肯德基家鄉雞 (KFC)

Open Now

Now Closed

在微信用開消費券的都可能會留意到，依排有好多商戶的優惠券，其中一個就係KFC的辣汁蘑菇香飯(大), 只要$10一份，原價可是要$26.5呢！好耐都無食啦，今次都係見行過餓餓地, 又有優惠先食！辣汁蘑菇香飯其實就唔辣既，所謂辣汁都係有少少黑椒味，我覺得個黑椒味可以再強啲添！蘑菇都有唔少，整個飯都係用一次食飯盒裝，有D唔環保,份量唔算多，唔係真係話好大。今次個飯質素真係唔太好，D飯好似過晒火, 淋到不得了, 只能說有優惠時, 可平平地填下肚.

K仔又出新嘢, 當然要試一試, 今次推出越南牛油蒜香炸雞, 喺越南食店嘅牛油蒜香雞翼絕對香口好味, 唔知K仔味道如何呢? 一係唔食, 一係食大佢, 叫咗個$50.5 套餐, 兩件越南牛油蒜香炸雞、一件自選雞件、蘑菇飯、葡撻及飲品。越南牛油蒜香炸雞 外型係靚嘅, 吸引嘅, 至於味道....有蒜香, 牛油香味欠奉。雞件炸得乾身, 肉質juicy, 雞皮脆脆的, 雞肉都幾嫩滑, 但醃得好鹹, 以越南牛油蒜香炸雞為賣點, 完全冇牛油香, 唔合格!!葡撻好食, 夠熱, 有酥皮效果, 所以香口, 撻餡滑溜, 香甜而不膩。蘑菇飯我都唔知有幾多年冇食K仔了, 由幾時開始佢個蘑菇飯變得咁難食? 飯水份太多煮得好濕, 佢個蘑菇醬汁唔好食, 得個鹹字! 以前好LIKE, 但現在 DON’T LIKE奶茶 ~ 算把啦, 不值不提!

日日喺屋企食點少得頹食呢，咁KFC實走唔甩！於是自己一個人走咗落去食，帶咗個下午茶餐，有齊汽水炸雞同葡撻。炸雞鬆脆有肉汁，葡撻蛋香又滑係我食過全世界最好食嘅葡撻！

大年初一，屋企煮齋，所以決定自己去食野，太夜得翻老麥同Kfc揀，就決定食kfc。嗌左個牛油粟米黃金雞一人餐，一個蘑菇飯葡撻汽水同2件雞。飯葡撻汽水都係正常味，呢個牛油粟米黃金雞先係重點😋。啲雞好juicy，聞落有啲似日本隻粟米湯薯片，食落都食得出好香牛油同粟米味，好味😋！

又黎到kfc 環節！今日又係食香辣脆雞，仲用左coupon所以好抵！！！不過呢間kfc d雞似放左一段時間... 又唔夠多人.. 真係唔係太好食，食完有d覺得哂左d quota..............................都係要去番d多人既kfc先可以食到好食又新解滾熱辣既香辣脆雞！.........................

因為返工而要在東涌食飯路過kfc見用支付寶比可平$3就試下食佢既平筒飯炸雞配2 隻雞翼加蘑菇汁飯一打開 , 有驚喜炸雞夠脆， 冇因為我外賣而焗霖飯量同汁配合完美再加可樂1 個33 蚊既餐，算係平、靚、正

因為工作既需要，而家經常要食快餐，經過KFC見到有桶飯，好平！雞翼雞扒桶飯 $33呢個飯有兩隻雞翼、一塊大雞扒，加埋一大桶飯同汽水，只係三十幾蚊，簡直窮人恩物😂仲有好快有餐到！岩晒趕住返工既人士~想hea啲食下快餐既人啦！

叫左個3人餐，每人都系60幾蚊。最好食都系燒雞3人餐好抵食，兩個飯，6件雞，3個葡撻，6件雞翼，3個薯蓉。飽到上心口，鐘意食燒雞鐘意到6件都系叫左燒雞，因為唔會好似炸雞咁會食到成地都系同埋無炸雞咁乾！

在昨天約十時正，我在這裏堂食，看見有一位員工許世東先生收拾，收得井井有條，令場地煥然一新，以致我有舒適的環境進食，此外，另一位員工亦很努力拖地，令顧客在kfc進食時有賓至如歸的感覺，謝謝兩位為顧客提供優質嘅服務。

