7E咖喱王

Open Now

Now Closed

每當提及尖沙咀的重慶大廈，很多人都會聯想到龍蛇混雜、低廉賓館、異國背包客和色情行業等負面感覺，更甚的會害怕得急急走過或繞道而行，那些人跟本沒有對它作過真正了解，其實這裡也有值得欣賞的一面。在重慶大廈居住或經商的以印巴和非洲人士居多，故此大廈內的印巴商店及咖喱餐廳特別多。其中位於E座7樓的「 7E咖哩王」可以算得上是重慶大廈元祖級咖喱餐廳，1991開業至今廿多年，隱蔽低調從不拉客，專賣傳統巴基斯坦風味菜。老闆會講廣東話，母親是華人而父親是巴基斯坦人，餐廳曾經接受TVB及雜誌訪問，菜色均是正宗印度菜，廣受不少明星、香港人和外國人歡迎。 由於大廈及政府發牌條例所限，7E咖喱王以會所「Khyber Pass Mess Club」名義經營，門外張貼“只招待會員”告示板，其實很多鄉里及本地或外籍人士光顧照樣歡迎。店內沒有特別裝修，甚至感覺有如住家式食堂，大概能容納四五十個座位。主打照牌菜包括咖喱羊、咖喱雞、咖喱蝦、天多利烤雞柳、芝士烤餅、洋葱烤餅等，烹調比印度咖喱重口味，濃辣濃油，香料味豐富，辣得很有層次。肉類都是從回教屠場入貨，做得最好吃是羊肉，乾燒羊肉Mutton Bhoona是鎮店名菜

行過重慶大廈，經常會有人招來叫我上去食咖哩，今次終於上左去，其實行過重慶大廈既人可能都會同我一樣，有d恐懼，裡面全部都係印度人，或者黑人，總係覺得呢個地方好陌生，或者話係危險。但係其實今日行入去，又覺得ok wor, 啲人好nice,問路都會好熱心幫忙，唔會搭訕。7e咖哩，就係個location, 行到最入轉右有𨋢，上去7樓就係。一入到去好大陣咖哩味，以為會好多印度人，但係其實中國人食客比較多。今日幾個菜都唔錯，先係鐵板燒免治牛肉卷同雞塊，實係好香好香既燒烤味啊，個雞肉好香好嫩，但係個牛肉稍嫌有點咸同粗糙。同埋加一加個檸檬汁更加好味。食咖哩當然要配個烤餅，是日叫左一個呢到出名既奶油雞，配既係蒜香印度烤餅。呢到既咖哩有點融入中國菜風格，會加入莞茜同薑絲，唔食莞茜要先同伙計講聲啊。但個人覺得加左莞茜更香。呢個奶油雞真係十分唔錯，好滑好濃，甜甜地，又有點辣速地，同埋個烤餅好脆，好正宗，仲有少少蒜頭粒係上面，好香，加埋個咖哩真係食過番尋味。芝士印度烤餅，一d都冇偷工減料，唔係得陣芝士味，裡面有芝士。口感比起蒜香烤餅更加厚身.個人比較鐘意蒜香既，比起呢個冇咁膩,同埋較香脆。個咖哩西蘭花又係有大量

一直都知道重慶大廈出名食咖喱, 但同時都知道重慶大廈有好多命案發生, 都係唔少印度人東南亞人聚集既地方, 對呢個地方係有點害怕, 有點卻步! 放工同老公未諗好食咩晚餐, 經過重慶大廈門外, 有唔少印度人熱情拉客, 所以決定一試! 7E嘅店員帶我地入去重慶大廈搭𨋢, 入到去既感覺比想像中好. 之後7E嘅店員送一張九折卡俾我地, 下次去可以用.餐廳裝修簡陋, 有點去到茶餐廳或者飯堂既感覺, 坐位都唔算舒服. 我地去到既時候, 客人唔多, 唔需要等位.餐廳會送上餐前小食比每台客人. 烤餅又薄又脆, 味道偏咸, 醬料有好重香草味, 有小小辣, 幾醒胃! 串燒免治牛肉卷併香燒雞塊 用熱辣辣既鐵板上菜, 咋咋聲又出晒煙, 香噴噴! 令人期待!特色香料雞 $78醬汁好重香料味, 味道濃郁, 微辣中又甜甜地, 再配上少少奶油味, 非常惹味! 用黎配薄餅食真係好正! 值得一試!雞肉唔算嫩滑, 但比先前既香燒雞塊好得多.燴薯椰菜花$62醬汁好重印度香料味, 薯仔同椰菜花都煮得好腍身, 好入味! 同樣用醬汁配薄餅食, 都唔錯!芝士薄餅$35有淡淡芝士味, 又有油酥香! 口感係軟稔中帶點煙韌! 就咁食都好食,

