正宗上海生煎皇 (Closed)

久聞生煎皇的名氣, 今天很想吃上海菜便馬上想起了上海生煎皇, 買了一客四川担担麵($39)及一客上海生煎包(4件),外賣與爸媽分享, 我是上海菜的FANS, 加上其名氣, 滿有期待的試. 怎料很失望, 担担麵很普通, 沒有那份担担麵的香氣,且麵條太熟, 太淋, 醬汁太稀, 不能掛在麵條上, 再試生煎包, 很細粒, 爸爸形容這體積可被風吹起, 包皮與肉是分離的, 皮不脆, 很失望.總的來說, 試了兩道名菜也很失望, 這個價錢不值, 在一般食肆已可買到多一倍, 不會再試下一次了. 

坐底點完野食就好快上碟啦。不過好多人等位，而且空間不大所以食完就走了。上海生煎包(2個) $16睇相以為好大個，所以上碟時比想像中小。包底煎到脆脆地，咬落好多汁，餡肉咸咸地，但包和餡肉的比例剛剛好～味道能夠中和～灌湯小籠包$32呢個等左一陣先上枱，系即叫即蒸。皮薄餡靚，仲好juicy。灌湯小籠包一定會加肥肉才能製作出很多肉汁的效果，所以普遍餡肉都比較油膩，但點買個連埋薑絲和醋一起點，味道十分夾，減小油膩感。雞絲粉皮$28醬汁系用日式芝麻醬，明顯地系更改過符合香港人的雞絲粉皮。跟我系雲南食的雞絲粉皮好不同，還是辣辣地既雞絲粉皮好食。四川擔擔麵39麵底唔算多，麵加上特色的肉醬汁。醬汁的麻辣味主要由粒粒既花辣帶出，所以偏向麻，而不太辣。韭菜豬肉水餃$28餡料足，不過不失。

自己搬左出黎住,就每個月都要去上貨一次補給下屋企日用品,所以今日特登行出大埔墟街市個邊睇下有咩平野買,貪個邊多藥房丫嘛,撞正食飯時間度度都好多人等位....行過呢間生煎皇想試好耐,見D人都多數叫外賣,應該唔使等好耐,就試呢間啦午餐時間都幾抵食,加10幾蚊有多個小食真係好多人,但又唔算坐得太辛苦桌上既搞笑溫馨提示上海生煎包表面煎得好香脆完全無諗過有咁多湯汁....俾佢陰到我噴到件衫都係...已經漏左好多湯..都仲有咁多係入面.....豬肉超香,湯汁亦滿滿豬肉精華灌湯小籠包皮薄餡靚,湯亦多到我夾第一隻就穿左........芝麻醬五彩冷麵有雞絲,火腿絲,蟹柳絲,筍絲,本身應該仲有青瓜絲,但男友唔食所以走左,麵條非常彈牙,芝麻醬又香又夠甜上海厚切炸排骨湯麵炸排骨係甜甜的,非常鮮嫩多汁,湯頭清甜平時聽人講呢間野好好食我都唔信,果然一試便知龍與鳳,下次經過要再買個生煎包食先

門口很多人等，滿懷希望試試，但結果係有點失望，招待不錯，很有熱誠，但食物就差一點了，生煎包味道普通，醉雞翼酒味不夠香及入味，四川擔擔麵味道，川椒辣味，(個人比較喜歡上海擔擔麵多些)

久聞大名，但一直都未有機會食到。咁啱今日嚟到大埔墟，決定試試佢。中午時間有午餐供應，自選小食主食加飲品，大約$40-$50。一場嚟到當然要試下招牌生煎包，主食叫咗厚切炸排骨菜飯，加多杯凍豆漿。厚切炸排骨菜飯初頭以為炸排骨係一般染有炸漿嘅排骨，但原來呢一種係無用炸漿。呢種炸排骨食落感覺無咁熱氣又無咁乾，可能係厚切嘅關係，排骨保持到好juicy，再加上少少甜味，送飯一流！個飯食到一半生煎包先上，可能因為即叫即煮。生煎包賣相好靚，唔會油淋淋，面頭煎到少少金黃色，再配幾粒黑白芝麻，忍唔住即刻夾起嚟食。一咬落去，d汁即時標出嚟！擺喺旁邊嘅電話都差d遭殃！果然係招牌菜，外皮軟熟中有少少脆口，唔油膩，餡料豐富，肉汁滿瀉！$4x 有呢個質素，好滿意。

