椰汁大王

Open Now

Now Closed

上次行經此處又渴又熱o既我一心諗住試試但點知... ... 愚蠢大頭蝦o既我...竟然行o左去隔離o個間買 (仲要買o左先知)今次我睇清睇楚, 終於買到了~白白o既椰汁配上一層碎冰又清甜~ 又冰涼~ 口渴o既我...一飲就飲o左1/4 lu~ {之後先記得影相}咁解渴o既o野~ 我俾8分~

九月二日(星期二)老公仔最後都是飲了椰汁呢,上次在深水埗又不飲.......今次要排隊.....究竟與鄰鋪有什麼分別呢.........他們沒有人排隊,但椰汁大王就有數個人....人的心理就是這樣,羊群心理,某程度上都是對的,有麝自然香........好,今次老公仔就試試椰汁大王!他說好飲呢,我都試過,大家都覺得不是太甜!而且都算解渴呢!.......不過冰太多,飲了四分三已經飲不到底部各位朋友行行下花園街,可以過來飲杯消暑呢......又多一個飲品新選擇!

見椰汁大王呢排人氣甘盛, 都忍唔住走去排隊試下去到個時, 撞正佢剛開門, 準備做生意所以可以睇住老闆點樣整椰汁先將椰肉加水攪碎, 隔渣, 再加水加冰加糖, 再攪最後, 加埋花奶攪多一陣就完成飲落, OK啦, 無想像中甘好飲1. 椰子味好似不及以前的香濃2. 雖說少糖, 但都幾甜, 甜品比椰味更大3. 收費 $18一樽, OK啦, 起碼便宜過巴巴星的咖啡可能回憶中的味道, 加多了幾份感情, 所以這一樽椰汁遲不到我心中的水平將來亦未必會再特登去排5-10分鐘去買

上年初見它開第一間時, 只是小店一間, 也無人排隊, 但我很喜歡飲椰汁, 在那個黃色大招牌和椰汁香味的吸引下, 要杯小,但經不起售貨員的推銷, 要了杯大, 想著都是普通貨色, 但飲下去, 才發覺和涼茶舖或果汁店的不同, 香, 濃不在講, 甜度適中, 還可以咬到椰絲和碎冰, 因為是用鮮椰肉加冰攪拌, 真的很好味, 那時已想到,這店一定會賺到錢, 果然不出所料,難怪現在已開了四間店,只是賣一味鮮椰汁, 也可以客以雲來, 排大隊, 果然真材實料是很重要的.

行經弼街見一奇怪現像,就係一檔鮮榨椰汁賣十蚊,一檔賣八蚊,但係十蚊嗰檔有人排隊而八蚊就無人買,完全打破了law of demand!!我就買一杯試試,鮮榨的椰汁固然好味,但係都無咩特別,難道八蚊會難飲d?,這個問題下回才分解吧!

我一向喜歡椰汁行旺角見到有椰汁賣都想買杯但都會買之前諗清諗楚因為一向經驗都係太甜, 只係一杯白色o既糖水但椰汁大王真係好好味, 只賣一樣椰汁都可以開幾間分店椰汁不太甜, 又解渴, 將冰塊打成細細粒, 冰又唔係好多, 好味!!開佢隔離o既飲品鋪都要貼返張正宗椰汁o既海報同佢fight過

行過呢頭. 見到佢地個名, 諗起係D美食雜誌到見過~咁之後 真係好渴. 就想試下係唔係咁好飲~我前面有2個人, 唔似其他評語咁要等咁耐~要左個13蚊大既. 佢椰味唔重, 不過又唔似其他人講咁冇咩椰味佢有DD碎冰同椰蓉. 口感一流!!!個哥哥都有講有笑, 唔錯唔錯!!! 家下天氣咁熱, 飲番杯椰汁真係唔錯!! 下次去開, 口渴既詔都會再幫襯!!

