正宗上海生煎皇 (Closed)

原本果間上海舖又抵食又好味，無啦啦裝修變咗而家呢一間試食下啦。叫咗最基本嘅小籠包、擔擔面。小籠包d皮好厚，雖然有汁，不過無驚喜。自問對食嘅要求唔高都覺得個擔擔麵唔合格。第一啖好大陣薑蓉味😞之後冇乜花生醬既味，仲好水。另外叫左個排骨湯麵，個排骨無骨，好厚肉似叉燒，鬆軟味道可以。總括黎講貴左又難食左，唔會再有下次。深水埗無左間抵食同好味既上海鋪真係好可惜。

雖然鋪頭嘅生招牌係生煎包，但係我覺得試試個小籠包，更睇得出師傅嘅功力！落單之後，等左10分鐘左右，小籠包隆重登場！望落去個賣相唔錯，咬落去亦啖啖肉汁，食得出用料相當新鮮。大家黎到如果唔想食生煎包，呢個小籠包亦值得一試！！

在深水埗開左分店，終於都試到。但無想像中咁好食。叫左幾樣野食！我覺得個菜飯麻麻地，哋飯唔熱，好求其咁。個嫩雞燴麵幾好！招牌生煎包和小籠包就好食啦，裡面好多汁！至於個四喜烤夫都幾好味但就唔係咁抵食囉，好細碟但要32蚊。

今日經過深水埗,原來舊上海店轉手了,變了生煎皇,都係上海店舖,呢到有套餐,會比單買平一點,送汽水飲品,今次就試了芝麻醬五彩冷麵配生煎飽,先來上海生煎飽,底脆肉汁多,有點似祥興記味道,可能有點係,十分好味,還有教食用方法再來芝麻醬五彩冷麵(即雞絲,青瓜,火腿,蟹柳,荀絲)麻醬多而味道適中,口感不太硬,各種配料也十分豐富,唔錯,埋單44元包飲品,平正,