錦田匯動青年館

Open Now

Now Closed

錦田青年館原來好靚，仲有咖啡同埋甜品，自由定價，用「益下家」營運模式，你鍾意比幾多就自己入個箱。即係自己嗰杯係上一個幫襯嘅人請你嘅，覺得同一個唔識嘅陌生人突然間有咗聯繫，覺得好窩心❤️ 其實除咗青年，我仲見到少年、中年、老年。好happy～ 呢度搞活動、無聊去打躉都好正。 除咗咖啡，我嗰日去見到個甜品都幾多種類，有cut cake, 亦都有小嘅曲奇。全部係自己做，好有heart。 出面個小花園都好靚，好似去咗歐洲小鎮咁樣，一定要打卡👍🏻

遍地cafe嘅年代連錦田都進駐咗市區開入嚟號cafe小店可惜店舖太細落腳休息好似唔係咁舒服無意見到哩間門口都有牌寫住coffee記得哩幾年行過都無開放空間而家有得聚腳入面仲有好多書啱晒小朋友真係一個好地方！店員好友善而且強調佢哋唔只係一間cafe但我想話咖啡、蛋糕質素都好好比某d所謂cafe更有心而且係free pricing諗起早幾年內街都有一間係自由定價cafe唔知係咪結業後搬咗出嚟呢希望哩度位置更方便可以keep住哩個community 啦💕但願大家都以良心support可以讓哩個空間持續營運下去咁街坊先可以得閒嚟坐下😂

錦田匯動青年館入元朗探朋友，她帶了我到錦田下午茶，一所舊式的村屋，大閘開了一半，村屋內有一個十字架，唔講真係唔知係一間cafe。一入到cafe，就見到一道牆，一道由紅酒箱改裝而成嘅書櫃牆，放了滿滿的書和各種裝飾，好吸引！書櫃前簡簡單單放了幾套小枱椅，最吸引我的是門口隔離的一張大枱，一張可以供6-8人坐嘅枱，枱面畫了各式各樣嘅花，不需要考慮下就選擇了這張枱由於已吃了午飯，所以只點了兩件蛋糕，New York Cheese Cake 同香蕉蛋糕，還點了一杯 cappuccino 同 mocha New York Cheese Cake 入口軟滑，芝士味適中，雖然蛋糕面沒有加上 sour cream，仍配合得很好香蕉蛋糕香蕉味濃淡適中，美中不足是不夠熱，如果用焗爐再加熱多些就完美了Cappuccino & Mocha 拉花精美，微酸帶果香，應該是我喜歡的淺炒豆，如果大杯啲就好了直得一提嘅係間 cafe 只有飲品menu、食物就要問吓店員當日有咩喇！同埋個menu 係無價錢嘅，佢哋推行一個叫「益下家」嘅活動，鼓勵大家每款飲品同食品捐$20，當請下一位顧客食，大家只需要量把捐款放入捐款箱就可以了

今天到了錦田的一間青年館，裏面有書睇，有咖啡飲，有乒乓球打，有滑梯。呢個係一間慈善團體搞的coffee shop，所有有野食同飲品都不用付費，不過如果想支持一下的都可以付20元或以上當作買一杯飲品，十分有意義。每天在鬧市中打滾，假日坐在舒適優美的環境下享受咖啡，都是一大樂趣！這是兩杯名為dirty的咖啡，一看都覺得個樣不同，這是dirty的特色，每一淡飲落去都會有不同味同感覺，有甜有苦有濃有熱有凍，每一口都有不同的感覺，值得一試！是日香蕉蛋糕，職員親手整的，香濃好食！

機緣巧合下見到一張poster有關呢間non-profit making既cafe, 與其話係cafe, 倒不如話係一個小小的聚腳地, 呢個site係12位志同道合既基督徒咖啡師開既。店里既環境好簡樸, 全部都係自己粉飾設計, 物資大多係來自有心人捐贈的, 有個小小的圖書角, 小朋友大朋友都可以放輕鬆嘆番杯咖啡, 同朋友聊聊天, 坐一日都可以。入面主要係提供coffee, 仲有少量的茶和小食, 全部都係免費既, 營運係靠大家自發捐錢, 有個叫益下家的設計, 鼓勵用餐者每次捐出$20請下一位朋友飲咖啡。啲咖啡好原汁原味, 可以試到好多好天然既咖啡好味, 唔識咖啡既都可以問吓咖啡師, 佢哋都好樂意介紹。聽其中3位咖啡師話, 佢哋仲有攪啲好優惠既咖啡班比青少年, 同埋店裡所用既咖啡豆都直接同窮困的咖啡農買, 沒有經過中間商家多番的抽水, 直接幫助農民, 咖啡師仲會親自去越南等地體驗咖啡農的辛勞, 好有意思。搵日可以帶埋小朋友去坐吓玩吓。