Video
6-min walk from Exit A2, Cheung Sha Wan MTR Station
continue reading
Opening Hours
Mon - Sun
11:00 - 22:30
Above information is for reference only. Please check details with the restaurant.
成日聽朋友講話呢間麵皇既牛肉麵幾好食，其實我唔食牛既，啲牛幾好食都唔係好關我事啦！🤣🤣🤣 因為成日聽到佢話牛肉麵好食，我以為佢係專食牛嘅🐂🐂，不過原來佢既手工麵先係重點！誤會大了！🤣🤣🤣今日行過，同媽咪入咗嚟試下，店面設計都好得意，人唔多有枱唔使等！yeah~✌🏻✌🏻 打開餐牌睇睇。。牛，牛，牛，辣，辣，辣。。死啦！我唔食㗎喎，好在佢個湯底可以㨂下，仲有少少非牛類既食物！所以今次我地揀左秘 製豬軟骨清湯粗麵，仲有一個睇落好colorful 既三絲涼麵(幼麵)....呢度好得意，佢有湯底揀之外，仲有麵揀，所以我地一粗一幼麵試下。🤣🤣✌🏻✌🏻先來個豬軟骨粗麵，個湯底好清，係雞湯底，但又帶有啲胡椒味，所以有少少辣，麵身好爽，豬軟骨好林好入昧，不過清左少少。😊至於個三絲涼麵，好好食囉，青瓜，紅蘿蔔絲仲有牙菜絲，全部都好爽口，仲有個幼麵同個涼麵芝麻醬汁好夾，好爽口又彈牙！我鍾意食佢個幼麵多過粗麵囉！👍🏻👍🏻好食！😊😊😊話説呢度啲麵都唔平，而且加上疫情下，我估唔到我入去到食完呢個咁短既時間下，竟然會坐到Full House, 仲要有人等位！😱😱😱好誇張囉！我奇實覺得幾好食，不過如果要排嘅話，我又未必會食啦！(懶人代表mode)🤣🤣🤣🤣
continue reading
一碗咁嘅麵又吾係多肉多料，成70蚊一碗！加多個菜，又係得果幾條又收成20蚊！真係都算鬼數！外賣一個盒另外再收2蚊，局分湯果道又一個盒！即係簡單d講，一碗勁小料嘅麵加果幾條菜，仲要係生菜最cheep 果d菜如果你係外賣，就係要成一舊水先有交易！大家如果錢多未那管去幫襯！
continue reading
年三十晚都要返工嬲，收爐前同個friend食個團年lunch啦。今次到我行去長沙灣嗰邊和佢lunch，本身想試嗰間餐廳無開，就求其搵間有開嘅試下啦😊。餐廳喺元州商場嘅街舖，都幾旺場，所以食食下成間坐滿哂人。餐廳幾大間，坐到唔少客，而且環境都算幾四正，仲有大大幅牆畫，裝修算係咁。但有部分櫈比較細張，無椅背，坐得有點辛苦😅。睇下餐牌先，原來呢到無做lunch set的，即係全日都係呢本。我認為價格定位都真係唔平，一碗麵最平都$4x，有啲甚至去到$7x，飲品同小食仲要額外嗌😩。連鎖米線店幾餸都係$4x姐嘛。Anyway餐廳主打手工麵，有幾種闊度可以揀，分別係由幼、中、粗至寬。而湯底亦有得揀，原味清湯、麻辣、胡麻、胡椒、酸辣同酸麻湯底。餸就有唔同價位，花多眼亂🌸。不過望住餐牌嘅我哋有啲一頭霧水，因為自選麵其實係幾錢呢？