第一次去重慶大慶，唔識路去左A區，全部都係賓館。問管理員點去E區，去到lift 口，已有人比張vip 卡話可以9折。一坐底，佢地就送上小食-胡椒餅，好香脆，但咸左少少。除左薄餅，每款咖哩既份量唔多，可以叫多幾樣試。芝士薄餅好味鬆軟，2塊5人分都夠。另外都試左塊蒜蓉味都唔錯。咖哩方面叫左牛同羊，味道唔錯，揀左小辣，合曬香港人口味。可惜，牛肉有啲un...另外，試左香料雞同鐵板雞，2個都有驚喜😋香料雞唔辣，什至帶小小甜，好開胃。鐵板雞香料好惹味雞肉好滑。另外，朋友推介飲芒果乳絡，味道唔太濃。最緊要食完餐飯唔口渴，應該都係用香料而唔係味精👍🏻

人人都知食印度咖哩緊要去重慶大廈，貪佢夠多東南亞人係到聚集，口味相對更偏向原本風味，帶埋朋友一齊去食咖哩，不敢自己去是怕他們太熱情我地都算食到辣，黎到始終點都要食咖哩，咖哩始終點都係印度的代表，咖哩雞，咖哩初初食落唔算辣，味道好濃，之後越食越辣，雞肉嫩滑，好入味又好好食，食上癮芝士菠菜，係將所有菠菜打蓉後，加上芝士煮成，芝士味濃，加上菠菜蓉口感頗特別的，不錯蒜蓉烤餅同牛油烤餅岩哂拎黎搭咖哩同芝士菠菜食，蒜蓉烤餅比較乾身，蒜蓉相對牛油較鹹同厚身，牛油烤餅感軟柔，但非常就香，好有牛油的油感，兩者我比較喜歡牛油烤餅還有小食免治牛肉卷和香燒雞塊，免治牛肉卷唔會好乾，食得出有香料味，好易咬，雞塊唔知係用咩醬汁燒成，但都算嫩滑，兩者小食都夠惹味，好吃

如果要說香港的特色，那麼多元文化融合就是國際公認的香港的特色了。在水泥叢林中，重慶大廈內藏著一個神秘的國度，六十多個國家的人非常自然生活在一起，共存的國家文化沒有一絲衝突的感覺。每一步都像在世界旅行，來到E座7樓的＂印度＂，一間名為咖哩王的店中品嚐最正宗的印度菜。環境非常清潔，加上店員會說中文，整體讓人很舒服的感覺，能夠愉快地去探索接下來讓人期待的印度菜。由於我們只有兩人，所以點的菜不多，不過每一道都令人回味無窮。咖哩牛腩 ($75)雖然名字上是咖哩牛腩，但這裡的咖哩牛腩仍充滿印度特色，與街外普通的咖哩牛腩有很明顯的差別。印度咖哩的辣讓人食慾增加，牛肉有點韌，很有嚼勁。會白飯一流印度香料雞 ($78)雞件相當嫩滑，大小剛剛好一口一件。原以為會很辣，沒想到反而很突出的是獨特的香料味道，一點甜很好吃而且辣度適中。烤餅 ($22)餅非常的軟帶著一點點的香味，撕開的時候有一點煙韌，不過拿來點其他菜餚的汁就美味得很，不一會就把其他菜餚的汁都清光。

放工約咗姪女係尖沙咀食飯, 佢話想食咖哩,毫無頭緒嘅我就問同事有咩推介, 佢二話不說就介紹我食7E咖哩王, 仲話呢間必食唔可以錯過! 你講到咁, 我就即管試吓有幾好食! 結果,真係好好食 佢冇介紹錯威化楜椒餅~好薄好脆味道鹹鹹哋, 點啲綠色醬汁個味道又會唔同咗, 綠色醬汁有辣椒,洋蔥同薄荷葉, 辣得嚟好清新, 中和咗脆餅嘅鹹, 配合一齊食都唔錯!印度咖哩角~外皮較厚身都炸得幾脆, 裡面包有好香咖哩味嘅薯仔同青豆, 都幾大隻, 對我來說一隻已經好足夠!印度香料雞~醬汁甜甜地食落有會啲微辣 , 帶有好香嘅香葉味 , 雞肉肉質嫩滑, 每件雞都被醬汁重重包住, 所以雞肉好入味! 食到我停唔到口! 小亮推介原汁咖哩羊肉~ 好香咖哩味, 辣度適中, 用來點烤餅簡直係一流! 羊肉一啲都唔羶, 仲要煮得好腍好入味! 如果羊肉可以多番啲就更加好了！食咖哩當然要配烤餅啦！牛油烤餅~ 烤餅都幾大塊, 厚薄適中, 好香牛油味同酥脆, 點咖哩汁同香料雞個汁都係冇得頂嘅食咗咁多重口味, 當然要嚟杯飲品refresh 一下芒果乳酸 ~ 好濃嘅芒果味, 甜酸度恰好, 幾好飲!

