Video
9-min walk from Exit B, Tin Hau MTR Station
continue reading
Telephone
28050020
Opening Hours
Today
12:00 - 14:30
18:00 - 00:00
Mon
Closed
Tue - Sun
12:00 - 14:30
18:00 - 00:00
Above information is for reference only. Please check details with the restaurant.
Recommended Dishes
發生了不對現的預約事件。 事源是家人在8月中和朋友在餐廳用餐, 環境特別, 正需要搵餐廳安排中秋家人聚餐, 所以當場詢問中秋晚有沒有大約12 至15人枱,可否訂位,服務員當場拿出ipad, 確定9月17日中秋正日晚飯有位， 可以接受預約. 還介紹餐廳有露台， 可以當晚現場睇火龍表演.隨後當晚餐廳發了確認信息到家人Whatsapp. 確認訂坐. 家人滿心歡起，見火龍表演好有特色，立即通知在外地嘅家人買機票回港一齊過節.過了2星期， 餐廳突然通知家人因為政府9月17日當日要使用餐廳場地給予火龍團隊作休息使用， 預約需要取消， 但9月16日有位， 會否考慮.家人覺得奇怪，火龍表演是 9月16日至18日為期三天， 為甚麼政府只需要使用一天 (9月17日)， 其他日子火龍團隊不用休息?家人再三詢問餐廳職員， 要求提供政府文件， 餐廳沒有理會， 還推卸家人沒有給予訂金（事實餐廳從來沒有要求家人支付訂金）過了幾天， 家人再同餐廳溝通， 今次應該是餐廳經理, 餐廳經理再次解釋政府6個月前已經預約了， 員工不清楚所以發生了誤會. 家人再次表示請餐廳提供政府文件，如果是事實, 我們可以接受解釋，當然餐廳經理沒有文件可以提供， 只係cut線完事. 家人心知不是事實， 只是一個藉口. 勉強都唔有好結果，沒有信用的餐廳，還會再幫襯? 這經驗真的太差
continue reading
1396 views
蕃薯uncle生活多姿多采，節目由星期一排到星期日，當中週六晚嘅開心大食會原來周圍食咗成過半個世紀，即係早過XO仔出世，認真唔講得笑！話說大食會其中一個元老於年頭時成功喺出名難訂位嘅新興潮點「客廳」留到間房，一席十四人剛剛可以摻埋肥肥家族一家四口玩，為食貓就算要等到四月都想見識吓！中菜廳設於疫情成立嘅「大坑火龍文化館」內。三層高嘅三級歷史建築原為義學「孔聖義學」於1949年落成嘅新校舍，故白色嘅外牆經保育後貼出此年份作紀念，而大坑嘅火龍文化則隱藏於貌似打橫沉睡中嘅「龍」形標記。大坑區入夜後都幾黑架，幸好火龍館於橫街上嘅入口火紅亮麗，尤其突出。大門好到題地由金龍陣守。覽廳於六時關門，傍晚時份只有餐廳開放。不過有一點好奇怪，餐廳佔用一樓及二樓之際，雖然活化項目新增咗升降機，洗手間卻只設於地面，用餐時不停要上上落落相當麻煩。據悉一樓為用餐大堂，不過好多時晚市都有客包場。十四人派對於二樓嘅多元空間進行，環境企理通爽，光線充裕，活動空間足，私隱度又夠高。每位席上都擺有齊備嘅自用及公用餐具。或許細佬身材矮小，感覺坐得唔係好自在咁，食野嗰陣仲有啲吊手。由於開瓶費全免，酒鬼們當然係自己帶酒啦！唯一場內單靠叔叔一人招待，忙於開酒時就加唔切茶水，上得菜黎又斟唔切酒酒，人手明顯不足。