佳記甜品

Open Now

Now Closed

༺ 佳記甜品 ༻∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ 係夏日炎炎嘅日子🌞，當然要食翻d清涼嘅美食啦✨！今次嚟到元朗一間甜品店，每次入到黎必定要食嘅一間店🌟。～B仔涼粉🍧～一出黎就見到一座水果山！佢有好多種水果，有西瓜🍉，蜜瓜，木瓜，香蕉🍌，大樹菠蘿，荔枝，奇異果🥝，水蜜桃🍑，菠蘿🍍，底下就係涼粉。每一種水果都好甜，食落去啖啖肉，好滿足❤️。～蒜蓉香辣雞翼尖🐥～每次黎到都必須叫嘅招牌小食，食落好有蒜蓉味👅，之後慢慢辣味再上，成隻雞翼尖超入味👍🏻，不知不覺間就食晒😋。～魚蛋，腸粉，燒賣🍢～呢三個就係每個人嘅童年回憶👧🏻，腸粉好滑同好入味👍🏻，真係一口一啖，燒賣同魚蛋就不補不失啦，普普通通😌。∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ ∻ 餐廳🛎：佳記甜品 (元朗)地址📌：元朗教育路大坑渠側營業時間⏰ ：星期一至日12.30

以前住元朗, 間唔中都會去B 仔食甜品, 難得今日入黎同朋友食飯, 當然要去B仔食甜品回味下啦! 呢度同以前一樣, 一到夜晚就坐滿哂人。魚肉燒賣 – 熱辣辣, 味道就好普通, 只係想食下呢D街邊小食。哈密瓜鮮奶 – 甜甜地既哈密瓜奶, 夠清爽又解膩。芒果糯米卷 – 總共有6件, 外皮煙韌又薄, 面頭沾滿椰絲, 裡面仲有大大舊芒果肉, 好甜好多果汁。雷沙湯丸 – 熱辣辣既湯丸沾上滿滿既花生碎, 香甜又軟滑, 湯丸又有咬勁, 正 ! 蛋白燉奶 – 滑溜既燉奶, 味道唔會太甜, 感覺滋潤。芝麻糊+湯圓 – 芝麻糊煮得好滑好香, 湯圓硬度剛剛好, 唔錯。佳記甜品元朗教育路大坑渠側

已經好耐好耐無黎B仔，今次朋友突然話不如去食下糖水宵夜，就久違試下啦。同以前一樣好多人，今次無叫到熱食，糖水選擇一向都好多，除左水果款，經典傳統嘅港式款都有，難怪客人嘅年齡範圍咁廣啦🔸椰汁黑糯米 $20大大碗都好多黑糯米，甜度適中，唔會好稀嘅感覺，食完仲好有飽足感呀。🔸番薯糖水 $20番薯好大件，姜味唔算好濃郁，鍾意重姜偉嘅可能就唔太過癮啦。🔸芋頭西米露 $20西米露嘅湯汁較多，略嫌稀左啲，芋頭唔算甜亦不太綿密，很一般呢～🔸芒果西米撈 $36以前次次都食呢個，今次黎食覺得退步左。同以前唔同，而家嘅西米係另上。放返落去之後都唔會係超凍，常溫嘅西米同凍冰冰開芒果唔係好match。芒果冰沙同以往一樣都係滿到瀉出黎嘅～不過衛生就真係一般般啦，當係黎回憶下就算數啦

* B仔涼粉 (HKD86) 👧🏻* 芒果腸粉 (HKD41)👩‍👧喜愛程度: 💛💛💛💛/5假期黎到元朗食遠近馳名嘅B仔涼粉 名就聽得多 真係無食過 晏晝5點幾都要排隊 好誇張🙈 一路排隊已經聞到好香好大陣蒜蓉辣味雞翼味 搞到好肚餓🍗 但今次無試到佢嘅鹹食 叫左佢地嘅鎮店之寶B仔涼粉同芒果腸粉🌟 涼粉嘅份量大到嚇親😱 底層嘅涼粉上面鋪滿左超多唔同種類嘅生果🥭🍈🥝🍍🍐 變左生果山咁 賣相色彩繽紛 非常豐富😅 真係足料又好味透心涼🍧 3個人share份量剛好! 唯一比較失望係大部分生果都係罐頭生果 但哩個價錢都算合理. 芒果腸粉d芒果夠鮮甜 其實就係芒果汁撈埋類似椰汁大菜糕口感嘅腸粉 唔錯👍🏻😋

