Video
3-min walk from Exit A3, Choi Hung MTR Station
continue reading
Telephone
36115266
Opening Hours
Today
07:00 - 23:00
Mon - Sun
07:00 - 23:00
Above information is for reference only. Please check details with the restaurant.
正宗港式茶餐廳風格🤗適合所有本土長大的港人餐牌菜式飲品包羅萬有，你講得出，佢地就有供應。。。始終係hk幾十年😊我order了常餐 - 的沙爹牛肉麵配奄列多士，熱奶茶，五十元以下找數，座得舒服。食客可慢慢享受美食不受打擾。不用計1.5小時走人，也不會有人刻意收拾餐具，想你快些走人。就算屬於老字號，老闆娘吾擺款，友善待客！😄😄地方乾淨衛生，全卡位座。我見食客搭枱也可傾到計。好有屋邨街坊味道及人情味！🧡🥨🧡🥨🧡🥨
continue reading
西貢行完山出返彩虹，見呢間仲有下午茶就入去試吓。叫炸雞髀薯條配凍鴛鴦少冰少甜，杯凍鴛鴦啡味同茶味都夠濃，好飲！想讚下呢度侍應姐姐凍飲記得幫我哋走飲筒👏🏼👏🏼 朋友都話杯熱奶茶好飲，但熱飲就俾膠匙羹，如果可以環保啲轉返鐵羹就好了。❤️🌍食物方面炸髀同薯條都係即炸夠熱，雞髀算大隻，味道唔錯，上面加咗椒鹽好夠味，薯條食落夠脆夠香口， 但茄汁是俾包裝，所以唔多夠，如果轉返支裝會好啲又環保啲。另外有少量胡麻沙律菜伴碟。總括來說食物味道是中上，下午茶價錢略貴$45。
continue reading
坪石本身就少餐廳，都係得個一兩間，如非別必要，真係唔會再食，亦都唔建議去食。野食份量少，普普通通一個炒飯或者炒河麵，賣成五十幾六十蚊，但係同下午茶差唔多份量，或者係下午茶真係太少（三四啖就無曬，個碟好大但係野食好少）。有次在堂食的時候聽到個老細（係個啊伯黎）係度鬧個廚房佬做乜放咁多牛肉落去個乾炒牛河，係咪唔洗成本，但係一碟得四五舊。味道方面，時時唔同，可以好重口味，又可以無味。有次炒飯的飯可以係硬的，姐係唔夠水個種。員工態度差，十問九唔應，經常扮工，行黎行去都唔幫手落單或者包外賣。特別係外賣，整好左都要等五分鐘先肯包。價格又小貴，呢個價錢食呢個份量，真係唔建議。情願食隔離斌記或者間酒樓好過。
continue reading
是日在坪石附近做完野，林伯話就近搵間茶餐廳食飯，於是見到呢間就入去。中午飯是但就見到餐廳有南瓜蒸排骨，於是乎就叫咗呢個餐。見係特餐就隨便叫咗。出單時見到60蚊個餐，加杯凍飲成63，大佬啊，開係屋邨都收呢個價錢。送到來一睇就知道奶野了，排骨不是排骨，只是凍肉鋪頭那種喃骨，得幾舊，連d汁送飯都冇。食咗兩舊，冇味道，衰過屋企師奶出品。檸茶正常。餐廳環境還好，不過12點鐘見人流不是太多就知道係咩回事，我相信住係附近的居民肯定知道。於是乎埋單時特別同阿姐反映話個出品超級難食，阿姐都算笑口話佢不是事頭婆，於是乎都係有道氣，來咗個自稱經理的男人，態度超級唔好，問咩事，我直白說個餐好難食，純粹溫馨提示反映下，誰不知個臭串經理找收台不理會，問唔會啊，我今朝先食過，擺到明唔認。我也不再講，我使60幾蚊中個伏都幾有意思，起碼卑我知道。再特登來openrice睇其他人評論，就覺得原來都有其他朋友中伏，而且好雷同。只是寫咗出來，希望其他朋友唔好入去中伏。如果唔去改進和檢討，這種餐廳這樣的出品就知道肯定生存唔係好長，睇住來啦。
continue reading
呢間位於坪石邨入面嘅茶餐廳，已經有數十年歷史，上次喺電視專訪入邊都有見到佢嘅蹤跡，估唔到今日重臨舊地嘅時候，仲有機會一嘗佢嘅風味餐牌上面都係茶餐廳嘅組合，我叫咗是日精選，雞髀五餐肉飯。嚟到嘅時候，阿姐仲話今日雞髀揸得好好食，好靚仔好似你咁估唔到而家茶記阿姐仲咁好口，唔似以前係咁吹我哋落單，時代變了，變到竟然係越嚟越好口。炸髀真係好香口爽脆，唔會因為係茶記就隨便夾隔夜嘅菜，睇得出真係好用心去準備。有時嚟到舊式茶記，有機會嘅話真係要試埋佢哋嘅常餐添
continue reading