肯德基家鄉雞 (KFC)

Open Now

Now Closed

識食一定黎KFC呢度！其實去觀塘食野多數人都會諗起apm近港鐵同約人方便但不禁都會覺得有啲貴，唔知食咩好即使food court閒閒地都六七十蚊一個飯，又吾好食，仲要多人等位食完就要即刻起身讓座，坐耐D都覺尷尬今日，朋友就帶左我行KFC 呢度。其實都唔係話遠好多，係商場二樓，好易搵到。餐廳夠大，位置多好快有位。黎個二人套餐！另外買定兩個sunday 食完到counter 取 凖備當甜品我地show Facebook coupon $58認真低食因為真係好耐無食過炸雞啦！上枱就聞到香味…每人有兩件，外皮酥脆肉相當嫩仲有薯格，有少許過火仍可接受仲有兩個迷你飯及兩杯飲品最重要食完可以傾幾十分鐘計平均每人三十五 最平晚餐

前幾日黎左KFC食早餐, order了呢個$29.5既早餐, 入面有滑蛋, 香脆薯餅, 香腸, 同埋一碗茄湯通粉, 我仲專登叫杯熱咖啡試下佢地D 咖啡質素如何. 一比完錢, 一分鐘都唔洗就有得拎野食...初頭仲諗緊佢D野會唔會係整定晒響度唔熱架..好彩食落口都叫做熱既, 特別塊香脆薯餅都幾熱幾好味, 雖然薄薄地一塊但確實幾香脆, 好食過大家樂隻薯餅啦. 份滑蛋就唔算炒得好滑, 但都比想像中好, 起碼炒得比麥當勞好味, 又算幾大份. 而香腸唔係普通廚師腸, 而係珍寶腸果種, 味道都OK, 唔會好鹹.  反而碗茄湯通粉就麻麻地, D通粉偏林, 個茄湯入面得D粟米粒, 一D蕃茄都冇, 相信都係就咁用茄汁開...仲有杯熱咖啡味道都唔差, 可以再飲. 以呢個價錢黎講, 性價比都還可以.

今朝本來諗住食麥當勞做早餐，點知行過kfc 見到有3.6牛奶燕麥麥皮小妹作為識食之人，當然諗都唔諗就狗衝啦～其實我不嬲都唔鐘意食麥皮，但係見到係「3.6牛奶」！我真是很愛飲奶，而且因為健康人生啦，所以就入左去kfc 食早餐了～～KFC既手腳不嬲都慢，但係可能今日早，所以好快落單好快有得吃但係我一望到個麥片，個心沉一沉⋯⋯呢碗麥皮既賣相真係有d 嘔心，杰tar tar⋯⋯不過樂觀d 諗，KFC都幾足料呀至於味道其實無乜特別，有牛奶味，但係同普通既麥皮。有蜜糖俾你撈，因為我都覺得唔太夠味，所以都落左少少（然後個麥皮更杰）個份量其實都幾細，好似d 磨菇飯咁既size不過仲有其他野食既，所以都叫OK啦，反正朝早未開胃

我好鍾意食黑松露，所以今次kfc出左金鑽松露芝士雞，就令到我心郁郁想去試！雞同平時差唔多，但個醬認真唔錯。因為都幾重松露味，一人餐＄40。不過我剪左張優惠券，＄65有二人餐，好抵食。

This KFC in Kwun Tong is better, comparing to the one in TKO. The fried skin is not so thick and the meal is fresh. The washing machine is very good and convenient. One strange thing is the the service. When the staff make ice cream, the ice cream machine shot the cream to her head. She took ice cream pointing her colleague and complaining, forgot to give us😓

之前有日男小編突然要OT陪唔到我食飯，我就唯有有自己一個睇下有咩好食啦突然醒起之前download左kfc啲優惠係喺嗰日到期....跟住心思思想自己一個去挑戰下個平平二人餐四件燒雞輕易解决！今次燒得幾好，唔乾身又夠熱薯格呢啲香口野當然都係可以輕鬆清光光啦跟住開始食飯，磨菇飯係我至愛，但認真食完四件雞同薯格後都飽左七、八成！所以都係勉強食埋個磨菇飯炸個白汁雞皇飯就真係食唔落啦，但都唔會浪費既，可以take away 架麻所以我最後就連埋另一杯未飲過既汽水袋埋一齊拎返屋企俾小編爸做宵夜

又係黎到一年得一次嘅8號風球的一天去左男朋友屋企到係呢個風球之下可以食d咩呢？就緊係得快餐開啦😘今次唔係m記 係我好鐘意食既kfc叫左狂惹香燒雞餐 配左兩種飯(磨菇飯同雞皇飯)雞好滑滑 飯特別叫佢多汁 葡撻仲好味過澳門個d啦唉離補番我放假既日子😭😭😭

