Kidult Cake Shop And Cafe (Closed)

繼續上週日飲食分享，老公下午還有約會，送了小兄妹回家不久便離開，留下甜魔媽媽一拖二。好動囝囝午睡醒來，下樓放電之際，突然說來要來吃熊貓餐廳！他講的熊貓餐廳就是 Kidult Cake Shop & Cafe，在去年10月初開時吃過一次，但這段路我們步行極少經過，反而是搭 shuttle bus 時才路經記起說要來，而小朋友明顯記住了。　多得囝囝的好記性，其實一早就想帶小兄妹來玩了！店內撥了一角做 Kid's corner，有書架、有玩具，也有公仔，兩兄妹一坐下都忙於摸這玩那，好不忙碌。當日為小兄妹點了一份 兒童餐 ($28)，內容包括自選三文治／意粉 + 棒棒曲奇餅 + 7oz鮮榨果汁。很有主見的囝囝選了雞肉三文治，果汁就要了蘋果汁，是新鮮榨起。　三文治雖然份量不大，但用料算足，有一整片芝士，加上滿滿的雞肉、蕃茄片，囝囝十分愛吃。麵包就沒有吃完，分了一半給妹妹。曲奇餅也有送妹妹哦～點給妹妹的就是招牌熊貓頭 豆腐慕絲蛋糕 ($32)，這裡特設適合一歲以上幼兒進食的低糖蛋糕，這是其中之一，甜味輕柔、豆腐慕絲清香又滑溜，配上竹炭蛋糕味道很不錯。當日妹妹初時吃著不習慣那質感，後來都越吃越愛，前

逆境和順景真是一線之差，還有10多日就飛，見唔到友人，可能年三十係最後出外，本打算請假，陪友人長一點，點之公司破例由放半日變比我全日，當然可省下一日大假，當同友人出外活動完，本下決心去食德國菜，但去兩次都唔成功，今次冇開門，友人建議轉食兒童餐，就去一次，還友人心願，當埋團年飯，入內地方不大，有小朋友玩的地方，也有進餐的桌子，一般有午餐或家庭餐選擇，因為想試多幾款菜，我倆就選了家庭餐，包沙律，曲奇，麥西哥卷，兩杯飲品加蛋糕，同兒童專用的果汁，半份麵同曲奇，基本上唔夠飽，所以加多個薄餅同蛋糕，沙律新鮮，唔錯，香燈曲奇餅，好香脆，有用橙皮做料，很好味 兒童餐外觀尚可，但烤雞天使麵太咸，棒棒曲奇幾鬆化芝士蕃茄麥西哥卷，是配芝士汁食蕃茄味突出，卷唔硬，幾健康蛋糕就點到芝士豆腐慕絲芝麻蛋糕，外表十分可愛，切開是芝麻蛋糕，面是豆腐味慕絲，十分好味，重豆腐味不太甜芒果柑吉啫喱蛋糕，像小蜜蜂，有果香味，比較一般，不及熊貓吸引蕃茄芝士牛薄餅，香脆，好重蕃茄味，友人應該喜愛，牛肉唔多，醬汁香濃，很好焦糖咖啡，水不太夠熱，泡沫很凍，拉花不太美，但夠甜味，友人的意大利咖啡同樣是出現呢個問題，餐廳要留意下，總括來

大朋友突然童心起…居然比佢搵到間專for小朋友既cake shop & cafe...只睇門面外觀…仲以為係普普通通既外賣旦糕舖呢…平時經過都不以為意…但原來仲有唔同味道既cookie賣…唔買樽裝…亦可選擇200g一包既cookie...連氹小朋友既卡通款式都兼顧埋呢…據聞創業者是一子之母…也是旦糕愛好者…所以一切也由小朋友方面著想…造出低糖，無添加，無色素既旦糕…加上用kwaii既卡通造型黎吸引小朋友既食慾…可謂費盡心思…店舖裝修均以雪白顏色為主…配上簡約既卡通圖案…更特別劃出一個小小既corner位…for小朋友嬉戲用…這樣也可讓大朋友安心進食…menu方面…主要都係輕怡食物…我地雖然唔係family...但仍可點選family set...樣樣有d…啱哂貪心既大朋友…可以一次過試哂咁多款野食…朋友興高采烈想要有拉花既coffee…於是問過侍應邊款有…結果>>焦糖咖啡隱約見到有例牌式既樹葉形拉花…有少少失望…因為唔係討小朋友歡喜既公仔花…而cappicino就無…焦糖咖啡放耐左…連拉花都下塌…細飲之下…奇怪泡泡居然係凍既…沙律係好簡單既菜加芝麻醬…但生菜似乎唔太新鮮

經過網上見到幾款蛋糕仔，吸引左我的眼球今日下午有空特意google msp找到他，可是地點不顯眼，真是專誠來才會發現到哦下午茶時間到，下午茶有幾款選擇，而選蛋糕加鮮窄果汁hk40一份，價錢都ok蜜蜂蛋糕(芒果幕絲)酸酸甜甜，不漏，其實最怕甜到漏的蛋糕，這個又不會小熊蛋糕係楱子香蕉，原來心水是芒果幕絲，吃後反而這個更合我口味，推店子小小，服務只很nice,吃得悠閒，like

