Kim's Spoon (MegaBox) (Closed)

今日難得去左Megabox，心血來潮好想食返間韓國野，見到餐牌有KFC炸雞，好似好好食咁，就決定食呢一間，不過店舖好明顯人手不足，咁大個地方先得兩三個staff，為左個炸雞，我決定等多一陣啦。最後等左大概15分鐘，終於有位。我地兩個人分別叫左個部隊鍋同埋一份炸雞，因為炸雞份量好大，所以我地最後要打包返屋企食。(1)部隊鍋好彩我地叫左個部隊鍋，雖然店舖人手小，不過部隊鍋好快就可以上菜，可以唔洗挨肚餓咁食。部隊鍋入面D料都算係多嘅，味道不過不失，公仔麵就一人兩啖，因為暫時去唔到韓國，所以係呢到都可以食住先嘅。(2)炸雞我地今次叫呢款係KFC款炸雞，百幾蚊有10舊，聲稱選用無激素雞，即刻覺得好抵食。炸雞炸到好脆，亦都好juicy，唔會炸到好乾，如果炸雞嘅醬汁俾多D我地，咁就會perfect啦。

用app訂位6點食有半價。非常抵食。味道正常。食左個部隊鍋。需然就求其d。因為唔夠足料覺得。但2個人食叫滿足下個慾望，叫左海鮮煎餅個人好鍾意食海鮮煎餅。一般食飯食韓式餐廳都會叫呢一個算係好味唔油。食左個炸雞甜甜酸酸好食。如果比600幾食呢餐就會覺得唔得。但半價。就抵食。下次試下燒肉😂

行Megabox應該係唔少一家大細既指定動作，行到攰食黎食去都係果啲餐廳，原來角落裡有間坐位闊落既韓國餐廳就把心一橫試試...甜辣炸雞起初以為係雞件，點知唔係，係炸雞柳...上面加啲甜辣醬，印象中原味價錢平3，4蚊，即係個甜辣醬要加錢，咁就唔太抵紫菜卷配粉絲典型壽司卷加韓國炒粉絲，無咩特別...啲粉絲油左啲味道普通，坐一坐ok ge, 熱青柑橘蜜普通超市一樽樽果種，無咩特別熱柚子蜜普通超市一樽樽果種，無咩特別最後原來要加1，咁講，商場黎講人均50蚊食下午茶都ok ge, 但係呢個質素就唔太抵，唔會番食。

因為疫情關係，韓國旅行計劃要擱置。 今晚見用apps訂台有折扣優惠，一於同女友出去食番餐。 我地去左MegaBox 分店，餐廳環境都乾淨企理，檯與檯之間有膠板作隔離。奉送前菜有泡菜、青瓜及黑豆我地點左數款食物1️⃣韓式炸豬扒紫菜卷餡料都算豐富，有蘿蔔絲、青瓜、酸瓜、炸豬扒及菜，配上珍珠米飯，咸甜酸爽口感豐富。夏日炎炎，來這款清涼前菜也不錯。-2️⃣海鮮湯鍋湯底酸酸甜甜又帶微辣，刺激味蕾及開胃。海鮮有青口、蜆肉、蝦🦐、魷魚🦑，還有豆腐，湯鍋還跟上白飯。-3️⃣韓式炸雞炸雞永遠是排第一名最喜愛既韓國美食😛點了原味及酸甜兩種口味。原味炸雞還配上蜜糖芥末醬👍🏻 炸雞粒味道不算很韓式風味，炸粉有點厚。 份量不算多，如果原價去食，就有點貴

和朋友在MegaBox 行街行到幾乎八點才去食晚飯 ，場內大多數商舖比較早關門，剛好見到一個韓國餐廳， 便入內試試，餐廳有供應韓燒及其他式理。餐廳侍應帶位之後就拎咗三款餐前小食畀我們，包括泡菜 （酸味多過辣味）、黑豆同甜味嘅健康果仁(有無花果、南瓜籽、花生、意仁)。八爪魚人參雞湯： 人參雞湯是我比較偏愛的韓國菜式， 這裏有原味、加鮑魚或者加八爪魚， 我們選擇了加八爪魚嘅人蔘雞湯， 除了原隻雞之外 ，裏面仲有兩隻青口， 仲有人參雞裏面藏著不可或缺的糯米餡，以及紅棗同栗子； 雞湯幾有人參味。 三款前菜有帶少少甜味的鹹魚仔丶 翠玉瓜 同少辣的魚肉絲 ( 無想像中乾 )。包白飯一碗，傳統熱茶一杯，我點了一杯生薑茶，甜中帶點點辣，有助驅寒。辣豬肉蔬菜鍋：(原來影唔到相🤦‍♀️) 可能遷就一般客人口味，辣味唔夠， 不過裏面豬肉同泡菜嘅份量估計唔到咁多 。 呢款小菜都包白飯一碗。我哋享用用咗加$20嘅優惠 ，加咗紫菜粉絲卷； 用紫菜包住粉絲炸， 有四條，味道一般啦。餐廳23週年除咗有加$20嘅優惠之外，仲會送$40現金券，不過好可惜，喺張券到期之前都應該唔會再幫襯，因為有效至今年12月31日😂我去完洗

