星期二薄餅皇 (Closed)

今日在探媽咪之前, 走咗去醫吓肚先, 就係去食Pizza喇, 今次介紹比大家係位於沙田, 地址: 沙田排頭村12號 , 店名 - "星期二薄餅皇", 你哋聽到星期二, 千奇唔好唔會, 喺星期二有優惠, 係無嘅..d到的Pizza好好食, 話說兩, 三年前, 我們去拜山發現有間這店鋪, 一食好難忘, 好多時經過附近, 都心思思想買番屋企食, 這間薄餅店雖然細細間, 但Pizza, 我話好食過Pizza Hut, 其他都ok, 價錢都好合理...不過如要買Pizza, 假日就要在上午或中午order啦, 因爐唔多, 而且有好多人打電話order, 所以有可能訂唔到...又記得兩, 三年前去食果陣, 只是兩位妹妹仔去整, 最近就多咗幾個人整...有四個套餐一至兩人食的, 今日我們叫咗兩個套餐, 分別是(2)號餐 - 焗意粉 或 飯(任選一客), 飲品一位; (3)號餐 - 兩件薄餅(指定: 菠蘿, 火腿, 磨菇, 豬肉), 飲品一位. *飲品全部都是罐裝....我們選了以下龍蝦汁海鮮意粉...d到的餐具全部都係用即棄(紙碟, 錫紙兜等...), 有點可惜, 就係唔環保其實今次有d唔夠喉,

5月1日, 勞動節就梗係要去勞動一番, 所以我地決定去沙田踩單車~ 喺中午時間嚟到沙田, 先醫下個肚先, 原本想去IKEA個FOODCOURT度食, 不過裝修緊, 原路行番去火車站, 見到有間食pizza嘅都好似幾多人咁, 就行去睇下, 見d野幾啱食所以就坐低~ 其實位唔多, 得4張枱, 我地坐咗喺入面.:::是日薄餅(菠蘿, 蘑菇, 火腿, 辣肉腸)一件 + 飲品 ::: $24大慨係一個13” 薄餅嘅1/8, 都算幾大塊, 佢地好好心咁幫我地切開咗2件, 唔駛我地再切, 十分讚~ 薄餅嘅底非常脆到好似餅乾咁又帶少少燶味, 好惹味~ 餅面亦好足料, 芝士味濃郁, 唔駛再加芝士粉~ 咬落每一啖都有十分豐富嘅味道, 唔算飽不過好滿足~ 附送嘅飲品我地要咗未見過嘅菠蘿玉露同荔枝玉露, 有菠蘿粒同荔枝粒喺裏面, 可能我地未飲過所以都ok啦~::: 肉醬意粉 + 飲品 ::: $30貴為推介嘅肉醬意粉就唔係好出色, 普普通通~ 焗出嚟唔係好香, 肉醬茄汁過多, 肉碎又比較少, 所以整體有d酸, 而且仲ok多油… 睇唔出有d咩野值得推介…總括以上, 食物真係值得俾個笑面嘅, 不過世事難料, 估唔

pizza 好食, 比連鎖式的大pizza好多倍, 材料足餅底鬆軟, 食得出制作有heat, 而且外賣自取好平.但一如上面提及, 有一個"小小肥男人" , 態度差, 無禮貌, 眼超超,就係o個人男人拖低晒d 評分. 但有一位小姐服務好好, 有笑容又有禮, 如果大家唔想受氣又想食好咪pizza , 最好外賣自取.

第二次來食pizza~ 再試佢嘅quality先寫食評~一去到幾曬得張室外桌經商量之下仍舊點了最抵食的開心家庭餐~ $208~上次食左至尊~有d唔新鮮~今次食三文魚~要加$15~ 今次食得出係即焗嘅~pizza比必勝客優勝~料足~批低夠脆~ 三文魚量亦唔少~再加上千島汁~正!蒜蓉包~一條條的~今次焗得唔夠脆~不過仍然好足蒜頭味~焗肉醬雞皇意粉~ 算ok但未至於出色~幾大碟~辣肉醬薯蓉~薯蓉幾好味~焗青口~ 幾辣~不過連洋蔥食幾正~甜酸雞翼~細細隻~炸的~加上甜酸醬~OK~個餐連四罐汽水~不過通常唔夠飲~不過呢間野一大缺點係店面勁細~局坐室外~所以夏天免去~仲有d啊姐超寸~

