椰汁大王

Open Now

Now Closed

从西九龙特地跑去旺角买椰汁🥥，也没人在排队，品种就一种。不支持微信支付宝支付。味道不难喝，但是也没有很大的惊喜吧，可能是希望过大了吧……下次去香港🇭🇰，还是先问问香港的朋友吧。

🍴椰汁 大杯 $25 (5/10)叫咗走甜，諗住飲真啲椰汁嘅味，店舖標榜用新鮮椰子去打汁。見到佢加咗幾多冰同淡奶去打？飲落比想像中淡勁多，得少少椰子味同好重淡奶味，係幾滑但食唔到椰子絲，好普通😂推薦指數: 5/10唔明點解咁多人排隊，希望店舖做返好，唔好做壞咁多年生招牌😅

門口大大張貼住可以用八達通，排隊排咗10分鐘，佢話淨係收現金。然後即刻燶面，唔應人，勁冇禮貌。咁貼張嘢喺度呃人搣咗佢啦。不過我唔知係唔係全部電子貨幣都唔用得，因為嗰條職員已經唔睬我，我問佢已經唔應我，所以唔知係咪全部貼喺外面嗰啲貼紙，全部呃人嘅呢？

店員態度極差, 當日我地去買椰汁, 我地話"唔該一枝椰汁, 之後佢講了一句說話, 但當時因他帶口罩, 而且街道條街嘈,我地聽唔到佢講咩野, 所以我地問佢"咩話?"之後佢突然火起咁講," 比錢呀, 飲野唔洗比錢呀?"突然發火,唔知佢嬲咩野......所以之後應該唔會再去, 怕店員成日嬲會對佢身體都唔好! 

呢間椰汁大王每次經過都會忍唔住買一杯嚟飲，因為覺得有種感情係椰汁要飲椰汁大王。但今次呢杯有啲失望，買咗中杯裝，細杯同中杯價錢相差唔多。雖然保持著鮮甜嘅椰汁味仲有絲絲嘅椰子絲但係可惜冰感覺太多。一飲落口就全部都係碎冰，味道可能有啲覺得淡。如果少啲冰或者用大粒冰會比較好。

今次黎到呢間椰汁大王，試下佢既椰子飲品！！！佢地係飲品方面，選擇唔算多，只係得一款👉🏾👉🏾👉🏾就係椰汁喇～～～～分別在於有大、中、細size之分。我同朋友都揀左細size，杯野飲無咩冰，唔怕飲飲下，因為啲冰溶左而搞到杯野飲淡味哂🙌🏾🙌🏾🙌🏾🙌🏾🙌🏾🙌🏾而家飲落會飲到有一絲絲既椰絲，確實係真材實料！！！！！😱😱而且，呢杯野飲既甜味完全唔同其他食店，唔會係糖精既甜，而係椰香味既甜！😋😋唔錯唔錯～～

完全唔推薦去飲 佢之前嘅質素係唔錯但呢幾年差咗好多 d冰又係咁加 椰汁味越黎越淡 個店員仲要勁串 又黑曬面 完全唔想做生意咁樣 買俾婆婆飲 老人家飲唔到太凍 問佢有無得走冰 就串到叫我教佢整 完全係俾錢買難受 態度又差 可以唔洗再去 味道又大不如前 得翻個甜味

是日長周,放工掃個街食飽先返屋企。喺隔離食完個酸辣粉,就去椰汁大王買個椰汁飲我覺得呢間分店位置開得好呀!開喺間人氣酸辣粉店旁,D人食完辣野, 就會想買椰汁飲, 解辣!可以帶來多D生意呀!飲佢都飲左幾年了, 都加左幾次價~我飲開樽裝,因為最抵飲, 同埋佢好好飲, 樽裝最滿足。而家一樽$27。等緊佢整時, 你會見到黑白淡奶山。是了,呢度椰汁會加少少淡奶落去, 令椰汁香D滑D。你仲會長期見到店內有個店員不停開椰子切椰子,就係For整椰汁嫁!椰汁(樽裝) ($27)呢度椰汁好夠凍,如果食完辣野,或天氣熱時,解辣解渴解熱真係一流!椰汁好香濃幼滑,真係好味會令人忍唔住一啖接一啖咁飲的!如果來開呢頭掃街,覺得口渴要買野飲,不妨考慮下呢個呀!

椰汁大王 (旺角).一直覺得椰汁大王係一間好好飲，無添加嘅香港連鎖飲品店佢飲品店！真係又大杯又解渴，夏天嘅時候真係成日會行開旺角都好想飲番一杯消消暑😳.⚜️椰汁大杯🥥⚜️.明明依家都接近新年，但係呢今日天氣呢突然間好熱呀🥵係最熱嘅年廿九！行完旺角花墟實在太口渴，留咗好多汗呀！所以呢行過椰汁大王真係忍唔住叫杯大嘅椰汁嚟飲下，大概幾個月冇飲啦就，估唔到已經加咗價變$23一杯，之前我飲呢都仲係$22一杯嘅！但係呢暫時來講我都覺得椰汁大王真係味道同埋新鮮程度係無可取替，同坊間嘅台式飲品唔同，呢個係新鮮打，咁女仔唔可以飲咁多凍冰冰嘅嘢啦咁我叫咗小冰，店員都非常之貼心話如果要小冰可以但係必須要而家飲左佢，因為佢話都希望可以保持返新鮮同埋原汁原味，如果唔係到時飲咗有啲咩事佢都唔想嘅😂希望我哋繼續返嚟幫襯咁話喎！非常之親切(⁎⁍̴̛ᴗ⁍̴̛⁎)—————————————————————-環境：⭐️⭐️⭐️⭐️味道：⭐️⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️⭐️.📌椰汁大王 (旺角)旺角弼街72號地下