以前入黎元朗食完夜晚之後,就一定會嚟呢度食個糖水先走..而家冇晒遊客..佳記呢度都冷清咗好多..不過同時間我覺得坐得舒服左..因為以前真係一張圓枱逼到好似食緊譚仔咁..同埋會好趕咁..食糖水我都係鍾意食啲中式簡單野.呢碗西瓜西米露就啱晒我..西瓜球粒粒都大大粒…仲要差唔多有成九粒係我以前冇為意呢個份量定係而家多咗？同行朋友叫咗個菠蘿紫糯米…黎到好失望..因為佢採用嘅係罐頭菠蘿…不過又係一樣…菠蘿啲份量超級多..朋友表示佢係想食紫糯米多D最後梗係要食埋呢個B仔亦尖啦..不過覺得佢而家重口味咗少少..有啲過咸..不過依舊夠香夠辣既..

以前一直都係B仔涼粉嘅fans，大概一個禮拜最少會入元朗食一次，因為工作嘅原因所以幾個月冇食過，今次得閒再入去食，發現質素越嚟越差😅😅😅蒜蓉雞翼尖，剩係得辣味，但係就完全冇鹹味同埋得少少蒜蓉味，識落淡茂茂😅😅😅雞翼尖好重嘅雪藏味滷水雞翼🐔🐔，不過不失，都係略嫌唔夠味道，雞翼中間有少少淡味椰汁芒果西米露，完全冇椰汁味，顏色就好椰汁，但係食落去完全係水嘅味道，芒果有啲霉，食落好唔新鮮，超級失望🥲🥲

燒賣 腸粉 蘿蔔 豬皮 魚蛋 雞翼尖 嚟到呢度 呢啲嘢唔使講啦，坐低叫呢d基本野啦！ 之後一人一個甜品再加杯嘢飲 咁熱嘅天氣 即刻爽哂。我最鍾意食西瓜或者芒果西米撈 如果陣西瓜冰真係好鬼透心涼 最近咁鬼熱 搞番啲冰凍消暑食品就最岩。煲雞翼尖食到辣辣地 再啜返啖西瓜冰 簡直係人生一大快事。雖然佢而家好似少咗好多人幫襯 但係始終都係一個集體回憶同埋都唔係太難食 所以耐唔耐食下都OK嘅 始終佢都真係叫做抵食嘅 咁嘅份量 旺角尖沙咀閑閑哋都要成百蚊啦。

係元朗食完飯仲早，一班人又未吹夠水，就去左元朗遠近馳名嘅b仔涼粉，雖然近期評價一般，但今日一試糖水甜品都很滿意，朋友更打包返去畀屋企人食添椰果杏仁豆腐花，豆腐花好滑，杏仁味都好重椰汁馬豆糕--味道亦香濃，最重要唔會好鬆散雜果鮮果涼粉--生果都好新鮮，亦很香甜解渴外賣拎走

黎B仔唔一定是吃糖水或甜品既，我次次來就點一份腸粉，魚蛋，腸仔，豬皮，燒賣...由唔知價錢食到應該貴左一倍既價錢都要照食，一直保持水準，腸粉夠滑，油味夠香，唔會痴埋一舊舊。而人人都叫，又係不斷加價都要食既就是蒜茸辣味雞翼尖喇辣到出汁，唔飲野都要食哂食碟，夠哂過癮！唔理衛唔衛生，唔知佢點洗雞翼，每次路過都要食一食。區內既人係食回憶，區外人黎食新味道。個人感覺評分：食物味道 - 食物賣相 - 餐廳環境 - 店員服務 - 性價比 -