我哋出咗去九龍灣做嘢，做完之後決定唔返公司，之後一齊去睇床褥佢諗住過年之前換，順便搵地方食飯，佢提議去食韓國菜，我冇所謂，望吓隔離左右都食緊炒粉絲，睇吓餐牌原來有兩款一款係牛肉一款係豬肉，最後我哋依然好懶兩個選擇一樣揀咗豬肉，泡菜豬肉炒粉絲炒粉絲有好多紅蘿蔔絲，豬肉係全瘦肉，泡菜如果唔夠可以自己再加，做緊周年優惠加$20有炸雞四件，簡直係亮點，睇落以為乾爭爭，但係入面非常之juicy，應該係用雞髀肉整

出咗去做嘢，又揸車去邊都得，上星期行程唔錯，所有進度都跟得到，今個星期可以輕鬆啲，所以今日都唔返公司，途經九龍灣Mega Box放低架車，想去睇吓床褥過年之前換，順便搵食，呢排食嘢都係食得比較匆忙，難得唔趕時間，就諗起去食韓國菜都唔錯，泡菜豬肉炒粉絲用一個煎pan上，泡菜唔辣唔會太深，豬肉係醃過嘅瘦肉，有肌肉好結實，有蛋絲同菜，主角粉絲好QQ，冇落好多油落去炒，又唔會黐埋一pat pat，包一杯飲品熱蘆薈蜜

放假又去睇戲啦，睇完韓國戲就走去食韓國菜🤭🤭 睇完戲都差唔多5點鐘，大家都好肚餓決定去食個下午茶✌🏻 因為家姐話之前食過Kim's Spoon下午茶覺得ok，所以我哋就嚟咗食點知完全中伏🤦🏻‍♀下次我唔會再信我家姐🙄🙄  泡菜: 免費放喺檯上任人夾，但反而係全場最好食嘅嘢🤭 特選紫菜卷配粉絲($42): 紫菜卷可以接受，但唔係好似韓式似係日式多啲。粉絲都ok，咸淡適中不過硬咗啲同埋唔熱😂 泡菜豬肉韓風飯($45):的而且確有泡菜同豬肉，但唔係平時食開韓國餐廳嗰種味，味道好咸，豬肉仲要有陣騷味👎🏻👎🏻 熱蘆薈茶: 淡到好似飲緊水咁🤦🏻‍♀ 熱青柑橘蜜: 好似柚子蜜不過係酸酸地嘅👌🏻

Mega Box分店既Kim's Spoon好大，而且唔會好多人，坐得好舒服同朋友大聲講大聲笑都唔怕嘈到人今次四個人點左二人套餐，有三款前菜、韓式炒粉絲 、海鮮薄餅、柚子沙律、三款燒肉部隊鍋加底、牛肋肉定食，超級超級飽特別推介係沙律，唔可以睇少前菜既重要性! 用左黑醋柚子醬調配，非常開胃，而且菜好新鮮燒肉方面，我覺得醃牛肉最好味，非常入味Juicy不得不讚餐廳，7點前入座有七折，埋單平左成200蚊，仲免收切餅費

本人見到這間韓國餐廳裝修不錯，很清潔，因平日中午沒有人流，諗住試一試，點知.....唉！叫左個海鮮豆腐辣湯套餐，簡直嚇我一跳，湯不單只無味，海鮮不新鮮，d蝦「梅」，我自己本身要求很低，但真係食唔落，最後都浪費左$80元，下次我唔會再幫襯。

