大頭蝦東南亞餐廳 (Closed)

本身都唔追求外表了但牛肉竟然係肥牛🙈跟住唔知點解完全唔咸！唔知係忘記落鹽定本身係無味！人生中未食過如此難食既野🙈而且要$64 難怪好多食客都不願在香港消費真的十分可怕😱好食但貴是没有問題的，但又難食又貴😩

今日晏晝去上環大頭蝦食午餐，我本來坐喺卡位, 個收銀女職員問我幾多人我話一個人，佢即刻安排一個陌生客坐喺我嘅對面，我即刻離開，她還鬧我係咪玩嘢，佢咁嘅服務態度我以後都唔會去啦！

想食冬蔭公，見到呢間有就試下。本身expect冬蔭公係酸酸辣辣好開胃架嘛，點知呢間啲冬蔭公湯底一d都唔辣，酸味都好少。就咁望真係估唔到係冬蔭公……麵底有得揀米粉、檬粉、河粉同金邊粉，我就揀左檬粉～其實如果你當自己叫左蕃茄味湯底，呢碗雜錦海鮮湯粉係幾好味🤣🤣啲配料都唔少架！有大大隻既蝦、青口同兩條蟹柳，大大舊既魷魚，十分足料！好多舖頭都係用啲蟹柳粒、細細粒蜆肉同魷魚仔就當係海鮮湯麵，呢碗算係咁啦！食完都幾飽，價錢唔貴，都可以encore既👍🏻👍🏻

第一次寫食評…就係寫依篇第一次食到咁難食嘅泰國菜🤢🤢蒜蓉包燶到黑都竟然會拎上枱仲要放喺底唔反轉都睇唔到😠，但同佢講返佢都有換過三塊明爐烏頭係用電磁爐煮，仲以為食緊火鍋個湯係甜嘅，條魚仲係連魚鱗先炸過馬拉盞炒通菜亦都係甜嘅，加20蚊魷魚就得三四片仲有一片係凍嘅軟殼蟹米紙卷唔知有冇一隻軟殼蟹，六嚿後面果兩嚿係完全冇蟹嘅蹤影，以為食緊素菜米紙卷人手短缺又冇幾枱客人，點菜要等連出菜都係等好耐價錢又唔平，仲要咁難食😓

本來係openrice預訂了另一家餐廳，點知等極都無開門，行行下就入咗黎呢間餐廳。因為附近比較多小店，望落啲位唔多，呢一間一望入去見到有吉位，空間又闊落啲，所以就入咗去。海南雞飯 $55可配白飯或油飯，我選了油飯雞份量算正常偏多，味道正常，唔算好好食的海南雞，不過雞胸都滑嘅，至怕海南雞飯俾哂雞胸仲要好鞋。油飯味道就唔夠濃。肉骨茶飯，食到一半先記得影兜細，但入面料唔少，重藥材，有落紅棗balance返，所以有藥材味得黎甜甜地。本人比較喜歡藥材味重的肉骨茶多於胡椒味重的，所以呢個係ok的。見人地叫豬頸肉飯都有好多豬頸肉，心思思自己又叫返碟豬頸肉小食$54。個外皮燒得好脆，中間肉偏肥，但整體好好味。成餐飯至like就係呢個豬頸肉

海南雞飯跟之前既海南餐廳相比質素落差太大，一落之丈唔知係咪新開無耐，要時間適應，我會兩個月後再去嘗試海南雞飯完全變了樣，醬汁如是、海南雞如是，份量也變少，價錢卻一樣