尋晚終於有機會同男友黎呢度試.由於只係兩個人, 我地只叫左個13寸黃金海岸pizza. 一共有8件, 大大件, 成個pizza 都餔滿我最愛既吞拿魚、菠蘿、千島汁同芝士, 好好味. 不過兩個人實在太多, 食唔晒, 打包左兩件. 呢度既餅底只有一種厚度, 而且比連鎖店既好味.店裡面既坐位只有6個, 我地係店外既台坐. 天氣唔太穩定, 店員姐姐係我地order時就已經講定如果陣間落雨就只可以打包比我地 (因為裡面無位), 我地無問題先落單. serve 我地既姐姐一路都好好禮貌.下次去會搵多幾個人, 可以試多d.

今日是8號又是我和跳跳虎結婚8個月的日子，所以出街逛逛去尋食！大約黃昏六時才出門，跳跳虎提議到沙田逛IKEA；當然是good idea啦！到達沙田已差不多7:30pm，逛了兩間shops後就直飛往目的地。在IKEA旁邊的是排頭村，每次經過也想品嚐駐守這裡家庭式經營的"星期二PIZZA"！PIZZA是跳跳虎的最愛，他記得這店是很早關門的，所以我們加快腳步入內。店子小小的，只有三至四張檯，室外的還有幾張；幸運的有空位，便坐下點餐﹏不過坐下不到一會兒，遲來的顧客已被拒於門外，只有一句﹕"唔好意思，我地已經截單喇！"...但那時8:30pm也未到，生意真的很好。

今天想搵 d 野食, 發現佐這間食店. 但又害怕服務態度其差, 決意先一試外賣的美味.黃金海岸 13 吋大批, 三個人食, 嘩, 飽死左.. 好好味.好味的地方係個吞拿魚千島汁真係多到瀉.....我很少食 pizza 不用下 蕃茄醬... 因為好多 pizza 都吾夠料, 但今次.. 正.服務態度不清楚....

噚晚同朋友去食，一去到，咁細嘅？ 問咗阿姐幾次有無位佢先肯應我哋．．． 因為當時門口得兩張枱，但得一張枱係有遮，於是就問阿姐有無多把遮，點知佢話無．．．等等等．．．等咗起碼半個鐘先有位囉．．．等嘅期間又無人叫我落單喎！好彩朋友醒，見愈嚟愈多人就落定單先．．．但落單都要等成個字，叫咗幾次落單阿姐都話等陣先．．．阿姐話幫我哋落單，點知落落吓竟然走咗去送外賣．．． 明知晚飯時間多人就搵多個人嚟返工啦．．．結果坐低咗三，四個字先有嘢食．．．Pizza 同雞翼都唔錯，好味！九點鐘，無啦啦有人話佢哋要收舖叫我哋埋單．．．吓！仲早收舖？無言囉！ 應該唔會再嚟嚕，因為啲服務真係差到無人有．．．

知道有這間店一直都想來試一試我都不知道要訂位結果一入去..有個十幾歲的女生同我地講:有冇訂位呀 無既唔坐得架WO語氣十分負氣之後就無理我們..結果我們到IKEA食但我媽唔死心之前要我叫外賣我們叫了一個套餐13吋大簿餅1個意粉1個焗飯4罐飲品大簿餅我媽選了"黃金海岸"千島醬/吞拿魚/煙肉/菠蘿/粟米酸酸甜甜，不錯意粉選了肉醬意粉由於我不太愛吃意粉出面的意粉多是不太好吃我想肉醬意粉是不難煮得好吃感覺普通，剩下一半

3人打算去食下午茶...一號餐一件pizza + o野飲...星期六/日 $22四號餐 一件pizza+ o野飲+ 意粉/飯 $40咁我o地又想試下pizza 同意粉...一人一個餐又好似太多..咪打算叫一個一號餐+一個四號餐大家share....點算佢第一句就問...你o地幾多人呀..唔可以叫餐share ga wor....起碼一人要一個餐....好唔明囉.....佢又冇寫明要一人一個餐....又冇寫每人最低消費係幾多...咁我一人一個一號餐 $22+22+$22 = $66 一號餐+四號餐 = $22+$40 = $62 ...我再加罐汽水/小食都唔止$66 啦....都幾唔客氣地"請"我o地走....不懂變通....激嬲d客...請我都唔會再來...

