瓊芳冰廳

Open Now

Now Closed

其實要營運一間茶餐廳應該唔係難、偏偏呢間嘢連一杯奶茶都搞唔好，食物一般，服務態度很差，仲有杯碟清潔唔乾淨，究竟佢哋想點。未試過食完一間餐廳會咁大反應想出post來講下，真係影衰圓方呢個地方。

因為在附近工作，所以以往一星期食幾次，雖然每次幫襯都係1-2個餐，唔係好大張單，都算熟客。近期唔知係咪人手不足，員工長期黑面，都算，坐收銀櫃d經理（我估係高級d啦）態度及語氣異常惡劣，原本對茶餐廳水平並沒高要求，至在快靚正，但幫襯都要無端端受氣真係接受唔到！再加上食物水平一般，佢聲稱係招牌菜嘅叉燒極甜味道過濃，又唔嫩，雞翼又乾又硬，其他食物都普通，選擇也不多，只係蛋撻比較好味。但咁嘅服務態度繼續做落去真係趕客！

人手不足、態度惡劣！一個叉燒煎蛋飯賣成舊水絕對唔係平，唔望五星級服務態度，但都唔係基本禮貌都冇啩！攞位時，門口個面型瘦削嘅女人已經對我哋呼呼喝喝，坐底叫嘢食又扮睇你唔到，鍾意先至走埋嚟催人落單，但又叫乜都冇，仲要手指指嫌你煩咁！我鬼知你邊啲有邊啲冇咩！一係你直接話俾我哋知仲有咩食算啦！又唔講，望多兩秒menu個女人已經黑面粒聲唔出走咗去！我嚟食嘢，又冇得罪你，咩態度呀？最後嬲得濟起身走！呢間嘢都痴線㗎！

買外賣，蔥油雙蛋豬扒飯，想蔥油另一上，付了錢，等等很久還沒有，原來廚房員工下午五點左右會小休，全部廚房員工行行企企, 食緊野，飲緊野，又或在吹水、無人煮外賣。足足等了差不多20分鐘，才見員工開始再煮嘢。𨳒，早講，我等夠五時正，在傍的大快活買外賣晚餐，比在瓊芳（太興的集團公司）買，還要快和平。問處理的待應，竟然愛理不理，祇説廚房在煮，要時間。明明那些廚房人在停手交談，到真正可以有時，蔥油豉油都一併放咗入飯，問待應，態度差劣，以後不再買這間的外賣，無可能這樣對客。

親友介紹去試試，佢地向來嘴刁，所以抱有很大期望，點知希望越大失望越大！我地去食晚飯，好多餐都已經無晒。叫沙牛餐，賣曬！叫蛋撻又無晒！差不多想叫嗰樣無嗰樣。叫免治牛肉意粉又落錯單變左免治牛肉飯。已經好客氣無同佢地追究，但係仔仔好想食意粉所以加單單點免治牛肉意粉。叫左杯柯華田，啲粉完全未融，成層係杯底。港式奶茶淡而無味。人手不足，服務態度極差，食物毫無水準可言。我地係圓方嘅常客，今次絕對中伏，從來未試過係圓方有咁差嘅晚飯經歷。極度失望，一定唔會再幫親！

疫情甘耐，再到圓方睇戲，睇完哥斯拉大戰金剛，搵左間茶餐廳試下，裝修幾好，想試下個黯然銷魂叉燒飯，但無叉燒食，就轉食肉醬意粉，但又無意粉，甘就食肉醬飯，但野食一到枱面，一咬，飯係凍，肉醬麻麻，另外再食個雜扒飯，扒就比較細塊，而且條腸😱都係凍架，奶茶都熱既，以為試新野，原來係太興呢既，以茶餐廳標準都略然太低質量，只勝在裝修還好。若果不是黎睇戲都未必黎，不過價錢邊方面都算中等，因為圓方要搵一間價錢合理都只有大快活，這間算無選擇中的一個較不貴既選擇。餐具要自己自己拎。

入咗去，被安排坐外面商場路口位，明明有另一位置送餐，個個waiter係都要繞我們後面過兼次次都撞到我們張櫈，有waiter都試過隻碟撞到我朋友，稍一不慎實在會弄翻食物在客人身上，加上疫情期間，食嘢時十分不安心。另外，叫左常餐-五香肉丁米併火腿太陽蛋多士及黯然銷魂飯，落單時waiter態度已經勁差，上菜時火腿又變腸仔，五香肉丁份量半安士都冇，蛋都冇同集團敏華的香，叉燒又太鹹，而且全部食物只係微溫，但卻收得貴過敏華，十分不值！總結，服務、食物質素同性價比都不合格，不會再光顧！🤬🤬

