肯德基家鄉雞 (KFC)

Open Now

Now Closed

返工食早餐最緊要快靚正，KFC新出嘅早餐系列正好滿足我同一班打工仔嘅需求🤭1️⃣「肯！快脆」早餐系列2️⃣「平日肯抵DEAL」早餐(只限星期一至五, 公眾假期除外)🌼 G2 肯抵香脆薯餅蛋包餐 ($22)包括一個香脆薯餅蛋包同埋一杯香滑奶茶食連鎖快餐店好怕食到縮水麵包，KFC既麵包大小適中，飽肚之餘又夠鬆軟👍🏼內餡嘅原塊脆薯餅新鮮炸起，熱辣酥脆唔油膩；焗蛋厚身嫩滑💯平時食薯餅我都會蘸蕃茄醬食，KFC好似睇穿左我咁，麵包皮🥯搽咗蕃茄醬，酸酸甜甜同薯餅蛋好夾，口感超級豐富。最後配埋杯熱奶茶，鍚蘭紅茶底有茶香之餘無苦澀味，入口順滑😌😌(沒有用餐優惠)

因為可以用優惠卷。可以減$40。原價$51.5，現只需付$11.5。個餐包括葡撻、雞皇飯及炸雞。個雞皇飯一般水平。個芝士太厚身，太硬。不能混入白飯一齊食。雞肉不夠鮮嫩。肉質麻麻。個葡撻温度適中。好美味。個炸雞好難食。太乾身。太鹹。重差過麥記。唔建議再買。

得悉肯德基的炸雞出了合味道的香辣海鮮味，特意前往一嚐。套餐包括有炸雞、葡撻、薯條以及增量版的大汽水。一口咬下炸雞的脆皮，炸粉厚已是預期中的事，不過竟然真的食到合味道香辣海鮮杯麵的味道，帶來了驚喜！雞肉還算濕潤有汁，未至於乾巴巴。葡撻則屬一般，蛋液是正常的，可惜撻皮不脆較靭。勢估不到另一驚喜不得不提的是薯條！粗薯條外層很脆，薯肉咬下更有口感；最欣賞的地方就是可以加入的奇珍粉，放在袋裡搖它幾搖，即時令薯條增加一份香味，微微的辣意升到另一個層次！相比起對家麥X勞十年如一日越做越幼越腍的薯條，確實見證到進步是必需的。今次可以頒個進步大獎。

真係非常難食，好乾好鞋好耐肯定擺咗好耐！可以用不知所謂好難食，好難食好難食乾爭爭、有益油味、千祈唔好喺長沙灣廣場食KFC！我買咗一桶，跟住－肚氣Xxxxxxxxxxxxxxxxxxxxxxxxxxxxxxx同埋真係好鹹、皮林曬！我叫咗個筒餐！其他嘢正常發揮！同埋乾爭爭冇水冇汁Xxxxxxxxxxx

之前見到KFC出左一個新既餐，叫做麻辣口水雞扒桶飯，價錢好吸引，$29炸，即刻襯LUNCH去試下佢先~一見到個賣相我就嚇親，完全同宣傳照唔同，忍唔住問左句：口水雞呢？職員就好淡定咁同我講話，呢兩個醬撈埋落去就係架啦..😱當堂嚇一跳，然後得啖笑。原來咁就叫口水雞😂不過都試下個味先，應該都唔會好伏架啦。。。。咁諗你就錯啦~汁都唔係問題，雞都唔係問題，最大問題係個飯啊！！！世界級難食🤢🤢🤢係爛架啲飯！！！完全食唔到，唯有食晒舊雞就算😥😥真心好伏

最近同事話KFC出左新App，有好多優惠活動有$10一個雞皇飯/蘑菇飯，$10兩個葡撻，還有$20脆辣香雞翼套餐，還有早餐優惠！！個人覺得最抵係$50有6件自選雞，三種口味任君選擇（家鄉雞/香辣脆雞/狂惹香燒雞），可以選曬三種口味都得👍🏻👍🏻👍🏻👍🏻真係$10不到一件雞，超值之選。每次下單只能選擇一張優惠券，餐廳下單或App下單都可以，最精明的選擇係，唔好怕煩，分開幾次落單，就可以自己配搭到全家桶套餐出嚟啦，仲要平好多😁🤣

香烤蜂蜜雞翼茶餐雞翼烤到乾曬，d 外皮又黑，d 肉肯定柴啦葡撻係熱辣辣嘅，d 蛋好軟，面層仲有甜甜嘅蜜糖味，KFC 嘅葡撻真係無得輸黑椒蘑菇飯今次好好彩個飯係粒粒分明，唔會黐埋一舊，好似食粥咁，今次好多蘑菇未食之前個托盤就已經有飯粒，衛生可以好點不過$2x 嘅價錢，唔好強求咁多，起碼食得落口