我第一次寫POST . 我不得不説出來 . 呢間野好唔好食 , 我就唔知 ! 因為坐低 , 落單 , 未食 , 就比個小肥既廚房佬趕走! 佢話唔做你生意! 事情是 : 最初我叫個8吋pizza 但佢話賣完 , 所以我就叫其它食物 , 無理由因為冇8吋pizza就走 . 所以我再重新order . 我等了30MIN D食物還未到 , 眼見隔離遲嚟過我 但佢有得食先 , 我就問下個女侍應La. 我話: "幫我跟跟單" 之後聽到由廚房傳來一把聲音 : "等唔X到就走啦!" (我聽到因為我個位最近廚房) 隔離台個客人都聽到 , 佢都O咀 ! 我都算LA 擋聽唔到 . 之後個女侍應 上一個飯比我 . 我聽到個廚房佬話 : “取消個order” 最過份就係佢居然走出來拎個飯throw in the garbage can. 佢真係好"節惰" 呢個世界好多人無飯食, 真係未見過 唔識珍惜食物的廚師 . 佢煮得幾好味都無用La ! 我講全部都係真! 如果有人之前受過佢氣應該出離講聲呢間野幾平都假 我最怕受氣 . 我現在信OPEN RICE 裏面受氣的 CASE! 多謝OPEN RICE有呢

2009-09-13 (星期六)今日同男友來到哩間專門食pizza的小店試試，其實好多時都有經過只不過太多人，而且店子並不大。雖然店子小但係pizza款式算多，而且幾抵食，pizza有成13吋大，平日外賣自取都只係$68，堂食都係$78，星期六日以及紅假期就貴$10，反而外賣便貴一些，因為少人送貨，所以我地係堂食都見唔少人外賣自取。我地諗左一陣，就叫左個墨西哥香辣pizza。由於即叫即做，都要等15至20分鐘 ...pizza一黎到我都忍唔住要同佢影張相，賣相同pizza hut有得比ga我同男友好貪心叫左一個13吋大pizza同埋兩罐汽水，食完簡直飽到傻左，味道都幾好ga，而且一定冇pizza hut咁肥咁油，兩人埋單合共$100，值得同大家推推

這趟倆口子叫了兩個lunch set, 一個是pizza, 另外一個是免治牛肉意粉, 包兩個汽水或綠茶 ... pizza 是接近傳統那種薄底pizza, 餅底薄而脆, 加上濃濃的芝士, 好好味呀!! ... 那個意粉更是令人感到意外, 意外之處是廚師加了茄膏, 令汁料的味道更豐富了一些, 亦令牛肉的味道更出了點, 這點心意值得加許啊不要少看這兩個set, 我們都抱着肚子離開呢臨走時, 好奇心驅使下看了廚房幾眼, 原來"大廚"是一班十幾歲的青少年, 只由一位成年師傅帶着領導! 利害!!

同朋友叫外賣自取$68蚊咋, 不過因為係三文魚要加15蚊三文魚多寶批好香又好味個千島汁底好正*好足料 足芝士不過略嫌芝士無XXXXX Hut咁好味如果有埋有水準ge芝心批就超抵食了 XP服務參差 好講你ge運氣 XP我打電話去訂果陣 個叔叔有d唔耐煩事綠我話想要三文魚果個批佢話要加15蚊個喎但係我見佢張單張寫話跟餐加15蚊我就問唔跟餐都要加15蚊嗎?佢好唔耐煩咁重覆話總之有三文魚就加15蚊啦我唔係在乎加唔加15蚊...但係我真係有唔明白先問佢o者...因為佢張宣傳單張只係寫左跟餐加15蚊不過去到攞果陣有個職員好細心好好人佢問埋我要幾多份餐具唔係求其比左就算! =]總言之外賣自取真係好抵食!*

o個日揀左啖啖肉pizza，由於太多客唔想等位，所以order左外賣！半個鐘後有得拎，$78有13吋批，真係幾抵，味道都唔錯(我覺得好食過pixxa hut)！不過d waiter就唔係好得，乜都話唔知，乜都話要問廚房，好似唔想做生意咁，但真係好抵食