KiKi茶

Open Now

Now Closed

今日黎到K11 個商場幾靚 裝修好特別行左幾個鐘 都只係行左3-4層 行到都見有D口渴甘岩扶手電梯 一上就見呢間KiKi茶 哈哈哈哈 即係天要我揀你啦!呢間野既menu款式5算好多 都會見到有幾款係推薦款選擇困難症的我 就決定跟推薦款 - "野莓雪絨白桃烏龍茶" 但為左自我感覺良好 所以揀埋 微甜 少冰!!! "野莓雪絨白桃烏龍茶" 呢杯野 可能5應該微甜 飲落會有點好奇妙既感覺話好味 又算不上 話難飲 又未至於佢既桃味都飲得出既  只係各位叫呢杯既時候 真係建議正常甜吧!!而我同行者 就揀左常規既 黑糖珍珠鮮奶 可惜5記得影相!佢話味道都其他既都差5多 價錢都要above $35

今日同朋友去K11 MUSEA 睇電影，睇之前同朋友係商場搵野食。由於最近天氣好熱，於是想搵些可以消暑解悶氣的食物。咁岩見到KIKI麵店有一個全新「夏日滋味」的套餐（$158）。平時係屋企好中意食KIKI 的麵，覺得佢又健康、又天然丶又無添加任何化學添加劑丶又不含味精或防腐劑。餐廳室內裝潢簡潔，以溫暖的木色調打造簡約舒適氛圍，坐位闊落清潔，可以同朋友邊食邊傾，舒服！「夏日滋味套餐」已包括前菜丶主食及茶飲。口感軟糯的涼拌皮蛋在秘製辣椒油下，香而不澀口，以蒜蓉及白醋調味的涼拌青瓜，酸香爽脆，非常適合炎炎的夏日，非常開胃。酸辣餛飩拌麵非常台式風味的拌麵用上秘製酸辣醬鮮香麻辣。配上手工豬肉餛飩略帶刺激的酸辣味，增強我的食慾。金不換香茅肉碎拌麵以免治肉碎配上魚露丶醬油丶香蒜丶紅蔥頭丶泰國辣椒及金不換搭配台式手工日曬乾拌麵，炮製出微辣醒胃的創意麵食。海鮮中華冷麵用料非常多，配上滿滿爽口八爪魚片丶鮮甜的帶子及蟹柳，配上自家製的日式醬汁，非常涼浸浸。酸柑青檸特調生津解渴的茶飲，結合酸柑及青檸的獨特果酸味，非常開胃。有機會可以再試試其他菜食

在K11Musea呢間台式食肆kiki茶，食物好味😋又唔貴。我叫左套餐1)老壇酸菜牛肉湯麵，牛肉好味，切開細細片，我覺得配搭酸菜好正，令你好開胃，麵條幼，食落彈牙。2)涼拌皮蛋豆腐，天氣熱，食涼拌真棒👍豆腐淡味，佢配上木魚碎和醬汁，好夾呀⋯⋯就係因為好食，所以額外再叫一碟(額外叫🤣就大碟d⋯⋯先滿足到我。3)飲品係:紫薯雪絨黑糖薑母鮮奶，望住紫薯嘅顏色就好開心，紫色好靚，黑糖甜味啱啱好，嗅到薑味，溝埋鮮奶，飲落口唔係(死甜)，係啱啱好👍。4)最想食嘅雞翼，炸得好香脆，係我鐘意嘅炸法，連食3隻😹睇都睇得出好正。

作為一個全職媽媽有陣時真係唔想廿四小時都煮足三餐小朋友坤喺屋企長時間猶豫一個困獸鬥有陣時都想出街抖下但係帶住小朋友出街又要顧及好多嘢最緊要商場入邊容易搵到洗手間K11 商場入邊都有好多餐廳我個人就最鍾意Kiki茶因為小朋友鍾意食佢嘅「鮑魚花膠濃湯雞灌麵」我就鍾意食佢嘅麻辣鴨血所以呢個餐相當適合食完嗰餐再加多一個戚風蛋糕分量剛剛好😍😍重點食到美人照鏡你都唔會覺得口渴基本上你平日12點去到係唔需要等位但係到lunch 時間就多人等位有陣時太多人等位我都會外賣返屋企食諗起而家就更加想出去食