長老早已定好菜單，主推嘅都係陣店招牌客家菜，$6,180/席，另收加一服務費，講明足量供十四人享用。平均$500/位有齊前菜、蝦、扇貝、湯、魚、豬、雞、菜、甜品等十道菜，社企式經營，價格都好合理。火龍三小碟之醬油蘿蔔：人一到齊，廚房迅即備好三款前菜。第一碟長條形嘅醬蘿蔔爽脆中帶微微辣勁，個人只係略嫌咸咗少少。火龍三小碟之胡麻醬茄子：紫皮青肉嘅茄子好似好大件咁，但質感軟腍，簡單淋上香濃嘅胡麻醬足以添上惹味及柔滑感。火龍三小碟之家鄉煎藕餅：藕餅一啲都唔油膩，無奈咬落有啲乾硬，唔得香脆。韭菜花小炒皇：小炒皇因內含果仁，細佬唔食得。蕃薯uncle提到效果比預期好，因為諗住師傅會用煮剩嘅海鮮餸尾炒出，唔會太鮮爽；哥哥就話菜式炒得恰到好處；二人同讚韭菜花爽嫩脆身。欖菜乾煎澳洲大虎蝦：蝦蝦個欖菜味好香，不過蝦身就略為實咗啲同乾嚡咗啲。蒜茸粉絲蒸扇貝：如相所示，差不多成隻碟咁大隻嘅蒸扇貝有白有橙，即公乸並齊。長輩們嫌扇貝熱力不足，幸好貝肉尚算厚潤，裙邊都好爽脆，體積巨大嘅膏位雖未為最軟滑，但起碼唔會因過熟而變得老嚡，簡單混入蒜茸粉絲蒸最能吊出鮮味。八寶冬瓜盅：冬瓜盅個湯底十分鮮甜，冬瓜半腍半爽，細佬最欣賞湯料中嘅肉片夠柔潤。鹹薑蒸原條花尾龍躉：XO仔一向少食魚，尤其見到碟上件件凸出嘅骨好似刺咁尖利，有陰影下更加抗拒！點知蕃薯uncle竟然話成餐飯最就係條魚，因為龍躉經過碎蒸，魚肉幼嫩，啲鹹薑入哂味。梅菜扣肉煲配缽仔絲苗：用煲上嘅扣肉熱就夠熱，可惜敗筆在於豬肉唔夠肥，食落嚡嚡韌韌，唔得腍滑，盡失傳統應有嘅精髓。客家沙薑浸雞：招牌雞脂肪少，食落好似好健康，雞胸肉卻稍為嚡韌，略欠油份，還好雞皮夠潤滑，個沙薑調味唔會過濃。家鄉煎炆釀豆腐伴菜芯：小肥自己整晚最欣賞滑嘟嘟嘅釀豆腐磚，芡汁餡料均足而香濃。蜜香薑汁糕：熱辣辣嘅薑汁糕煙韌Q彈，芬芳微甜。壽桃包：壽桃粉美飽滿，包鬆餡香甜。大坑隱世「客廳」光鮮衛生，弊在洗手間位置半天吊好唔方便，服務生健談落力，但單靠一人實難以招呼一席十四人之飯局，晚餐價格合理，無奈主打客家招牌菜質素只屬一般，大家想試都無妨嘅，XO仔到此一遊後就唔會願意等幾個月再去囉！
continue reading
與好友相聚，晚餐比較難book，所以預訂咗午餐好食推介前菜：香煎家鄉蓮藕餅主菜 :淳香梅菜扣暔肉 這個真的煮得很好，不太油膩東江煎釀豆腐欖菜酥炸龍躉球下次會再來光顧
continue reading
大坑的餓餸潮食應執了今日再去，無營業我再去大坑火龍文化館的客廳，試埋仲有兩款set lunch客家炒米粉味道不錯，只是米粉過硬咸菜炆豬肉配白飯我覺得咸菜勁好味除了set lunch, 午餐有小菜和粉麵我問晚餐有咩食，經理話是私房菜芮，要訂位，每人約$500，菜單由廚師發板
continue reading
之前知道開咗個大坑火龍博物館，也見到上面有個客家菜餐廳，一直想試吓。直至預約倒去參觀博物館，都仲未碰到機會去吃。今次係慶祝生日，立定決心打電話去訂咗一圍，餐廳好細心咁問咗有冇老人家小朋友或者唔食啲咩，然後寫咗個菜單來，廚師發板。因為係大坑里面嘅舊樓改建，所以餐廳面積唔太大，有一樓同二樓，有電梯。每道菜式上來都有介紹，好好味😋份量也大，服務周到，態度親切。我哋十二個人食到飽飽，還打包了好幾盒帶走。有時真係出去酒樓食，會食到一肚氣，而家好多酒樓人手又唔夠，要服務好啲都有困難。去酒店中菜又太貴。響「客廳」渡過了愉快又開心的一晚🎉
continue reading