大埔分店冷氣非常之凍，令食客要著褸同帶帽吃嘢，啲食物基本上來到不用兩分鐘已凍冰冰。即使食物質素不算太差，但可惜已吹到凍晒及硬晒，浪費啲食物，真的非常失望。另外服務態度極差，對客人的態度一點禮貌都沒有，客人告訴碗邊有黑色污漬，竟然話不是污漬，是脫色。用脫色黑邊的碗碟裝食物給客人食，真的好難想像一間食店會這樣做生意

星期五放工同哥哥番大埔嚟個兄妹飯局，但兩個你眼望我眼，毫無頭緒食d咩！突然行過「正宗上海生煎皇」，香氣撲鼻，即刻心郁郁好想試吓！店舖空間有限，進入鋪頭已見到人頭湧湧！枱面貼有食生煎四步曲，一陣一定大派用場！餐牌嘅選擇亦都好多，同哥哥諗左一陣，嗌咗一個上海生煎包、雞絲粉皮、韭菜豬肉水餃同上海排骨菜飯！先嚟雞絲粉皮！粉皮煙韌，混合麻醬，充滿麻香！加上爽脆青瓜絲同雞絲，層次滿分！之後係韭菜豬肉水餃。水餃餡料十足，配合微微藥材味的上湯，清清地，唔錯！然後係充滿驚喜嘅上海排骨菜飯！排骨肉質嫩滑，口感有少少似叉燒，且蜜味逼人，好好味呀！最後就係呢度嘅招牌生煎包！生煎包上枱熱辣辣，店員再三提醒要小心食用！而我就按住枱面上生煎四步曲嘅指示，細口品嚐！生煎包外皮煎至微脆，包內鮮湯滿瀉，超讚

平日好小會食到正宗上野菜,今日同小胖女經開大埔,小胖女第一時間就話要食生煎王,呢間野小弟係佢初初深水埗分店食過一次,但唔識野無叫到生煎包,令次一定要試下黎到時又係人山人海,係店外面可以睇到一班師傅努力制作包點中,全人手拉麵粉,好期待咁等位,坐底後叫左一個四川擔擔麵食住先,賣相非常正,味道帶小小辣,湯帶小小傑,食落幾開胃,之後叫左個涼拌青瓜海蜇同土匪雞翼做小食,大量麻辣炸蒜,配青瓜食口感好清新雞翼水準都唔錯,比得起另一家米線連鎖店既版本,跟住上就係今次既主角啦,招牌生煎包同灌湯小籠包,先講生煎包,熱辣辣既湯汁係鎖左向包入面,個底煎到脆卜卜,但包面又好鬆軟,入面舊肉簡直係絕品,無得彈至於灌湯小籠包亦都好正,湯汁又多又甜,大家記得先係個包頂飲左d湯先慢慢品嚐個包阿

其實一早已經知道呢間生煎王，只係每次出到旺角/深水埗都冇特登去到食😂 依家既然係大埔開左間分店，就緊係要搵日黎試下啦☺️大約十二點黎到都唔洗等位就有得入，午市套餐就係可以揀一樣主食再加一樣小食，每樣都唔同價錢，隨你點配，兩樣加埋都係五十幾六十蚊到，都幾抵。招牌菜 生煎包👍🏻做得招牌菜果然有返錦上下水準，送到黎果時仲好熱，咬落去好多汁好正😋麻辣無骨風爪👌🏻 真係鐘意食辣既先好嗌🙈白菜水餃麵👌🏻 普普通通 上海排骨菜飯😄 個名雖然係排骨，但食落似叉燒多啲，因為冇骨而且又好淋，都幾好食😊另外加錢可以將跟餐送既飲品轉做酸辣湯😛 好夠味好多料 出乎意料地好飲👍🏻👍🏻👍🏻以上係兩個餐既分量，兩個人都根本冇可能食得曬，以每人五六十蚊既價錢，食到錦多野真係好抵😂

行過見到生煎包好吸引！就決定食啦！首先叫左兩個生煎包先！上菜超快！一落單就上菜啦！正啊！唔洗等！生煎包個形狀方方地！上面又有唔少蔥同芝麻！加左蔥同芝麻又惹味d wo!重點係入面既湯汁好多！先咬開個頂就見到湯汁同肉係入面！湯汁個味道好好！再咬就食到脆既包底！好正!再叫左個四川擔擔麵同上海厚切炸排！個擔擔麵超好食！個湯底夠濃夠麻！個辣又岩岩好！唔會辣到冇曬其他味！成碗勁香濃！加埋個麵又夠哂彈牙！好食！本身以為厚切排骨係骨多過肉個種！但原來係冇骨嫁！大大舊肉係度！而且一份既份量都好多！件件排骨都係厚切！味道都唔錯！有好香既燒烤同醬料味！而且唔油膩！件件都好爽彈！