撈麵款式都算多，味道都幾好食，而且份量都算多，配埋跟餐嘅台式飲品，亦都好讚👍🏻唯獨是覺得價錢偏貴，而且座位坐得唔算舒服，感覺似canteen食飯咁，性價比唔高，價錢可調低一點，會比較吸引🙈

🐱🐷Kiki茶平時Kiki拌麵就食得多 不過得通常就自己煮嘅 今日食飽經過見佢啲茶好似麵幾吸引 就試下啦☺️嗌咗杯檸檬愛玉白桃烏龍 微甜 走冰大大杯 喺K11 musea有杯30幾蚊嘅台式茶飲真係唔錯了- 佢入面有一半麵係愛玉 上面有一塊檸檬 🍋白桃烏龍飲落口好清香 唔苦澀☺️加埋啲檸檬愛玉 酸酸甜甜 好夾～ 食滯咗飲番杯清清地refresh下-🐱🐷總結：有得走冰大加分 抵啲嘛🤪佢仲有印花卡 每幫襯一杯有一張貼紙 滿3張有免費珍珠 下次飲嗰時可以加料～❗️注意：佢個卡機只收實體卡（朋友話佢幾個月前嚟已經係咁）亦可用八達通 現金 💵

本身麻麻地台灣嘢 由於要睇戲 想揾碗熱嘢又快嘅 就揀咗呢間由舒淇做老闆嘅kiki間店唔算多位 好彩去到又唔使等位 有bar枱坐 睇完張menu 應該係叫套餐好過散叫 結果叫咗3個餐麵套餐醬煮大根(set) <-夠淋但甜咗少少蟹黃油拌麵 <- ok嘅 佢會教你點食 蟹油 蟹黃 醋就個人喜好 但係有啲難攪勻 麵套餐麻辣鴨紅(set) <-正常 普遍都係呢隻味鮑魚花膠濃湯雞灌麵 <- 夠熱 ok香茅雞翅(Set) <- 夠香口麵套餐麻辣鴨紅(set)麻辣紅白麵 <-佢好貼心咁俾即棄圍巾 如果你食鍾意食麻辣又食得辣嘅 都可以試吓 個辣度都可以白灼時蔬(Set) <- 原來係小棠菜 份量真係好少飲品就揀咗三杯 冇乜特別熱吉早冬瓜茶凍白桃烏龍熱皇牌珍珠奶茶3人晚餐食咗$502

食完晚飯, 就想搵杯野飲。search 到呢一間有賣飲品既店, 而且選擇好多。喺選擇太多嘅情況下，都係偏向會睇一啲佢推薦嘅飲品，又或者冬日飲品，見到佢收銀枱前面都有推薦一個係「紫薯雪絨白桃烏龍迷你芋圓」，個樣都幾靚，而且我又好鍾意食芋圓，於是就決定揀佢啦！佢都幾多人排隊，排隊嘅時間都等得有啲奈，而且都有啲混亂。呢杯嘢都幾大杯好高身，一個人飲晒。而且外形都幾靚，佢上面係有一層紫薯雪絨，睇個樣好粉狀好綿，而且有少少紫薯蓉; 跟住中間一大層就係白桃烏龍，底部浸左幾十粒嘅迷你芋圓。一層層嘅感覺，幾可愛!攪勻之後，覺得烏龍茶味唔夠突出, 唔夠茶香, 白桃味比較重; 有紫薯既味道; 芋圓好食，煮得夠淋，甜度適中！整體感覺似食緊甜品多D, 因為紫薯,芋圓同白桃味比較突出, 但就唔夠茶香.呢一杯飲品算中規中矩吧!

😍凍Kiki烤茶配川味珍珠 $33 ▶️ 7/10 杯野都幾大杯而且茶味都幾濃😌不過個伏位係川味珍珠😹😹佢個味道係咬咬下才會開始感受到但講明係川味珍珠那當然不是普通嘅辣係麻辣🙈麻到去到個喉嚨度跟住就令到無論係吸唔吸珍珠都覺得辣🥵之後我同我朋友只係飲杯茶唔食珍珠🥺川味珍珠係要額外加錢😹不過珍珠都幾咬口嘅🤣總結而言鍾意食川辣先好試🤭同埋小編係有啲接受唔到個配搭😬😚推介指數 ▶️ 🐤🐤🐤🐤🐤🐤🐤🐣🥚🥚🥚 (🐤為1分；🐣為半分）🙋🏻‍♀️自費食評🙏🏻食評只供參考≋-≋-≋-≋-≋-≋-≋-≋☆☆小編推介指數表☆☆7以下：好似被人伏左🤮7/7.5：非常普通唔推介🥴8：可以試但可能會令你失望😬8.5：值得一試應該唔會令你失望😚9：幾好食wor推介👍🏻9.5或以上：深刻難忘一定要試😍

同朋友經過Musea既Kiki茶見到有新既宣傳海報 所以試左一杯紫薯迷你芋圓白桃烏龍 賣相好靚同打卡able 但紫薯cream味太淡 而烏龍味唔突出 比白桃搶晒focus 而芋圓就好有咬口 整體一般般😢

行開k11 musea覺得口渴，所以求其去買杯純茶飲💁‍♀️綠茶唔算太甜，茶幾清，消暑解渴😝用嚟打卡都幾靚幾大杯添。不過店員就無咩禮貌，收錢都淨係指住個mon（示意我自己睇幾錢）💁‍♀️講野又無咩尾音咁。

行k11行到有點攰，便跟愛人來到這店買飲料， 點了野梅雪絨白桃烏龍。 原來雪絨嘅意思係cream mousse， 所以呢個係野莓味嘅cream mousse，白桃味不是太出， 有點烏龍茶嘅味道， 幸好又不是太甜。 雪絨面上有點趣趣，口感很特別。這杯飲料可以解喝。

與朋友行K11 Musea行到攰，就無意中發現到Kiki茶既踪影～依間主打台灣菜既餐廳之前試過好多次，今次就試下佢既外賣飲品，見款式幾多，賣相又幾吸引就去買黎試下～❀ 紫薯迷你芋圓白桃烏龍賣相吸引，層次分明～最上層係紫薯忌廉慕絲層，質感綿滑又creamy，有紫薯蓉。而中層就係白桃烏龍，茶味清香，有淡淡香桃味，甜度適中。最底層會見到好多粒紫薯芋圓，煙韌軟糯，好有口感！整體唔會太甜，味道豐富～下次會試埋其他款飲品

喺K11 musea經過Kiki麵見到好多人排隊堂食，反而買飲品就唔多人排，就忍唔住買番杯珍珠奶茶試吓。🌟Kiki烤茶珍珠鮮奶 $33茶味不足，整體太淡味，已經叫咗少冰，照計唔會因為溶冰而令到味道太淡，飲品有進步空間。

員工態度好差, 以後都唔會去, 多得佢, 我第一次係Openrice到寫食評對話如下:我: 要一杯紫薯雪絨店員: (說了一些東西, 但聽不消)我: 唔好意思聽唔清店員: (大大聲)要紫薯雪絨咩野 (語氣很差)我: 白桃烏龍果個芋圓好吃, 但茶蓋過曬紫薯奶蓋D味, 唔講以為係普通奶蓋, 而且價錢偏貴, 咁既價錢我寧願簡其他牌子既野飲店之後我比錢, 其實貴公司紫薯雪絨開頭的飲品得一款, 我唔信這位員工會唔知道, 因為呢杯飲品名稱好長(紫薯雪絨迷你芋圓白桃烏龍), 所以我淨係講左前4個字, 真心令人覺得氣憤。