李景粥品專家 (Closed)

到度家陣邊間先係景叔的？定景叔的門生憑住「李景」呢兩個字招搖撞騙？上環旺角同呢度真係間間咁上下，不過無論粥幾好，講魚片，都係靠得住好食D。唔係我主觀，係我個妹食完都咁話的。

叫左個25蚊豬肚粥, 普通稀杰, 仲有好貴6蚊條切左既油炸鬼. D 豬肚好肥好多肥糕, 唔爽口, 林bed bed. 唔吸引. D 粥又唔綿. 油炸鬼切左, 咪無左個種要齒開, 煙韌感覺?! 食呢d野要好似食雞髀雞翼咁, 大大啖用手食先夠風味.下次要免切先得. Anyway, 豉油加胡椒粉呢種打邊爐必備汁, 呢到有供應, 唔錯. 其實, 同呢類生滾粥講綿唔綿係好搞笑, 因為綿唔綿要講火喉同D 米有無用石磨磨過, 係用瓦煲銻煲定不銹鋼煲等等. 要綿? 我覺得時代廣場地牢摺左個間XX就真係幾綿.不過我無叫到個招牌咸雞髀粥. 都唔會去試lu, 太貴喇!

由生記到景記到而家的李景記，景叔轉工真係仲多過好多人，起碼多過我先。呢度人氣好盛，今日落灣仔做野，吃過Q版就再來這裡食粥。近一點已經坐無虛席，一間店若打出名堂係旺好多。一個人都要等一等至坐得低，呢度地方唔大，檯櫈擺到密一密。呢度同以前幾間粥舖的分別是較新淨，有電視睇，同阿景叔會著廚師服同戴廚房帽在煲粥，幾掂的。叫了咸雞脾粥，要杰底。碗粥個碗無以前咁大，但仍舊夠份量，粥底幾綿滑，同以前沒有什麼分別。當然沒有味精，個人覺得以粥底來說這裡的是最好的幾間了；咸雞脾仍舊好味又夠味，又啖啖肉，雖然要36蚊一碗，但都是物有所值。見店內沒有油鑊，心想油炸鬼應是別處交來，加上時近中午，油炸鬼都擺左成朝，所以都無謂試；腸粉賣相麻麻地，炒米亦不見佳處，就要了碟魚皮，雖比旺角的妹記略遜一籌，但亦新鮮爽脆。習慣食魚不點豉油，在吃魚皮時那碗薑蔥豉油就大派用場，加胡椒粉來點好正。埋單五十幾蚊，一點都不便宜，但吃靚粥靚料，係要俾貴少少的。

有時行過,睇到佢貼d紙講到個師傅點勁點勁.於是走去試下.望下個餐牌,嚇左一跳,最平既粥都要25蚊碗.貴既八十幾都有.不過比出面大碗.佢d粥款比較特別,一般粥店冇呢d款,例如菇粥,鯇魚粥等.諗住叫皮蛋瘦肉($25),點知冇瘦肉,於是轉牛肉,但佢收我30(餐牌冇皮蛋牛肉粥,但都冇理由貴5蚊姐,真係搵笨),另外叫左條油炸鬼,六蚊.先講油條,凍既,都仲有少少脆既,海皇仲好食過佢.粥既牛肉就好唔踮,佢唔係一般粥店個種而係一塊塊即係炒菜心個種.落左唔少梳打粉(最憎d人用梳打粉整肉).d粥其實都ok既,食到尾都冇變晒水,不過唔夠綿.同我呀媽煲差不多啦.但咁樣就叫粥皇似乎有點自信過剩.