Khaosoi House (Closed)

之前嚟過兩次，都可以接受。唔知係咪經濟差咗，TOP嘅foodcourt已經執咗兩間（蓮香同拉麵店）。我個人認為經濟差係一個太弱留強嘅好機會。不過如果有自己嘅鋪嘅話就唔同講法。.原本啲嘢唔好食，唔緊要食完就算。不過佢完全侮辱海南雞飯呢四個字。所以我就算食嘢都要影返張相比dislike。第一，啲飯硬過石頭👎👎👎。唔知係咪幾日前煮定？！第二，海南雞飯唔係用白切雞👎。咩嚟㗎！第三，海南雞飯應該係比雞湯， 唔係比蘿蔔燉豬展👎。第四，泰式奶茶應該係好甜因為泰國人好食得甜，而呢杯泰式奶茶係冇甜👎👎。總共加埋👎👎👎👎👎👎👎。上次大半年前呢個冇咁差。佢直情侮辱左海南雞飯同泰國餐。

第一次試，叫了海南雞飯同辣肉碎炒飯。炒飯夠熱、好味，可惜一粒肉碎都冇。至於海南雞飯，加錢食脾，但卻是用一大塊已起的雞皮蓋住細細塊肉，唔抵食。泰式奶茶可以接受，但青檸梳打難飲，飲汽水會較有保證，不過都未必會再試。

諗黎諗去都唔知有咩食附近，結果就試吓T.O.P. 商場底層既food court, 人煙稀少既food court, 想快快食完個晚餐就回家了，就試下呢間泰菜，嗌左個香葉辣肉碎加蛋飯，個飯整個唔算好熱，啲肉碎辣辣地咁ok la, 但個飯唔係熱就真係減分仲嗌左個船河，湯河呢啲冇得唔熱啦掛？！個湯都係，唔會熱到辣嘴嗰啲 不過啲配料都係一般般，豬紅嘛嘛地，蘿蔔都叫入味，同幾大舊下，仲有細細粒嘅魚蛋，加埋有啲炸豬皮係面咁

今日下午跟個師傅出左旺角睇d裝潢野，睇完又有d肚餓，所以自己食埋個dinner先走。check下附近有咩食，見到有個新開ge商場入面有個foodcourt，又近地鐵站的，所以去左搵食。個foodcourt唔係好大，不過可能都唔係好多人知，所以都有位，人流唔算多。行左一個圈，決定食呢間泰式野，叫左客菠蘿炒飯（＄48）。呢個foodcourt有度特別，就係每一間店都有個自助點菜機，可以用電子貨幣支付。所以我好快就俾到錢（重係用支付寶，又有得扣d現金券）。去得foodcourt 食，就唔會要求太多！ 炒飯的份量都唔少，算係抵食。個飯都熱同入味。不過菠蘿就比較少同細粒，食唔出係咪用新鮮菠蘿。整體黎講不過不失la!! 

今日正33度高溫，想食碗河粉易入口點，在T.O.P.最底層food court選食泰國野-Khaosoi House ,食碗泰式遊船粉。等了一會就有，看似濃湯的感覺，誰知是沒有味道，得色無味，份量很少，兩啖就k.o.,而且配料都無味，份量也不多，每款配料得一件，粉也還未散開就放上碗，沒有吸到湯底的味道（但本身湯也無味），令人食慾減退，還是快點食完離開好了。。。。這間泰國店沒有下次，不應抱有太大的期望😡😡😠😤

天氣好熱不想找街邊檔，所以去左旺角新場搵野食。可能因為新所以搵位好容易，就揀左呢間泰北菜。點左個咖哩牛金麵，58蚊，加奶茶12蚊。價錢可接受，味道很好，咖哩湯夠辣夠香夠足料，麵都好脆，好食！上菜速度都好快。不過杯奶茶就麻麻地，唔覺得有幾泰式，感覺同一般茶餐廳奶茶差不多，不過不失咁啦。見隔離檯食海南雞飯同蝦醬炒飯都好似幾正，下次試下先。一人獨食最佳選擇，坐得都舒服！最緊要呢，唔逼又有冷氣，非常好呀！

聽聞旺角新商場T. O .P……最底層有個food court 多野食，又落去兜個圈睇下有咩食先·🙂多間舖頭裏面，好不幸我揀咗食泰國船粉……先講態度:我落單時望住個餐牌order 左碗粉之後，見可優惠價加野飲，我即時話要多杯凍檸7，佢竟然話出左單冇優惠價，要計返正單 只係嗰幾秒鐘時間，加上佢自己又唔同客人講， 態度仲要好差碗粉整好，顯示牌又無通知，見咁耐就過去睇，原來已經有，碗粉味道其差，似好其求咁煮，份量又少，真係唔會有下次

見旺角商場Top 底層話有多間食肆，又去睇下先！係唔同其他商場既(起碼唔係熟口熟面啲連鎖式集團先),行完個圈，最後決定食船河！但想點呢…………湯底完全唔得❌份量少❌豬肉淡而無味❌

