金堡

Open Now

Now Closed

價錢非常之相宜，除有漢堡包，仲有飯、意粉及小食🍔🍝🍛先點了兩份漢堡，原來都係受歡迎系列經典漢堡～手打牛肉配搭蕃茄生菜，唔同層次出嚟嘅效果，恰到好處👍原隻甜酸蝦堡，新鮮蝦膠打成好彈牙，配以甜酸醬份外醒胃😋脆皮雞肉捲，外脆內軟，配埋啤酒，簡直係宵夜良伴👍👍

今次冇睇食評就諗住Keeta叫呢間試吓，諗住正正常常韓仔嘢應該冇死啦🥹點知叫到過嚟成個袋都係油，罐可樂跣到拎唔到上手🙂‍↕️🙂‍↕️跟住叫蔥油雞飯嗰啲油，冇蔥味得個油字！上午12點食完去到依家下晝五點幾個胃仲係唔舒服，仲要去咗嘔！😭😭嚟到嘅時候所有嘢都扁晒啲汁咇晒出嚟，視覺上已經唔好仲要食落嘅嘢都唔新鮮又唔好味，諗住申請部份退款都已經唔係全單退款，點知竟然拒絕原因就係已經出餐🫨🫨跟住睇返Keeta啲評價佢次次都係拒絕承認自己錯誤，全部都唔會退款俾返客人🫨仲要超級唔禮貌回覆返客人比嘅評價，身為一間開放俾人嘅餐廳唔該都開放返自己嘅心，虛心受教啦🫨唔係嘅話真係遲早執笠！

買左2個餐加2份燒賣,但只畀1套餐具,叫佢畀多1套,竟然問番我點解?我話買左幾樣野但只有1套餐具,佢即時糾正我話:「嚴格黎講你只買左2個餐,燒賣唔係餐,所以燒賣唔會畀餐具你。」咁你明知我買左2個餐,加上我地3個人黎，點解只畀一套呢?佢最後以施捨既口吻話:「嗱，我最多只可以畀多1套你。」但我由頭到尾都只係想要番該有既餐具數。$58一個漢堡包,唔包飲品,外賣加$2,即一個包要$60。飲品額外加左$5,但外賣又再加$2,即外賣加野飲要$7。大家睇下個包值唔值$60。（太肚餓食到一半先記得影，但都係有一片番茄，幾片生菜，一個漢堡，完。）

上星期韓國食完炸雞返黎再食🍗第一次去大埔富蝶邨 邨口有間韓式快餐風格金堡漢堡🇰🇷🍔KIMBO經典漢堡麵包烤得微脆 厚打牛肉配新鮮蕃茄 🍅生菜🥬濃芝士🧀️小黃瓜🥒🍔雙重芝士大啡菇堡本來想試牛舌漢堡但賣晒 🍄轉啡菇堡材料豐富 蛋釀啡菇同粟米粒🌽老闆話呢款特製漢堡比平時煮法唔同嫁🐓韓式炸雞薯條細份5件 大份20件 調味粉多款口味選擇有芝士 紫菜 蕃茄 紅辣芝士 蜂蜜乳酪 蜜糖芥末 韓式甜辣 叫左咖喱芝士🍗雞肉外炸內滑再加幾款香口小食吉列蝦 吉列帶子 香芋波波 雪櫃飲品特別 奈雪的茶鴨屎香檸檬茶真係未試過另有意粉飯餐 唔知有無人挑戰十層勇者塔漢堡呢🍔😲

大埔地方咁大真係行極都好似行唔完 🧏但原來有一間超強漢堡店匿埋咗 😛講緊嘅就係《金堡》 Kimbo上星期有一日嘅中午 我入到去情況同曼聯嘅奧脫福球場一樣都係座無虛席 😆我就知道一啲都唔簡單一坐低就叫咗一個 "classic" 同一個 "牛舌"漢堡"classic" 果個份量十足 🍔蕃茄🍅同生菜🥬都好好好Fresh！而且牛肉🥩嘅擺放好有層次感至於牛舌漢堡塊牛舌好煙韌🥟咬落嘅感覺永無止境但又好不捨最重要係夠哂juicy 😋完美地貫穿成個漢堡漢堡係可以隨意配搭各款小食 🍟🍿🧇亦都有提供主食🥘🍲價錢合理最重要係開到好夜！店員亦都好爽朗！有時去街去到夜一夜🪭返到屋企附近想醫肚選擇又可能唔係太多但又唔想幫襯便利店🕯諗落真係幾令人頭痛特別係好似我呢一行經常性都要日夜顛倒好彩有 Kimbo 提供 ‘’Golden Combo‘’ 🤫值得一提店內嘅紅白磚牆身打起卡上嚟好似幾有 feel 🤤

