佳記甜品

Open Now

Now Closed

夜晚嚟嘅時候，呢間元朗B仔總店經常係座無虛席，外賣亦都要排長龍～老闆娘總係熱情招呼每一個嚟嘅客人～佢哋嘅鮮什果涼粉真係出名嘅招牌菜，清新爽口又好開胃～唔可以唔試佢哋嘅蒜蓉雞翼尖，每一塊都整得恰到好處，嫩滑香辣，蒜蓉香氣四溢～另外，佢哋嘅牛肉燒賣都係一絕！彈牙嘅牛肉丁同滿滿嘅餡料，一口咬落真係令人回味無窮～呢間元朗B仔總店真係保持住傳統味道同獨特風味，無論係服務定係食物，都係一流嘅水準。每次來都能夠感受返屋企嘅溫馨感覺。所以，如果你想要嚐下地道嘅港式美食，呢個地方絕對係首選！唔論係堂食定係外賣，你都會愛上佢哋嘅人情味同好味道。❤️🍽️

唔知點解我屋企人好鍾意喺呢度買糖水， 好多人都話難食但係我又覺得普普通通一半啦又唔太差， 屋企人買咗芒果西米露俾我我都覺得OK， 個西米露唔太甜但係芒果幾香， 又冇其他人講到咁差嘅😉

叫咗外賣番薯糖水加芋圓，燉蛋，腐竹糖水番薯糖水打開冇芋圓，蝕左$10因為芋圓要加$10架，真係勁嬲😤 番薯又有渣，垃圾燉蛋冇蛋香腐竹糖水勁一般總之全部都低水平，仲話出名，應該係出名難食，垃圾之最

滷水雞翼：入味，唔使噒骨，啲肉一咬就甩。不過偏鹹滷水味偏淡。腸粉：混醬自動多汁（我平時叫開多醬，下次要叫佢少啲醬先得），腸粉都係煮得啱啱好。👍🏻魚蛋燒賣：魚蛋普通，唔知有冇咖啡汁呢？有嘅應該幾好味。燒賣好食嘅！作為燒賣狂熱愛好者，夠晒魚肉味，煙靭加分。煮得啱啱好，唔會太淋太硬。燒賣豉油亦都好好味，果然係老字號！結論：推薦指數⭐️⭐️⭐️⭐️作為新元朗人，啱啱搬入元朗兩年，推廌平時掃街嘅話可以食吓燒賣咁，出色嘅！腸粉滷水雞翼嗰啲想飽肚都可以試吓唔差。

蒜茸香辣雞翼尖 - $22海底椰涼粉 - $30蒜茸香辣雞翼尖外觀保留雞皮原色，每一隻雞翼尖滷至非常非常入味，鮮香蒜味、辣椒香氣、都融入了雞翼尖，口感軟嫩又不過爛，辣度又夠有尾勁。😋建議揸車入嚟嘅朋友可以買兩袋雞翼尖外賣，返屋企送啤酒睇波，簡直一流。😋


元朗食完晚餐 來食甜品睇住B仔涼粉愈來愈貴😂但份量依然很多 兩個人食真的有點多 最後還是食唔哂喇～🤭最好還是3個人一起食😂水果大部分都幾甜 好味大大粒涼粉 口感都好好👍🏻

我對這份芒果涼粉外賣感到失望。一個小時後品嚐，涼粉卻變得硬如石頭，難以入口。儘管芒果的味道還算不錯，但整體而言，這份外賣讓我感到不滿。我不建議大家嘗試這道菜，因為涼粉的質地問題讓整體體驗大打折扣。希望店家能改善這個問題，提供更好的食物品質。

其實都聽聞咗好耐呢間，不嬲口碑麻麻地，咁啱同朋友踩單車經過，佢哋話要嚟食，咁就一於試下佢可以究竟有幾差。試咗真係超級後悔lor！能夠拎到咁多差評，佢真係憑佢嘅實力，名不虛傳、實至名歸gar!🙄呢間真心真係又貴又唔好食，老闆同店員態度又差，最緊要係啲嘢食應該都污糟！食咗個西瓜西米露既朋友都有肚痾情況！建議大家千祈唔好食西瓜喇！另外,香港好多好嘢食lor,唔好浪費時間同金錢喺呢間la!絕對不推介❌️

