正宗上海生煎皇 (Closed)

是日同屋企人lunch，三人同行一去到就有位地方細細，而且位置唔多佢有兩邊選擇A+B，再配野飲蜜汁豬扒粉麵（A）個豬扒好嫩，甜甜地，而且都幾淋所以幾入味，佢仲可以配菜飯雞絲粉皮（B）芝麻醬加雞肉絲撈粉皮，喱個係母親最中意叫既，因為粉皮好淋，老人家可以食到，而我就覺得肉係無味，係食醬撈粉皮上海粗炒（A）有菜、冬菇 但成碟野無肉，而且無咩味，最好味係加啲豆瓣醬佢好豆瓣醬幾出色，撈落去唔錯小籠包（B）好多肉汁，味道唔錯，果然係招牌，散叫就貴啲，跟餐平少少生煎包本人好欣賞，亦係招牌之一，佢煎到下面脆同硬生，入面好多汁，一咬就會爆開，所以每次食都要小心埋單$286，仲有酸辣湯、野飲

大埔搵食好地方👍🏻👍🏻上海餐廳最有特式既食品都試左，其中最心得人心都一定系呢個生煎包，肉唔會死實實，最緊要滿滿既湯，皮薄（見圖） 服務員態度好好 好貼心甘提一提小心會辣嘴 隨左肉汁鮮味重食到久違香港人情味另外有套餐菜飯， 蜜椒雞扒配菜飯一流，不過菜飯偏軟，可能同菜出水有關，不過整體感覺都唔錯！價錢大眾化，兩個人食加多籠堅信號灌湯小籠包（$33）都系百幾蚊，食物質素還好，環境舒適，乾淨企理！ 務必加入抵食之選系列承老闆介紹下次要試佢地既傳統好面

近年生前包都幾行，當初以為要去到油尖旺呢啲美食區先有得食，但今日行就比我發現左原來大埔都開左間，咁我梗係入去試啦等左10分鐘，熱辣辣既生前包就送到我面前，底脆湯靚，啲肉又入味，一流吖

今晚屋企冇煮飯，放工唯有買外賣同屋企人食啦。經過呢間見佢做緊特價，兩個小籠包$10咋，之前聽人講都好食既，所以就㨂佢啦。一入到去，有個女侍應行出嚟招呼我地，喺落order 期間，d語氣都幾冇禮貌，例如落order時我話要2件小龍包，佢答「冇喎」「唔知喎」「我唔識喎」(當然到最後係佢睇錯啦）等等....不過我相信咁啱收銀嗰位行開咗，可能佢唔熟手先會咁，但係語氣方面真係要留意一下。後來有位比較資深嘅同事出嚟幫我收錢（皆因呢位女同事唔識得用支付寶收錢，所以叫咗另一位同事出嚟幫忙）。過程大約等左10分鐘啦，包齊外賣就拎返屋企食。外賣我覺得其中一樣好緊要嘅係——有冇執錯野！呢方面佢就做得幾好。一打開晒啲食物，第一樣野當然食小籠包先，趁佢仲熱😋 好意外，一咬，一大啖湯湧出來，而且仲熱嘅，肉質係新鮮嘅，皮薄，$10來講絕對係超值。叫咗兩個生煎包黎試吓，雖然外賣拎到返屋企冇即場食咁熱辣辣，但個皮仲脆喎，味道尚算唔錯，呢個都抵食。糖醋排骨菜飯：味道唔錯，肉質炆到好林，d汁好啱送飯，d飯口感偏軟，啱晒我🤣京汁茄子飯：好似食太多肉，所以叫一個齋黎平衡下，但都有少少失望，茄子我比較鍾意軟身d，我同埋感覺上啲汁

今晚同媽媽撐枱腳，媽咪鍾意食中式嘢所以帶佢嚟食上海小店試下。我哋兩個人就點咗個二人套餐，望落價錢都真係好合理。我哋點左2個生煎包、蒜泥白肉、無骨鳳爪 ，主菜就叫咗上海厚切炸排骨菜飯同埋外婆紅燒肉菜飯。加兩杯罐裝飲品，價錢都係168。生煎包： 媽媽話好好食，我自己就覺得個底燶咗啲，味道唔算特別 。不過裡面真係熱辣辣。蒜泥白肉、無骨鳳爪、外婆紅燒肉菜飯無骨鳳爪真係好麻辣！ 夠惹味！而蒜泥白肉麻麻地有2少少奇怪。 紅燒肉就好好味呀！好入味,啲肉亦都係好嫩滑！讚呀！上海厚切炸排骨菜飯 唔記得影相不過我覺得啲排骨雖然份量好夠，但係都真係炸得有啲乾。總結，呢間係一間唔錯嘅上海菜。順帶一提我哋坐喺門口位，人客出出入入，真係好熱呀！