B仔涼粉對於我來講係一個充滿回憶嘅地方❤️每次去都會諗起我好愛嘅一個人同事😆🤣想自己一個去懷緬下，但因為疫情我就決定買外賣啦👍🏻就叫咗馳名嘅B仔涼粉👍🏻好耐冇食嚕，都係依舊足料👍🏻好多唔同類型嘅水果，水果新鮮，又甜又香有芒果、大樹菠蘿、木瓜、西瓜、哈密瓜、蜜瓜、椰果、荔枝、香蕉、龍眼肉😋😋😋🤪😘🍌🍍🥭🍇🍓🍊好大碗可以幾個人一齊食😋外賣都不失水準😋仲會配埋花奶㗎👍🏻當然仲有其他必叫嘅香辣雞翼尖！仲有芒果河粉😋充滿椰汁味嘅河粉😋去元朗就一定要試吓啦👍🏻👍🏻👍🏻

這天在附近辦完事，二人想吃糖水，便到了佳記甜品。看一看餐牌，沒料到甜品舖還提供不少的鹹點小食。我們隨意叫了兩款，小人點了蒜茸香辣雞翼尖，蒜香味很出，辣度中上，配合一起就是惹味，不禁食不停口。我們都覺得如果不是雞翼尖而是雞翼的話便更好了，起碼多些肉食呢！友人要的是咖哩蘿蔔豬皮，皆很入味，咖哩汁不會太烯，濃杰適中，而且不會過辣，很易入口。腸仔在這裡的作用僅是增添食肉感，因為不管怎麼蘸都沾不了多少咖哩汁的味，猶幸腸仔不是太鹹，兼且爽身。甜品沒多想便要了椰汁西米露。椰汁落得夠多，香撲鼻，西米亦煮得透，顆顆透身，口感很好。吃過辛辣的食物再來一碗甜品滋潤一下，不錯的配搭。

曾經好鍾意好鍾意好鍾意食嘅糖水舖，（重要嘅事要講三次）每次睇佢嘅餐牌都會心思思，因為好多好多都想叫黎食。當然必食嘅有雞翼尖啦！雖然網上已經有好多食譜教你點樣煮，但我煮嚟煮去都煮唔到B仔呢種味。不過對比起以前，我覺得雞翼尖已經冇咁辣，蒜味都已經冇咁濃，唔通味道隨着時間都一齊退步咗？另外叫咗一碟腸粉豬皮，豬皮就一貫地好食，但係腸粉已經冇以前咁滑（唯一花生醬仲保留到嗰種醇香），至於糖水方面，我好鍾意揀撈撈系列，奇異果，火龍果都係我嘅選擇！個底就揀涼粉，感覺可以清下熱，降下火。不過涼粉真係浸得太過糖水，好甜，太甜了。

食左d太咸既晚餐，要食返d甜野先得。椰汁紫米露，唔會太甜，但唔夠香濃，可以紫米同椰汁太少。芒果腸粉好味，大家都讚好食，芒果都幾甜喎，好夠芒果汁，加d椰汁仲正！B仔，好大碗好足料豐富，但新鮮生果唔係時令，所以唔會甜。

今日嚟到遠近馳名嘅元朗B仔涼粉，食咗佢哋鎮店之寶B仔涼粉，老實講對B仔涼粉都唔陌生，但係當一段時間冇食嘅時候，嗰一盤滿到就瀉嘅生果山，都總會令我帶來驚喜，加上用涼粉底，不知不覺間都能夠為我帶嚟好強嘅滿足感，直頭係用飽黎形容，另外，今次嗌咗腸粉魚蛋食，水準亦都保持到！真不愧為元朗嘅地標及代表性食物之一😍

今日放假，食完Lunch之後，入咗元朗行下，突然想食d甜野，就上網搵下附近有冇甜品食，原來下午有些甜品店還未開始營業，最後終於搵到一間「佳記甜品」，這間店最出名嘅食品是「B仔涼粉」原本打算一場嚟到，就打算叫「B仔類」嘅食品，當我們決定叫「B仔杏仁豆腐」，阿姐 (服務員) 建議我們改食「鮮什果杏仁豆腐 $40」，因為我們只得2個人食埋單時，阿姐叫我們下次多d人，先食B仔類甜品，我們只好等下次機會價格💰：$40味道😋：OK