雖然鋪頭唔算大間，但裝修以白色為主調，感覺好温馨好warm，主打親子餐廳既Kidult設有玩具閣，加上可愛既自家製糕餅，實在適合帶埋小朋友黎一路食一路玩。今次叫咗BLT法包三文治，麵包有得揀方包、麥包、法包、漢堡，饀料有烤雞、牛、BLT、煙三文魚等，仲有多款醬汁配搭。法包焗得好脆，煙肉又煎香過，媲美出面五、六十蚊個既連鎖餐廳。見到隔離枱既蛋糕整成得意熊貓樣，下次再黎一定會試埋~~順帶一提，而家"Like" Kidult Cafe既facebook page加上載食物相，會送咖啡味馬令，甜甜地好脆好好食，可以當小食咁慢慢嘆~

同朋友食完晚飯，經過一間新開不久既cafe，見到有冧酒心太軟，已經捉住朋友入黎試，環境唔錯，店內播放住詩歌，可能因為自己本身係一位基督徒，實在令我感覺舒適！放在門口既蛋糕櫃內蛋糕亦好吸引！可惜已經太飽，只能夠試下個心太軟😂

元朗新開cafe~ 老公嚟食過tea覺得ok...於是今日帶埋細妹嚟試~ 平日o既夜晚無乜人...好舒適~ 值得一提係呢間店係為小朋友而設~ 有兒童餐同餐具 (借o左隔離檯o既兒童餐嚟影~)!!! 小朋友玩具同斜路上落~ 推BB車入嚟都好方便~ 讚!!!我地係大人...叫o左三個$70 o既dinner set~有大大兜沙律~ 主菜可以揀意粉或者pizza~ 仲有cake同埋飲品 (加$8轉飲咖啡)~ 抵食!!! 蕃茄意粉好足料~ 酸酸地好好味~ Pizza餅底係超薄脆~ 上面有好多料同芝士~ 咁樣o既份量真係o岩o岩好~ 餅底太厚就食唔落cake~ 我叫o左榛子latte~ 稍為甜o左少少~ 不過好大杯好抵飲~ 新開張上facebook fanpage like同share photo有cake送~ 仲要送返display櫃o既cake!!! 好開心~ 於是三個人就可以試o左四款cake~ 熊貓造型o既豆腐芝麻cake最正~ 唔會太甜~ Opera蛋糕脆脆地都好好味~ 栗子蛋糕都好夠味~ 香蕉榛子蛋糕o既蕉味都好濃郁~ 件件都好正而且唔會甜到漏~ 店員都非常friendly同有禮貌~

今日lunch去左間幾得意既餐廳～最初以為得甜品～睇睇下原來有pizza and pasta 架～pizza個汁好夾呀～脆脆地幾好食喎～個白汁意粉煮到岩岩好～最緊要係d意粉好夠熱～一放低香噴噴～d煙都仲出緊～好味呀！之後就叫埋我最想食既熊貓蛋糕～老闆話原來三個唔同款既公仔蛋糕都適合一歲小朋友食架～食落就知點解喇～原來蛋糕唔太甜～好香芝麻味～好清～食得好舒服～好健康咁！臨走時～見到有個架裝住幾款曲奇～上面d芝士餅淨返三包～我唸佢應該係最受歡迎掛～結果買左番屋企食～好鬆軟～超香～下次再試埋其他先～

有兩個小朋友，而且其中一個在返學的父母，最大的煩惱就是他們生病之時... 繼妹妹患上手尾長長的氣管炎，上週五又到囝囝發燒，甜魔媽媽要暈了！！！平日胃口超大的小病人，很可憐的全沒胃口，一天下來只吃了十啖飯... 來到夜晚家裡又沒有飯開，就帶囝囝出去走走，看看他有沒有想吃的。走經這間 Kidult Cake Shop And Cafe，記得教會友人大力推介，門口也著實可愛，重點是有滿吸引的兒童餐，就帶了可憐豬進去。其實由入口位的設計已知，這裡是間非常baby-friendly的小店。店內地方不大，只得兩張餐檯及一掛高身椅，但卻花空間營造小朋友的play area，也撥出地方給父母擺放BB車；加上牆上可愛的長頸鹿度高表，以及兩張BB high chair，細心體貼之情表露無遺。可惜是囝囝實在太病了，完全沒有精神下來玩樂，只靜靜地躺在自己的BB車上。聽到又果汁，又三文治／意粉，又曲奇餅的兒童餐，也一點興趣都沒有，真可憐...唉！既來之，則安之，再說當媽媽的餓壞了、捱病了，更加沒力氣照顧小兄妹。放鬆心情欣賞一下小店可愛的佈置，再將視線遊移在餐牌上，想一想，到底吃甚麼好呢？　好的，我想好了！就選一