蘇媽.蘇媽馬來西亞茶餐室 (Closed)

最近口痕想食馬來西亞菜，今日經過銅鑼灣，朋友推介我食蘇媽.蘇媽！成日都見到好多人推介蘇媽.蘇媽，但我都未食過，今日終於有機會試吓。我見到啲午市精選套餐都幾抵食，大多數$6X就有個主食同嘢飲。檳城福建蝦麵（油麵）$66蝦麵香味十足！湯頭非常鮮甜，蝦味濃郁，帶微辣，好好飲。福建蝦麵配料眾多，有蝦、豬腩肉、通菜、芽菜、魚片同蛋。油麵彈牙，配埋湯一齊都幾好食。辣死你嗎配烤雞髀 $72依碟椰漿飯個名幾搞笑🤣，辣死你嗎就即係椰漿飯！依碟辣死你嗎有隻大雞髀、椰漿飯、參巴醬、青瓜、花生、乾魚仔、蝦片同蛋。椰漿飯呈綠色，每啖都散發出淡淡嘅椰香味。雞髀非常大隻，肉質嫩滑多汁，有陣鹽焗雞嘅味，外皮香脆。參巴醬係來自馬來西亞嘅特別辣醬，撈埋落飯度一齊食，更加惹味。椰香咖央多士 +$20$20加配四塊咖央多士好抵食！咖央多士非常多醬，有滿滿嘅牛油同咖央醬，一咬落去啲醬就流晒出嚟。多士烘得非常香脆，咖央醬香甜，非常出色！凍奶茶 +$5凍奶茶偏甜，奶味重。美祿恐龍 $38冰凍嘅美祿飲品再加上未溶化的美祿粉，好特別～面頭美祿粉會脆脆地，口感特別。

之前係尖沙咀間新店食過下午茶☕️今晚同朋友係sogo行完 醒起附近都有間分店 想再食番佢哋出名多士😆店內係充滿懷舊風味既裝修椰汁🥥班蘭冰好香班蘭味 重奶味 底部仲有好多西米粒夏天飲夠哂解熱又解渴🇲🇾檳城亞叄喇沙米線🍜新加坡喇沙就食得多 馬來西亞口味既檳城亞叄喇沙就真係好少食用上魚蓉🐟青瓜絲🥒生菜🥬紅洋蔥🧄菠蘿粒辣椒🌶等製成 酸酸辣辣 開胃又惹味海南鴛鴦燒麵包🥪呢款比另一款椰香咖央多士既白麵包特別啲用上焦糖海南麵包 麵包香脆 食落帶有微微既焦香甜味內裡仲有又香又甜既咖央醬+厚切凍牛油🧈冷熱交融 好邪惡😝😋馬拉沙嗲串燒三串🍢分別叫左 豬肉🐖牛肉🐂同雞肉🐓 各一串肉質唔乾 較juicy 配上濃濃花生🥜粒既沙嗲醬 好食

蘇媽蘇媽馬來西亞茶餐室Kedai Kopi Semua Semu銅鑼灣謝斐道483-499號新城大廈地舖蘇媽蘇媽是人氣星馬菜餐廳,由第一間到開多了分店, 疏導人流唔洗再排隊等食, 而銅鑼灣都開左, 方便我住港島區架人去覓食。去到星馬同BALI時, Nasi Lemak是我最愛吃的地道美食, 椰漿飯配魚乾仔同花生,已經可以令我食光光, 我仲可以放肆一個人點兩份食添(因為星馬物價比香港平,一份大約十幾二十蚊港紙乍)$72烤雞髀Nasi Lemak, 個辣醬辣有微甜可惹味, 烤雞髀大隻深層次金啡色 皮香肉嫩味道濃,配在惹味椰漿飯上,三扒兩撥就清光。$66 仁噹牛肉nasi lemak 另外試了凍拉茶，雖然飲慣香港奶茶，佢就無咁重奶味茶味都比港式淡。

📍蘇媽（cwb）🍽 檳城亞參叻沙米線 + 辣死你嗎配烤雞髀 +冬瓜龍眼茶x2 😋 翻咗一日工好攰，即刻約下frd見面叉翻電先~今日就落咗cwb試咗呢間馬來西亞茶餐廳！餐廳距離地鐵站好近，交通上好方便。而餐廳內設計都好有心思～ 🍜 檳城亞參叻沙menu上面特別標註咗兩個辣椒仔！但我覺得係可以接受嘅，辣味令成碗米線口感豐富，好正！另外就係裡面有齊曬魚蓉青瓜生菜紅洋蔥仲有菠蘿，辣味菠蘿口感令我覺得好驚喜，值得一試~🍜 辣死你媽配烤雞髀我哋係比個名吸引🤣實在太搞笑xdd其實就係椰漿飯，好特別嘅係佢嘅米飯係綠色嘅! 同佢辣味都唔係好重，可以嘗試！🧉冬瓜龍眼茶真係好值得一試！朋友嗌咗少甜，但我覺得正常甜度都可以接受。食完辣嘢飲啱曬，好清爽！💰$190