貓貓又做麻甩貓啦。月中就洗曬啲錢，諗住食啲平野。但貓貓發覺呢間平野味道算好好味，係平靚正既代表。貓貓要一個紅油抄手。紅油抄手整得好滑，一滑就滑入口，口感好。中間係辣椒，自己鍾意食辣就點多啲，貓貓鍾意呢個紅油抄手既味道，少少刺激但唔會好辣。貓貓又要多個鎮江肴肉。貓貓食上海野一定要order呢個菜。呢個係上海菜既精髓。貓貓好鍾意鎮江肉既口感。凍冰冰好清爽，咬落好似食啫喱。入邊既肉唔會太鹹，好軟。但成個啫哩好爽口。雞絲拌麵。上邊全部都係雞絲。芝麻醬毫不留手，一次過俾貓貓食得好滿足。食拌麵芝麻醬夠多先好味，好似呢碟，貓貓真係食得好興奮，雞絲多，芝麻醬又多，夏天食，好開胃。貓貓係呢個大熱天飲左杯凍豆漿，貓貓覺得自己係貓生贏家，因為月中洗曬錢都可以食到咁平又好味既野食。

最近因為某d原固多左去大埔 咁好既覓食機會 當然要搵下大埔區有咩好野食一直都想試呢間正宗上海生煎皇 但旺角同深水埗既分店都長期出現人龍 估唔到最後竟然係遙遠既大埔食到開放式廚房可以見到多位師傅專業地製作生煎包、小籠包等美食係極之肚餓下 首先食返個四川擔擔麵醫下肚先本身諗住餐廳主打生煎包 所以都無抱太大期望 但結果又唔錯喎涼拌青瓜海蜇 係小妹喜愛既配搭青瓜爽脆 海蜇彈牙 面頭既蒜泥有少少麻辣 夠晒開胃主角出場喇! 生煎包賣相圓碌碌 有2個或4個選擇 咁一場黎到梗係叫足4個啦生煎包新鮮滾熱辣 包底煎得鬆脆唔油膩 咬開係滿滿既湯汁+肉汁 好juicy呢土匪雞翼質素亦都唔錯 可以媲美某連鎖米線店既招牌小食除左生煎包 我地仲叫左灌湯小籠包一夾起就感受到小籠包裡面裝滿上湯味道同肉質都不錯如果最頂既皮可以再薄d就更完美結果呢間上海生煎皇都無令我失望 價錢實惠 食物實而不華

炸排骨麵。。。完全不知所謂，完全無炸過，根本係叉燒，仲要一早整定n個中，凍冰冰。。無肉味。。又難食又冧。。個味又唔好食。。到湯底，我相信係清水加幾粒葱。。淡到乜味都無。。我已經有幾年未食過咁難食的麵。完全不知所謂，hea到不得了。到雞絲粉皮，一睇個樣就知唔惦。。d所謂的花生醬溝哂水咁，淡味仲要明顯係cheap到爆的現成沙律醬咁。。。雞絲。。有絲？係肉。。。乜味都無。。28元又細碟。。超hea到小龍包同生煎包，唯一叫正常。。食得落

行過見到新開餐廳入去試吓豬肉韮菜餃：跟灣仔碼頭質素差唔多 唔使係到食。招牌生煎包：等咗好耐新鮮整好嘅生煎包但好失望。皮頗厚 肉好似粉咁 包底硬到好似放咗好耐嘅麵包 但多汁。唐醋排骨菜飯：份量少兼得骨冇肉。擔擔麪： 全晚最嬲係呢樣菜式！ 湯底花椒味好重但冇麻冇辣 冇花生醬味 唔知點解係甜嘅 隔離譚仔三哥麻辣都正常D。

之前聽人講，這店食物價錢偏貴，份量少，本來都無諗住去試，但今日走到附近搵野食，我家老爺話想試，好！就即管一試吧。講真，除咗招牌生煎包同小籠包係比較好d之外，其餘食物真係好一般，正常四川擔擔是有點微辣，但這裡的是甜的，味道有點怪。地方也非常迫……