韓國菜周街都有得食，但韓式素食真係第一次呀！同媽媽一齊去食Kims Spoon 推出嘅2人素食餐。三式前菜包括蓮藕、青瓜、翠玉瓜，全部都酸酸辣辣又爽口，好開胃。另外亦會泡菜提供，而且係無限任食架！香梨汁素牛沙律餐廳所有嘅素牛肉都係由韓國入口，比真正嘅牛肉軟熟。配上甜甜地嘅香梨汁，連埋沙律菜一齊食非常滋。素牛肉煎餅望落去有少少似薄餅，二人份量都好多。素牛肉同蛋配合得好好，食落好香脆。亦可以點少少特製酸辣醬，更有層次。西瓜辣拌麵第一次見到拌麵放係西瓜入面，成個presentation好正好有創意。韓國入口的麵條幾彈牙，加入西瓜粒、青瓜絲同番茄等配料，甜味同辣味都幾夾，好岩夏天食。熱青橘子茶好清香，又可以消濟，橘子肉都好多。

今日lunchtime忽發奇想 想食韓國野 本身想食megabox地下嘅炑八燒烤嘅 但係實在太多人等位 所以就嚟咗呢間餐廳🤧餐廳位置好大 有好多位 所以lunchtime都唔駛等位 仲坐得幾舒服 👍🏻午餐精選有好多選擇 我就揀咗辣雞肉韓式粉絲😬 賣相幾好呀 有蛋絲 蘿蔔絲咁 好色彩繽紛 粉絲份量都好多🙈 味道都幾夠 但係一啲辣味都食唔到 好似總係差咁啲野咁😅餐飲嘅蘆薈水就冇乜味 有少少甜咁 本身expect佢有啲蘆薈粒 但係冇 淨係得陣蘆薈味 有少少失望😞其實megabox 兩間韓國野嚟講 又難怪呢間冇人等位嘅 唔知係咪因為食慣左炑八啦 覺得粉絲嘅質感真係差得幾遠吓😐 唔係話呢間餐廳話唔好食 但係就有啲相形見絀 有得揀都係食樓下炑八燒烤啦

心血來潮好想食炸雞🍗，所以誤打誤撞黎左MegaBox 入面既 Kim’s Spoon 🥄因為晚上10點關門，9點就last order (對我黎講... 太早啦），甘我拿拿聲叫左炸雞🍗同牛肉粉絲先😋😋枱上放置水瓶及泡菜供客人自行加添，用具方面：全是鋼造的筷子🥢及杯（跟韓國的相似）。到主腳登場啦炸雞🍗：失望😞失望😞失望（重要的事情要講三次），呢個口味一點都唔似韓式炸雞🍗，似係普通得無得再普通既台式炸雞🍗，如果以$88呢個價錢食呢個份量呢個質素，真係好貴... 幸好，當我絕望之時，另一道菜：牛肉粉絲救左我，牛肉份量多，大大件，似返韓味，重甜甜的醬油，加上一路食一路滾，熱度足夠，粉絲夠曬彈牙，又吸味，不錯👍🏻（係做返正常的水平）

冇影相，因為冇這個習慣，但不代表我係度亂噏！間歇性有幫襯，但淘大店未執前會去得比megabox密，一直覺得，又唔太貴而做得不錯的！但星期四晚上和老公兩人叫了一個兩人份的燒烤餐，挑了豬腩肉，牛肋骨和辣雞肉三款，跟餐有5片豬腩，1分為2的牛肋骨但，和5-6片雞肉！以為這個份量小得可憐，但個餐另有沙律，粉絲和海鮮餅或冷麵（2選1），各一盤上，吃完發覺還可以！除豬腩肉可取，牛肋骨帶大量脂肪，而辣雞肉有奇怪的騷味定雪藏味，我也分不清楚了!另外，隨餐的3個頭盤，和生菜籃，看見也唔開胃，特別生菜籃，好明顯D菜邊霉，而菜係唔完整的!最後，以半價優惠加飲品，這個冇得輸!埋單時，意外發現以匯X信用卡有8折，連加一唔駛4佰元，仲想點! 只可以話，冇以後！

經過附近，和友人在這裡用餐。點了鐵板牛肋骨定食 $148 等了好一陣子食物才到。先吃配菜，三款任選。份量不多，味道合格。個人覺得蓮藕片脆口最好吃，不過只有一兩片lol 完全不夠喉。✨食物到！賣相非常吸引！比我們想像中的更惹味！牛的顏色看上去就非常可口！牛味濃郁，配上醬汁更為惹味。肉質嫩腍，Size口感剛剛好，大有驚喜！牛的份量不算太多，但每件都很有嚼口 軟腍腍 好食！本來不大肚餓，因為太好吃也吃光了。食物質素令人滿意，不過service就麻麻，Waiters太忙冇瑕理會我們，態度又麻麻。主食menu: