肯德基家鄉雞 (KFC)

Open Now

Now Closed

見到開飯友講呢間，今次輪到我，咁就俾個續集佢。我用Apps叫外送，落單之後發現要一個鐘先送到，畢竟佢唔係熊貓同戶x送，冇辦法啦頂，叫左4件雞加2件巴辣香雞翼，發現漏左2件家鄉雞。一收到貨發現漏送就打去客服，話會即刻送到，咁好啦。醒起會唔會又等一粒鐘，就網上問客服，等左15分鐘都冇人應。唯有再打電話問，佢話送緊，由打電話投訴漏單到收貨起碼要40分鐘。收到果兩隻家鄉雞，仲要係好鹹，鹹到頂唔順食唔哂

買外賣自取,俾漏野.打去CS,話轉頭聯絡我,個頭轉左一粒鐘都未搵我👍自己搭車去拎返,係搭車,去到話呢樣無果樣冇,態度差到以為自己撞鬼🤭問佢使唔使對返訂單號碼,又話唔使,一陣啲人以為我呃飯食.🤣真金白銀仲比突去食呢餐嘢兼探靈👍結論就係 想比錢受氣 一定係幫襯KFC👏🏽

KFC一向是我早上速食的必定選擇，簡單的多士配上牛油是很吸引！KFC的蕃茄湯底提供了另類食法，透過湯底浸多士，開胃又醒晨！超級好味！KFC熱奶茶亦都可以簡多奶、少奶，適合每一個人🤪🤪

剛剛想買早餐，已經點左一份，想叫多份雞扒早晨全餐，問收銀多士可唔可以轉鬆餅同通粉可唔可以轉清湯，我轉身問朋友，收銀已經不耐煩黑面，整身執緊餐具既佢叫份廚房唔好整，跟手再掟膠匙，都成班圍埋一齊用唔客氣既眼光望住我地。我無話唔要，同埋我朋友係我隔離問佢都係半分鐘都無既時間。上個月幫襯外賣執漏哂野都算，個之人多忙。今日早餐得2-3客，我後邊無人等叫餐既，都咁樣趕客。想食炸雞li頭而家有好多選擇，我諗我唔敢再幫襯li間分店。

員工態度差，改一改，加一加野，就西面。西面之餘，仲要俾錯野我。。。睇住個阿伯唔係好識，員工完全無耐性，服務態度超差！唔知點解個飯有陣「宿」味。。。已經係冷飯底，應該係隔夜再隔夜，之後整番熱雞硬過柴皮...因為隔夜翻炸。。。咬左一啖已經唔想再食...好乾好硬...而且衛生好差，好污糟，想食好雞，唔使幫襯依間，晒錢，成個餐唔使食，買過。。。我寧願去華都果間好過，住附近的，可以行遠小小去華都果間，會好好附。

周六早上還是要早起，之後當然要食個早餐，突然掛住kfc 芝心火腿脆卷至慳精選B餐＄18.5 覺得好抵，3⃣️樣野，夠曬飽阿拉伯加咖啡，雖然吾知咩國家，但是又幾好飲😊😊

星期二又有KFC $50 6件雞嘅優惠. 我又忍唔住收工去買，上次喺九龍區食過又大件又熱辣辣好好食，今次就返到屯門買，排隊嘅人唔多，不過奇就奇在我真係唔明白點解KFC請親嘅人 態度又有問題做嘢又散漫，同個妹妹講要四件辣兩件燒，妹妹話燒雞要等㗎喎。我就話好啊冇問題我等，之後個妹妹又繼續講要等好耐個喎，再補多句唔知等幾耐個喎，我依然都係果句好啊冇問題，其實點解好似做到唔想接呢d燒雞嘅單呢？最後大概等左5分鐘就拎到啦⋯⋯返到屋企即刻打開食，一望離晒譜，我唔明白做優惠係咪真係要做到啲質素咁差，三件唔係雞胸係雞背脊，其實大部份都係得啲皮， 啲雞下搥永世都係發育不良，最慘嘅係叫辣，一啲都唔辣， 燒既又一d都唔香 $50 嘅質素真係好差 我寧願你$80 6件但係俾返啲好嘅質素

友愛KFCD8-9号餐堅系難食wo,番茄濃湯变水，通粉就真係粉，一擺落口即粉，完全唔彈，食到我都唔想食。食M記都正過佢，又平又好食，但KFC早餐認真食唔過，飲品好似真淨落糖咁，超甜......

路過看到紫色海報，聯想到萬聖節。两年未嚐此雞。想試試水準如何。包裝依舊，雞仍是熱的，黑椒是碎粒狀，密麻麻，入口黑胡椒味突出。皮很脆口，未達至「響脆」程度。惜雞肉部份淡而無味，卻算細嫩。辣汁蘑菇飯則水準依然不俗，不太濕不太乾，辛辣感覺能引起食慾。可能是外賣，葡撻皮不脆，蛋撻餡則香滑有濃郁蛋香。第一次食此店軟雪糕，勝在廉價啦。