在樓上做完牙科檢查諗住去醫下肚，水牌指示地庫有food court, 於是落去行個圈睇下。見到哩間打著傳統清邁泰式美食旗號的，突然想吃海南雞。到店剛好踏正下午茶時段，落單時店員說請等等，連忙換上下午茶餐牌，下午茶餐無海南雞，只有以豬肉為主的船粉或咖喱麵。我還是以正價點了海南雞船粉配金邊粉。或者是期望過高，落差蠻大。用快子夾起金邊粉，碎得不行，心知不妙了 金邊粉本應帶點煙靱有𡁻口，可惜這碗粉腍到不像樣。至於主角海南雞，外皮算滑，不過要用「近呼無味」來形容，需要沾點醬汁伴食。說起醬汁，要讚下個黑油（不是豉油），味道濃郁，入口有點醋香，反而是一亮點

傳統清邁泰國菜係旺中對面個商場 Top底層既foodcourt選擇唔算多🤔一個餐平均要$50以上 好唔好食就見仁見智🤣唔係繁忙時間去食 等左10-15分鐘就有但一入口 完全唔熱😵冇咩鑊氣Pad thai食落應該酸酸甜甜 好開胃 但佢味道偏淡😩好失望不過😇加$8 可以選擇特飲 簡左紅豆冰好重椰奶味 紅豆大大粒 又唔算甜杯冰好推薦🤗🤗

第一次和朋友來T.O.P.這個商場逛見到有food court，而且人流不多，就繞個圈看看有什麼想吃的～見到這裡有清邁咖喱麵，就想試試！泰國菜總有吃過...但從來都未試過清邁咖喱麵是如何～經查看之後，知道店名Khao Soi一詞就是清邁的麵食之意！選了清邁咖喱雞湯麵雖說是湯麵，但與平日港式湯麵完全不同因這碗麵用的是炸麵，再配以咖喱湯汁～咖喱湯汁味道濃郁惹味，帶點香辣！另外還伴有青檸﹑紅蔥頭和酸菜，可按個人喜好酌量添加加點酸味，可中和一下咖喱的濃烈～雞肉的份量不算多，未算好嫩滑，但都夠啖啖肉而且略為醃過，味道夠香！整碗麵食的味道不錯！另外還點了一杯龍眼冰，配特飲加$12龍眼冰的味道略甜了一點！店內其他菜式都是一般泰國菜館有的菜式，不太特別～就只有清邁咖喱麵這個選擇較少見啊！未試過的話能姑且一試啊！

難食到嘔嘅芒果糯米飯,簡直係全港最難食全世界最難食嘅，從來未食過咁難食嘅，希望佢快D執，唔好再有人受害，我真的好少寫食評的，佢點解可以開到鋪？點整先整到D咁難食嘅嘢出來？椰奶杰達達，D飯完全衰過白飯，如果佢有電話留低一定剷硬佢兼叫佢回水，連想唔浪費夾硬食都食唔到呀

食過最差既海南雞飯。雞砍到碎片一般，仲有幾條好長既雞毛，全碟雞主要係頭頭尾尾，雞頸雞翼尖。個飯乾得黎又有一舊舊濕既飯係裡頭，令人完全無食慾。豉油好似爭鮮個d壽司豉油，根本唔岩味。餐湯非常咸，飲完都腎虧。總括黎講，海南雞飯完全唔得，另外碗豬頸肉粉亦平平，湯頭唔係泰式，無咩香料味，唔會再食

早輪知道旺角開左個新商場, 前兩晚就黎左呢個T.O.P行下 順便黎呢個新food court食晚飯, 呢個food court野食都算多元化, 有拉麵, 炸雞, 點心, 叉燒飯, 漢堡包等等, 而今次就揀呢間泰國野試下, 叫左個$52既泰式炒金邊粉, 價錢都係咁上下啦. 呢碟Padthai實物相當細碟 (張相zoom得好近所以顯得好大碟而已), 不過賣相真係唔錯, 顏色豐富之餘上面仲放左三隻大蝦, 食落隻蝦仲幾爽添. 但可惜D金邊粉份量太少喇. 唔好話晚餐啦, 就算下午茶我估食完都唔未夠飽喇. 而且重點係一食落口發覺碟粉都唔熱, 明明我影兩張相都係十秒時間, 相機食先都唔會搞到碟粉唔熱卦.不過味道係OK既, 只係份量同埋唔熱呢兩個原因已經令我唔會再幫襯了.

環境：⭐️⭐️⭐️⭐️店舖座落商場地庫Food Court內,眼見廚房同鴻師傅打通應該是同一集團，因為連經理都會兩邊走，協助出餐！食物：⭐️海南雞飯份量對一個男生來説超級少，另雞肉無雞味、不滑，飯底太油且太多水分、很爛，冬瓜湯超級多味精、勁咸！連碟醬汁都無味！另賣相亦不吸引！服務：⭐️⭐️⭐️店內設有自助售票機，可以用八達通、信用卡、支付寶付款，夠方便。但如果設有「取餐感應響鬧機」或有送餐服務更好，可以方便獨行俠先取位，慢慢坐㡳等取餐！註：⭐️⭐️⭐️⭐️⭐️五星為最高分，⭐️一星為最低分