肯德基家鄉雞 (KFC)

Open Now

Now Closed

KFC啲雞好香，不過略為有少少乾，唔夠JUICY。不過我最中意係佢啲葡撻，好香蛋味，同埋幾滑，仲要平。熱辣辣咁食好開心，好有童年回憶。我仲叫咗個磨菇飯，味道濃郁可口，抵食！

作為KFC嘅旗艦店，買嘅嘢果然唔同啲啊😋😋～～～醬烤脆雞翼拼盤～～～上枱時已經感覺比其他KFC高級🥰🥰有三款雞翼，每款兩隻分別係：芝士🧀蒜香🧄蒜香味同芝士味都幾重，鹹味之選😚😚四川麻辣麻辣味十足，食完後舌頭👅有種麻麻哋嘅感覺😝😝蜂蜜🐝柚子好香好甜，蜂蜜同柚子配合得非常出色，得兩隻真係唔夠😌😌薯條薯條就又長又粗，食落好有薯味😗😗沙律🥗菜夠新鮮，食返幾口可以減淡肉類嘅油膩感🤩🤩如果三款雞翼能夠喺普通KFC都有得賣一定好受歡迎👏🏻👏🏻～～～家鄉雞皇雞🐥扒焗飯餐～～～同普通嘅家鄉雞🐥皇飯真係有好大唔同，份量起碼有一陪以上，真係有雞🐥扒嫁，烤焗過所以香味份外出眾，醬汁會較‘杰’身，味道濃郁😊😊跟餐會有一碗新鮮蔬菜🥬，夠健康💪🏻💪🏻～～～D24榴槤葡撻～～～面上有三粒麵包糠，可能想增加口感，但我覺得唔加都OK😅😅，榴槤味十足，好味😁😁兩個人食咁多野都係$152，仲要咁好味🥰🥰！希望佢可以開多幾間旗艦店啦😍😍

前幾日LUNCH TIME經過KFC，見到KFC又有 越南牛油雞啦!上次食過，記得濃厚牛油蒜香勁滋味!即刻買返個越南牛油雞豐盛套餐黎歎，有齊越南牛油雞、家鄉雞、辣汁蘑菇香飯(普通)、經典葡撻同汽水(中)~加埋牛油巴辣香雞翼，滋味LEVEL UP!越南牛油雞精選越式蒜茸香料醃製，外皮炸至金黃香脆，咬開雞肉嫰香滑溜，每啖都充滿著馥郁蒜香，衝擊味蕾!牛油巴辣香雞翼將經典巴辣香雞翼，加以牛油蒜蓉，惹味升級更滋味~而家諗返起又想食!#KFCHK #KFC越南牛油雞 #牛油巴辣香雞翼

收到風KFC 越南牛油雞再度登場,即刻第一時間去試吓我就叫咗A4餐,有2件越南牛油雞 + 1件家鄉雞 🍗+ 白汁雞皇飯🍚+ 經典葡撻🥧 +汽水🥤,再另加2件牛油巴辣香雞翼熱辣辣嘅越南牛油雞聞落去一陣陣牛油蒜香味, 外層炸到脆卜卜,咬落去雞肉嫩滑,好Juicy牛油巴辣香雞翼, 啖啖都充滿住香噴噴嘅牛油蒜茸香🧄 辣辣地超級惹味,真係食到停唔到口食完🍗之後再飲汽水食埋葡撻,真係超級滿足

同朋友係銅鑼灣行到KFC附近諗起呢個期間限定同埋唔係間間分店都有既牛油果香脆雞腿包就決定試下，因為我本身都好中意食burger同牛油果蓉，點知就中咗伏🙃🙃堂食落單之後大約10分鐘啲嘢齊晒，摸到個包已經覺得奇怪——啱啱整出黎個包喎，點解都冇乜溫度既？？麵包就room temp，菜番茄片同芝士都凍冰冰，雞腿扒都係溫唔系熱，整個包好似好求其咁拼埋一起，沒開始食已經覺得唔想食🙂🙂食落去亦都冇乜特別，雞腿略油，我食剩1/3已經覺得飽。都系期間限定，鹽酥雞就好食好多，個包就真系平均以下，仲系KFC銅鑼灣旗艦店喎🙄🙄牛油果香脆雞腿包 4.5/9沒試過就唔洗試喇～🙃🙃

