Kim's Spoon (健威坊) (Closed)

店員服務好好，尤其是疑似黑衫帶位既經理。另外個女仔staff都好好服務，十分有禮。我哋因為用eatxxx app訂枱所以有半價 但野食絕對無將貨就價。食物質素唔錯，呢個價錢真係無得complain d乜。性價比好高同埋嘢食大大碟 最後4個人order 6樣野都食唔哂要打包。我地覺得炸雞同埋沙律最好食。海鮮湯都唔錯，有鮮味👍🏻👍🏻👍🏻下次會再去試下佢地個韓燒，見其他枱有order好似都唔錯。👍🏻👍🏻👍🏻

同父親大人撐枱腳，今日母親大人、細佬同我另一半都唔得閒有約，我地就兩個人食。諗住正常兩個人就做兩個晚餐太餐，點知原來好大碗，啲肉又大大碟，到最後都食唔晒打包拎走。個場好大坐都好闊落。大家隔開坐，疫情期間覺得好安全。我哋仲話，早知嗌一個餐嗌啲小食就可以😌因為我哋夜晚都唔係食飯，點知兩個餐都有跟飯。頂到上喉嚨丁，都食唔晒。石鍋飯熱辣辣仲有飯焦添😋兩個人$192 ，有得食韓國嘢仲有嘢飲仲有泡菜，仲可以打包食多餐。值啦！推薦度（10👍🏻滿）：7👍🏻滴汗度（10😅滿）：不適用衞生（10⭐️滿）：7⭐️環境（10⭐️滿）：8⭐️賣相（10⭐️滿）：7⭐️味道（10⭐️滿）：7⭐️價錢（10⭐️滿）：7⭐️服務（10⭐️滿）：7⭐️地點（10⭐️滿）：7⭐️［Kim's Spoon (健威坊) (北角)］地址：北角英皇道560號健威坊LG樓層L9B-D號舖#晚餐 #晚餐吃什麼 #晚餐時間 #dinner #dinnerideas #dinnerrecipes #dinnertime #dinnertonight #韓國 #韓式料理 #韓式 #韓燒 #北角美食 #北角 #korenfood #korea #korean #foo

平時午市用膳時間非常多人，今日可以準時收工就順道用埋半價優惠去慢食一餐性格比高的韓國餐食品方面:首爾牛肉粉絲鐵板 : 牛肉分量多，有肉味，加上一大盤粉絲吸收湯料的味道，非常美味釜山海鮮煎餅 : 海鮮分量不算太多，但煎餅好有蛋味，加上少計魚露，都算不俗的選擇

推薦度（10👍🏻滿）：7👍🏻衞生（10⭐️滿）：7⭐️環境（10⭐️滿）：8⭐️味道（10⭐️滿）：7⭐️價錢（10⭐️滿）：7⭐️服務（10⭐️滿）：8⭐️地點（10⭐️滿）：7⭐️今次試呢間韓國餐廳，以佢本身嘅食物質素來講，佢價錢適中合理。座位都闊落嘅都唔會話太迫，但係因為唔算太多人，但如果坐滿晒嘅話就會長條型枱坐滿晒人。（不過成日傾過，都暫時未見過佢滿座。👅）本身想試吓鐵板燒嘅，但係見到佢有一個牛肉粉絲鐵板（$148）。就嚟試吓，原來都唔錯。最後反而冇叫到鐵板燒。不過就好似嗌多咗啲先炸嘢，比較熱氣左啲，下次可以叫返多少少學識嘢會比較好。叫咗兩條炸芝士條（$50/2條），一條係全芝士另外一條深色嗰條係魷魚加豬肉。不過魷魚加豬肉嗰條就比較辣，對於唔食得辣嘅我，有啲勁得滯👹。而魷魚果條就好似唔係好覺食到魷魚。另外叫咗一個小食拼盤（$118），我覺得薯條普通，原來要食到炸得好嘅薯條其實好難🙈。但係其他炸物都揸得唔錯幾咁鬆脆，尤其是個雞粒都好出色，炸紫菜卷紫菜味都夠重。炸餃子就正常嘅，而且食唔到蔥味啱晒我。👍🏻

平時很少吃韓國菜，這晚見這間韓國料理店環境不錯，便在這兒吃晚飯🍚 不過沒有點韓國燒烤，只簡單點了鐵板牛肉和鷄肉配飯，及原味烤鷄，整體水準都正常，其實最美味的主角，是作為配菜的～韓式泡菜 (Kimchi)😋 這裡的韓式泡菜是任點任吃的，酸酸辣辣的非常好味道，真的吃到停不了口🔥🥘🍗

👼🏻kim’s spoon!¡🍲#mkeats_northpoint #mkeats_korean; 紫菜卷配粉絲 ($42)nothing special about the kimbaab all i can say is it’s good🤤🖤the vermicelli is soft and easy to bite. serves perfectly with sesame🤍it also smells really good. this dish is rather plain but it can def fill ur stomach!🤰8.5/10; 牛肉年糕粉絲 ($40)let’s talk about the beef first😋 the beef is served with some sweet sauce which is really good when u mix it with the vermicelli✨🤤for the rice cake...probably because im used to eating sweet n spicy

中午1300入座， 食物質素一般 ，正常韓式快餐店水平，但服務態度就真係十分差 。我同另外2位同事各自叫了不同Lunch menu，首先有位女侍應叫了2次 ，都視而不見。之後黎食物，發現每一枱都有一個韓式泡菜配料，而我地係沒有，咁我叫個位女侍應補翻，說好了會拎，又沒有拎，最後要再叫另一位男侍應，其後再想問有沒有紙巾，又敷衍了事，服務態度會唔會太差！根本沒有尊重客人。唔會再有下次！！！好希望如果再有下次，麻煩請改善員工質素

