棋哥燒鵝

Open Now

Now Closed

唔知食乜好，又好耐冇食燒鵝咪試下，燒鵝皮脆👍🏻有荔枝柴香味（個人麻麻地呢個味），唔會死咸，肉質同湯底都OK，但啲肉個人覺得好蘇😂，$3x包熱飲好抵👍🏻但食完係唔飽嘅😂啲職員態度幾好👍🏻

我係第一次幫襯，買燒腩仔半份，但返到屋企打開食⋯肥膏佔大部份....以我個人角度黎講價錢真係唔算平⋯食得既肉唔係好多，可能我見識少啦，燒腩仔係有咁多肥膏，但係咁多肥膏真係唔知點食⋯評分以燒腩仔作準

食物質素 ok。不過，職員留返 d 空枱， 其實我同朋友2人，佢都要我地答枱，想隔多少少都無。 果塊卡版只系做樣，食客sofa坐位貼埋根本防唔到疫，防疫形同虛設。為左你隻鵝無左條命，我下次唔會食囉。

第一次同老公去食叉燒燒鵝瀨同飯，幾好食，一入去就有職員比定例湯我哋飲，咪道都幾好飲，有老火湯感覺，之後試個燒鵝有煙薰味道，皮夠脆入味好食😋但叉燒就比較普通，唔夠燶同香口，似質就軟嘅，唔會太煙韌！燒鵝可以再食...但叉燒就一般！未必會再試😆不過第一次試食都覺得唔錯，可以接受！老公話對比佐敦個間榕哥，都係榕哥嘅叉鵝飯出色好味好多，大家有機會都可以試吓兩間對比🆚我哋都有介紹朋友試過榕哥真係唔錯幾好食😋

長沙灣開左棋哥燒鵝的分店，次次經過都大排長龍，勁誇張！聽d街坊講話d燒味都幾好味，而且份量好多，所以今日都特登去試下。去到果然都係大排長龍，原先諗住有排等，點知又幾快手喎，等左10分鐘就ok，睇見入面d師傅做嘢勁快手。我買左兩盒番屋企食，一盒燒腩仔油雞飯，一盒燒鵝叉燒飯，兩盒飯都勁大盒好足料，D飯勁多，有小小菜，有薑蔥蓉，仲有兩碗菜湯送。燒味都幾好味，特別係燒鵝，好香口，呢個價錢真心唔錯，簡唔中買黎食都ok。

廣東燒味，最矜貴是燒鵝，源自台山。台山燒鵝，源自南宋末，御厨被元兵追殺，流落台山。另一源頭是香港的深井，炭燒燒鵝名揚中外，結合了台山的燒味技藝，和潮州人的煮鵝心得。 台山燒鵝是用茘枝柴煙燻，令燒鵝有陣陣香味，如塗了香水。近年台山派漸壓低了深并派，如湖南湘粉奪了廣東雲吞麵寶座。店內大字大書源自1976年老店。其實，據悉店主黎生在1974年才來港，並不是燒味業出身。1976年開始做燒味店，但並非專門做燒鵝。，2000年後做川雞煲得第一桶金，2016年才正式做燒鵝。他的燒烤技藝受中環燒鵝影響不少，但貴在光大了台山煙燻派。在港島企穩，平均每年開一店，勢不可擋。 此店剛開，不再似燒味茶餐廳，回歸傳統燒味店風格，堂食環境尚算明淨，但坐得較擠迫。傳統燒味店，主力中午做飯盒，黃昏做斬料外賣，此店走老路。53元的燒鵝飯，價格合理，在55元以下，不高。瘦多膏少，有8件鵝，令平民區食客都覺得有所值。因一般燒味店，鵝份量少，多是皮連肥肉而已。煙燻味和瘦嫩鵝肉令人覺得與衆不同，像看到化靚妝的高挑女子。開店首星期，鵝肉微熱，香味濃郁，濕度適中。雖皮不脆，味略淡，仍覺叫好。 如今，熱烘烘不再，仍比附近燒味店出色。論