健康食品拉麵 (威利大廈)

Open Now

Now Closed

自取外賣有兩款限定便當由右至左:炸魚,炸竹輪,炸咖哩薯餅$48如果不要炸咖哩薯餅,便當是$38配珍珠米中間有一層紫菜和一些漬物及半隻蛋飯量好足,飯面有一層調味粉好似肉鬆咁炸物不油,件件都好熱有驚喜的一個便當

Now whenever I’m craving for ramen, I visit here. The healthy ramen broth is different, peppery and have the sweetness from all the veggies in it. Also have some little seafood as well. And this Raman come with yakult drink and a bowl of salad.

朋友想試呢間拉麵店，餐廳個格局好似日本拉麵店，裝修簡單為主，座位係木造，裡面座位不多，座位比較窄，最surprise係侍應有日本人。拉麵可以係紙上面選，當然麵質軟硬度也可以自己選，豬骨湯底非常濃，豚肉亦好淋身，麵用上幼身麵質，掛汁能力強，我今次要左硬身，中意拉麵朋友可以一試。另外我哋加左細炒飯同埋炸雞，日本style炒飯比較濕，配料有蔥花同埋蛋，配料好足，炸雞炸至非常香脆，咬落去有肉汁，邪惡之選。

朋友帶我食好西時間🫶🏻餐廳環境好日本風 入到去有種地道既氣氛•特製拉麵🍜揀左特製拉麵以豚骨做湯底豚骨湯底濃 麵質揀咗硬為主而且香料方面更可以自由選擇豚肉方面不過不失 配埋糖心蛋一齊享用 大滿足

人均$100中環巷仔中日本人主理家庭式居酒屋🏮濃郁日式燉煮牛筋💥撈拉麵$85大量味噌肉醬，叉燒粒，生蛋黃，海苔碎，煙韌拉麵🍜食左一半之後加埋碗白飯撈埋一齊，碳水與脂肪係口中融合🔥好好好滿足🈵️重口味必食！牛筋+$20脂肪爆炸嘅美味😭💯超濃郁牛味，加上味增滷汁，甜甜嘅味霖完美融合，慷慨嘅份量即刻覺得加20蚊係超值！健康食品拉麵 (威靈頓街) (中環)中環威靈頓街97號威利大廈地下B,C,D舖

我朋友強烈推介喎嚟呢間店。一入到去好有日本嘅味到，可能因為日本人歡迎我。見呢間店叫拉麵，應該最好食係拉麵。尤其佢哋好有日本街頭食店嘅感覺。所以，我係menu揀咗呢隻拉麵。結果，湯底唔錯👍，豚肉真係唔錯👍，但係始終鍾意呢種幼麵底👎。個拉麵總括來講係失望👎。.不過有個驚喜位，我見喺牆貼滿唔係拉麵嘅食物，當中有我喜歡㗎凍烏冬，咁當然試吓啦。喂，驚喜地好食喎👍。我諗應該係牆貼嘅食物會好食啲😱，所以如果嚟就食牆貼嘅食物😇

在中環的陡峭小路邊有家特殊家常的日本餐館從外面到內裏的店員廚師　都大部分只講日語其實大部分客人都是日本人店裡很小　幾個小桌和高吧檯但能提供很基礎的家常料理溏心蛋拉麵基礎的豚骨拉麵　很甜很順口的湯底比較外面的　有了份家常味不會感覺太濃太鹹麵條是很普通的幼麵　就普通的但配料真的很豐富很健康的配料　還有少有的菠菜叉燒肉也偏肥的　入口會即化溏心蛋偏熟　在到來前我已經有了心裡準備因為他們的溏心蛋是很不溏心但意外有蛋香和蛋味　也挺贊整體是基礎很順的拉麵不會太特別　但是我會回去再吃大腸鍋覺得有種涮涮鍋的概念主食選了大腸　附上大量的蔬菜味噌的湯底　需要要點時間去等他烹煮剛剛開頭味噌味確實很濃　後來有蔬菜的甜味整體更和諧蔬菜味有出來豆腐　芽菜　椰菜　韭菜　還有主角大腸份量確不少　男生吃剛剛好

🥢 中環朋友又有福音啦，今次介紹一間小店係主打日本便當，好地道㗎！便當多選擇，美觀之餘，最重要價錢合理 👍🏻 餐廳menu幾多選擇，平價貴價都有，而且有印花卡儲20次免費一盒，各位可以同同事夾份，好快就儲到free一盒，除返開都抵㗎，落單好有日本風味㗎，張單寫日文 ✨ 炸雞便當 $55成個便當好豐富，炸雞同飯嘅份量都好多，再配沙律醬，沙律菜，沙律薯蓉，絕對健康又豐富，炸雞好滑，外皮有平時食日本炸雞嘅味道，有微微蒜香，成個便當好飽肚，味道真係值得讚一讚！