今天去大埔試一下這間自稱為正宗生煎包皇的餐廳，當然要試一下生煎包啦，一試就知中伏了，裏面的餡料一啲都唔好食又冇薑味，外皮又沒有香味，麵粉怪怪的，一句講曬就是不正宗的生煎包。另叫了五彩冷麵及小籠包，五彩冷麵質素一般，冇咩驚喜，價錢較貴$42一小碟，小籠包又是不正宗，餡料味道不正宗，跟其他上海店的不同，質素普通，但好過生煎包，再叫了兩杯豆漿，$12.- 一杯只是用細膠杯裝的，不抵飲，總括來說我一定不會再幫襯這間店了。

第一次試哩間生煎王本身對上海小籠包或者生煎包嘅興趣不大，不過呢間野嘅午餐係A+B選擇，一個主菜會有一款小食，我同老公叫咗兩個午餐，一個係麻醬撈麵配雞絲粉皮，另一個係雞翼菜飯配生煎包其實我對於個麻醬撈麵係有啲失望，因為我以為佢係類似花生醬，點知個撈麵同雞絲粉皮都係用咗芝麻醬（日本個種），其實唔係唔好食，只係同想像嘅不乎，所以已經打咗個折扣好彩佢嘅雞翼菜飯比較高質，而且個生煎包真係唔係浪得虛名，熱辣辣辣一咬就出晒肉汁，本身興趣不大嘅我都覺得好正整體然而，我覺得不過不失，鍾意食生煎包嘅朋友可以去試吓

完全中伏了。。今日去到大埔試下呢間嘢，點知完全失望。乜x嘢上海厚切排骨菜飯呀？？上海排骨？？你呢個極其量叫蜜汁豬排。。。菜飯又唔香，又無味。乜x野生煎包呀？？求其裡面有D湯汁就當係生煎包？裡面舊肉嘅醃製完全不是上海味道，無薑味。。。極差。。。仲話去過上海學師回來。。。真係差到一個點。。真係唔明點解可以開咁多分店。唔好咁樣呃香港人啦。。唔該晒。。都係祥興記好食好多。。。。。。祥興記贏幾條街啦😰😰

今日約咗朋友喺大埔共聚晚餐,本身其實諗住食小菜嘅，但因為太多人唔想等，結果就入間上海餐廳,第一叫左小籠包咁夠熱嘅，可能太好食，我朋友一黎就食曬🥺我係一粒都食唔到之後叫左蟹粉小籠包，小籠包係拆蟹肉有湯汁有蟹鮮味，但係有殼同少少腥。自己另外叫左個紅燒肉麵，個面呢好淡冇乜味比較清淡，但擺咗好耐都唔會發脹最好食係個紅燒肉，覺得係甜口唔咸，雖然係多肥肉但係一啲都唔膩，豬腩肉爽口，入口即溶，鍾意食肥肉啱晒。仲有王牌生煎包必叫，爆汁脆口又香，一個係推介嘅素食小籠包小編就覺得可以唔洗試，比較普通🤔最後小編會為咗個紅燒肉會再去食嘢

間店開咗好耐一直都無食過，中午咁啱路過此地就食下午餐啦！咁就入去食，原來套餐一啲都唔平，都成差唔多60蚊一個連埋飲品，叫左個涼拌上海冷麵同小籠包4個，飲咗罐裝無糖可樂，麵都唔錯可惜麻醬太多，食到好漏既感覺，配料都唔錯，小籠包都算ok，食落去都算juice，一啖一口，如果冷麵少啲麻醬就唔會影響食慾，食個冷麵好咸因為麻醬太多，不停飲汽水解喝，其實叫一個麵2個人分享食會比較好，都比較大碟，1個人食太大碟了，再叫啲小食就剛剛好飽

