甘味處鎌倉

Open Now

Now Closed

甘味處鎌倉於全日本有多達51家店，先後於銅鑼灣同屯門開咗分店，最近更進駐沙田新城市廣場！🤍鎌倉蕨餅 (10 個裝) $98招牌名物鎌倉蕨餅風靡全日本，嚴選日本稀少生產嘅蕨粉，整出嚟嘅蕨餅份外軟糯彈牙，入口即溶，每件沾上黃豆粉食，濃郁又好味🤍宇治金時刨冰 $98 + $12追加蕨餅3件佢哋嘅刨冰都好吸引，選用日本直送天然水製成純冰，食落帶有軟綿口感， 多款口味選擇，宇治金時食得到西尾抹茶味，連同紅豆、白玉一齊食，極具層次🤍飲品鎌倉原創品牌咖啡牛奶蕨餅 $48天空焙茶蕨餅 $48飲品都唔可以錯過，每杯入面都有切碎嘅蕨餅，口感豐富，牛奶咖啡入口順滑；另一杯焙茶味好濃郁，同樣有好多蕨餅粒，焙茶迷要試試

新界東嘅甘味處鎌倉FANS有口福喇，終於喺沙田新城市廣場一期見到佢哋！呢間來自日本嘅傳統甜品店，熱賣嘅不止係鎌倉蕨餅，仲有刨冰同蕨餅特飲，今晚一定要試多幾款！我哋試咗兩杯飲品，分別係期間限定嘅芒果乳酪蕨餅同芝麻蕨餅。芒果乳酪飲品甜而不膩，帶有濃郁嘅芒果香，微酸嘅味道更添真實水果嘅口感。至於芝麻蕨餅，則有一種香濃嘅堅果味，兩杯飲品都用蕨餅做底，口感豐富，味道各有特色。見到個刨冰咁大份，1份分享啱啱好。我哋點咗宇治金時，綠茶味唔算太強烈，冰質感幼細，入口即溶，配搭紅豆、蕨餅等伴碟，真係又好睇又好食。最後，我哋仲點咗盒鎌倉蕨餅，哇～每件份量都好足，綠茶粉超多，食落好滿足，加埋黑糖醬，味道更加出色。整體嚟講，呢間店嘅甜品質素都幾高，味道唔錯，大家如果有興趣，真係可以去試下！銅鑼灣希慎廣場同屯門市廣場都有甘味處鎌倉架。