想去食蘇媽好耐，見佢越開越多分店但都係咁多人，我肯定唔想錯啦 一於排隊試下先無論 餐廳裝修 定係 係佈置 方面 都非常懷舊復古，好有特色我都算係嘅奶茶控 黎到呢度 都試下馬來西亞奶茶，餐牌上ge賣相相當吸引，出到黎都真係好似餐牌甘吸引，飲落去係超濃郁的奶茶香，而且好夠滑！店員好細心問了我要不要少甜，個人覺得少甜的甜度剛剛好檳城白咖哩麵🍜 ～帶點椰香味的白咖哩湯底， 味道香辣濃郁， 白魚蛋爽口彈牙， 豐富又美味仲有蝦， d蝦都幾爽口檳城亞參叻沙麵🍜 ～湯底酸酸地 辣辣地 好開胃清淡得黎好惹味呢碗面冇其他配料簡單嘅青瓜 生菜 紅洋蔥 菠蘿 辣椒 薄荷葉配搭出 食物嘅本體椰香咖央多士🧇 酥脆的口感， 足料的咖央和椰香， 下次黎都可以再叫返 食多次

相信大家對呢間餐廳都唔陌生，小編平日夜晚7:30去要排大約15分鐘🙈銅鑼灣分店嘅食物質素同其他分店冇偏差，裝修好懷舊，侍應服務態度都好😗------------------------------三層肉肉骨茶 $56 【8.3/10】黎到一定要點肉骨茶，因為可以❗️任添❗️餐廳嘅肉骨茶標榜藥材味唔太重，唔會蓋過肉湯嘅鮮甜味，味道平衡得唔錯。豬腩肉好濃郁入味，唔太鞋，但係比較散。如果想再滋味啲，可以自行調醬😉 餐廳建議加蒜蓉、辣椒、黑豉油同埋頭抽------------------------------椰香咖央多士 $35【8.2/10】多士放耐咗仍然保持到脆身，半溶嘅牛油味更能突出椰香同埋斑蘭香。價錢亦合宜，值得一試！------------------------------濱城白咖喱麵（油麵） $62【7/10】配料好豐富，有魚蛋、豬紅、蝦仁、芽菜。白咖喱味唔算好濃，但油麵幾掛汁，入口有淡淡嘅咖哩香之餘唔會太膩。------------------------------雞、牛、豬串燒 3串 $52【6.8/10】肉類正常發揮，但不得不讚沙嗲醬花生味好濃，好滋味😋

放lunch 唔想食頹飯，自己一個但又好肚餓，行下行下見到蘇媽，諗起係深水埗食過，決定入去食！👉🏻砂煲老鼠粉 $92有銀針粉、豬肉碎、魚仔、窩蛋同蝦干，撈埋一齊食，熱辣辣又香噴噴，好豐富惹味！👉🏻綠茶流心牛角包 $29超級推介！！牛角包好酥脆又鬆軟，唔油膩，一切開即流心，綠茶味好甘香，好正！👉🏻馬拉沙嗲串燒3串 $52分別有雞、豬、牛，肉質唔會太乾太鞋！想讚下個沙嗲醬好岀色，食得到嘅原粒花生碎，好濃郁香口！👉🏻美祿恐龍 $38好多美祿粉鋪面，好好味嘅朱古力麥芽，個奶好滑，好中意！

超愛無限任添肉骨茶！湯底用帶肉嘅豬骨🦴加入中藥，當歸，玉竹，當參，杞子等，湯料養生滋味。少許香料，如甘草，八角，蒜頭，慢慢熬製，味道更香😍🐷棒棒骨$98三支骨配上豆卜同香濃肉骨茶~記住要大大方方拎起食！連住嘅肉都幾多，肉質嫩滑，好解癮😙記住跟住guideline配埋蒜蓉，辣椒，黑豉汁自製點醬！好好味❤🍌炸香蕉配雪糕$58香脆都幾特別😙春捲皮加入新鮮香蕉蓉，好香脆。配上朱古力雪糕同脆脆球，夏天好解暑~@semuasemuahkg 📍銅鑼灣

超正馬來菜，🐮香濃沙爹牛肉串，更是必試吧！ 滋味誘惑，令人回味無窮。 🐷豬，牛，鷄，三款可供選擇。🤓最推薦，一定係牛肉串！ 🥘沙嗲味道辛辣味更突出，😚而且鹹味濃，略帶少少甜味。 作爲傳統馬來美食，廚師將提前腌好嘅肉類串好，🔥再用適度的火候炭烤后，記住蘸一層厚厚的沙嗲醬。 🍢享用沙嗲串燒的同時，記得配上辣死你嗎蘭葉椰香傳統米飯，入口的沙嗲味🥰會更加分明。 伴碟沙嗲醬更是其中精髓，醬料盛行於東南亞地區：