今日在尖沙咀附近，望見重慶大厦，令我想起印度薄餅，上openrice見到這間不錯，行入去差不多到尾，右手邊搭電梯上7樓。印度藉店員殷勤招待 nice service，耐心解釋食物的種類，夾雜著廣東話、英語，深深感受到香港多國文化的特色。未點菜已經放上兩塊印度薄脆及綠色咖哩醬， 少少辣好醒胃。前菜(appetizer)點了個印度咖哩角(samosa)素食(vege)，新鮮炸起，脆卜卜，裏面的餡料是咖哩薯菜。試個芒果特飲(mango lassi)，清新的感覺，飲到低有芒果蓉，非常新鮮(fresh)，好好飲。叫咗個馬沙拉燴雞(chicken masala)，有驚喜，味道好特別，吃到不同的層次，豐富的印度香料味，好味到一個點，甜甜地(sweety)，只係有少少辣，相信有部份小朋友都可以食到，萬分喜歡這個菜式，堅好吃。yummy另外叫咗個咖哩羊肉(curry lamb)，以為會好辣，店員知道我們是香港人，廚師不敢煮得太辣， 然而這個辣度好香，令人留下深刻印象。印度咖哩當然要配印度薄餅(nan)一齊吃。印度薄餅(nan)及蒜蓉印度薄餅(garlic nan)。薄餅是新鮮製作，熱辣辣，既鬆軟又有少少

重慶大慶，聽人講食咖喱好出名，也聽人講那裏龍蛇混雜。所以我捉了阿哥來壯膽深入虎穴吃好西。在門口有派傳單，拿了一張，見這麼多明星宣傳，應該有保證，就決定了這間。一入重慶就很多人拉客。好彩拿了張傳單，有個人見我們拿著，走來說帶我們去。我們見他也拿著這些傳單，才安心跟他走。穿過像迷宮的走廊，他帶我們到電梯，給了我們一張VIP咭說有折，指示我們撘到7樓就可以。看見門口寫著只招待會員。我拿著VIP咭應該可以吧？好彩入到去見有兩三枱客，加上店員友善的態而且會講中文，環璄又光猛，感覺都乾淨，讓我們稍稍安心下來。因為第一次吃，還是先試少少吧。要了一牛一羊。牛要了白汁、羊就要咖喱。白汁很讚。有不同香料，有腰果，味道香而帶甜。咖喱則味濃，微辣，很惹味。兩個肉的份量都不是很多，但味道很好，很有口感。這麼好味的醬汁當然要叫烤餅拌著吃。有三大塊。外脆內軟，好味。不過蘸了醬汁更好味。今次真是很好的體會，下次有機會再試其他。

papadams roasted 7 E famous Curry samosas vegetables garlic nan 24$Soft and tasty 😋 curry beef Tender and sweet Steak feel the pullao rice Indian fried Long yellow rice According to the ancient recipe The pleasing flavour of saffron A great warmth will arise from your stomach My friend working in India 🇮🇳 taught me Before When we were dining in the Chung King forest Nick name of the mansion mango lassi 35$My friend has a lot of good impression on this Special lassi Mine is a yogurt iced drink Sp

同朋友傾開計,最近食左間佐敦咖哩幾好食，佢就話講咖哩當然係去重慶大廈食先正宗啦！喺重慶大廈地下遊走一輪,佢帶咗我去左7e 咖哩屋。一來就送上前菜，脆卜卜脆餅再加上綠色香料醬。我們可以一邊食一邊點， 因為我唔食牛,所以我點了一份羊，一分雞。燒羊肉咖喱，Masala醬汁令到羊肉酸酸地。好多羊肉啊, 炆到好腍,有啲係連埋骨,好似食羊腩煲。另外洋蔥煮到淋曬，吸收曬Masala醬汁好正。印度香料雞,對比起燒羊肉咖喱冇咁辣,上面有啲椰絲。不過我我不太喜歡椰絲,所以還是燒羊肉咖喱取勝。食咖喱一定要配烤餅,今次我們點了兩款來配撘。烤餅分量好大份, 足夠配兩個咖喱。蒜蓉烤餅。蒜蓉好香,烤餅表面可以見到蒜蓉粒同埋牛油,還有一些香草。芝士烤餅,他的芝士是放在烤餅中間, 初時我以為他的芝士會放在烤餅上面,印度烤餅的芝心餅,我都係第一次試。如果跟咖喱一齊食,我覺得都係蒜蓉烤餅比較配合。滿分為10分(1分最低，10分最高)食物：8環境：8衛生：8服務：8價錢: 8舒適度：8總分：8

