韓韓館 (Closed)

20：35分開始拎票等位，我們7個人，我們一直等到21：05，門口服務員竟然同我講，“放棄你張飛就可以有滿300-100既優惠，但係要再行埋去戈條人龍到排隊，我立即o咀，”之後我問佢，咁我唔用優惠係咪入得，佢話：都要等。我既感受係，等左半個鐘，冇得食，之後話我聽仲要唔知等幾耐先有位，仲要服務態度好差，黑口黑面，排隊規則唔完善。

這次是本人和太太第二次到來，第一次是對上差不多一年前，對上一次由於不懂得怎樣叫食物和試試韓國燒烤，再加上那些侍應愛理不理的服務態度，所以覺得好像被人搵笨的感覺，但是今天到來，巳吸取了的上次的教訓，今次懂得怎樣叫食物，但是態度依舊惡劣，原本想轉枱子，那些侍應就說一坐下來就不能轉枱，而挑選食物種類比上一次更加少，上一次還可以挑選冬菇，今次直情不翼而飛。而且永遠都是同一句說話，因為老是要顧客弄清楚那一樣選擇適合自己，就硬性要顧客在店外先挑選好才入座，不過，也有一些食物推介，就是豬五花肉，不用燒很久就可以食。

難得平日可以同朋友出黎食午餐，估唔到比呢餐影響心情！呢間真係我食過最難食既韓國餐廳，食到好嬲首先，碟辣味五花腩，無辣味、鞋，我真係未食過咁鞋既五花腩雞翼，算係最正常既一樣，味道正常部隊鍋！一樣最簡單既食物，都可以搞成咁！成個鍋，都係椰菜，午餐肉，得四薄片、脆皮腸4條、冬菇兩粒、年糕4條、翠玉瓜幾片、公仔面一個；咁就百幾蚊。都唔緊要，個公仔麵一陣益味，咩事呀？成個煲係菜，湯唔多，煮唔到個公仔麵，我地唯有食曬菜先，跟住湯只剩返少少，問佢可唔可以加湯，個職員竟然話只有水！！！！要清水煮面？？？最後死死地氣比左碗米白色既野倒落煲，但咩味都無，點解可以咁

幾次行過,都無入去試味的勇氣!今日心血來潮, 100分鐘任食,168蚊位可以任食韓式雞肉及豬肉韓式燒肉,抱住嘗試的心態!但意想不到材料味道好有肉味,雖然份量小, 但我覺得志在食肉的質素! 非常有鮮味,雖然味道小,但足以有限時間內食用!小食炸雞及冷麵意想不到的美味,至於湯就一般!加上有爐邊原味雞蛋,泡菜雞蛋及芝士粟米任食,所以好滿足!而且168蚊每人包2杯野飲及1個柚子味雪糕,完滿收場! 非常美滿的一餐,雖然帶病試食, 值得再來食!

朋友生日想食韓燒，就近近地喺旺角揀咗價錢中等嘅韓韓館。同普通嘅韓燒差唔多，都係鋪咗我至愛嘅蛋喺鑊邊，加埋泡菜落去一流！份量都中規中矩，唔會話好少，但肉類就認真麻麻唔知係唔新鮮定點，總之肉質就一般，略嫌太硬！

今次係第二次來呢度食，價錢比之前貴左。之前新開嘅時候感覺味道好啲，今次食就比較普普通通。我哋叫咗豚肉韓燒，仼食會有雞翼，一些小食，泡菜豬肉等等。款式唔算好多，不過係朗豪坊來講，價錢百幾蚊都算係咁上下。

今日同朋友黎食，睇落好似幾好，入黎就知瀨野。收費方面都^_^係168一位，個價錢同平時既韓燒差不多。入到黎，值得欣賞係書包可以放喺凳入面，我地三個人一張枱都唔算逼既，位置不過不失啦。睇個餐牌時見啲選擇係好少。都算啦。。。啲野食送黎先知呢間野伏到不得了。真心野食難食到不得了，泡菜又冇味，個手搖便當都冇乜汁，搖完都冇拌飯嘅感覺，而且其實個拌飯就係餐蛋飯，個炸雞其實就係炸雞翼黎。。飲佢個豆腐渴都無言了。。。一句講哂，一定唔會再黎食 。。

午飯時間度度都多人又貴依間唔洗排隊即衝入去食叫左個set lunch 我就無叫燒肉個啲叫左個泡菜海鮮窩 (8/10)有飯有野飲平靚正湯底好重味噌，好味都夠辣雖然個面睇唔到有咩餸但有隻流心蛋，有帶子，有蜆好味！

每次黎朗豪坊 都見到呢間野 每次都想入去試下 點知今之入去試完下次都唔會再去啦講下環境先，都叫大有十到二十張枱 每張枱都可以坐到3 4個人 so far都叫闊，一邊食一邊播着韓國音樂感覺輕鬆。到叫野食，我地叫左最平個set 有30幾款食物，睇就好似好多 但其實得好小，因為佢係計埋熟食同湯入去，可以有既選擇小之又小。 題外話，點解唔叫貴小小個款呢。因為+$30 但多得3款肉 計落唔抵。星期六又要加多20 食物既味道就真係⋯餐牌寫係炸雞 點知叫番黎係炸雞⋯翼，到肉類方邊 所以肉都係無醃制 係叫嘅時候佢淋啲醬汁 就叫葉左⋯Hea 到唯一好食啲嘅就係個湯同埋冷麵

