佳記甜品

Open Now

Now Closed

次次喺元朗做完嘢經過呢間，都會忍唔住買佢哋嘅雞翼尖拎返屋企食！佢哋嘅雞翼尖$19，大大份有成幾十隻！雖然一時辣一時唔辣，但都過足口癮！其他既糖水都唔錯～～唔怪得成日咁多人排隊！

係香港人都知... 食糖水真係未必會喺B仔涼粉食，但係佢個雞翼尖，真係要為佢慕名而來。因為我住好遠，未必可以專誠入嚟食，但係成日都會掛住B仔涼粉嘅雞翼尖😍😍試過夜晚嚟食，雞翼尖賣晒😢今次揀咗晏晝時間終於食到，但雞翼尖唔係以前個種味道，以前係好乾身蒜蓉味好香，不過宜家都好食，但係比以前辣左好多今次叫咗蒜蓉香辣雞翼尖同埋西瓜汁🍉咁辣嘅雞翼尖，再加一杯西瓜汁真係好解辣，略嫌西瓜汁唔夠凍，如果西瓜汁凍啲會更好！

去元朗點可以唔食佳記？價錢吸引，份量又多，咁抵食嘅野出面買少見少啦！除左要食耳熟能詳嘅B仔涼粉之外，仲要食雞翼尖，好辣好過癮，愈食愈上癮！中意食榴連嘅可以試埋榴連班戟，好香好甜！

🎐熊妹放假的時候就係周圍覓食的時候，今日就離開巿區去到元朗呢個美食天堂。📌黎到元朗，遠近馳名響噹噹的《佳記甜品》B仔涼粉一定係必食款喇！📌熊妹之前去開都係元朗又新街分店，因為地點方便啲，不過好似前排俾政府告話阻街而搬左，今次就黎到位於朗屏大坑渠側的《佳記甜品》總店，總店應該水準較高質素吧！📌總店鋪面就無之前又新街個間咁大，都係幾張橙色大圓枱圓櫈，環境就似大排檔咁簡陋少少，不過食客主要到此的目的都係為大大兜b仔涼粉而來，都應該不在乎環境配套。📌黑糯米、涼粉、西米露、布甸、黑珍珠、大菜糕、杏仁豆腐、啫喱，真係講啲出的糖水甜品都有，再配以各款新鮮生果，價錢非常親民，$20-$40，以今時今日的鋪租昂貴，咁的價錢真係絕無僅有喇。📌再來，當然係唔少得打嚮招牌的b仔類喇，仲有啲特色河粉，再做埋咸款小食類，絕對可以係度食餐飽。B仔黑珍珠，$84嘩！嘩！嘩！聞名不如見面的b仔甜品出場喇！真係非常震撼！一大兜的新鮮生果，有木瓜、大樹菠蘿、奇異果、罐頭桃、西瓜、哈密瓜、菠蘿、香蕉、荔枝、密瓜，簡單啲黎講，即係生果盆，仲有椰果、蘆薈同海底椰做配料，跟一碗花奶，想落幾就幾多。今次熊妹唔揀涼粉，因為怕太多食唔哂

無論住新界地區還是九龍地區 我估好多人都識得B仔涼粉呢一間糖水店 之前仲聽到有啲朋友仔住九龍區都特登揸車入嚟食B仔涼粉 B仔涼粉嘅生意就梗係好啦 如果唔係都唔會一間開到兩間分店 不過其實我覺得以前嘅B仔涼粉好食啲 但係如果食糖水我都係會揀返B仔涼粉 叫咗個木瓜豆腐 仲有西瓜涼粉冰 木瓜唔算好甜 所以我估應該冇浸過糖水 自我感覺仲健康仲好 杏仁豆腐硬硬地 唔係好軟滑嗰一隻 不過硬豆腐中有杏仁嘅味道 有啲似大菜糕嘅質感 味道都OK 㗎 西瓜涼粉冰就至在解渴 凍冰冰涼浸浸

B仔雞翼尖一向好受歡迎，辣得黎好過癮！雖則係冇肉食，但佢啲味調得好好，蒜香好岩口味！另外我多數都會再叫多個糖水，芒果西米露。佢啲芒果夠多，正！最後埋單都只係50😀😀

好耐都冇食過B仔啦 之前成日入元朗就係為左b仔雞翼尖 因為個陣係好出味 所以次次一入黎一定會食 而且次次都會最少食兩碟雞翼尖再加其他野食嫁 有次我同朋友黎食每人食左4碟雞翼尖 聽落好似好誇張咁 低個陣好食嘅程度真係可以食到咁多碟嫁🙈印象中第一次食都覺得好正夠啦而且好入味 但自從有次食到冇味嘅雞翼尖 有次更食到有辣味但冇蒜味唔入味嘅 而且每次佢質素都好參差就冇再去喇😂今次再入元朗見到佳記就去左食 今次我就抱住一個0期待嘅心態去食 今次係入味嘅 但冇我第一次食嗰陣時咁正 冇乜辣 蒜味都冇乜🤣 但都有啲油油地不過我覺得元朗B仔雞翼尖啲水準好唔定時因為有時好食有時佢就一般 另外仲食左糖水 椰汁西米正正常常囉雖則佢依家質數大不如前 但今次再去都見到唔少捧場客去食😂但我再去元朗就未必100%會再食喇 除非想食先會去去食喇 而且員工啲態度相比之前都差左啲😂唔知點解佳記甜品係出名左 但其他野就差左🤦🏻‍♀️