都唔係第一次叫外賣，但好多次叫蘑菇飯都係配咗未熟嘅飯，好硬+一粒粒嘅感覺，明顯仲係生真係食唔落搞到我而家每次叫外賣都要自己煲飯😫建議廚房睇吓係咪個電飯煲有問題

KFC X 美祿限定恐龍樂園🐲系列D3號餐< 可可球美祿鬆餅套餐 > 成份餐有D咩?👇🏽👇🏽1️⃣可可球美祿鬆餅佢同我認知出面食既鬆餅好唔同🥴 。佢係可以練牙力既 。同埋唔知係咪我好好彩啦 😑 佢 D 腫瘤得兩粒咁多💣💣(講緊上面一粒粒果D) 。味道黎講佢絕對唔係冇味既 。個糖都落得幾多既 。2️⃣薯蓉🥔同平時食其他餐一樣 。3️⃣白汁雞皇飯 / 🌶️辣汁磨菇飯🍄我落單既時候冇講要咩飯😪。佢是但汁左個比我 。但當我發現既時候已經食左一半😂🤣😹4️⃣家鄉雞🐔x2 / 香辣脆雞🦃x2 / 狂惹香燒雞🐓x2佢有得揀兩款唔同既 , 我要左一隻家香雞同一隻香辣脆雞 。D 雞唔乾既 。都ok既5️⃣汽水咁佢係惠顧任何套餐或桶餐需要 + $9 升級享用經典飲品美祿恐龍 。咁我加左啦 。咪姐係正常出面飲果 D 美祿 🙄 貴 D 之嗎 。🤥有咩分別 。總結啦 。咁成份餐五十幾蚊既 💸 。係飽肚既 。但會唔會再食呢 。No la 。我食番茶餐廳算 。推廣期到 6️⃣ 月 3️⃣0️⃣ 日 。🍪🍫可可球美祿鬆餅係全日供應既 。

琴日買咗2個外賣餐，1個2人雞餐，1個雞包餐，2個餐都有薯格跟既。佢地一面執餐，我地就執下手套飲管咁，轉頭個好似比教高級的職員(跟其他員工制服不同)就話齊啦。於是我地未攞住2袋外賣走囉。 返到屋企拆開啲盒，個包呢！？成個包餐講緊30幾蚊，再發現2個餐既薯格都無執到。即係2人餐漏咗薯格，包餐得杯汽水！因為屋企的距離都好遠下，費時返轉頭，仲攪到屋企人既心情好差…買過好多間多客過佢的KFC, 都未遇過咁既事，仲要當時得我地一張單，我地沒即場再查一次食物當我地都不夠細心，總之就是不愉快的一餐。ps: 2人餐個菇飯同雞飯，食過咁多間，真係第一次見啲汁比咁少，成個雞飯得2粒雞肉，利害

今晚(5/12)九點幾去KFC買外賣，未埋到去都見到幾個職員圍埋傾緊計等收工。埋到counter，個職員唔知係咪發緊夢，講幾次都聽唔到我叫咩，佢隔離個同事都已經聽到提佢。然後班職員繼續吹水，傾邊個崗位最hea。其中一個男仔好自滿咁話自己個個崗位都做過，除左經理未做過。佢可能覺得好驕傲，因為我兩盒食物都放左佢面前，佢都要傾埋先入袋。然後應該盒飯外面有d汁，佢整污糟左隻手，佢望住對手仲要叫「哎呀污糟左」，之後周圍搵野抹手，我d野食又係要等佢抹埋手先入袋。最後返到去打開，檸水變左檸茶，我肯定落單果個聽到水字，因為佢聽左幾次都以為我講汽水。仲要無比餐具，無比糖我都算。落單果個發夢，執食物果個執錯，pack袋果個傾計兼怕污糟，成班都咁唔想做不如返屋企玩手指啦。

最近唔想食屋企煮嘅飯，所以決定去KFC買個外賣自取。咁岩係社交平台見到KFC有推出二人餐嘅優惠，都覺得幾抵於是決定食下KFC。餐廳成日都冇燒雞食，老實講有啲失望，於是叫咗兩件家鄉雞同兩件香辣脆雞。連鎖店有個好處，就係佢嘅味道永遠都唔會變，食嚟食去都係咁嘅味道，唔會覺得好難食。呢個套餐有送兩個葡撻，眾所周知，葡撻先係KFC嘅主打菜式，所以呢個二人餐有葡撻我已經覺得好抵食。KFC成日都會推出一啲優惠，所以都推薦大家上網search下有咩優惠。

這不是食評，不過唔知應該係邊到告訴你們，所以寫在這兒，希望你們更改資料，免得其他人想我一樣白行。。去長沙灣廣場應該係出荔枝角地鐵站A出口，一出就係長沙灣廣場入口，出B2要過馬路。

明明中午先食完另一間店既2件炸雞餐，收工又忍唔住買呢一間既下午茶餐。講起呢一個香烤蜜糖雞翼茶餐，記載咗我大專既讀書生涯，當然果時唔係呢個價錢，份量啱啱好飽又唔會飯氣攻心，所以貢獻咗唔少金錢。由於係啱啱收工既時間，食下午茶既人并唔多，加上有自助點餐機，唔洗用好多時間就完成點餐。好耐冇食過，原來都幾多組合選擇。叫咗2個餐，番屋企打開仲係有少少熱，都冇濕透骨皮分離既現象至愛葡撻，每次必叫😍薯格略嫌咸咗少少，並不是現炸就差了少許。下午茶黎講算幾抵玩，2個加埋80有找，位置都好理想，樓下就係巴士站

真係唔多明白，點解喺長沙灣廣場，喺荔枝角地鐵站上面。不過令我更加唔明白嘅，就係來自美國嘅Kentucky Fried Chicken， 點解唔專心一意賣美國KFC炸雞，而要搞咁多花臣。今期出特別嘅dessert嘅味道，我就唔多恭維，奉勸一句，不如反璞歸真好過。紫薯白玉神地 & 麻薯紅豆葡撻紫薯雪糕，係夠紫薯味，但係覺得雪糕質地唔夠滑而且太甜，白玉即係團子，又即係餡湯圓咁樣，滑滑捋捋，不過口感唔夠煙靭，反而咬落覺得硬。麻薯紅豆葡撻，KFC葡撻加上麻薯同埋紅豆，創意無限，但感覺有啲騎呢，食落去係太甜，甜到好似直衝上腦咁樣。Too sweet for me, 而且完全cover曬葡撻嘅蛋味。