不得了!! KFC之前只得蜜蜜燒雞全翼，近日推出了蜜蜜燒雞中翼，全翼和雞中翼兩款都用同樣的烹調方式，搽上滿滿的蜜糖後，烤到外皮金黃，單看雞翼已給蜜糖緊緊包著，so sweet ～想嘆到兩款雞翼，可點一個Y1餐「雙重蜜蜜燒雞翼餐」嘆嘆啦～套餐有蜜蜜燒雞全翼2隻、 蜜蜜燒雞中翼2隻、 原條香熱粟米及汽水各1。先講一下主角「燒雞翼」甜香惹味，外皮薄以內就肉質嫩滑，滿口肉汁，BBQ感十足。「原條香熱粟米」今次經典回歸，已消失了一段時間的竹籤，現已恢復在粟米上（以前是用竹籤串著的版本），而且單點或一人餐都可吃到。原條香熱粟米，粒粒飽滿，加上原粒牛油倍增香甜滋味。雞翼迷快來KFC，嘆一個甜蜜的蜜蜜香燒雞翼，令生活更添滋潤甜美。

疫情關係，人冇得去旅行，但舌頭可以。秋高氣爽，好想燒雞翼，但可惜啲場又封哂，咁岩約開朋友食Tea，唔去High Tea，走入KFC 😄🦴脆雞胸軟骨條 (跟餐+$12)好少見到用雞胸軟骨做嘅小食，每一隻雞只有一條雞胸軟骨，夠晒珍貴，加上KFC獨有嘅調味，香脆可口，跟返枝上校手工啤酒一流🥰🥰🥰🍗雞翼三重奏 ($39)個set都幾豐富，除咗汽水同蘑菇汁薯蓉，首先有我渴望已久嘅蜜糖雞翼，辣妹必點嘅巴辣香雞翼，呢幾個items，風味依舊😋😋😋重有new item，好有本土味嘅秘製蝦醬雞翼，蝦醬係淡淡的一層掃上雞翼面，再返焗，食落有濃濃嘅鹹鮮味，但唔會感到口渴！ 👌順帶一提，呢間波斯富街嘅KFC，樓高二層，有落地玻璃有街景，有background music，坐位寬躺，享受下午茶都幾舒服嫁😃

早幾日去KFC諗住食我最愛嘅鬆餅 見到佢出咗新小食同雞翼就一於試埋啦😗新登場小食脆雞胸軟骨條 🐓雞軟骨就食得多 雞胸軟骨條真係第一次見！原來一隻雞得一塊雞胸軟骨嫁咋🤭呢個全新小食口感好獨特 同平時一粒粒雞軟骨唔同 一條條脆骨香口又有嚼勁 香脆可口 食到停唔到🤤另外新出嘅仲有雞翼三重奏 🐓除咗有由細食到大嘅巴辣香雞翼同蜜蜜燒雞中翼 仲有秘製蝦醬雞翼🤩蝦醬雞翼充滿香港風味 香濃惹味 估唔到蝦醬同雞翼都幾夾! 叫咗個Y2餐有齊三款口味雞翼 滿足三重滋味😗 仲有薯蓉同汽水好滿足呢😋

食貨一眨眼又發現kfc推出新產品！新單點小食 脆雞胸軟骨條真係好吸引，同場仲有雞翼三重奏，超級滿足啖啖肉❤脆雞胸軟骨條真係好香脆🥰每隻雞得一塊雞軟骨，咁珍貴用嚟整小食，果然特別香脆可口。雞軟骨有少少硬，食落又好脆口，口感超特別😍

我對燒雞真係完全冇抵抗力，仲要係蜜糖燒雞翼🤤🤤KFC新推出左Y1餐蜜蜜燒雞全翼同雞中翼🍯🍯平時BBQ鍾意狂掃蜜糖嘅你一定要試吓！甜蜜蜜雞皮配埋好Juicy既雞肉🤤🤤🤤仲有我嘅童年回憶返咗嚟啊！😭而家有返原條香熱粟米🌽🧈查埋附送嘅原粒牛油，不得了，好邪惡但我都食晒全條🤣🤣而家叫餐仲可以配粟米添🥰👍🏻👍🏻🤤未飽啊指數: 8/10👍🏻餐廳性價比: 8.5/10

