時既杏霜，真係好少地方會沖得好飲！而且仲有位（烏蠅公子）係咁飛黎飛去，跟住見到杯白雪雪既（杏霜杏娘），就好似螞蟻🐜嬲蜜糖咁，死都唔走，我見佢地咁情深，我只好割愛，將杏霜許配比烏蠅喇！近呢半年我都少落金大班食飯，係耐不耐同呀仔食早餐多，因為我地多數出油尖旺食，但我個人自己都幾鐘意食金大班，雖然佢唔係特別好食，亦無我鐘意食既辣野，但

上班日總是平平淡淡，晚飯亦不外如是。如常到附近的金大班用餐，一進入店內已經找到位置！自從上次試過幾次斑腩飯，一試便愛上，所以再點了茄子斑腩飯看看這店菜色的穩定度。不例外，茄子斑腩及飯都是分開碟上，小編嫌今次的斑腩份量太少，曾要求店員作出更換，店員馬上用匙羹摷一摷搜尋碗中的茄子斑腩，翻了幾翻，見到有體積很小的斑腩便說有足夠的份量，小編亦無與其再爭辯，只好不甘心地這一餐。味道與上一次沒有太大分別！友人今次選了干燒伊面，但略嫌其麵太林太濕，水份太多，有種頹食的感覺，華田尚算不過不失，沒有驚喜。

每次送女朋友返屋企經過呢間餐廳，都會對佢好好奇，好想入去試下，但係往往都係食咗飯或者趕時間，無親身體驗。係前日我同女朋友決定試一試佢，專程係夜晚到訪呢間餐廳，滿心期待！一入到入面，感覺都幾寬敞，可能六點鐘左右，尚未算太多人食飯，即刻就有位。魚香茄子去到邊都係我既最愛，我就嗌左茄子斑腩飯，凍檸茶少冰，而女朋友就嗌咗XO醬豬扒炒公仔麵，熱華田。茄子斑腩一黎到，實而不華，首先試佢茄子，而斑腩基本上全部都係肉，炸粉又唔會太厚，達到斑腩嘅黃金比例！茄子煮得恰到好處，茄子外皮唔會太厚，加上肉碎同汁都好入味，我都幾肯定會回頭。餸同飯係分開上，碟飯都夠乾身，最啱配搭茄子斑腩咁入味嘅食物。而凍檸茶不過不失，都好正常。而女朋友略嫌啲豬扒太林，食落去好似食緊肥豬肉咁，有點奇怪，其他都係正常口味。平民價錢，每人大概五十蚊埋單，晚飯黎講，不過不失，下次有機會都會試吓其他菜式！

咁岩我爸要去黃大仙畀啲野佢個朋友，我地就順便去左金大班食下午茶；再加上今晚要同我媽去上堂，屋企又無人煮飯，我地就決定食飽少少～紅豆冰我爸+8$要左杯紅豆冰，又幾好飲噃～碎冰唔算好多，仲飲到花奶味，印象中好少紅豆冰可以飲到花奶味🤔幾正！熱奶茶奶味幾香，仲飲到少少茶既澀味，唔錯～係餐飲上哂黎我地係度等梗主菜既同時，我地聽到廚房炒野既聲，超級有鑊氣阿！終於上菜啦～干炒牛河雖然食到有少少燶味，可能係鑊氣味哈哈，好好食！豉油王肉絲炒麵第一啖食落去有少少脆脆地既感覺，好好食🤤本身都係食到少少燶味，但當我食左一啖魚香茄子炆米，再食返啖炒麵，瞬間覺得個炒麵味好濃，鑊氣味好重，好正！魚香茄子炆米要撈一撈先搵到入面啲魚香茄子～ 哩個炆米比較濕身，可能水落得比較多，而且味道較淡其實以哩個價錢食到哩個份量既下午茶，真心好抵食

上班族午餐，最緊要係快，一入餐廳，搵到位坐（午市都唔算好多人），好快就有侍應羅水同食具來，但好可惜，要叫人落單都要叫5分鐘衝衝的一小時，吃了個味道不錯的福建炒飯，但凍檸茶少甜，少咗仲係好甜😓