其實每次經過椰汁大王 都係會忍唔住要買番樽飲下一樽抵啲$26大杯無記錯$24 椰汁會加花奶加冰打成現成凍飲感覺唔錯椰香撲鼻，鐘意椰味既一定會鐘意。唔鐘意椰味?唔梗要，而家有蔗汁。 同樣都係$26一樽但個人覺得點解佢啲蔗汁甜得有啲怪既呢？係我太耐無飲蔗汁唔記得咗陣味，定係而家啲蔗係咁架。。。。。。已經係見住即榨架啦。。$26一樽，不過不失啦！如果想要口感既話，仲可以加珍珠，椰果，西米等係珍珠奶茶外，又另一選擇。有時人多都要留番少少時間排隊啊！

食完晚餐想買野飲，朋友去咗買台式飲品，我就覺得heavy, 所以就冇跟住買~ 經過見到椰汁大王，見好多人都排緊隊，所以決定飲椰汁！佢有大杯同細杯揀，我就揀咗細杯，因為啱啱食完野太飽，又係奶，所以就唔敢叫大既！不過最驚喜，雖然都幾飽，但係椰汁飲落去一啲都唔頂胃，唔似奶咁樣，第一啖飲落去覺得好清，冇喳！冇溝水既味，好濃👍🏻👍🏻 好好飲，幫助消化🤣 又好似幾健康！好快就飲完一杯，仲買咗一支返屋企添🤣🤣

食完飯，散下步～ 想飲吓嘢，但係附近都係台式飲品多，下晝飲咗唔想再飲，同埋近排都飲得幾多，肥咗咁啱行過見到椰汁大王，都幾多人排隊，有條龍。於是就買埋一份之前都係成日飲，但係佢加咗價之後就冇飲一排了～ 其實，加價都加得幾快不過椰汁大王既椰汁真心好飲，佢係即叫即整俾你一嚟應該唔想晒材料之外，仲係超級新鮮！我叫咗大杯，要$22。等咗大概2分鐘之後，就已經整俾我，其實都好用心，因為真係逐個逐個整 飲一啖回味下，真係好重椰子味！用奶又高質，唔會覺得好滯，因為一啲都唔似飲奶～ 會覺得成個口都係椰香味 真係每次飲，都keep到水準👏🏻👏🏻

在旺角，隨街飲野食野是生活的態度。好多時，我們在旺角一行街，就算手上沒有小食，都會有一杯美妙的飲品。平時，我同太太都是一杯台式飲品，不過今次一從旺角火車站行出來弼街，太太正前往台茶店時給我看到另外的一個冰凍飲品選擇，是香港傳統的消暑飲品，椰子汁，也有人稱椰漿。於是，我同太太說了聲我自己買別的，便到了對面馬路的《椰汁大王》，來一支冰凍椰汁。 他們的椰汁，是現場製作的。店中的老椰子，會切果肉加工做成妙不可言的椰汁，生椰子就會原隻出售。店員就不停地把宅椰子挖肉，加淡奶，加冰，加水，加糖，不斷的用攪拌機把以上的材料混合，再按客人要求，分三個不同的 size，入樽，入杯。 我要了一樽，售價 $25，比起台茶店的飲品來得抵。入口夠冰凍，椰味香，奶味濃，而且味道香甜，又可以消暑，又可以頂一頂肚，很是美妙的一支飲品。而且，在大熱天時，飲到一皮或一杯內有碎冰粒而且又有 creamy 口感的飲品，有透心涼的感覺，也有香滑的感覺。 很妙的一支飲品。而椰汁這東西，由我小時候，到而家有妻有兒女，都是香港最地道，最令人覺得開心的消暑飲品。

吃完飯，步行回車，感覺好像口淡淡的，見到斜對面的椰汁大王，買杯飲先！椰汁是即搾的，柯打後先將椰子和冰粒攪拌，然後加入花奶，大杯裝$21 、小杯$17，還可加入珍珠、紅豆、西米或涼粉，我當然要純椰汁，飲落椰香奶甜，好新鮮！

去親深水埗人又多又迫，成日忍唔住要買杯飲品消下暑，有時飲珍珠奶茶都飲到悶，我就會揀飲依間既椰汁(大杯裝)，因為佢係鮮柞同好重椰味，入落有少少甜，唔係個個人都接受到，但對我黎講我覺得可以，飲落仲有椰絲碎，價錢雖然貴左少少，相對都物超所值既