天氣涼涼地，自然想去BBQ，更加想食燒雞翼🐔！不過宜家未可以約一大班friend去BBQ，咁不如好似妹豬仔咁去KFC食燒雞翼過下口癮啦😆～.🔸 (HK$47)呢個套餐包括：2件蜜蜜燒雞全翼、2件蜜蜜燒雞中翼、1件原條香熱粟米🌽(配原粒牛油🧈)、一杯汽水(中)🥤。.兩款雞翼都燒得好靚，外皮呈金黃色，外邊香脆、內裡juicy😄！淋上蜜糖嘅雞翼，食落特別有BBQ風味🍯～至於粟米十分香甜、粒粒飽滿，搽埋牛油仲滋味😋！記得細個嗰陣至有竹籤拮住嘅粟米🌽，估唔到宜家又再有，真係好經典～兒時回憶即刻番晒嚟☺️！.✨妹豬仔👧🏻💬: 蜜蜜燒雞全翼一直係KFC受歡迎餐品之一，宜家有埋蜜蜜燒雞中翼，雞翼控唔好錯過😉！.💡妹豬仔話你知💁🏻‍♀️～想試有竹籤拮住嘅粟米🌽？除咗呢個 之外，宜家購買其他一人餐，都可以揀配原條香熱粟米㗎🤗～

今日放lunch走過嚟食嗌左五隻雞翼加一杯汽水(用優惠券)盛惠$21員工手腳都幾慢明明都係lunch time依啲繁忙時間有一個收銀有個後生男仔基本負責哂所有嘢 夾嘢食 出餐有個斟汽水仲有個似係新嚟 幫唔到手結果啲餐堆哂一齊都等左幾耐如果下次快啲就好

今日經過KFC，見到佢有新出嘅Kitkat朱古力蛋撻及鬆餅，作為朱古力粉絲嘅我，即刻買咗嚟試啦，蛋撻唔記得咗影相，不過味道一般，只係普通蛋撻中間有一層朱古力醬而已， 本身我都幾鍾意食KFC嘅鬆餅，通常我會食之前放入微波爐叮30秒，叮到外脆內軟最好食😁所以對Kitkat朱古力鬆餅充滿期待，估唔到朱古力鬆餅同原味鬆餅嘅味道差唔多，只係多咗少少朱古力嘅香味同埋甜味，味道未至於好好食或者好突出，感覺一般，試過KFC多種唔同嘅甜品、譬如雪糕、葡撻、鬆餅，感覺都係一般，都係佢嘅炸雞及辣汁蘑菇飯最好食😝

好特別見到KFC出素食，仲要指定某d鋪先有得買，咁更加引我要去試下🤤🤤植物肉有兩個餐，我就兩個都叫曬😍😍新世代上校雞寶餐分別有5件雞寶（外表類似麥樂雞）配醬汁+薯格+中汽水 （$39）雞寶比較乾，冇咩味！其實唔知食緊咩！😒😒新世代雞堡包餐有個雞堡包+薯格+中汽水 （$59）雞堡內有墨西哥脆片、蕃茄、芝士、主角植物肉，肉明顯又乾、又‘鞋’,同埋大塊先食得出有豆腐、豆類嘅味！唔係唔好味只係好乾囉😔😔另外亦叫左銅鑼灣旗艦店先有嘅菜色薄餅雞餐（大）薄餅雞（大）+2杯汽水 （$88）用雞扒做底再係上面落大量嘅菠蘿🍍、芝士、粟米粒、茄汁等相比之下呢塊雞扒柔嫩、多汁、有彈性，但感覺上又咸左少少，食第二件開始有d膩🤣🤣做人真係難服侍😂😂

有啲人可能會問，我都只係俾個30幾蚊食個早餐點解又要寫食評阿吱阿咗。其實我係覺得無論你比嘅係幾千蚊也好幾十蚊也好，都值得食好食嘅嘢，而香港呢個美食之都最優勝嘅就係我哋有最精緻嘅星級餐廳，亦都有平民美食。我一向好喜歡肯德基上校嘅炸雞，但午餐食兩舊我覺得太多，反而早餐有一塊雞扒，對我來講係好飽口福亦都係好快買返公司食住來開工嘅一個唔錯嘅選擇。附近嘅家鄉雞舊店冇咗之後就開呢間新店，而呢間新店好多員工亦都係響附近嘅舊店過嚟。呢間店舖我唯一唔喜歡嘅係買嘢已經要行上一樓，如果要堂食嘅就要再行上多一層，快餐店通常係匆匆食個午餐，所以呢個setting我覺得對客人來講唔係咁方便。新店比舊店乾淨好多，冇幫襯一排薯餅亦都轉左貨源。唔知點解呢度無論係雞扒定係薯餅味道都同之前有啲唔一樣，如果以前味道有4分，而家嘅味道就只得返3分。另一個我唔係好alright嘅係執嘢食嘅哥哥仔手腳好慢，唔係力有不及嗰種慢而係發住夢做嘢嗰種慢。響一間快餐店，慢，真係死罪。