好難得係商場入面都有韓燒食，我哋一共六人叫咗豚肉任食嘅韓燒套餐，飲品包兩杯。其實選擇唔算多，豚肉都係得豬頸肉，腩肉，煙肉等幾款。而小食就有炸雞，腸仔，年糕，湯品等等。炸雞就出乎意料地好食，熱辣辣出爐，食得出係即叫即炸。豬肉就普普通通，同平時出面食韓燒差不多。不過勝在環境都幾好，亦唔會趕你走。反而我最鍾意就係燒爐旁邊嘅蛋同牛油粟米，可以叫侍應refill的。粟米食咗好多轉，因為每一口都充滿牛油香味。我哋最後埋單每人大約＄150 ，任食來說都叫做OK 。

食朋友嘅生日飯，就約咗喺朗豪坊嘅呢一間韓燒度慶祝，因為其中一位朋友話之前食過覺得唔錯，就推介我哋嚟食。不過我覺得肉嘅質素一般，唔係話好高級，而且調味方面好普通，路邊蛋感覺溝左好多水，冇乜味，要加啲泡菜落去調味，可以去第二間餐廳食更好嘅韓燒，唔一定要黎依度。

依家出來做野，就唔係好似以前讀書時候，話約食飯就隨時可以出來，要約成個月😂。話說我個Friend 想試試韓韓館，話幾抵食.我地一行人7點幾鐘去到，等咗5分鐘左右就可以入座。入座前要揀咗你想要得放題項目，我地就揀咗南大門（最平個隻），佢哋仲有兩隻放題可以揀的。一入到來，就有侍應幫我地整爐邊的蛋和芝士粟米，呢個幾好食，仲有d泡菜，蘿蔔，呢個就一般般。肉類就唔咩好多選擇，始終係揀咗平個放題。豬肉就麻麻地，好重冰鮮味，有d肉騷味...雞肉都係一樣，冰鮮味...佢哋仲送咗份牛肉俾我地，成份好似無融雪咁，有d冰係面.....仲有d湯揀，大醬湯和牛肋湯，認真講可以唔好點，除咗好鹹同埋重味精之外，就飲唔出其他味道...泡菜餅都係麻麻地...仲有d燒物，好奇怪燒什菌係乾燒架？一d水都無，隔離嘅燒栗米粒就正常d，有d牛油同埋煙肉仲有其他野食可以揀，但都係麻麻地，唯一係得冷水面係好食嘅。如果話想食得平平哋，呢個價錢三個人都有其他選擇，可以試一次但就唔會再去la...

夜晚6點半黎到, 唔洗等位, 限時1.5小時, 叫左$198 明洞40款任食!有基本牛,豬,雞,平時韓燒既選擇, 仲有爐邊蛋同芝士, 抵食既係仲有熟食, 同雪糕!肉類方面味道中規中矩, 不過出菜速度比較慢, 要成日催單😌反而熟食就有驚喜, 有炒年糕, 炸雞(翼), 水冷麵等等, 任食黎講質素相當唔錯, 熟食上菜仲快過d生肉添!🤔個石鍋雪糕值得推介, 細細兜又好食!

叫咗兩個普通牛肉餐, 連餐湯餐飲、飯及泡菜都只係$148.5，今時今日仲有咁嘅環境其實好抵。門口帶位哥哥很有禮貌，侍應整體服務很好。但敗在個煎爐，一放生肉，尤其邊位以將之前的鑊屎粘起，勁多黑色粒粒。好肯定清潔爐具有很大問題，也可能是清潔管理程序出問題，缺乏韓式料理的基本知識，或清潔員工作本身或待遇問題等。總之就算服務更好，肉再好，就算免費也不敢光顧，因為唔想生cancer!

好友生日，一行4人提議跟上年一樣去韓韓館慶祝，往年只有尖沙咀店的有放題，今年旺角店也可以任食，加上停車場尖沙咀較貴兼要代泊，所以今次去了旺角店～尖沙咀店已光顧過幾次，每次都大滿足離開，惟獨通常到尾聲蛋才熟，所以甚少能叫店員加蛋，但旺角店相反，火很猛，很快就燶蛋，而且我們可以叫店員加3-4次蛋😂我最喜歡的是牛腹胸，每次都瘋狂的吃，牛味比上級牛肋肉重和更有口感，但相比起尖沙咀店，我覺得旺角店的肉質較差和多筋其他朋友很欣賞的五花腩，邊燒邊被油彈到哇哇叫😂，但由於肚子位置有限，我個人幾乎將肚裡的位置全放牛腹胸😂韓式炸雞辣醬其實超惹味，但由於真是太辣了，所以我們叫了些原味，只輕沾一點辣雞醬就足夠，正👍🏻由於入了會，是日免加一收費，每位$198，雖然捧著肚子離開，但下次我還是會選擇尖沙咀店😝