黎到元朗，除咗要串燒之外，另外一個必食嘅就係B仔涼粉啦。雖然好多人等位，但係服務態度都幾好喎。因為今日星期日真係好多人食，等左5分鐘就有位啦。好好吃，都幾辣。但又辣得幾好味。基本上都有食㗎，極力推薦雞翼尖。西瓜好甜，加上西米露，配辣既雞翼尖，啱啱好！整體來講性價比都幾高，甜品選擇多，又好食，比市區便宜。又有啲小食，雞翼尖啊，燒賣呀，可以食下。食下咸嘅，又食下甜既。下次試下芒果腸粉，好似都唔錯架。

芒果糯米卷40元，六件，芒果肉很香甜，糯米皮很軟，值得推介。B仔涼粉84元，很多水果，有大樹菠蘿、木瓜、西瓜、哈蜜瓜、蜜瓜、椰果、蘆薈、香蕉、荔枝和桃，部份是新鮮生果、部份是罐頭水果，配有花奶。涼粉清爽，大大粒，好味道。

講到元朗甜品，無可能唔識佳記b仔涼粉！食過咁多次，差唔多咩都食過，但都係第一次食芒果布甸。因為覺得比起其他糖水，布甸類一定係無咁抵食！不過朋友話次次黎到都係食芒果布甸，一於就試下！點知一黎到真係有驚喜，比我想像中大碗，估唔到上面有咁多芒果！個布甸仲有驚喜，入面都有一粒粒芒果，真係真材實料！依個價錢，真係好抵食。味道方面，d芒果係甜既，一d都唔酸，配埋花奶食，真係勁好食！係我食過最足料抵食既芒果布甸。下次行街行到攰，坐底休息下都唔錯！

黎到元朗你點可以唔去朝聖，食返個B仔既甜品🙆🏻🙆🏻🙆🏻之前比人告，而家最後轉左去新嘅鋪頭，梗係要去朝聖啦！🙆🏻🙆🏻轉左新嘅舖位，招牌依然係一樣咁鮮艷奪目🙆🏻🙆🏻🙆🏻因為佢換曬所有嘢感覺特別精神👏🏻👏🏻👏🏻仲有兩個大電視😂😂😂成間店大左好多，好多座位，唔怕好迫，唔會好似食松記嗰啲，隻腳會掂到人哋隻腳😂😂今次叫咗一個B仔船同埋蒜香辣椒雞翼尖，簡直係必食🙆🏻🙆🏻個B仔船啱晒兩個人食嘅份量，又唔會好似B仔涼粉咁大兜👏🏻👏🏻雖然冇涼粉食，但係都有大大嚿雲呢拿雪糕搭救🙆🏻🙆🏻個雞翼尖，唔使講真係超好味😍😍又好平只係$19就有👏🏻👏🏻👏🏻😋😋不過份量好似比舊店嘅時候少咗，希望呢個係我嘅錯覺啦！

每次入天水圍，都一定會過黎元朗既佳記食糖水。雖然呢間成日叫佢b仔涼粉，但我就麻麻地佢呢樣糖水，因為入面好多款水果都唔岩食。黎佳記食一定係叫雞翼尖😍😍😍真係好好味呀，蒜香味辣味都夠晒入味呀！！而且雞尖啲肉煮到好淋身，一個字：正🤩另外佢既芒果西米撈又係呢度必叫必推薦既糖水👍🏻👍🏻👍🏻👍🏻👍🏻芒果又多又大舊又夠甜，可惜掛住食唔記得影相😫其他糖水其實試過不過覺得麻麻，係得呢兩款keep住食到依家

琴日難得平日有假，就山長水遠入元朗搭車去下白泥睇日落睇完日落當然要出番元朗食好西係附近食完小炒就順便買番盒榴連班戟番屋企比老媽子同自己食每次黎到元朗就算唔食b仔都會買走，尤其中意既係榴連班戟，比起出面甜品舖既榴連班戟，b仔既真係特別香中意榴連既朋友仔一定要試！一打開透明包裝袋，陣好濃既榴連味就攻上黎，勁香！本身個班戟都好大個，咬落去啖啖榴連肉，比平時出面食既多好多倍，唔會淨係得忌廉！皮都好夠煙韌！下次有時間會試埋榴連糯米卷，好似都好正咁！

「佳記甜品」可說是早期的網紅店了，在未有網絡宣傳攻勢的年代，它已經是家傳户曉的名店。同時也吸引了很多遊客來光顧，總店分店經常坐無虛席。也許是主力做遊客生意，定價偏高。筆者的確甚欣賞「佳記甜品」的腸粉，入口真係非常滑溜。下單時，店員會詢問需要下什麼醬料；亦會在碟上獨立放甜醬辣醬。普通用滷水鹵製的豬皮。豬皮處理工序不算好，吃用時仍見到表皮上有毛頭。經滷水煮熬都頗入味，但不夠爽口。筆者曾經因爲這碟雞翼尖而經常到訪元朗，可惜事隔幾年再食，已經不是當年的味道了。不知是否人客太多而趕著出品，雞翼尖明顯不夠入味，蒜蓉味還可，辣味卻是不夠濃。

元朗B仔涼粉又名佳記一直都有好多食客慕名而黎，而我每次喺元朗食完飯之後，如果有時間都會去食返碗B仔涼粉。今次同D朋友食可以食多幾款唔同嘅甜品Share。我叫咗呢一個楊枝甘露，入邊啲芒果夠晒甜，撈埋啲柚子同埋西米露一齊食岩晒。酸酸甜甜咁的確唔錯。而其他朋友叫呢兩款西瓜涼粉同埋哈密瓜涼粉，其實係入邊本身個生果唔同之外，我都食唔出名唔同嘅分別。不過都係好食嘅生果夠晒新鮮而且涼粉都好食。價錢都係30零$40一碗啦唔會話好貴。雖然變成一直比人話衛生麻麻哋。但係我哋食完都冇咩問題，但係唔鍾意係街度食嘢嘅人或者只可以叫外賣啦。