聽聞中環有一間日本人主理嘅拉麵小店，而且都幾多好評，想喺香港搵返啲真正日本feel嘅我梗係嚟試下喺呢間嘅拉麵有幾正宗～同健康(?) 🍜整體體驗唔錯，不過喺拉麵上就有啲失望 ᘳᗒ.ᗕᘰ 店鋪位於中環威靈頓街比較隱蔽嘅位置，舖面唔大，座位比較狹窄，人流多嘅時候都比較焗促同嘈吵。不過在場大部分食客都係日本人同韓國人，所以覺得氣氛好似新宿，幾有《深宵食堂》入面居酒屋嘅味道！😂 📌特製拉麵- 普通軟硬度($99) 我諗佢「特製」嘅意思係配料份量比其他拉麵款嘅多🤔配料有紫菜、「溏心蛋」🥚同埋三塊叉燒肉片，豬骨湯底味道濃厚，唔會好膩，麵條軟硬度適中。叉燒片都煮得軟腍入味。而且師傅真係落好多蔥，唔鍾意食蔥嘅朋友可以剔少蔥～ 坦白講味道平實冇咩驚喜，不過整體質素唔錯。唯一美中不足就係佢嘅「溏心蛋」係100%嘅烚雞蛋🥲完全貨不對辦，明明睇相其他人食都唔係咁㗎喎⋯⋯ 📌溏心蛋拉麵 ($80) 同特製拉麵最明顯嘅分別就係配料份量，其他方面例如湯底同配料種類都一樣。最失望始終都係溏心蛋，點解連溏心蛋拉麵都係食烚雞蛋🥺而且係淡然無味，唔係見我哋香港人就覺得我哋鍾意食烚雞蛋掛(,,Ծ‸Ծ,, ) 📌柚子酒 & 檸檬

之前已經試過幾次外賣,食咖哩豬扒飯,咖哩雞件飯或者係鰻魚飯,都十分好味。今次尊登黎試下佢堂食o唔ok。之所以食完又食,就因為呢一間係真正日本人開嘅餐廳,連侍應都係日本人,中文講得麻麻地,英文唔係好得嗰隻。最緊要係呢間餐廳連日本人都去幫襯,即係話呢一間係正宗日本餐廳,唔係港式日本餐廳。呢間日本人開嘅餐廳分左右兩邊,一邊叫外賣,一邊食拉麵,今次試佢拉麵,叫咗糖心蛋拉麵同埋香蔥拉麵。麵就好大碗,份量十足,但係隻溏心蛋就令人好失望!佢唔係溏心蛋,而係一般烚蛋,我覺得商品與事實不相符,於是就問下侍應。原來佢哋改咗做普通烚蛋,而唔係糖心蛋,咁我即刻請佢將餐牌幅圖更改至得,但係我覺得佢有少少聽唔明囉。講番碗麵,除咗隻蛋,叉燒ok,其他配料冇問題,只係我略嫌碗麵嘅醬油湯底稍為肥膩,唔係咁啱我腸胃。碗拉面對比我外賣嘅咖哩豬扒飯,可以係話差一皮,亦可以話個咖哩豬扒飯勝一籌! 個豬扒飯嘅吉列豬扒炸得啱啱好👍又熱又夠脆,而且咖哩汁零舍多,仲要好好味喎,我每次外賣返屋企食,都舐埋個底咁濟。所以,我終結呢間餐廳食丼係優勝過食拉麵,純粹個人意見。我仍然極力支持呢間日本餐廳,因為呢個質素,係中環嚟講,性價比算係高嘅!

