堅記車仔麵

Open Now

Now Closed

叫咗杯凍齋啡一入口甜到pk問個staff係咪加咗糖，可唔可以整過杯🤡： errr你落單嘅時候要order走糖先得㗎喎，而家冇得轉一定係我會估到齋啡係有糖啦am齋a joke to you吖退一萬步嚟講，當我哋大家溝通有誤，整多杯真係咁難咩

車仔麵平平無奇，極之普通，而且價錢偏貴，份量又少，已經唔係好食架喇，啲職員仲要態度極差，由其係一個長頭髮肥女人，見住佢係咁西啲客，真係貼錢買難受，以後都唔會再幫襯！

九龍城泰國餐廳多，經常食泰國餐有時都想轉換下，今次選左堅記車仔麵，麵和湯底比較選擇多的車仔麵，我推薦沙嗲湯底，本人比較食得辣，我會選大辣，麪底我就喜歡選擇油麵配搭+咖喱魷魚入味，有懷舊腸粉自己加甜醬，辣醬好味，滑滑的口感，另外還有推薦即炸雞脾，外皮鬆脆，入味#之前也有試食過酸齋，是分開上碟的值得一讚，不會破壞味道#環境衛生，坐得舒適#店員友善#留意返有每人最低消費$35，但正常一碗麵應該都會過最低消費的

伙記招呼冇腦兼超差，不知所謂一定唔會再試，同埋叫啲朋友咪試費事貼錢買難受，又唔係好食，仲要起度扮名店，估唔到今時今日仲有呢啲咁低質素嘅所謂做生意，執得啦！不知所謂！

每個餸都表現算正常（吾係好食又吾係太難食），但係個牛腩真係離晒譜，18一份，得啲牛腩碎，仲要俾勁多筋膜我（吾係牛根係咬唔爛嗰啲筋膜），我真係望到都呆咗幾秒…價錢絕對不算便宜，甚至可以說是非常進取！我不介意價錢收得貴，但係希望食物有相對質素，今餐食下來，覺得食物沒有特別好吃！第一：蘿蔔好像沒有滷得透，入口沒有即溶的口感，而且蘿蔔的生味依然存在。第二：冬菇也是剛剛熟，需要咀嚼很多下才能下口。第三：雲呑完全不行，蝦入口不彈牙，豬肉餡沒有肉味而且很散碎，雲呑一口之後，好像吃了個麵團包肉的口感。真係永不光顧，體驗很差的一餐！真係寧願食七仔撈麵都唔食呢個車仔麵！

九龍城不同既餐廳林立，日本菜，西餐，泰國菜，茶餐廳.............都好容易搵到，但香港地道既車仔麵店同小食店就絕無僅有。好耐冇食過車仔麵，經過見到就入去試試喇！可能因為係下午時段，食客唔多。店內採用比一般車仔麵店更環保既方式點餐。餐廳係用可循環再用點餐紙，點餐紙套於膠片中，食客直接用筆畫落膠片。落完單店員只需用濕布輕輕一抹就可以清潔乾淨。呢個方法既保留左車仔麵自己點餸既特色亦更環保，抵讚點餸咭上面有超過50款餸，好多出面既車仔麵店冇既餸佢都有。除左車仔麵，堅記仲有香港既特色街頭小食：秘製魷魚，韮菜豬血豬腸，咖哩魚蛋、豬皮、蘿蔔........今次我點左我食車仔麵既例牌餸：油麵+蘿蔔，豬大腸，豬血，濃湯+腩汁+小辣。豬血係正常既；蘿蔔煮既時間未夠，偏硬，但亦算清甜；食豬大腸最怕洗得唔乾淨，但堅記店員將大腸清洗得好乾淨，亦好入味，抵讚至於價錢方面，我覺得以車仔麵黎講係偏貴既，最平既餸係$7／款到$20不等。我點既3餸加凍飲1杯就要$53，算少少貴。

餸不夠，粉麵又太多，滷水併盤不夠熱，影響食物質素。點了牛腩、咖哩魚蛋、腐竹、豬紅配河粉，牛腩似係牛肉牛肋（硬的）之類，咖哩魚蛋和豬紅ok，河粉佔了3/4碗，餸不夠，惟有加併盤，但不熱，影響味道。

九龍城條條街都有嘢食，最主要係架車🚙泊到邊就在附近食，時間難掌控廢事約人。今晚簡單食咗間都算幾企理嘅車仔麵，最緊要係多款式多選擇，價錢平靚正就可以😌———————————————————————————🥢滷水雞翼🐔、酸齋、南乳豬手🐽💬看得出其實好顧及食客嘅心態，所以唔會將每一款嘅餸料放在碗內，而將每一種個別有汁料嘅餸分開上碟，的確係好細心，不過更希望嘅係每款餸料都一定要保持返一定嘅溫度，咁先至會食得更開心，但味道係絕對無問題👍🏻.🥢豬皮🐽、花菇🍄💬另一碗配上油麵，麵底份量都幾多，又肯多青，餸料一樣又真係幾手鬆，肯定係抵食之選👍🏻