前幾日去銅鑼灣嘅新分店食飯，水準同性價比依然咁高٩(˃̶͈̀௰˂̶͈́)و  🫖 肉骨茶 (棒棒骨) $92佢地嘅肉骨茶飲落比較重藥材味，飲落好順喉唔會太辣。棒棒骨有三條，肉同骨好易分離，肉好軟腍入味，豆卜吸哂湯汁好好飲😋🥘砂煲老鼠粉 $88每次黎都會叫呢個招牌砂煲老鼠粉(⁎⁍̴̛ᴗ⁍̴̛⁎) 用砂煲裝盛，好大煲，夠兩個人share ٩(˃̶͈̀௰˂̶͈́)و 入面有好多配料，魚乾、蝦乾、肉碎、菜甫、豬油渣等等，夠晒惹味 ♪(´ε｀ ) 銀針粉大大條，配黑醬油唔會好鹹，撈埋生雞蛋一齊食令味道更豐富😋😋🥪海南鴛鴦燒麵包 $42燒麵包即係馬來西亞嘅焦糖麵包，麵包外層香脆食落有少少焦香同甜味。一層咖央醬同一層凍牛油冷熱交融好好食♪(´ε｀ )

一直聽講蘇媽啲新加坡菜幾唔錯，由於平時晚餐冇set,會比較貴，今日lunch經過見到$60-$70有一個餐，仲包嘢飲，就去試吓啦！喇沙米線（$62)湯底唔係平時橙色嗰隻，入面係冇任何肉類嘅餸，而且係酸辣味，好似食緊齋咁，同埋好大陣草青味！一啲都唔好食，仲好唔抵！牛肉撈粗麵（$66)冇咩特別，似咖喱牛腩撈麵！啲食物比較普通。份量好多，完全食唔晒珈央多士（$20)跟餐加咗$20食多士，可惜有啲凍，但成餐最好食就係佢😢總括而言冇下次！

Have been patrons of the restaurant for years. However attitude of staff seems to be going down hill. Called to make a takeaway order and staff on the end of the line was rude. 1. I provided item number and name. Staff was impatient and displayed irritation that I did not give the full name E.g. #418 鱼蛋 instead of 鲜香鱼蛋 . This applied to the rest of the items I ordered2. I asked for the staff to repeat my order given that it was a rather long list (10 items with several requiring 2 orders) and wa

前兩日同朋友去開銅鑼灣買野，就順便去左呢間人氣馬來西亞菜食lunch。呢到嘅lunch都幾抵食，大部分主食嘅價錢同單點一樣，但就有飲品送。檳城白咖哩麵$62麵底方面我地改左要滲渗，咁就又有米粉，又有油麵食。白咖喱嘅湯底飲落甜甜地有好重嘅椰香味，配埋特色参巴醬，辣辣地好開胃。配料方面有豆角、芽菜、魚蛋、蝦、蛋、豬紅，都幾多野食。辣死你嗎配咖哩雞肉$66呢個其實就冇想像中咁辣嘅。咖哩雞肉份量好多，另外仲有青瓜、花生、乾魚仔、蝦片、蛋，撈埋參巴醬同椰漿飯一齊食好開胃。呢個係一個會令人食完之後都想再食嘅飯。椰香咖央多士+$20Lunch加配呢個咖央多士只係需要$20，好抵食。烘得香脆嘅多士夾住厚厚嘅咖央醬同埋牛油，有啲邪惡，但甜甜地好好食。馬拉沙嗲串燒/3串$52我地揀左豬牛雞各一串，有沙爹醬可以點黎食，串燒啲肉好滑嫩，好食。馬來西亞拉茶（熱）叫左少甜，飲落幾香滑。

今日去銅鑼灣謝奜道蘇媽蘇媽馬來西亞茶餐室食午餐， 餐廳裝修得好有馬拉特色。 好在早5分鐘到， 因為遲左就要等位了。餐廳有好多款肉骨茶選擇， 但今日都係食午飯套餐， 下次再返黎食。是日午餐檳城福建蝦麵仁噹牛肉撈麵椰香咖央多士湯咖喱豆卜檳城福建蝦麵， 好香好濃的蝦湯味， 鮮蝦新鮮彈牙。仁噹牛肉撈麵， 第一次食呢款撈麵， 估唔到喜出望外。 撈麵的醬汁有d似咖喱味， 非常惹味， 醬汁濃到剛剛好， 有掛麵feel。 牛肉煮得好軟好滑， 肉質相當嫩滑。椰香咖央多士， 店員一送到就提醒我地要快d食。 原因好簡單， 冰震牛油加又熱又脆的咖央多士， 食出冰火味道， 正。湯咖喱豆卜， 咖喱湯味道入哂去豆卜裡面， 咬一口都已經飲到成口湯咖喱

我成日嚟呢度淨係食呢個多士我覺得依個多士好食過普通嗰款我成日當呢個甜品食我覺得依個包好食好多個包硬啲同香啲咖映味都重好多總之呢個係一定必食嘅超好食 一定要嚟試㗎！