星期五中午勇闖重慶大廈嘅7E咖哩王！去到二點嗰時竟然冇開門，心諗會唔會冇得食呢？好彩遇到廚師剛回來，佢話原來佢地去咗pray。食咗成餐得我地一枱，等咗一陣就有得食。我地叫咗特式香料雞、咖啡牛腩、咖哩角同garlic nan。四樣野食都好好食。本身garlic nan就咁食都好正，用埋佢點香料雞同咖啡牛腩仲滿足，啲汁真係一流，香，而啲肉又唔”un”。本來menu上話咖哩角要叫四隻，但我地得兩個人，老闆就話可以叫兩隻都得。咖哩角點薄荷乳酪醬好Match。 再黎杯mango Lassi，正。好好飲，唔太甜，必點兩個人一共食咗二百幾蚊，最後老闆俾咗個九折

7E 咖喱王 今日跟舊沒見得舊同學見面，大家都喜愛辣，所以便到尖咀地鐵站D出口再行5分鍾的重慶大廈的 《7E 咖喱王》上菜很快但職員的笑容再多一點更好 食物方面的份量很足夠，很大份。調醬料的味道都不是太辣，很容易入口芝士薄餅 HKD 35 蒜蓉烤餅HKD 24一搬薄餅底部留下很多油，而這個不但沒有而且很乾身。蒜蓉芝士同樣很香同出色。串燒免治牛肉卷 HKD 98 牛肉碎很均勻，每粒同樣大小。己被調味的牛肉很好咀嚼、很入味，外硬內軟。香燒雞塊雞很乾身，咬下去也有肉汁。醬汁很濃岩哂重口味燴薯椰菜花 HKD 62 燴薯弄得很棯再配合己被調味的椰菜花，份外滋味。特色香料雞 HKD 78印度香料多不勝數，另一道香料雞用上再濃烈的，有小許辣，但仍接受到。

回想一下很多年都沒有踏入重慶大廈食咖喱唔知水準有沒有下降呢今日揀咗一間比較有名氣的七E咖喱王在重慶大廈門口已經有專員會兜售我們還附送我們一張會員卡是有9折的！記得攞啊跟住你跟住專員佢就會帶你走入很像迷宮的重慶大廈內！指揮我們左電梯上7樓就到啦今日是平日還好不用等位坐下來其實不用看餐牌心目中都有想吃的東西東西還未點店員已經附送小食給我們胡椒薄餅...味道偏鹹但是配上有點薄荷味醬汁有一種很新穎的感覺應該是送的❤️我們點了鐵板免治牛肉配雞柳個人覺得免治牛肉就一般般瘦肉比較多反而雞柳很有意外...肉質柔嫩而且味道十分野味！鐵板玩熱騰騰的！正另外我們還點了馬沙拉雞和店員推介的菠菜芝士用來送薄餅的薄餅我們點了兩份一份是芝士烤薄餅一份是蒜蓉烤薄餅眼闊肚窄的我們真係吃不完😭薄餅個人喜歡芝士吼薄餅多一點內裏的芝士十分濃郁！只是為必要的另外菠菜芝士來的芝士店員是是巴基斯坦芝士口感很有趣有點像腐乳跟麵包的質地完全不像我們平日吃的芝士！用來送薄餅也不錯所有食物都是比較濃郁的所以需要大杯飲品來沖淡一下口腔來多又點少得叫返杯mango lassi😂都是回憶中的味道👍🏻

今日跟舊沒見得舊同學見面，大家都喜愛辣，所以便到尖咀地鐵站D出口再行5分鍾的重慶大廈的 《7E 咖喱王》上菜很快但職員的笑容再多一點更好 食物方面的份量很足夠，很大份。調醬料的味道都不是太辣，很容易入口芝士薄餅 HKD 35 蒜蓉烤餅HKD 24一搬薄餅底部留下很多油，而這個不但沒有而且很乾身。蒜蓉芝士同樣很香同出色。串燒免治牛肉卷 HKD 98 牛肉碎很均勻，每粒同樣大小。己被調味的牛肉很好咀嚼、很入味，外硬內軟。香燒雞塊雞很乾身，咬下去也有肉汁。醬汁很濃岩哂重口味燴薯椰菜花 HKD 62 燴薯弄得很棯再配合己被調味的椰菜花，份外滋味。特色香料雞 HKD 78印度香料多不勝數，另一道香料雞用上再濃烈的，有小許辣，但仍接受到。