今日小朋友喺冰場度學溜冰，我就去咗隔離嘅瓊芳冰廳度食飯。我見到個餐牌又有豬膶麵，作為豬潤愛好者梗係即刻想試。我見佢寫住係”夠薑”就心諗會唔會好辣，當個湯米粉嚟到嘅時候，已經聞到好香嘅薑味，再睇真啲就見到有幾舊細細的薑，再試吓個湯....嘩真係好夠薑味喎。但係試完覺豬潤就覺得佢唔係好夠淋，可能煮得耐咗少少，感覺比較硬。而個米粉嘅份量都比較少，不過一個$44嘅豬潤麵響圓方裏面嘅餐廳嚟講，都叫做唔太貴。我另外叫多咗個奶茶，而呢個奶茶就比較滑，都做出水準👍🏻

今次再惠顧吃沙茶牛肉麵、太陽雞蛋、多士、熱奶茶等食物.牛肉有鮮味又濃郁！煎蛋不論太陽蛋或炒蛋或反蛋都OK!多士如即時吃,鬆脆鬆軟,否則大打折扣.現場惠顧始終最好的味道.

今日早上（27/9/2020）來到這商場，提供早餐的食店只有幾間，見這間有人等位，應該是好野嚟。等了十分鐘就有位，當時是十點，我和朋友一行四人，一坐下，大家不約而同選了同一款早餐~沙茶牛肉麵，平時在茶餐廳多是沙爹牛肉，未食過沙茶牛肉做早餐。除沙茶牛肉麵外，早餐還有炒蛋/雙腸/火腿拼歐式軟多士。麵一上枱，已聞到香味，有少許辣，十分惹味，牛肉好滑，歐式軟多士熱及脆口。埋單，每人$58，比起茶餐廳貴些，但可口已抵番啦。離開這餐廳時，外已有十餘人等位。

因為Elements 有泊車優惠，所以去商場內較平的冰室買了個常餐，這個餐很肥膩又有公仔麵又有五香肉丁又有兩個腸仔，不過好食最重要。而它的出前一丁是用日本版，零舍滋味，五香玉丁份量有多，煎蛋又煎到流心，不用$60抵的。

（1）剛開業時同事食到肚痛腸胃炎（2）我自己第一次去見到隔離枱四個人，三個人的餐到了，另一個不停追單但等左半個鐘都未有，佢叫的只是普通午餐，但等左半個鐘（3）我自己有次order左叉燒飯，等左半個鐘都未有來，中間追單侍應又係敷衍了事，后來有個侍應話D叉燒未燒好4）打開櫃桶冇餐具，叫人拿餐具，佢兩次開櫃桶塞哂入去，就咁個櫃桶打開就走左去。（5）剛同朋友講起這bad experience, 原來她同朋友上次食lunch也一樣order等了半個鐘以上，叫了半天也沒侍應幫忙。其實我是絶少投訴的人，更從沒有在仼何網站投訴任何店，但這家店確實令我很失望和憤怒。

最近連薯片也有的黯然銷魂飯，餐牌見到又試下啦，選用黑毛豬🐷🐷，外貌比普通叉燒係不同，咬口也軟熟，肉質屬嫩口，配上粟米🌽🌽，連飯一起吃，別作一番風味，豉油略甜，但我喜歡💕。至於另一經典煎蛋🍳🍳免治肉醬意粉，肉醬足料，蓋滿整碟意粉，已經預知落芝士粉，略厭芝士味🧀🧀不夠，最重要是意粉曾經炒過，感受到用心經營。有套餐與非套餐選擇，相距$10，多杯熱飲，也可升級到特飲，若要水，要問店員取。

我們吃了沙茶安格斯牛肉日本版出前一丁，由店鋪到家保持水準（外賣），整體上沒有流失味道。牛肉、公仔麵、多士等味道哈到好處。如果在現場用饍，味道一流，尤其是多士。美中不足是價錢偏高，喜歡與否，見仁見智。

平時經開圓方都冇留意佢哋有一間高級茶餐廳.見到裝修幾靚，即管入去一試睇到餐牌幾吸引，價錢唔平，即管試吓佢哋嘅嘢先,睇吓值唔值🤔叫咗個鮮奶撻味道幾好,但係印象唔會深刻.跟住叫咗個暗然銷魂飯,豬好冧，食得出應該唔係用平貨，呢個價錢我覺得值.$98 可能覺得貴,但係有時候都要諗乜諗人工鋪租等支出.....已經覺得佢哋值.叫咗個雜扒飯OK再叫埋馬來咖吔多士,唔錯.不過個人鍾意煉奶,可惜佢哋冇🤷🏻‍♀️整體來講我覺得滿意.雖然價錢貴,但係合理.用料唔太跩,值得下次再返去再食