要問姐姐等佢解我哋聽，原來餐牌入面無嗰樣餸嘅款式，就最平$46喎；但餐牌入面有嘅款式就跟嗰個價錢，而湯同麵都可以再配搭🤔，好鬼混亂，聽完都唔明。題外話，個餐牌油油地，有點趕客。我落單前問姐姐麻辣微辣辣唔辣🌶，佢好認真答我辣㗎。我再問佢咁唔食得辣係咪會頂唔順，佢話條脷👅會好麻囉。我又問咁胡辣辣啲定麻辣辣啲，佢話梗係麻辣啦🙈。好，問完三條問題後、經過姐姐嘅再三溫馨提示後，我都係決定試麻辣，因為最近嘗試食多咗辣，但真係心驚膽戰，驚自己一陣食到噴火🔥。我點咗豬肉手工麵($45)，碗麵好大碗，麵同餸都幾多。我要咗寬麵，真係好鬼粗下，口感都幾彈牙，浸喺湯入面都無變淋。餸方面，除咗🐷豬肉外，仲有幾條生菜、芽菜同菇菇。而豬肉係出奇地好好食，肉質好嫩，無肥膏，肉味仲幾出，無臭豬味。平日出街食豬肉我好少會覺得好味，而呢到真心正😋。至於個湯，我飲一啖就知姐姐無呃我，辣就真係唔算辣，但麻嘅程度非常高。飲半啖都開始覺得條脷痺痺地了，其實個感覺係幾過癮，但keep住成程食我驚頂唔順。我決定拎個碗仔將湯同麵分開，好似撈麵咁😂，真係食得舒服好多。間唔時就飲啖湯刺激下。雖則我都食得哂個麵，但都係叫咗枝豆漿($10)飲下，幫幫手XD。餐廳有杯仔提供，所以一支豆漿可以兩份share飲👍。我朋友就點咗原味清湯秘製豬軟骨手工麵($66)，我覺得好貴囉！朋友話味道都ok，我目測🦴豬軟骨有成4-5嚿，仲要係大大嚿的。但佢詐型話估唔到手工麵要中嘅粗度都咁粗，係扁扁地嗰種，佢expect嘅幼身咁嘅樣哈哈。咁中嚟講，又真係粗粗地嘅哈。另外，餐廳唔錯嘅地方，就係有一個自助區畀客自己拎杯拎碗拎紙巾同斟水，唔使麻煩店員😊。總括嚟講，我覺得我碗麵係幾好食🤤，一定會再encore豬肉，麵下次會試幼麵。雖然我唔食得辣，而佢個麻辣又幾高階，但我都食得幾開心、幾過癮，覺得唔錯。不過佢最好喺微辣下面加多隻辣度，叫BB辣，應該會啱我啲😘。但性價比來説，真係好一般，就咁一碗麵起碼要半百蚊，間唔時食下算。
continue reading
好少食手工麵既我今晚行經尼間自家麵～首先絕對不是比麵吸引到而是自家制餡餅～決定入去試下同男友兩人一人碗麵～男友叫既係煙鴨胸粗麵胡椒湯而我就係豬軟骨酸辣湯另外再叫左一個純牛肉餡餅同酸豆角豬肉餡餅🥧 麵到超大碗～煙鴨胸有成10塊咁多我果碗豬軟骨麵都有成4-5舊好正～同埋食完個麵已間飽到傻～跟住再尼餡餅⋯⋯餡餅本身已經食唔落但好試就先咬一啖～嘩😱😱餡餅皮有絲絲甜味襯埋我揀既酸豆角豬肉既咸咸酸酸～真心好正👏🏻👏🏻👏🏻👍🏻👍🏻👍🏻男友話佢果個都好食～但係由於太飽我食左一半另一半要打包😂😂豬軟骨酸辣幼麵👍🏻煙鴨胸胡椒粗麵～食完個人好暖～冬天一流👍🏻👍🏻爆餡餡餅👏🏻👏🏻👏🏻
continue reading
無意中上網搵到呢一間餐廳，佢有我最愛既胡椒湯底，一於今日去試下。環境乾淨，位麵有30個左右，平均一個麵50-60蚊，我叫左腩肉中麵胡椒湯底，腩肉厚得黎唔肥，啲麵煮得岩岩好，個胡椒湯好重味，值得推介！
continue reading