李景粥品專家 (Closed)

今日買咗碗及第粥外賣，索價三十八大洋！等外賣時順手拿起餐牌紙，嚇一跳，補腦魚雲粥賣四十八蚊一碗；這價錢足夠我食兩餐午飯！莫非租貴？還是粥裏面加入大量成人用DHA？再講返碗及第粥，料唔夠新鮮，豬潤有點老唔夠爽兼雪得大耐，食到第二件見碗底有血水滲出，肉丸不夠彈牙跟豬心各三件，一條長度為兩寸二分的粉腸，肚腰各一片，好在粥底唔算差，夠棉又有米香。幾年前帶老父往旺角店，記得叫咗豬潤鷄粥，當時已經要四十一蚊碗，誰知筆起竟發覺有頸位同翼尖！事隔數年，估不到它依然令我覺得有點物非所值。

李景的粥屬水準之作, 但店員的服務態度才令我大開眼界.吃完粥後, 朋友再叫了一碗外賣粥,一位高瘦的女店員替我們落單, 見我們吃完, 她馬上拿起單, 無禮貌地話: 埋單先! 之後冷冷地再話: 出面等! 佢服務態度之差, 唔客氣的態度係服務業之最. 其實我地仲等緊碗粥, 店員的態度係:"食完好快d出去" 店員客氣一點的話我們也樂意到外面等. 食粥要受氣, 呢碗粥我地以後唔會再食. 李景請著呢位店員真係趕客.

上個月同老婆路經灣仔，見佢咁多報章雜誌訪問佢，諗住實冇死錯人，點知果個咁Q貴o既咸雞粥，仲以為好正啦！點知粥底似白粥，再加幾舊冇咩肉o既雞！！頂！！我不如自己去"海皇粥店"外賣碗白粥，然後再去大家樂買d白切雞自己加落去！！！！！？？？又話招牌o野！???都唔明點解咁多報章雜誌訪問佢！！！同其他網友意見一樣，喱間o野超搵笨，大家咪上當！！

見佢門口貼晒報紙介紹, 就同男友黎試下:鮮咸雞粥$38- 本來諗住出名咸雞粥就試下, 點知雞係咸, 但D粥好淡. 好似白粥, 都無味既XO醬牛肉炒米粉$32- 味道唔錯, 不過份量太少啦~都唔抵食

1 August 2007 (Wed) - 晚飯游完水後唔敢食太多嘢，否則前功盡廢，哈哈！朋友叫咗碗生菜火鴨粥，我第一次黎，都唔知乜嘢好食，但叫咗豬潤粥，都有啲後悔，因為朋友話呢度既艇仔粥馳名，早知聽佢講叫艇粥．．．再叫多碟油菜share食，不過呢度既火鴨粥真係一流，我最後幾乎係食咗朋友碗粥咁滯，因為個潤粥真係差好遠～～～～最攪笑係佢將外賣紙個公仔同廚房既老板絕對係一樣樣，生招牌！原來有咁好粥舖我都唔知．．．．

終於試左呢間粥店，見到menu個價錢嚇左跳，仲貴過靠得住，應該有返咁上下掛？！叫左咸雞粉腸粥，xo炒米，油炸鬼先講個粥底，好似白粥！冇乜味...如果同咸雞一齊煲，應該會幾鮮甜至係，但果碗真係似白粥多d,粥同d料唔配合至於d咸雞同粉腸係幾新鮮好味，但鼓油反而冇乜味咁既價錢我會揀去靠得住，食完李景...覺得靠得住好抵食，淨係粥底已經冇得彈

昨晚因為牙痛, 去左依間粥店試試(小弟成日經過不過無試過)一坐低有張紙連價錢鋪"木台", 一睇, "賴"野! 最平碗粥廿幾, 最貴成舊水一碗粥(雖然佢寫兩人份量)叫左一碗肉丸粥, 一碟生菜全走, 一隻糭走色碗肉丸粥3分鐘內到, so fast? 一食, d 粥幾綿, 不過, 明火白粥味, 一d肉味都冇, 廿幾蚊食碗明火白粥?生菜全走, 唔知點解有咸味law ...隻糭ok淋埋單$52, 明火肉丸粥+菜+糭 ....冇下次~