今日lunch，同事提議食呢間車仔麵，環境好乾淨，讚👍 我揀咗日本糖心蛋脆香腐皮卷雲吞湯底揀小辣，辣嘅味道好豐富。呢度麵，餸，飲品嘅選擇好多，值得再試！👍👍😁

身為車仔面愛好者緊係去到邊試到邊🫢🫢🫢今日同同事叫左個lunch 外賣車仔面，揀左十個餸既套餐🍲🍲🍲🍲🍲🍲🍲🍲🍲🍲車仔面既湯底都好食既，叫左河粉，因為有得分湯所以食落都唔會太淋變糊仔🍜🍜🍜🍜🍜咖啡魷魚另外用小盒放起豬腸乾淨無異味👍🏻👍🏻👍🏻👍🏻👍🏻蘿蔔夠入味👍🏻👍🏻👍🏻👍🏻👍🏻呢間都已經食過好幾次，值得回頭啊☺️☺️☺️☺️☺️

今日同同事嚟到九龍城，想食湯麵類做午餐醒起之前經過的呢間車仔麵，一於試下先～嚟到門口已經排緊隊，店內亦坐滿咗估唔到人氣咁旺～係門口排隊等咗陣就入得啦，仲有卡位坐添-店內主色為黃色，配上花磚風格的木桌，幾有格調比起平常的車仔麵舖更為乾淨同企理睇過餐牌先，選擇都幾多睇到心大心細樣樣都有興趣試～滷豬腩肉+滷雞中翼，配油麵及沙爹湯底湯頭沙爹味濃郁又夠香，油麵爽口彈牙滷豬腩肉入味，肉質腴厚而不油膩滷雞中翼夠大隻又入哂味准山麵亦爽口又掛汁，配香濃沙爹汁真係好好味豆漿係加咗糖的，個人覺得有點甜又不夠新鮮-整體食物味道不錯，食車仔麵都有咁是正環境價錢抵食，值得再來～

係第一次嚟，想試吓不同食材，就揀咗“十全十美”，配油麵，麻辣湯首先試吓個湯，夠味食材例如雞中翼，雞翼尖，大腸也好足鹵水味，夠味有驚喜蘿蔔入味冇渣魷魚另上小小沙爹味最開心係嗰隻日本糖心蛋，必食啊總括係，啲餸係有心機做

第一次試呢間車仔麵，見佢裝修都幾企理同新穎😃。入到去見到menu已經好吸引，好多款食物都想試😙。☆滷水雞翼☆潮州魚蛋☆香茅豬頸肉☆配沙爹沙底，烏冬碗麵一上枱唔係傳統個隻（啲汁係哂碗邊）😂 而係將啲食材排得好整齊，一上枱就可以打卡既賣相，讚👍👍。好意外既係車仔麵有我鍾意既潮州魚蛋😍，仲要係好食彈牙架～香茅豬頸肉都值得一讚，唔肥，夠味道同爽脆🅰️。個沙爹湯底比較淡，岩我口咪☺。餐飲叫左蜂蜜熱情果，甜度剛剛好🥃🌟🌟會encore🌟🌟

現在是沒事不會離開九龍城了這樣好像比較快樂從出生到現在一直居住的區域其實自己一點都不熟悉也因這數十年裡有著很大的改變什麼都不同了下午要去採購就在採購完後發現這裡有家車仔麵晚上便找同事一起點個外賣去在下點的是豬紅竹笙秘製大齋清甜蘿蔔配出前一丁和麻辣中辣 $53外賣自取約7分鐘便完成了很快啊（正常）在下到店時店裡只有小小的客人畢竟這都9點多了店員說原來他們都開了一段時間而且原來大家都是街坊哈哈住在九龍城的情義結嗎拿回公司後真的急不及待想要享用不過也要禮貌地等同事一起麵底對在下而言麻麻地可能不是現食就是有差？不過他們店家的料是不錯的好多的蘿蔔大齋有點像豆卜的感覺（？）彷彿有點脆的皮 裡面有著肉 帶有彈牙感香郁的齋味豬紅也不賴 一點都不腥臭就是竹笙不多（買米不知米貴）在下最喜歡還是湯底雖然一點也不辣（下次一定要點大辣呢）也沒有很健康不過吃完後把湯喝完絕對是一個大滿足更加才是完整的一餐而這舉動也好像嚇到同事啊😆

九龍城果然變到臥虎藏龍 每次都有新舖頭今次位置係福佬村道 直行轉右有間黃色招牌既車仔麵店 門面有大大張印滿食物既poster 吸引到姐姐都不行了 食得多泰國嘢 都試吓其他入到去 中間一排都係位 如果2位入會安排並排坐 但坐得都唔迫既 之後左右靠牆都係卡位但今日入到去已經係坐滿哂而麵底 醬料 餸 小食 飲品選擇一啲都唔少選擇困難症又發作准山麵 配陳皮魚蛋炸魚皮日本糖心蛋豬頸肉(豬骨濃湯）食過幾間車仔麵檔都未鮮有咁多種麵底揀 今次仲發掘到有准山麵 麵份量好多 一個女仔其實食唔哂 我仲要嗌左4個餸!另外4款配料樣樣都堅多 魚蛋$8起碼有6粒炸魚皮$12係一大碟 起碼有八大塊香茅豬頸肉$12 都有4-5塊但美中不足係糖心蛋要耐多少少 蛋白唔夠實秘製魷魚 有分大同細 $58/$42魷魚幾柔軟 唔會太硬 條條都好入味炸燒賣 $10 上到檯大大粒 但咬落去 唔似燒賣反而似咬緊舊麵粉咁 仲要係無味燉冰糖檸檬$15跟餐女仔當然要學識養生 所以我唔太飲凍野燉冰糖檸檬係要花時間去燉既 但依杯味道偏淡而且似柚子茶多啲🙂💛 貴店整體做得幾好 咁多樣餸每日試三樣都要啲時間