堅記車仔麵

Open Now

Now Closed

基本上10日出街食飯，都最多只有一日會選擇來九龍城。但這天有工程要去九龍城，看看有什麼新食肆。原來選擇都不多，看到很多港式餐廳或是連鎖的銀龍快餐店，吃個午飯動輒都要$54或以上，結果走了10分鐘左右，完全沒有合心意的餐廳，為了節省成本便進了這間車仔麵店。聽店員聊天時發現這間麵店在西貢有分店，不過試了一下，除了餐牌夠多款，名堂夠特別，都不算有甚麼過人之處。油麵份量不太少，不過$7得一片午餐肉有點核突，雖算厚切，但也太少。腐皮卷即炸也極之薄弱，夠熱，但內裏餡料沒特別。腩肉算是較佳，肥瘦相間，不太肥膩也沒有毛。麻辣湯底麻得來香辣，而又與辣椒油味道不太差

真係有一段時間冇黎九龍城食嘢啦，其實冇頭水食咩，純粹都係諗住可能食茶餐廳等等。咁啱見到有一間新開嘅車仔麵，不如要試吓啦，既然有新野可以試。鋪面呢個位唔算多，而且坐得有少少窄嘅。咁啱我哋兩個人可以安排到一個卡位坐，其實嚴格啲來講係三人位，有一邊嘅位係得半個。佢嘅MENU 係膠卡，用一支顏色筆喺上面圈嘢食，推行環保計劃。選擇都真係好多，菜有好多款，肉又有好多款, 雞鴨豬牛有分好多款。最開心就係見到有陳皮魚蛋，因為唔係好多地方都會有陳皮魚蛋，陳皮魚蛋嘅外皮係比較爽啲，同其他魚蛋唔同，所以我一直都好喜歡食！跟點咗個蠔油冬菇，滷水豬腸，仲有一個就係鴨腎。佢最特別嘅地方係可以揀湯嘅濃度，有清湯、濃湯，特濃湯底，咁我揀中間濃度嘅，第一次試，應該都沒有錯吧！車仔麵都黎得好快，幾分鐘就到。佢用個碗幾靚，有一堆文字喺上面，但我唔係好睇得清楚係咩字，而且勺子都配合埋有文字喺上面，成個感覺好有書畫feel，呵呵。第一啖就要試吓個湯底，睇吓夠唔夠濃味道，又真係幾好飲，個湯好夠味，有少少杰嘅感覺，我相信如果係特濃湯底的話，應該會好似日本拉麵嘅湯底咁杰。咁樣我覺得中間嘅濃度係最適合，因為我本身唔鍾意飲太濃太杰嘅湯底

去到九龍城想搵一間車仔麵，位置都方便，這間食店當時得兩客人，他們兩位已經正在進食，當我選擇好食材，還要等一會兒才能落單，不是他們工作很忙，因為職員全部在聊天，這樣的服務已經令人卻步。碗麵到，餸及麵都係暖的，是否因為不是太多客人把爐頭關掉？還是天氣太熱顧及客人的需要？味道非常一般，選擇麻辣湯底，味道不夠，不會再食第二次。

第一次嚟食過，煎釀三寶和炸雲吞味道不錯，夠熱，足料、食返以前嘅味道！唔洗係街食咁熱我炸雲吞就夠鬆化，唔會只有皮無料下次會試吓車仔面呢度仲有南乳豬手，我估應該都不錯👍

🍜車仔麵 $58 撈麵底 多蔥小辣幼麵$10🥢秘製魷魚$20潮洲魚蛋$8🥢竹笙$8蠔油花菇$12幼麵先用醬汁撈好再上碟，每條都沾滿醬汁，而且顏色均勻。醬汁以甜味為主，有啲似落得唔多老抽嘅豉油皇撈麵。配料以秘製魷魚最為驚喜。魷魚表面有大量濃稠嘅沙嗲醬汁，以甜味為主，亦有少量辣味。雖然唔算好爽彈，但勝在煮得入味。潮州魚蛋爽滑彈牙。蠔油冬菇豉油味更明顯。竹笙吸滿撈麵醬汁後味道唔錯，口感都夠爽脆。🍗炸雞中翼 $30雞翼大隻厚肉飽滿，香脆得嚟仲好多肉汁。

上星期路過發現有一間新開的車仔麵，今天下午便來到了。秘製豬大腸、香茅豬頸肉、柱候牛腩、豬皮和幼麵，麻辣湯底$64。秘製豬大腸，滷水味道十足，沒有腥臭味，脂肪甘香美味。柱候牛腩，肉質鮮嫩可口，肥瘦均勻，很少可以吃到這麼美味的牛腩在車仔麵店內。豬皮充滿了咖喱香氣，帶點嚼勁。香茅豬頸肉，肉質偏硬，如果再軟腍一些會更好。幼麵份量十足，爽口彈牙。油菜$18，菜心不會過硬，軟腍可口，蠔油放在碟邊，非常窩心。凍鴛鴦跟餐$10，花奶、茶和咖啡的比例適中，不會過甜。

新開九龍城堅記今日心血來潮同男朋友去到九龍城搵食, 見到堅記喎!! 無錯, 係西貢個間既分店, 之前都係西貢食過真係吾錯, 🍜車仔麵檔之中佢都算做得幾出色, 而且我都幾鐘意佢個秘制湯底.我哋就自己坐低睇餐牌揀嘢食平時叫個車仔麵唔多唔少都會叫四至五個餸米粉、豬頸肉、糖心蛋、扎肉、魚餅、牛腩河粉、肥牛、咖哩魚蛋、腐皮卷、豬耳、落單嗰陣職員好熱情同我哋介紹話佢哋個秘制辣醬好好食老闆另外俾咗一兜仔叫我自己撈落個湯度食, 以免落多咗太辣. 老老實實兩碗野都幾大碗, 而且真係好特別, 味道真係一流糖心蛋，正，流心。呢個魷魚隻醬撈埋一齊幾好味, 魷魚幾爽口值得一提既係呢度既姐姐全部都態度非常好平時去車仔麵可能都會比人催或者講野tone唔係咁好 呢度完全無呢個感覺👍🏼👍🏼👍🏼