之前行過好多次都有人龍，尋晚經過見到得一兩個人就死埋去試下啦!椰汁夠凍，唔太甜，奶味唔過重，無咩碎冰，味道唔太假，行過熱熱哋又無人排隧都可以買杯消消暑

買了杯細椰汁，排隊都用了10 minutes~太久了吧！得一個人做，是故意製造人龍還是真的製作需時？望落好白淨，好似好濃咁；但一飲...完全唔濃，正如以下d食評所言，真係奶味勁過椰味！有無搞錯，我而家係要飲椰汁唔係飲奶呀!!!!!!!!總算叫一試無妨嘅，但一定唔會再幫襯。

前幾次買黎飲都幾好飲, 次次都係買枝裝$18, 夏天飲真係好正. 尋日買完無為意就甘上左車, 想開黎飲時竟然無左1/3????? 原來先前果d係泡黎????? 成$18枝已經貴, 重要甘呃人??? 五通又係因為又有雜誌介紹過所以甘無良???? 下次買完都係等一陣先走, 因為可以當面同佢講, 今次勁五低

每次經過呢頭, 都會見到一條小龍; 師傅心諗係咪真係咁得, 淨係賣椰汁都咁多人排隊? 一定要搵一次黎試下, 撞啱昨日都幾有雅興, 一於黎會一會佢!行到埋去都有六七個客人喺師傅前面, 但只見店內得一個哥仔做野, 由制作到收錢一腳踢, 都咪話唔忙! 等左一陣終於到師傅落單, 咁就柯打左一個椰皇同一杯細椰汁!坦白講師傅對椰子類嘅食品一向都興趣不大, 但既然成日都有人排隊, 點都要試一試! 先試椰皇, 椰皇口感同味道並非師傅喜愛, 相信同椰青嘅味道好唔同, 椰皇唔算甜, 味道算係一般, 唔吸引; 再試下椰汁, 椰汁真係好夠凍, 而且椰汁幾濃, 香味就一般, 不過都幾滑口, 對於不太愛椰子食品嘅師傅, 都不得不講一句好味; 加上睇住佢即場炮制, 放入椰肉加小量花奶再加冰, 真材實料, 飲落口又唔會有冰碎, 好正!總括黎講椰汁嘅質素都頗好, 服務態度友善, 個哥仔都會同你閒談幾句, 再問下椰皇得唔得; 而價錢都可以啦, 細椰汁賣十塊錢, 大椰汁賣十三塊錢, 而椰皇就十二塊錢, 可以接受; 天時暑熱, 飲番一杯冰凍椰汁, 確實可以消暑解渴, 所以亦不得不問一句"你今日椰左未呀"? 師傅記得食家好友"

I went to the one in Nanking street in Jordan.It seems that this shop is all over the place. It is in MK, SSP and Jordan.The shop keepers were chatting outside the shop.The coconut milk I had, it was not 即榨. It was already 榨 inside the container.They mixed the thing by coconut, evaporated milk and some sugar water using the blender.The place was DIRTY. Some of the coconut milk or whatever was sitting in the blender on the table and the shop keeper took no measure to preserve it or to prevent it

其實弼街呢間椰汁大王已開咗好耐, 奇怪成日排晒長龍都無人寫...我個人覺得佢d椰汁味arm arm好, 並不是'好假'果隻, 而且有碎冰打埋一齊, 好冰凍, 正! 天氣咁熱, 實在令人有一種'上腦'feel, 哈哈...但我亦有一點意見, 就係不同人整的椰汁水準都有出入, 我個人認為那個''鬍鬚滿面"的椰汁大王就一定靠得住, 所以我只會見到佢先至幫襯, 至於其他人就...下次囉

一直飲開土瓜灣禮記的椰汁,見到這店賣椰汁店,自命為椰汁大王,都幾自視過高.如果真的好飲就無須妄自菲薄,在你面前即榨,亦是新鮮的表現.可惜是淡奶味多過椰味.奶味沉歸底,飲到最後幾啖全是奶味,椰味又唔爭氣.而且大杯裝索價$13,很貴.比起我飲開的禮記貴一個開也不止.自稱為王的,十居其七無好,椰汁大王,又一例証.

剛從火車站下來花園街，發現在遠處好像開了新店，步近之後才發現是一間非常峽少的店舖，而賣的就是"賣非乏"的新鮮椰汁。有點年紀的食友，都會懷念從前小販檔的鮮榨椰汁，味道香滑之餘，那一陣陣椰汁獨有的味道，真是令人回味良久。當時在荃灣最聞名是甄沾記椰汁，無比濃郁的新鮮椰汁，到現在還記得它的味道。所以當我看到這新店，不加思索便來一杯大的椰汁，一試看看是龍還是鳳。可惜，又要再次失望了，椰香有是有的，不過椰汁不夠滑之外，味道也偏淡，感覺味道好像有點"假"。(在兩天之後，驚見這店的分舖在深水埗出現......看來有機會出現椰汁潮了~)