係附近返工 lunch hour間間餐廳都要訂位 係呢間有位堂食就入左去食 果然味道真係好一般😢咁我就叫左餃子豆腐香辣湯($78) 個人覺得味道正常 不過唔太正宗 雖然餃子同豆腐數量幾多 但啲餃子好迷你 完全唔值$78... 整體CP值非常低 應該唔會再黎食☹️

Kim’s Spoon幾個地方都有分店，喺其他app上面book位仲會有discount添。個人覺得佢嘅食物都OK，但係味道好好食，分量好多，一份其實夠兩個人食。同埋佢有三個小菜。佢嘅豆腐湯好多料，豆腐食極都仲有，仲有一隻蛋添。

12:16pm order 3個餐，其中2個十幾分鐘上枱，最後一個清湯鍋等左45分鐘都未到，肯定漏左單，催左3次先到，點知又漏左隻蛋。食物味道又唔係好，只能維持生命。埋單，簽卡收銀又發呆結論 : 浪費食材，服務欠佳

中午堂食，入座馬上落order，點知成30分鐘水都唔上，催3次先上到杯飲野，摞外卖都送到啦！我即刻同阿姐話3分鐘上唔到我就走了，依然等足5分鐘。最後我戴返個口罩，拎埋袋起身剎那先見到老闆急急忙忙端過來。講真，如果照顧不到這麼多客人就不要開這麼多張檯，食物質素下降不說，服務也下降，疫情期間不容易大家都理解，但是基本的專業水平維持不了就不能原諒了。最後搞到得返20分鐘食飯，湯飯邊可以食得快？燙嘴又傷胃，激到飽，唔會再幫襯。

晚市個別單點外賣自取5折好吸引 - 所以試吓但：炒粉絲年糕太咸！無折的雙重芝士烤雞 - 又硬又乾肉好鞋 （另外又落辣芝士粉，已吩咐不要辣有小朋友吃！）另點了紫菜卷、石鍋飯、泡菜煎餅 - 不過不失總括：難怪做特價都沒有很多單，希望食物質素會改進，便霸在現社會已不是絕對賣點了！

好耐冇食韓國菜，今日近近地去Kim's spoon order, lunch有8折，之前喺megabox食過都幾抵食，以為今次都係，點知完全錯哂，order左一盒炸雞豪華便當（折後$84)，一盒牛仔骨豪華便當（折後$84）再加普通牛肉便當（$48）,果兩盒所謂豪華便當根本就係樣樣少少， 開出黎勁細盒，又唔好食，一住粉絲，4舊飯團仔，幾舊肉仔，我家小朋友食都只係剛好。另外果盒普通便當反而仲多飯，粉絲同肉。味道普通，一定唔會有下次

呢間韓國餐廳Kim’s spoon, 無論堂食定外賣，都係要等好耐。。。今日用openrice外賣自取功能，訂咗個辣牛肉湯，系統顯示30分鐘先有得攞，咁諗住星期日，耐啲都正常嘅。所以我係附近行左一陣，諗住預岩時間，買完雪糕之後再去拎外賣，岩岩好30分鐘。去到餐廳見到唔多人，諗住應該有得拎架卦，點知入到去講個自取號俾職員知，佢話仲要再等。。。最後等多十分鐘先有得拎。。。😓😓拎完外賣拿拿聲衝返屋企，因為驚啲雪糕溶晒，處理完啲雪糕就正式開餐啦。一打開就見到熱辣辣嘅煙升上來..哇～冇香味既😂個湯既牛用左牛腩.啲肉一係好大件一係好細塊..個湯就唔係我鍾意嘅味道..又唔辣..同以前食過其他既韓國餐廳或係韓國食嘅味唔一樣..我覺得冇下次..唔明點解成日門口都有人等位。。。可以附近得佢一間韓國餐廳😅

鑱咀萬萬歲!🙌🏻ChamZeoiLongLongLife🙌🏻🐭金匙羹萬歲！....🐭唔覺唔覺Kim‘s Spoon 都開咗有5、6年，開業時食過一次，但味道同款式一般，之後就冇再幫襯過。見佢呢幾年好努力改良餐牌，加入創意新菜式，不過普遍人流都唔旺。最近食物熊貓有優惠好抵，於是叫咗泥試，結果有驚喜！....🐭新派韓風菜式，唔係行正宗路線。選擇頗多：湯/飯鍋、便當、小食、炸物、各式芝士條。午餐會比晚市平好多，但選擇會少啲......🐭鰻魚飯賣相👅👅👅👅👅味道👅👅👅👅👅口感👅👅👅👅👅份量👅👅👅👅👅性價比👅👅👅👅👅60幾蚊就有鰻魚飯食好抵呀！鰻魚仲要兩大片，軟身入味，醬味香濃，仲有一大份炒蛋伴碟，正！....🐭豆腐海鮮辣湯鍋 賣相👅👅👅👅味道👅👅👅👅口感👅👅👅👅份量👅👅👅👅👅性價比👅👅👅👅👅有好多配料，湯底惹味又唔會太辣，用來拌飯一流！....🐭傳統拌飯賣相👅👅👅👅味道👅👅👅口感👅👅👅👅份量👅👅👅👅👅性價比👅👅👅👅拌飯始終都係要堂食用石鍋上先有風味。不過呢個還可以，勝在蔬菜新鮮，配料多，米飯夠軟滑。....🐭雞肉炒粉絲賣相👅👅👅👅味道👅👅👅口感👅👅👅👅份量👅👅👅👅性價比👅👅👅👅粉絲口感煙韌，雞