附近嘢食選擇唔多🥺除咗漢堡仲有其他主餐🥢小食主餐都係大概六七十蚊有韓式年糕，意粉，飯🍛估唔到係連燒賣都有有時行過想食小食都唔錯^舖頭叫「金堡」無奶油唔試吓佢啲漢堡既😝🍔KIMBO經典漢堡💰58🧀芝士片融入牛肉配搭蕃茄生菜🥬口感豐富 蔬菜都新鮮爽脆整體不錯👍都幾大份🍔燒汁牛舌漢堡 💰58好中意牛舌既我一眼就比佢個menu 吸引左👅牛舌彈牙厚實有足足三大塊！！！呢個價錢岀面最多都係得牛舌粒幾抵食❤️❤️❤️仲有我最愛嘅燒賣加配 炸燒賣💰10@🧈香口又唔會好硬👍🍗韓式炸雞薯條🍟 (紫菜味)💰68細份有五件總共有八種口味可以揀一款口味大份就全部味都有好鐘意佢好多紫菜粉炸雞做到外脆內嫩薯條好脆好脆就算放左一段時間都可以脆卜卜整體性價比都高街坊小店可以有咁多選擇真係唔錯 整體：🌕🌕🌕🌕/5#香港美食#香港好去處 #大埔 #大埔美食 #香港小店 #香港探店 #hkfoodie #香港#宵夜#漢堡 #燒賣

本人過往會於店舖堂食，堂食等待時間都每次平均15分鐘，但今天7/2下雨天，本人提早於12:22外送平台落ORDER外送服務，當時系統顯示送達時間12:55-13:15，本人見時間合理便落ORDER，但於13:20因未見有外送服務電話到，及系統顯示送達時間已推遲至13:25-13:35，於是直接電62714328店舖查詢，服務員表示此為外送平台問題，無人接ORDER與店無關，餐已出(店員說話不斷重覆)，本人再強調，外送平台如果一直未有人接單，餐膳是否一直放到食店17:00關門為止，係未一直唔送餐及唔通知本人，店員沒有正面回答，並重覆你同外送平台反映，唔關店舖事，最終本人約於13:30到店直接取餐，遇到外送平台職員，她表示剛接單到店，張單剛剛接即到，取餐後亦即時離開該店。本人認為事件一單還一單，外送平台有問題，本人會反映，但KIMBO店員亦應可與外送平台聯絡，及與客戶(本人)聯絡如何能妥善送達餐膳(例如：提議可否自取等)食物12:22落ORDER，如果本人13:20不主動與店員聯絡(才知道沒有送貨員)，13:30本人亦不主動到店取餐，1個漢堡包餐90分鐘（見附圖）

朋友推介下，就去咗金堡試吓嘅韓式漢堡。第一時間留意到個經典漢堡，啖啖肉感強烈，與其它快餐店無得頂，真喺好正👍！配上那啲雞翼，脆皮香口，一啖唔留神就食晒半打。🤤轉頭睇老婆嘅紫菜肉鬆豬柳漢堡，又是另一種驚喜，紫菜肉鬆與豬柳結合，充滿層次，每啖都係享受！她旁邊嘅魷魚圈，淋上啲韓式辣醬，即刻提升咗不少味道。講真，我地又唔忘嚟個韓式Fried Chicken，辣辣地，香噴噴，令人停唔到口！最後，果陣掉落一杯濃郁嘅奶茶，解渴之餘又提神，飲落去就舒服滿分。總括嚟講，金堡嘅漢堡同小食都好夠味、又有驚喜。下次喺大埔一帶，記得要嚟呢度，轉轉情懷，享受一番！🥳

唔知唔覺附近開左間韓式小店，有很多選擇，以漢堡為主，另有炸雞薯條，還有飯，意粉、粉絲。見到好似唔錯，所以叫左外賣試試。食左個經典漢堡，牛肉唔少，好juicy，唔鞋，熟得啱啱好，夾著蔬菜、一大片蕃茄，幾新鮮，外面個層包唔太軟或硬，十分適中，食落唔會太油膩，薯條好脆口，全部即叫制，新鮮熱辣辣。見到佢menu仲有好多野食，下次會試下其他!

在富蝶邨新開業的一間主打韓國料理及漢堡包小店「金堡」，看見價錢親民，也不妨一嘗。三款開胃小食：原隻甜酸蝦堡~脆脆的炸蝦，蠻香香脆脆的。芝士年糕~口感有點兒像豆腐，滑滑的口感。吉列蠔~雖然生蠔體型不大，但很鮮味，很好吃！泡菜麻辣鴨血湯粉絲~粉絲掛滿先麻後辣的湯底，激發食欲，薄片的鴨血，方便一口一片。韓式炸雞薯條~有四種口味醬汁：芝士、海苔、韓式甜辣及蜂蜜乳酪，雞件都做到外脆肉軟，肉汁與混合醬汁，嘗到更多層次的味道，我特別喜歡海苔及蜂蜜乳酪。紫菜肉鬆豬柳漢堡~漢堡包款式頗多，家人喜歡紫菜肉鬆豬柳，造型也很精緻！自選飯餐黑椒汁牛舌煙肉意粉~有多款肉類、配菜、主食自由配搭，我們選擇黑椒汁牛舌煙肉意粉，牛舌與意粉份量都很多，好吃也抵食！自取冰凍飲品：我們的凍飲：提子味波子汽水、椰汁、椰子汁。最後的外賣 三文魚牛角包也很美味，包裝盒很穩妥！

