大頭蝦東南亞餐廳 (啟田商場)

Open Now

Now Closed

晚市時間食，唔算多人，環境唔錯2大1小去食，叫左2個全日套餐同3杯椰汁冰，因為小朋友仲細，2個套餐岩岩好，因為佢食物嘅份量都算多，但椰準冰就少左。D，因為真係好多冰😂

種類繁多很多選擇，價錢不錯小食都唔貴，海南雞飯普通都係坊間白切雞咁上下，但係個湯冇乜味精味幾清甜大讚，豬頸肉有驚喜肉質幾粒好咬口但係可惜爭少少鑊氣如果香口啲就好喇。服務員態度不錯環境裝修都很好。

第一次去唔熟menu。叫左碗扎肉雞絲檬，呀姐問飲咩，我就問加幾錢，呀姐話熱飲送既，咁咪跟住問有無龍眼茶個啲，呀姐即刻好晦氣話：要加9蚊，你自己睇menu啦，諗好先叫人落單啦…之後就頭也不回走左。我再搵第二個落單，我又講一次要咩，佢又好惡咁話：講number啦，我又要開返menu睇幾號，佢又催我：俾個number 我呀。個刻已經覺得幾無奈🤷🏻‍♀️🤷🏻‍♀️到碗粉黎，我問有冇青檸，呀姐話：轉頭啦。又無左下文，嗌另一個幫我，佢又答：我禁緊機呀，轉頭啦。我再搵另一個，終於R到一粒仔青檸，但乾既。無汁，又要再嗌。呀姐又例牌表情-黑面。講返野食就一般般；唔算好食但入到口，份量適中。但招呼趕客🙂‍↔️

⭐️海蝦喇沙湯粉，藍田啟田商場， 東南亞餐廳。下午茶，平靚正😍海蝦新鮮，大大隻。魚片彈牙，有魚肉味道。豆腐卜入味，新鮮。今次呢碗我加錢要咗金邊粉。碗麵嚟到時，我嚇了一跳，好大碗好足料，大大碗，湯底味道夠濃郁。應該都算幾正統嘅喇沙，唔算好辣味，好嘢未，好開胃。再配埋少少炸蒜蓉粒，好味。呢個套餐我加錢叫了杯龍眼冰，冇諗到會有咁多龍眼肉，好多粒冇核龍眼肉，啖啖肉，新鮮大大粒。龍眼冰唔係好甜，甜嘅味道適中，味道啱啱好。一定會再幫襯

性價比一般， 試咗咖哩牛腩飯 + 雞翼撈檬。咖哩牛腩飯：肉質一般， 醬汁味道幾好椰奶偏重，少辣，好啱送飯。但賣相同肉質同分量就唔太值$60+，大家樂比佢好食香茅雞翼撈檬比較好， 雞翼現炸， 好脆。 但性價比都是一般。推薦指數☆☆下午茶價錢比較合，可以試試下午茶去食

晚市叫左2人套餐，加1份小食拼盤，二人餐內含鹽燒烏頭，海南雞（例牌），油菜，叻沙粉（得1碗，咁叫乜嘢2人餐呀），魚真心經典，出黎啲肉可以係紅紅地，腥到不得了，腩位一陣陣雪味，海南雞數埋得5件唔夠，枱面感覺污糟，服務唔駛講，肯肯定係差（除咗執枱速度），絕無下次！

同呀媽食飯，佢係一個平民ＣP值餐廳，唔洗等位。我試咗幾款菜式，整體來講，味道一般般，唔算出眾。炭燒豬頸肉，味道中規中矩，豬頸肉炭燒得剛好，但冇特別之處。泰式無骨豬脾，味道一般，豬脾肉質普通，泰式醬汁都冇太多驚喜，食落普通開胃。泰式蝦餅，正正常常。招牌火車頭湯粉，湯底味道尚可，但湯粉本身有點軟爛，都算足料既，味道不過不失。總括而言，同呀媽食飯嘅整體評價係一般般。菜式味道中規中矩，冇太多特色，不算出眾，不過本身係屋企附近搵食，都冇乜太大期望。

藍田新開的大頭蝦店，嘩😳真的好鬼難食，所謂嘅炭燒豬頸肉，原來就係一碟豬頸肉上面落啲鰻魚汁，完全都冇燒過，仲要鬼死咁多鰻魚汁，好鬼死咸囉，直頭要用清水過一個先入得口，服務態度仲差到不得了，難怪冇生意喇……

下午茶經過，見開左新嘢諗住試下，入到去見無人覺得有d 奇怪😅不過又無諗咁多，但跟住真係個侍應嚇親💩落落下單走左去都算第一次入去食唔熟個menu，只係問左句想飯轉撈檬，個侍應一句鬧埋黎「點同你轉撈檬呀！下午茶都無撈檬」（第一次去又會知道曬佢menu 嘅）跟住再噠多句「未諗好就唔好落單啦」粉麵類質素還可以，唔叫好好食不過入得口，不過一黎就同我錯單，叫冬陰功變清湯，跟住講左3次先聽得明錯左單，血都嘔出黎😅串燒就勉強d，蘿蔔絲真係伴碟唔擺得入口😂蒜蓉包夠脆但蒜蓉量感覺太少

［132］用家自費分享！Walk in 唔使等，大約四成滿。7️⃣0️⃣CP值，2024/3/11/一/15:10，平日下午茶時段，一人埋單免加一共$94。店舖在商場頂樓，要搵下，新開張，裝修光猛，坐位闊落，坐得舒服，感覺乾淨，招呼有禮，落單快，上餐也快，整體合格，可以一試。7️⃣0️⃣下午茶餐魚餅喇沙湯米粉$45，看上去唔錯，魚餅好食，喇沙再重味啲就好。6️⃣0️⃣下午茶餐越式海味春卷3件及蒜蓉包2件$40，春卷好食，可惜蒜蓉包凍嘅，亦唔夠蒜蓉。7️⃣0️⃣跟餐加$9椰汁涼粉冰，有椰味，甜度通中。5️⃣0️⃣跟餐熱奶茶，有啲澀，唔夠滑。

一個差字， 態度差，餐廳已經超小人一碗粉等35分鐘，到最後取消單走， 如果佢高朋滿座咪要等半日先有野食， 大家肚餓 真系唔好去咪 ，暈低到未必有得食。一肚火唔駛食。差差差