金源餐廳

Open Now

Now Closed

細細個係富善返學!!!!差多多日日都係食佢!!!覺得佢係全世界最好食ge餐廳!!!宜家大個左係出面試過好多唔同餐廳!!再食返!!先覺得!!以前真係太細個啦!!! 炒蛋,餐肉:::普通貨!!!無咩特別!!!沙嗲牛肉麵::牛肉鞋口,,個汁係一撻撻!!!好似糕狀!!!味道都係一般!!!不過依舊都係好多學生哥食!!!!

今日舖通宵，想食個早餐先瞓，本來想去大快活，點知開七點，依家六點未夠，無辦法，唯有去金源食個早餐。金源都開左廿幾年，一路以來既觀感都係又貴又唔好食，到今時今日啲味道同質量都係依然一成不變。咁多年都係唔同時期試過好多樣野，但無樣係滿意，由炒粉麵飯、燒味、潮州粉麵，到即食麵、意粉、焗飯，都係唔掂。可能因為係附近只係佢一間夠有規模既茶餐廳，而且開業多年，係最早年既時候仲要係獨市生意，除大排檔外，佢係唯一一間食店 。好喇，咁早無咩人，大把卡位任坐，茶餐廳都係無咩召乎架喇，自己坐底睇吓食咩先。阿姐話咁早無扒無粥無潮州粉麵，得湯通、意、即食麵，咁即係無選擇，咁是鬼旦啦 ~太陽蛋配腸仔，得一條腸，少左啲掛，味道勁咸，夾麵飽應該較好。炸腸仔，並唔係煎，貪快貪方便，油唔夠滾、又炸唔夠耐、根本無炸透，搞到外面油淋淋、裡面就唔夠熱，只係微暖，勁差、求其。太陽蛋大路無難度，都係咁啦。沙嗲牛肉麵，用既係大陸伊麵底，麵質、口感較腍，無咩特別。沙嗲牛肉係罐頭貨，牛肉鞋口、唔新鮮、汁濃且厚無香味。唔係自家制沙嗲汁鮮牛肉片，一試便知龍與鳳，差 ﹗湯底偏啖，好采可以自己勁落辣椒油搭夠。

我好鍾意飲奶茶, 每次返香港, 我都會四圍搵好奶茶飲! 香港好奶茶除0左旺角金華, 中環蘭芳園, 有一間就係0係我屋企附近! 每次返香港我阿媽都逼我去金源食早餐, 由細到大, ,再加埋呢幾年, 金源係我0既食堂, 我去0左幾百次喇! 食物呢乜都有! 但味道就一般LA!特別一定要食0既, 泰式炸蝦餅, 廿幾蚊咁0既質素, 我諗都係大埔最抵食同最好食LA!下午茶D魚柳飽又幾好果噃! 快餐中有咖喱飯系列, 最穩陣同最抵食, 好多餸! 都有7,80分0架!不過菠蘿油就........ 可以囉! 最好食0既菠蘿油都係旺角金華!我第一次寫食評, 就送比由細陪住我大0既金源喇! 傳說中廣福冬菇亭奶茶好好飲, 我奶茶怪飲0左兩啖就停手!果一刻先發現, 日日阿媽逼我去0既金源, 奶茶原來好正!住大埔記得去幫襯下喇!

今次再度光臨,叫左上一次的早餐....先來俄國通粉，通粉食落有似未熟透，有粉味包是凍的,扣分主角牛扒今次並非不熟,而係勁熟,,煎到焦焦的(有圖有真相),好難食茄汁豆:仿如剛從冰箱拿出來,凍到牙都震,點解連番熱都唔做下最正常係個煎蛋同凍奶茶冇法,機會已俾足,但仍然如此惡劣,黑店也............

我大約7年前先搬過黎富善架，當時見到呢間金源成日咁旺，試過一兩次好難食，覺得佢多人幫襯只係因為附近無選擇，跟住好幾年都無入過黎。加上以前未禁煙，一坐低未食野已經食緊隔離枱既二手煙，真係好難頂呀。不過近排試下食番，又好似ok喎。試過沙嗲金菇肥牛煲，幾好食。下次都試下你地讚既沙嗲牛肉面先。p.s. d阿叔waiter真係幾嚇人架！

廢茶餐廳! 野食多油到不得了, 侍應冇禮貌!收費又貴. 有次叫外賣, 因為病病地, 講野慢d...俾果個阿姐鬧我, 仲要cut 我線...實在太討厭!

由於住o係富善食左好多年金源係壟斷左富善好多年大家樂都比佢迫走言歸正傳呢度既野食係唔錯架我最鐘意食呢度既焗海鮮飯真係幾香下架不過講到我次次都會叫既就係熱奶茶佢既熱奶茶真係好滑架奶同茶既比例真係岩岩好冬天既時候叫一杯慢慢飲真係暖到入心!!呢度都無咩服務可言架不過有個嬸嬸我次次去食佢都同我傾下計幾nice住呢度食野都有感情d !!