腸胃唔多舒服, 想清清, 自然去搵景叔. 都不知第幾次去了, 只知道這裡的粥很對自己的口味.一點多, 都有不少人, 還好有個面牆位, 可以照舊聽聽歌, 寫意地食粥. 不用看餐牌, 都係叫個兩樣.鹹雞粥: 9分, 粥係綿綿的, 加上搶味的鹹雞, 仍然安份地爆出米香. 當然唔會食到滿口味精. 單計粥加上鹹雞係不能挑剔. 但始終鹹雞係比較老, 雞肉唔多嫩滑.明知油條唔脆, 都要了一碟, 塞進粥內, 淋淋的, 其實真係幾鍾意.自小總愛在平臺踏單車, 吃了一口粥, 又再踏一圈. 練得一身好武功, 滿口食物還可以再塞, 只為了再踏一圈單車. 這樣吃的粥當然係不太熱, 油條亦唔脆.如今再吃唔脆的油條, 就像重溫當天跟祖母一起的時光. 單車對於我, 除了係聖提夢尼卡的懷念, 就係油條加上粥.蒸腸粉: 8分, 總愛另加一碟蒸腸粉填肚, 熱辣辣, 加上甜麻醬, 係好好吃的.貴就係貴, 但真係好食, 依然間中會過來吃.

第二次o黎不遠靠得住o既李景粥品專家聽聞景叔以前係ｏ係上環生記到做，ｏ甘水準應該ｏ吾低．．．就要碗及第粥ｏ拉碗粥一擺上臺，已見到材料十足，有豬肝﹑豬腰﹑豬肚﹑鲮魚球等．．．（補到暈，ｏ岩晒抽完血無耐ｏ既我）豬肝真係好大片，咬落好爽口，味道亦好香濃；最正係ｄ豬肚，ｏ吾會韌到完全咬ｏ吾開，重原汁原味！粥底用鯪魚及魚骨、豬骨、腐竹、瑤柱、果皮煮成，ｏ吾怪得ｏ甘鮮甜．．．至於ｄ粥似乎無靠得住ｏ既ｏ甘大粒，但好綿

Tasty. A bit expensive but worth the money considering the ingredients that were used.

睇到食評，特登黎呢度食．講真，個門面吾特出，幾乎行過左都吾知．十二點半左右，店內已幾乎滿座，點左豬心魚片粥，加肉崧炒米．個粥底真係吾錯，夠綿又吾搶口，吾多覺有味精，魚片新鮮，反而係豬心無咩鮮味，似雪貨．Anyway，我鍾意呢度粥多過"靠得住"．對女士黎講，碗粥好大，炒米都吾細，一如所料，魚崧好少，不過個米粉炒得吾錯，唯一係店內冷氣太凍，好快就吹凍個米粉．

食完冇勁搵水飲.. 就知佢用料唔係呃人今日因為病左, 又咁岩過海就見到呢間野啦!入到去感覺間野好細, 但係d服務都幾nice呀...叫左個咩八寶咩粥68$ 二人食既一個xo炒米炒米真係幾好食, 唔似平時街外食個d又白又冇味! 但係唔多feel到有xo炒過咁... d色似囉.. 但係好食個粥好大... 兩個人食就剛剛好, 好飽個隻!食完埋單8x$感覺良好但係食粥來講好似貴左少少咁.. 但係都算好食!

好味! 粥底好! 出面d粥鋪好少有靚粥底, 多數用粉開, 糊仔o禁! 價錢比外面貴, 但水準高, 連我阿公食慣靚粥的老人家都讚, 真的不錯. 我最鐘意食咸雞比+鮮牛, 正!

點解有人食到咪精有人食唔到？唔通味精都有分時段？我食果個係鹹雞加鯪魚球粥，雞同魚球都好滑好味，但粥就好重味精。我係屋企有時會食得好鹹，所以我絕對能夠分別鹽同味精。食完行一陣後我竟然一口氣飲左成支中型水。43蚊味精粥，一定無回頭!

從前在上環生記粥店,有個叫師傅叫李景,以煲出一手靚粥打出個名堂,揚名海外,連遠至日本,也有其擁躉.後來被高薪挖角到去景記粥王,一眾名人如楊貫一,眾練馬師如告達理等力撐.多年來流浪後,年前終於自立門戶,在灣仔道打正自己名字作招牌,繼續用靚粥去饗客.景記粥王年代,因為地理環境問題(近廣華醫院),所以粥底不會下味精.好多人會在此買粥去探病的.病人要吃得清淡,仲要MSG?自立之後,斥資十幾萬買個專用來煲粥的壓力煲,務求煲出個靚粥來.粥底稀杰,任君選擇,每一次來,大多吃咸雞粥.粥底充滿米香,味道清甜,全無師傅效應.咸雞夠咸,其咸香味已同軟綿綿的粥底,化成一體.如果要挑惕,就係用價值十幾萬個煲出來的粥,比較機械化,沒有當年吃到的人情味.其他小食,魚鬆炒米粉值得一試.三十幾銀吃碗雞粥,點睇都係A級價錢,但當你知道背後的二三事後,就會覺得物有所值.睇野流於表面,往往會錯失很多.