Video
Opening Hours
Today
07:30 - 22:00
Mon - Sun
07:30 - 22:00
Above information is for reference only. Please check details with the restaurant.
Signature Dishes
今日要返工，要喺返工之前食一個午餐，所以唯有揀最方便嘅外送平台，今日想食好耐都冇食過嘅KFC，所以揀咗（一人飯堂精選）我用咗唔同嘅角度去分析一下今次嘅餐飲體驗。家鄉雞扒包份量方面，硬係覺得個包好似細咗，可能係我太耐冇食，都唔記得本身個包係咪咁洗嚕。另外啊，喺味道方面，依然係家鄉雞嘅味道，個人嚟講係覺得味道係保持到咁多年來嘅味。整體嚟講係好味嘅。亦唔會話太油膩。香蜜鬆餅呢一個真係意外驚喜，本身我睇錯咗以為係熱香餅，點知原來係鬆餅。食咁多年KFC，今次係第一次食佢嘅香蜜鬆餅，估唔到個味道原來係好好食，鬆餅好鬆化，嗰種香蜜嘅甜味唔係好死甜，你食完一啖之後會想再食第二啖。熱即磨咖啡正正常常冇咩特別。人均消費：$41加兩蚊平台費等於$43改善方案：個包大啲嘅話會開心啲。
continue reading
各位早晨今日黎到元朗kfc我都係第一次食KFC早餐，環境可以，好似之前裝修過一次， 人都唔算多 點餐好快就買到，搵位都好快搵到，枱都算叫做乾淨。收野收得好快。不過就奶茶冇乜茶味通粉就凍咗少少味道正常喇。不過呢啲係快餐，唔好咁多要求。簡簡單單快快手食完就塔車。好在我都唔係咁有要求嘅人，個早餐38元 叫貴唔貴 叫平唔平 。豐唔豐富自己諗喇。我食完就夠飽既！同埋個鬆餅又幾好食喎！下次有機會試埋其他早餐先😂🙈😂
continue reading
啱啱去完台灣返嚟已經掛住台灣美食啦😋 咦？KFC推出咗限時新品「台式三星蔥脆雞🍗」配上甜品及飲品，感受地道台式風情🇹🇼 有著「天下第一蔥」的美譽嘅台灣特產三星蔥蔥味特別濃郁啊❣️KFC嘅「台式三星蔥脆雞」係炸雞🍗嘅香脆外皮上抹上一層三星蔥油，再灑上三星蔥調味粉以及香脆白芝麻，濃郁的香蔥味道撲鼻而來🥰 香脆外皮及嫩滑雞肉，食到我舔舔脷😋我食左😋A2台式三星蔥脆雞豐盛套餐✨2件台式三星蔥脆雞1件家鄉雞/香辣脆雞/狂惹香燒雞1客菜絲沙律 (普通) 1件經典葡撻 1杯汽水(中)我仲加$3.5加配「Q彈雙重珍珠葡撻」❣️台式黑糖珍珠與經典葡撻結合，係葡撻內層同表層都加咗珍珠，啖啖滋咪，啖啖Q彈口感！另外仲可以追加$8將飲品升級為「桂花烏龍珍珠奶茶🧋」香醇又芬芳嘅桂花烏龍，加上Q彈的黑糖珍珠，口感順滑又豐富，絕對係配搭「台式三星蔥脆雞」享用的最佳餐飲☺
continue reading
KFC呢排出嘅E1(炸雞滋味盒)& E3 (狂野燒雞滋味盒)我都幾經常食，有時夜晚唔知食乜嘢，都會去買呢兩個餐同屋企人一齊食。E1(炸雞滋味盒)有一個蘑菇飯、一個粟米杯、一個經典葡撻、兩件香辣脆雞同一杯可樂。E3 (狂野燒雞滋味盒) 就比較豐富，有兩件狂野香燒雞、兩件巴辣香雞翼、一個蘑菇飯、一個經典葡撻同一杯可樂。平時嗌嘅炸雞都會點辣味，因脆得嚟有少少辣，真係香口有惹味，而狂野燒雞加咗蜜糖甜甜地，兩樣我都好鍾意，如果再推出多啲款式就更加好啦😋😋
continue reading
聽見有新味當然要試下，仲要係我鍾意嘅熱浪。其實好簡單，就係炸雞加咗熱浪味粉，但感覺偏咸，雖然辣辣地，但我好似食唔出熱浪味，感覺一般。反2而薯格配蜂蜜芥末醬又出奇地好食。
continue reading