這間由前明星Oscar主理的生煎包店，在雜誌廣告上已多次介紹，今日終於可以一試。店子本身座位不多，格局屬普通茶餐廳，但店員的招呼份外殷勤有禮，生煎包亦相當有水準，內裏多汁皮夠薄味道夠濃！

睇到門面都幾企理, 見到好多人應該吾差, 就走入去試下入面其實幾迫.  店主用盡空間..不過野食黎得好快.. 同埋仲要係新解手整.. 熱!!1. 生煎包(必食)外"翠". 底就煎都金黃色.. 吾似有D生煎包硬到成個石頭咁.. 好味.. 入面D汁剛剛好.. 吾會太多瀉曬出黎, 又吾會完成冇汁.... 整體味道一流. 吾怪之得老闆用生煎包做店名2. 豆漿(冇特別). 可以忍口去隔離阿婆豆腐花買..3. 水餃6只 (值得試)皮薄, 用料新鮮... 就咁食都好飽..要試!!!4. 粉皮我覺得好味過好多分店好出名果間上海店播... ...  至於CHURRY 我真係吾敢試, 真心覺得好怪......

🚴🏽‍♀🚴🏽‍♀🚴🏽‍♂🚴🏽‍♂今日同屋企人一行4人山長水遠去大埔踩單車, 本身唔太熟路唔知有乜好食, 見門口大大個招牌, 門口環境又幾新淨就走入去試下啦店內環境都係OK既, 乾淨 光猛, 但D野食真係好冇水準, 連對於食野冇要求既呀媽都話唔好食👎🏽炸醬拌麵 ($33)一黎已經見到D麵條好乾, 炸醬又唔夠, 撈完都一樣係好乾, 好難食呀👎🏽🐔雞絲粉皮 ($32) 🐔雞絲拌麵 ($42)兩個分別只係粉皮底同麵底分別, 換湯不換藥, 個醬本身已經好咸, 仲要勁重手落勁多, 咸到食兩啖又要飲啖水🥤🐷上海厚切炸排骨菜飯 ($44)呢個正常D, 份量多, 亦都唔乾, 不過係juicy加上好多油上海生煎包4個 ($33) 灌湯小龍包4個($23)最好食係呢兩樣, 除左個皮厚左少少, 但個餡都多湯既服務都唔係好好, 一坐底因為呀媽要食藥, 所以拎左杯水, 食完嘢之後想拎多杯（我地係另外有叫左野飲）, 個店員竟然好唔情願覆我地仲態度好差咁話水機壞咗！真係咁啱？整體黎講係唔會再去食, 雖然價錢唔貴, 但真心係完全冇水準, 不可一, 不可再😖

菜飯裏面嘅菜太少了, 基本上菜飯唔似菜飯, 飯嘅口感都係比較奇怪一啲都唔好食相反豬扒就比較好味少少, 又唔會太過油膩恰到好處. 成個酥炸豬扒菜飯基本上係極度單調, 好唔無特色, 除咗個豬扒做得好少少之外另外叫咗個雞翼都唔係好得, 同普通燒雞翼冇乜分別. 本想雞翼就唔叫大約麥當勞嘅雞翼都好過佢, 完全冇乜深造嘅雞翼酸辣湯亦都太重口味, 不過依個同個人口味有關就唔多作評論啦. 相反一題小籠包同生煎包都做得可以, 煎包肉汁同喊都係做得幾好

生煎包係生招牌，但真係一啲都唔好食! 皮好硬，肉汁勁少，唔夠熱，擺明一早煎定放左好耐，放到個皮都硬哂. 個上海排骨厚就夠厚呀，但成件黑黑地色，又油林林呢!仲要一大陣臭豬騷味呀!!!!!點搞呀大佬!!食左落去，吐都吐唔切!最離譜係個後欄度門， 真係痴x線， 打開曬個後欄門，度門正隔離就係個廚房，啲老鼠曱甴直情係喺個後欄直入廚房呀!!有冇培訓下啲員工架?!究竟有冇心去做一門生意睇得到啦....淨係識得用自己名氣幫自己間舖製造話題冇用既....... 真係攞個心出做好食物先啦，真係當香港人係傻㗎咩?!祝你長做長有啦..!!