其實除左佢d沙o爺牛麵好食之外，佢地出爐的菠蘿油真係勁正架，熱啦啦d牛油簡直即溶，塊牛油同個飽溶為一體。個菠蘿包皮仲勁脆勁鬆化~ 真的勁好味! 可能由細食到大的關係，加上有少少情意結。出到去都搵唔到一間好食過佢o既菠蘿油，說真的!! 由於搬左o既關係，已經無得再去幫襯啦~ 唔知佢d菠蘿油有無變到質呢?? 真係要搵日再入去試下。

今天到這兒食LUNCH叫了個蒜蓉雞扒飯+涷檸茶!份量好像較以前少,如果男仔可能不夠飽對我地女仔來說,就岩岩好了! 醬汁幾惹味,甜甜地!不過多DEE醬汁會好DEE! 蒜蓉雞扒都幾大塊,而且肉質都尚算滑,不過就肥左DEE 同埋蒜蓉味不足!$20價錢合理,而且服務態度都好好,所以出學校食蚪都會來這裡!

我係住係lee間餐廳ge附近，由細食到大，食左咁內我都唔覺得厭，我最鍾意就係佢d早餐沙嗲牛肉麵，沙嗲牛肉好有味，正!

上星期返學校補課,係附近食LUNCH最後經同學決定,去金源..其實我覺得LEE間茶餐廳比同村GE富園,富成好DEE雖然貴DEE,但清潔DEE,裝修同坐都好DEE暑假關係,果日去食冇學生餐睇左個餐牌,見到有個泰式雞翼米線(包飲品)餐,好像好好味,叫左來食等左好耐先有,因為DEE雞翼即炸,食落好燙口原先諗住DEE雞翼會係細細隻,點知有3 大隻,唔係一殷SIZE,真是令我驚喜,佢仲有DEE酸辣醬,點下,很惹味相比下,個米線就較遜色,湯底冇味,蔥,茅菜同米線GE比例唔岩,太多茅菜了。UM....幾好食,下次食LUNCH會再食泰式雞翼米線

大家樂又執埋,都冇mud choice啦!得富園同呢間.....不過屋企人話好好食!?今日星期日同屋企人落黎食早餐,佢地想食個西式,點知去到10:30就冇!我叫左個早餐,轉炒蛋,食沙嗲牛肉米粉($19)個炒蛋,得個一隻,佢寫明係相旦架ma!!!!!個米粉,我覺得大排檔好食d!而佢個凍飲加2蚊,我飲熱飲lor><仲叫左個虾米腸<$8>同义燒腸<$10>值得一讚既係义燒腸,好足料,好多义燒!好食!不過佢d服務就..............真係有進步既空間!

調查過程:一舉手,不足五秒,一名成手都拿滿食物的金毛大叔企在我隔離超住我足足十秒,然後同我講我唔舉手都會有人招呼我.....叫左個:"牛扒+蛋+俄湯通早餐+奶茶".....一睇塊牛扒,頭尾是全生的(煎的過程冇理會冇掂到鑊的部分,亦冇走油),切開中間,內裡是粉紅色的(20蚊個早餐大家夠吃7成熟牛扒嗎?)我就切了頭尾,整分早餐吃掉.........結果2小時後肚瀉...塊牛扒其實幾大件,多大家樂成倍,無奈結果如此....那個金毛大叔好好火,一有客阻住少少佢行佢都會鬧(睇住佢鬧客兩次)調查結果:金毛大叔服務態度超差劣.生牛扒都俾得人食.飲食審栽員認為此食肆列為二級黑店,一年內絕不再去,亦建議大家少去為妙.退庭

可能係我由細對到佢大，我依然覺得佢dirty，d野食都不過不失la，不過d奄列我覺得勁多油，而且係未禁煙之前d員工都可以擔住口煙去攞野食比人，食完係枱d骨仲要就咁掃落地，搞到有時食食下野都要遮住，以免比烏ying嬲

我住附近*每日晏晝如果冇約人我都會去樓下間金源食午餐*尤其是裝修之後* 坐得舒服左* 感覺乾淨返ｄ..火腿奄列* 牛油方包* 沙爹牛肉麵*簡簡單單——唔知係咪由細食到大* 覺得寧舍好食~=)得閒仲會約埋ｄ金源之友去:::我真係試過連續食4-5日都唔厭*!!如果晚餐的話：我推介咖哩、焗芝士石斑飯..其實我大部分食過都好好味...最近金源推出左好多新野*包括魚麵、台式大碗飯、芝士蛋糕、花茶全部都幾好味*如果冇飯開*我一定落金源解決不在他選*遺憾ge係最近檸茶的水準波動好大*有時好好飲* 有時太濃好苦::不過我仍然最愛金源=)