黎親元朗玩，順手一定要黎b 仔食野都要黎呢到食雞翼尖，腸粉，魚蛋啲料，啲汁係出面完全食唔到嫁，仲有蘿蔔，勁入味，又無根食完仲會外賣一份雞翼尖返屋企俾屋企人食，宵夜一流。

平日夜晚飯後時間去食甜品，去到都好多人，要搵位坐，有街坊亦有遊客。我地唔好彩去到係繁忙時間，姐姐都安排我地要搭枱，而且個搭枱客係咁咳😫冇叫出名既b仔涼粉，朋友叫芒果西米撈，芒果夠甜，份量都算大碗。至於我個雪耳木瓜糖水，真的不敢恭維。。。木瓜+雪耳+水煮滾佢咁，冇味😑小食叫左雞翼尖同腸粉，兩樣都保持到水準，最後兩個人都清晒啲腸粉同‘損’晒啲翼尖👍🏻相信下次黎會轉試第二款甜品，小食就照encore。

中秋節大家都開開心心，所以去完夜市睇完燈飾之後就去左B仔食返個糖水。不過可能B仔太過於食老本啦，而家去食B仔既人越來越少，以前都話要排隊入座，今次去係中秋正日，又係23:00呢D飯後時間竟然都冇人喎。好講返正題先，今次我地食左個燒賣，呢隻燒賣真心唔錯呀，彈牙既魚肉燒賣黎，勁好食。不過糖水就普普通通了，生果都算係新鮮既，但係涼粉就一般唔乜甘草味，而生果面層又塗左糖膠，所以唔係好掂。最重要係，個環境真係俾新既糖水舖比下去了。坐得一D都唔舒服。

🐻香港🇭🇰｜ 佳記🐻大多身邊人叫佢B仔，可能是因為佢最有名既係B仔涼粉，係集合左好多生果再用涼粉打底，但最好食既我認為唔係呢款🐻佢既腸粉魚蛋雞翼尖係真係好食，因為次次都食雞翼尖，今次試左雞腳也不錯🐻仲有傳統糖水都係好出色既，芋頭西米露，楊枝甘露，當你食過一次就會心心念念想食🐻有機會一定要去試一下😋

開車來吃B仔宵夜😋，後面就有個錶位停車場，非常方便，晚上8點後還有免費泊車，四個人來吃，點了B仔西米露，蒜香雞翼尖同咖哩豬皮。D生果多到呢！我地四個人都食到勁飽😂🤣，雞翼尖好好味，離開時仲打包多包回家吃🙈，但豬皮太辣了，同埋整得好淋下，個人口味覺得唔係咁好食囉！

🐤蒜茸香辣雞翼尖呢個真係B仔最特色嘅食物！冇諗過雞翼尖可以令我食到停唔到口，好重蒜香味，辣辣地好過癮。雞翼尖煮到好軟爛，基本上一入口掂到牙就脫到骨🤣啲汁拎嚟撈麵食一定超正💯雜果紫米露 (呢幅圖係叫咗多西瓜，其他正常）水果超足料同埋全部都好甜好新鮮，尤其係芒果！😭😭💗西瓜同哈蜜瓜都係用工具整成圓形，食起上嚟係方便咗，一口一粒😚BTW!!我原本諗住叫少啲哈蜜瓜多啲西瓜（大家都可以咁嗌係唔使加錢嘅），點知佢加咗好多西瓜俾我，碗野滿到爆棚🙌雜果西米露椰汁味超濃郁😍😍

我係元朗長大，元朗讀書嘅時候，呢間糖水店對我黎講好有情懷。以前同朋友食完飯就話去呢間糖水店食糖水，好開心咁樣。今次朋友返嚟，佢有個心願就係要食返呢間糖水店嘅糖水。我自己都好耐冇食啦，不過驚喜嘅係味道依然好好。啲小食唔會煮得太老，咖喱魚蛋同蘿蔔嘅咖喱味道好夠，仲有啲咖喱香味。糖水又夠凍夠味，唔會太甜。仲有就係啲回憶啦，以前同朋友去食糖水嘅時候嘅情況同感覺，好懷念。