近來偷食風停不了！！！真係好僧用情不專既人！尤其某位男歌手，平時懶係有感情唱歌都算，真係好造作，我想嘔呀.jpg 🤢 而家連跟左你咁多年既未婚妻都可以拋棄，走去食雁，世紀賤男！！！俗語都有話啦，正所謂，高調偷食，不如低調叫雞！叫咩雞？當然係 KFC hit 爆韓風 #韓脆雞 啦！其實質素一啲都唔差架，有冇人始終覺得 KFC 既雞係最好食既，永遠都係咁脆，對比出面成百幾蚊份既雞仲要好食 😋今次出呢隻 #韓脆雞 仲玩埋一雞兩味，一份雞有兩個醬料，有最受歡迎既韓式醬同埋最邪惡既芝士醬！個韓式醬其實冇乜辣味，好似韓式拌麵果啲韓式醬，反正就係韓式醬，係好味既，但另外一隻芝士醬更正！芝士醬個味真係堅係重口味，好勁既芝士濃味，超中意呀！一定要 try try 去 🤤——————————————————————#雙料韓脆雞A1 套餐 - 2 件韓脆雞 + 薯蓉 + 中汽水 $38.9A2 套餐 - 2 件韓脆雞 + 蘑菇飯 + 葡撻 + 中汽水 $38.9A3 套餐 - 2 件韓脆雞 + 4 件自選雞 + 2 盒雞粒 + 雞皇飯 + 2 個蘑菇飯 + 3 件葡撻 + 3 杯中汽水 $131——————

好像老麥嘅將軍漢堡一樣，KFC嘅XL雞脾皇每年都會載譽歸來，今年已經加到四十蚊了，由一開始賣廿幾蚊，去到而家呢個價錢真係夠晒XL了，但隻雞脾就越來越細，你撕開份雞皮，直頭覺得係M size囉呢個餐其實唔多夠飽，四十幾蚊去茶餐廳食個飯都叫飽左個肚，KFC真係要認真檢討下雞件越賣越細呢個問題了

同媽媽去apm行街街, 行經apm見到有軟雪糕食, 熱愛食軟雪糕嘅媽媽當然話要食喇!! 媽媽話要食, 女兒當然要奉陪食喇!!!見到有兩款軟雪糕, 左邊係曲奇口味, 右邊係野莓口味。媽媽話要食野莓口味, 曲奇味就要靠我食左去喇。軟雪糕食落都軟滑, 牛奶味都有, 但唔算太濃, 如果再濃啲就正喇! 曲奇碎碎增加口感。野莓味媽媽話唔錯, 食落唔係藥水味, 唔太酸, 偏甜, 都ok。

最近見網上kfc有新產品推廣，所以就想來嘗試下，辣汁磨菇炸魚柳粒飯，磨菇魚柳粒飯夠新鮮，飯又熱辣辣又夠多汁，但個飯唔是全部魚柳粒，仲有雞粒，是不是有少少欺騙成份呢？

有時去愛KFC都會食呢個餐，有一個葡撻、一個蘑菇飯同一杯可樂，另外我會帶多個奶茶俾媽咪。葡撻外皮非常之香脆，中間嘅蛋漿好香好濃郁蛋味，另外蘑菇飯份量適中食完剛剛好唔會太飽，我就鍾意飲可樂，媽咪就鍾意奶茶，佢話好香好滑！

首先 佢個筒已經好食過m記個筒架啦🍦而味道黎講 KFC牛奶味都係重啲既但比m記更易溶 我拎上手 擰轉身已經滴緊如果係想平平地搵杯幾蚊既雪糕食除左m記 都可以試下KFC ok的🙆🏻

見到又推出左新口味-甜蜜蜜炸雞，就放工買左一桶炸雞返屋企同家人一齊食，一桶雞有六件，但只有兩件係甜蜜蜜炸雞，其他就傳統家鄉雞。一來就先食左件熱辣辣的葡撻，接著就到今次的主角蜜糖炸雞，食落第一啖就食到蜜糖的甜味，而雞皮炸得好香脆，由於表面有好多脆脆米，變到雞皮食落似薯片，但可能有點炸到過左火，食到有少少燶味，即刻令到我食慾大減，都係食番家鄉雞好味好多

連鎖店炸雞黎講，我覺得無乜邊間夠kfc好。自己一個食既話通常都係等下午茶食個M3餐，一件家鄉雞一件葡撻，一盒炸雞粒，一杯汽水。炸雞表面金黃偏深色，雖然一早炸好等緊人黎買，但可能人流大出貨快，啲雞keep到香脆，入邊肉質夠滑夠多汁。炸雞粒就比較差，明明自己炸雞好好，但雞粒反而一般。細既雞粒好似得舊粉咁，大既先有少少雞肉feel，總之就粉多啦!葡撻都好正!!我覺得仲正過茶餐廳個啲，鬆化既牛油皮，加上香濃蛋味既熟蛋漿。Perfect