金大班

Open Now

Now Closed

金大班雖然唔近地鐵站，不過都無話好偏僻，地鐵站行十分鐘就差不多到，算ok啦。野食方面，花款唔係特別多，都係一般餐廳有嘅茶色，小菜同常餐個d都唔缺嘅。早餐黎講，佢d沙嗲牛肉麵略嫌味道唔夠濃厚，沙嗲味唔夠香，不過肉丁麵就幾足料嘅。午餐餐單跟住每個月日期更換，唔會話一星期食黎食去都係個幾款，算係幾多變化，又有中有西，想食乜都有，唔想係街市熟食中心食得咁唔舒服嘅話，金大班都係一個唔錯嘅選擇！晚餐就水準一般，份糧都幾足，而且有竹筒蒸飯呢d特色小菜，幾有心思。不過味道比起一般大排擋嘅小菜就無咁好啦。總括黎講，金大班係ok嘅，不過唔洗山長水遠去食。