這間肯德基其實之前經過裝修，但是都不覺得有什麼大分別。外在看去不算太大，內裏座位都不算太多，午餐時分，很多時候都會坐滿學生。肯德基果然是肯德基，即使過了那麼久，質素也沒有什麼分別，仍然是那麼差。😒巴辣雞腿包，味道的確比起麥當勞的脆辣雞腿包，辣少許，但是雞腿非常之乾，沒有什麼肉汁，包亦都不見得有其他醬汁，因此，這個包雖然夠大，但是肉汁欠奉，吃起上來的確頗為乾明明我叫堂食，但是店員又以為我外賣，算吧沒所謂，買外賣就可以有空多拍幾張照片。這個薯格，買外賣，就會放得比較久，於是亦都略嫌會回氣因此顯得不夠脆，不夠熱，但是以薯仔成份來說，它還算合格了。在出邊城市區域，例如旺角、尖沙咀、荃灣，因為這些地區都有著名炸雞名店祖樂比，因此更加難令人的起心肝去肯德基。亦都只因為這次，再次在報章上面見到有肯德基的優惠券，減了$5 ，於是才有興趣，在東涌這個這麼悶蛋的地區，吃一吃肯德基解悶。😪

逸東商場冇咩野好食，最後決定食KFC，平時兩個人食一人一個滋味餐係唔會夠飽，所以決定叫一次3人滋味桶 HKD 142。*巴辣雞粒: 唔太辣，仲有點點林身，其實唔知係味真係地區差異會咁既質素! 林到一個點!*識食一定食辣汁蘑菇飯，唔知點解今次D汁比左好多，好多蘑菇，不過飯就唔好提啦，本身隻米唔令，點煮都唔會好食!*經典葡撻:一定冇輸! 外皮夠脆很可以!  入面好重煉奶味! 甜度適中!*3隻香辣脆雞: 普通雞翼咁囉就係，又唔夠脆，不過勝在入面夠曬咸!*6隻狂惹香燒雞: 根本係成個餐既靈魂， 燒雞係一定要叫的! 熱熱的雞鎚同雞脾肉，咬落JUICY，肉汁仲好鎖緊~正呀!

我地兩人同行，不過怕唔夠食就食三人餐。燒雞真係無得輸，最鐘意塔埋D飯一齊食。燒雞好濃味，顯得炸雞好一般，好明顯炸雞放左好耐，已經不脆。黑椒飯好一般，D 飯太多水，好林。

食飽飯當然要食甜品啦，經過ＫＦＣ見到有新野即去試下。想好似Ｍ記咁賣ＩＣＥＣＲＥＡＭ，不過定價有點貴。下次先試。反而簡左KFC 朱古力沙冰售價：24元 朱古力味不夠濃 沙冰不夠碎其實係有Ｄ　ＦＡＩＬ，不過試下無坊。

肯德雞係舊日嘅某些開心回憶， 偶爾會心癢想食來回味一下。今次真係令我心死。巴辣雞腿包非常細，雞唔脆都算， 但個包擺咗好耐令到個麵包都乾哂，真係個包仲脆過舊雞囉。薯角一盒都唔知有無十舊。食完其實都飽，但個感覺真係好好好空虛…

用餐日期：14/9/2012 (晚餐)(系統內的「用餐日期」依然不能使用，激死！)剪報發覺一整版面的 KFC 優惠券。搵了一晚和bf到佢樓下間 KFC 享用一下。半價喎，當然抵啦。如果以男仔來說，我想佢應該話唔夠食，不過佢無講囉。而我覺得OK，因為夜晚唔想食太多太肥膩的食物，尤其是油炸物。味道都不錯，可能我太久沒有食 KFC啦！之前覺得食傳統家鄉雞好悶，但係今次食返家鄉雞都覺得幾o岩口味，起碼無大脆那款咁油膩。兩款飯的size，以男友的標準來說太少，但我覺得enough喇。磨菇飯沒有以前的太濃味，無乜辣味﹔而男友吃的雞皇飯佢話有點甜。薯格是暖暖的。重點是汽水，可以解決當時吃油炸物的口乾。