一到lunch time，呢間就出現人龍。所以之前就試過賣外賣便當🍱味道唔錯👍🏻👍🏻今次咁岩經過又見未有人龍，就入咗去堂食啦，期待啲拉麵會唔會都好食呢🫣🫣🫣▪️溏心蛋拉麵 $80價錢上，同市面上嘅大部分拉麵店都差唔多。賣相上，唔算好吸引🙈🙈🙈湯底係豬骨湯，濃嘅，但偏咸同油咗少少🤏🏻拉麵係幼身，但彈牙。叫咗溏心蛋，但上到嚟隻蛋熟曬，唔係溏心☹️☹️兩塊叉燒比較薄，但唔韌。平時拉麵會有荀絲，但呢度好似用咗菜去代替。個人覺得佢嘅便當出色啲😆😆😆

中環有好多餐廳及小店,有平有貴。作為打工仔嘅我,梗係想揾平靚正的。最近發現中環街市附近有間日本人開的便當店,店內全部員工都係日本人。我每次都叫外賣,因為有9折同埋唔使除口罩喺店入面食😁。佢D便當好多款, 今個月開始仲出咗每日便當優惠。張傳單寫$55一個便當,但收錢時只收$50,中環揾到咁平仲要有9折,我真係唔寫食評俾你唔得。而於食物方面,真係好好味。可能係日本人開嘅關係,成個便當好靚,亦好地道。今日食咗佢個炸蝦便當,有4大隻咁多。攞到公司仲卜卜脆,一D都唔油膩。 我之前食過佢嘅三文魚便當、炸雞明太子紫菜便當同炸豬排便當,每次都好好味。好過去Donki買果D好多。另一加分位係佢可以Whatsapp落單,每次我落完order, 行到去舖頭就有得攞,唔使等。佢仲有送外賣服務添,不過我未試過。唔知lunch hour會唔會好耐先送到。總括而言,呢間小店暫時係我喺中環最鍾意食嘅,一星期起碼會食一次。而家佢推出「每日便當」,我可能會食多幾次😋由於太好食,忘記咗影相。不過D賣相同佢哋嘅傳單都差唔多。真心推介。

【🇯🇵家鄉嘅味道！中環居酒屋🏮 🍻一次滿足3️⃣個願望：燒鳥x日本酒🍶x拉麵🍜 】2年幾冇去過旅行，掛住🇯🇵掛到傻咗🥲🥲 今次介紹一間好有日本味道，環境同食物連服務都超級japanese style 🏮 連店員都係日本人超親切🥰 有雞串燒仲有唔同日本酒，仲有日本酒放題🥳呢間都好受日本人歡迎👏🏻___ ___ ___ ___ ___ ___ ___ 有加一✨香港撈麵 $85 呢個隱藏special menu出色，有白飯配😂淨係呢件事已經好日本😂乜都配飯雖然唔係香港風味，但入面嘅配料同調味好好食，炸醬配肥豬肉，小編鐘意呢隻麵多過拉麵🍜，夾埋少少辣但唔會太咸，會一啖接一啖✨ 特製拉麵 $99豬骨湯底，湯底唔算好濃郁，但有日本家庭味道， 配料多～3-4叉燒，溏心蛋切半，大量大蔥同芽菜，配料夠晒佛心👍🏻係好食過唔少拉麵店✨炸雞 $55非常唐揚，但調味可以再多啲🥴🍻draft beer sapporo $30 Happy hour $30 超抵，有種唔叫對唔住自己😂 據友人話炒飯都值得一試👍🏻，入面氛圍真係好日本，食物高質，環境唔錯係長枱有dd窄。中環呢個價錢有家鄉菜同服務推薦！👍🏻👍🏻✅

叫咗特製拉麵、天婦羅溏心蛋、炒飯、腐皮壽司。特製拉麵同天婦羅溏心蛋嘅蛋係100%煮熟咗、蛋黃實嗮、乾、黃。腐皮壽司嘅飯唔係醋飯，而係熱辣辣啱啱從電飯煲舀出黎嘅普通白飯。拉麵普普通通，湯底嘅味精頗重手。最不能接受嘅係炒飯。炒飯既濕又油，第一啖食落口想嘔。白米唔需要咬就可以粉碎成澱粉。我估佢嘅炒飯嘅目標食客係無牙嘅老人家。大廚去安老院做咪幾好，開餐廳就浪費嗮哩啲良苦用心啦。完全唔明啲人點解會排隊、哩間野響Google map 有105個reviews 4.1分係點黎。

同友人上太平山，上山前食個豐富lunch！小小的店舖，座位唔算寬闊，有d窄，我地兩個坐左係卡位！店主係日本人，要用英語溝通！👉🏻冷烏冬 $50 (+$10多一隻溏心蛋)烏冬非常煙靭，勁多蔥，冷烏冬真係好開胃，溏心蛋都好好味！👉🏻芝士年糕 $30真係超級好味，外脆內軟，綿綿的流心芝士，再加埋啲鹽，我哋忍唔住再encore叫多一碟！👉🏻炸雞塊 $30都唔錯，唔會好熱氣嘅感覺，肉質唔會整到好乾！呢度外賣自取半價，真係好抵！