Video
Read full review
2018-06-02
1013 views
一直都知道重慶大廈出名食咖喱, 但同時都知道重慶大廈有好多命案發生, 都係唔少印度人東南亞人聚集既地方, 對呢個地方係有點害怕, 有點卻步! 放工同老公未諗好食咩晚餐, 經過重慶大廈門外, 有唔少印度人熱情拉客, 所以決定一試! 7E嘅店員帶我地入去重慶大廈搭𨋢, 入到去既感覺比想像中好. 之後7E嘅店員送一張九折卡俾我地, 下次去可以用.餐廳裝修簡陋, 有點去到茶餐廳或者飯堂既感覺, 坐位都唔算舒服. 我地去到既時候, 客人唔多, 唔需要等位.餐廳會送上餐前小食比每台客人. 烤餅又薄又脆, 味道偏咸, 醬料有好重香草味, 有小小辣, 幾醒胃! 串燒免治牛肉卷併香燒雞塊 用熱辣辣既鐵板上菜, 咋咋聲又出晒煙, 香噴噴! 令人期待!特色香料雞 $78醬汁好重香料味, 味道濃郁, 微辣中又甜甜地, 再配上少少奶油味, 非常惹味! 用黎配薄餅食真係好正! 值得一試!雞肉唔算嫩滑, 但比先前既香燒雞塊好得多.燴薯椰菜花$62醬汁好重印度香料味, 薯仔同椰菜花都煮得好腍身, 好入味! 同樣用醬汁配薄餅食, 都唔錯!芝士薄餅$35有淡淡芝士味, 又有油酥香! 口感係軟稔中帶點煙韌! 就咁食都好食,
餐廳裝修簡陋, 有點去到茶餐廳或者飯堂既感覺, 坐位都唔算舒服.
我地去到既時候, 客人唔多, 唔需要等位.
餐廳會送上餐前小食比每台客人. 烤餅又薄又脆, 味道偏咸, 醬料有好重香草味, 有小小辣, 幾醒胃!
串燒免治牛肉卷併香燒雞塊
用熱辣辣既鐵板上菜, 咋咋聲又出晒煙, 香噴噴! 令人期待!
特色香料雞 $78
醬汁好重香料味, 味道濃郁, 微辣中又甜甜地, 再配上少少奶油味, 非常惹味!
用黎配薄餅食真係好正! 值得一試!
雞肉唔算嫩滑, 但比先前既香燒雞塊好得多.
燴薯椰菜花$62
醬汁好重印度香料味, 薯仔同椰菜花都煮得好腍身, 好入味! 同樣用醬汁配薄餅食, 都唔錯!
芝士薄餅$35
有淡淡芝士味, 又有油酥香! 口感係軟稔中帶點煙韌! 就咁食都好食, 配咖喱汁食就更好!
蒜蓉烤餅$24
帶有淡淡蒜蓉味, 比起芝士薄餅口感會香脆一點! 同樣配咖喱食就一流!
Post
