皇府 (Closed)

呢日去ａｍｃ睇戲，咁就係又一城食。我地叫左個食神叉燒飯同燒鵝飯。ｄ叉燒都幾好味，肥瘦適中，但係就太少送，加隻煎蛋同一條菜就算，其實咪同美心差唔多，有幾食神呀？唔係你話個碗有食神兩個字就係架喎，仲收咁貴。個燒鵝飯就太肥，又係唔夠送。呢間野淨係個位置夠貴，裡面ｄ野就一ｄ都唔抵食。

和朋友在星期六下午在又一城想食個tea，真係有d難度，因為每個地方都好多人。最後就o黎o左呢間。一來未食過二來裝修又幾得意。坐低先知完來係食雲吞面，燒味飯之類o既﹗和朋友要了水餃面和雲吞面，味道唔錯，大大隻蝦。面好彈牙，湯底唔係味精水，仲有d火腿絲o係面。唔錯﹗價錢相對平時食o既雲吞面就貴一倍啦，每碗$38，仲要加一。值唔值就見人見至啦﹗

記憶中好似唔係第一次光顧，但始終無乜深刻印象。今次係朋友提議去，因為大家想又一城食比較平中菜。我覺得依間餐館最聰明之處在於選址，附近並無同類型食肆兼且位置就腳，因此佔到地利。所以先會有咁多人話無可選擇地去幫襯。裝修都算幾好，能夠吸引到顧客。但改名係一個敗筆，叫“皇府”令人覺得佢好高格調，但原來只係食粥麵會使人感到貨不對版，因此有咁多人話不外如是同價錢偏貴。食物中以粥最好，誠如其他食客所言的確夠綿；燒味唔算差，但物非所值；小菜不過不失，惜無甚特別，其中燒鱔口感不俗（但唔知點解賣相似叉燒？！）。服務不算慇勤，但亦未至於差勁，最失敗係點五樣有兩樣售罄，而海南雞飯竟然會因來貨問題臨時加價五蚊，依個理由都算新穎。

兩個禮拜前同老公同埋上海黎的表哥黎食飯，表哥話要食d有香港特色的野，但係o係又一城又真係好難搵，最後揀呢間黎試下。因爲又一城除EXP較平之外，大部分餐廳都好貴，所以都以爲係間貴野，好彩入到去發現都平平地jer^^叫左餛飩麵（老公話算幾好食，不過我對於呢一類麵一向敬而遠之，食左餛飩覺得幾好味）燜牛腩（好好味，比較甜，係我喜歡的o個种，用黎送飯最o岩）海南雞（不過不失，自從去年o係新加坡食過超好味的海南雞飯之後，覺得o係度食到o個d好一般）豬肺湯（煲得靚，好味）其他野唔記得左tim, 三個人埋單300蚊有找，o係又一城算好抵。服務環境都屬一般。整體黎講不過不失，如果唔係陪表哥黎食，應該唔會揀呢間。

以為有咩得別, 原來只係食粥同麵.......個粥煲得幾綿,炸雲吞都唔錯~但係燒味飯同腸粉都冇咩特別, 唔值三四十蚊咁貴!

兩年前去過皇府食過，沒有特別，食物太普通。兩年後再去簡直沒有進步，有點失望。點左條魚食，肉太硬難入口。好難想像我會再幫襯！

跟同事到皇府午飯，我叫了雲吞麵及"炸兩"，雲吞很不錯，最值得一提的是：侍應生介紹了他認為最好的給我們，就是他們的叉燒，果然肥瘦適中，很美味！粥粉麵店能在又一城立足，定有他的道理。餐廳坐位是迫了點，空間又狹窄，有其他食客食煙的話，一定被迫食二手煙。我不知道抵食與否，因同事請客，我又沒有留意餐牌。

朋友話好想食d濕濕地食物所以就去這裡其實我只係新開張時去過幾次我地點左水餃麵-無問到朋友,唔知味道水餃河-河粉好碎,水餃皮薄好味三色腸粉-係燒鵝,燒,蝦,味道唔錯不過皮太煙價錢略貴,服務ok

i didn't see any special with the $35 bowl of 雲吞麵, o...pls add 10% service charge

Since I went to the States and was very busy last 2 weeks, we finally watched Mr. and Mrs. Smith last nite at AMC. Before movie, the problem is chossing restaurant in Festival Walk. We chose this place again this time.1.鹽焗雞:9分, still keeping its standard, nice! if you order the set, you could not order this dish. this must be ordered separately.2.叉燒:6分, it used to be a choice with 8 or 9分, but this time, i am a little bit upset about this.3.菜:5分There were many bad comments on this place, but I

記得1,2年前christmas 同family 食過呢度, 都等o左一陣先有位。d 位好迫, 而且唔太clean。我明白o係又一城食o野好難話又平又抵, 所以佢個price 都ok, 不過呢, 你set 呢個price 出o黎都要做好d d 先得o架!我記得d service 麻麻, 而且食物好好好一般, dad 食o個個好似o羊「'chai' 燒........」都唔好食。

食過好多次, 但因為又一城冇咩野食, 所以又來到這裏食飯, 叫了食神叉燒飯, 同海南雞飯, d飯煮得太爛, 問佢可唔可以換, 服務員答, 台台都係咁食, 你叫我換咩俾你, 須然我都數冇得換, 我都係諗住問下啫, 但係都唔駛用d咁既態度呀?? 好歹我都係一個客人, 我好有禮貌咁問, 你都唔好咁答我呀............

點了一個乳豬雙拼飯,乳豬皮硬得像柴皮,飯很爛,很難吃;份量很少,义燒一塊只有兩節食指般大(瘦弱女士的食指),枱很細,一張枱根本容不下兩份食物... 二人同行,吃了近一百二十元,很不值

賣0既係好普通0既野,但價就貴多了。order左:食神X燒飯,生菜,水餃,蜜汁燒鱔,2碗白飯菜:猜乜好comment,普通到冇得再普通,同茶餐廳一樣水餃:幾好bor,幾實,有2隻細蝦,少少肉同埋黑色0既絲(唔似冬菇)蜜汁燒鱔:幾甜,底燒得好,面偏淺橙,可惜0既係冇左鱔味白飯:淋,易入口食神X燒飯:此餐廳之推介食品。一見到就有種抄橋0既感覺。咪又係X燒飯加隻太陽蛋,同套戲「食神」0既一樣。X燒係燒得幾靚,半肥瘦,唔UN。本來賣相ok,但果條霉左0既菜芯真係扣晒分。服務:算快,但目口目面,我諗係因為多人GWA~?裝修:好奇怪。一邊係幾靚,但另一邊有d自閉位呀。門口邊無喇喇有張檯。價:我就覺唔值。$12一碗飯。$20一碟菜。食神X燒飯$38。可能係平時同等水準0既食物平好多,所以先唔值。但又一城,平又冇可能做得住0既。

同grandma去呢度食嘢, 叫咗個雞肶飯, 叉燒飯同個淨雲吞, 個雞肶食落好有新鮮雞0既味道, 唔似一般燒味店咁用雪雞, 個淨雲吞用0既肯定唔係d雪咗好耐0既蝦, 因為食落都仲有蝦味, 而且我grandma如果食唔新鮮0既蝦就一定會出診, 個叉燒飯都不過不失啦!