屋邨街頭美食， 今日入咗大埔富亨打羽毛球， 朋友住富亨邨，他帶我去以前中學中午飯成日去食的漢堡包。他最喜歡吃的是他們的主打看到芥辣菠蘿雞堡，他喜歡酸酸甜甜，炸雞非常香脆，菠蘿的甜味可以減低炸雞的油膩感。他的漢堡包非常鬆軟，他把那支是放在上面的麵包讓他融化，夾雜著番茄，酸瓜，青菜，營養均衡，非常適合發育成長的年青人，食一個已經很飽了。我點了一個炸雞薯條，茄汁是自助的炸雞炸漿唔會好厚，雞肉有醃過，仍然保留肉汁。如果還想食小食，可以加十蚊叫埋炸洋蔥圈和午餐肉條。炸洋蔥圈做得非常好，外面非常鬆脆，入面的洋蔥是剛剛好熟，要趁熱食呀。多款飲品可以加錢就可以自由選擇。富亨邨四處都很多樹木感覺很休閒，今日天氣很熱，坐在冷氣十足的金寶餐廳，看著外邊的風景，比起大埔中心的繁華熱鬧，在這邊用餐，頓時讓自己慢下來。感謝朋友帶我做運動過後，才食一些高熱量的食物，減少罪惡感。滿分為10分（一分最低，10分最高）食物：9環境：9衛生：9服務：9價錢：9舒適度：9總分：9

大埔又有新餐廳！金堡裝修以紅白色為主，有啲似一間連鎖漢堡店🤭 但屋村餐廳當然更加平靚正，買Burger送罐裝飲品，另外仲可以$10無限添加小食！🌟蜜糖芥末菠蘿雞堡 $58蜜糖芥末醬加埋塊菠蘿酸酸甜甜，塊雞扒又鮮嫩多汁，一啖咬落去就係juicy爆汁😋🌟原隻甜酸蝦堡 $68夏天真係特別想食酸嘢開下胃，蝦餅爽口彈牙，加上個包外脆內軟，味道同質地都冇得彈👏🏻🌟小食 $10/份午餐肉條炸咗之後外面好脆口，餐肉個味道唔會太鹹，做小食一流雞翼用醬汁醃咗之後去炸，又係外脆內軟，雞肉好多汁麥樂雞入面雞肉好滑，唔會太油膩魷魚圈酥炸超香口，雖然係經濟之選，但唔會好似橡筋咁咬唔開，好彈牙

星期日想食holiday mood 既野，食漢堡最一流，有人介紹大埔Kimbo 韓式漢堡。兩個人叫左兩個餐，一個是signature 既Kimbo 經典漢堡，紫菜肉鬆豬柳漢堡。經典漢堡牛肉好鮮味，又用肉汁，唔係一般連鎖快餐店貨色可比。呢個就係誠意既問題。配餐既小食雞亦都十分香口好食。另外，太太就叫左個紫菜肉鬆豬柳蛋堡，呢個配搭好新鮮，好fresh，而小食魷魚圈，細細個但好惹味，配合埋氣水真係一流另我地又叫左個韓式炸雞，熱騰騰，一口一件，好滿足。大嚟嚟到大埔可以嚟呢度Chill 下食下。相當高質。

放假日，同老公去大埔食lunch。比麥當勞更好味既漢堡包🍔-KIMBO(金堡）餐廳。價錢唔貴得來仲好好味，餐牌好多選擇，漢堡包都有好多款式，除左主食外，仲有小食同飲品。老公叫左KIMBO經典漢堡，本身係跟配罐裝飲品，加左$10雞翼小食，飲可樂。KIMBO經典漢堡料好豐富，牛肉厚身，又juicy,雞翼炸得香口又脆。我就揀左紫菜肉鬆豬柳蛋堡，哩個配搭好有特色，小小帶甜得來又多汁，味道清新得來好味。我都加左$10小食，真係好抵食，叫左魷魚圈，份量唔少，炸得薄身又脆口，飲品加$2叫左奶茶，哩度奶茶大杯好飲，茶味濃又夠滑。另外一定要叫Fried Chicken，薯條炸雞，薯條好食，炸雞外脆內滑，配埋韓式甜辣醬，味道一流。

之前去堂食，明明餐牌大大隻字寫住$48，點知收銀時話$58，同佢有禮貌地講番寫$48，整緊包個呀叔好不洩咁話我睇錯，叫佢自己出黎睇又唔睇，係咁話我😡好在企隔離個客都幫我，話：「你係寫$48喎⋯ 」佢先肯收番我岩價然後一路食個呀叔一路爆粗，簡直乜胃口都冇晒🤮