廚房佬餐廳

Open Now

Now Closed

茶餐廳做生炒排骨飯-晚餐B，竟然完全無汁，連最常見的碟頭飯都唔識整，差過大快活，就算收得平都冇理由唔俾汁，打個酸甜汁淋上去排骨同飯面都慳返，叫生炒排骨飯就係怕中伏，竟然係依然中伏，今次仲要係喺屯門買返去何文田，外賣盒又包到實又冇得睇，真係完全估唔到打開一滴汁都冇，白飯又乾又硬，冇汁點樣食，完全吞唔到，冇汁嘅生炒排骨飯已經變咗做另一種飯，冇生炒排骨酸甜汁嘅就唔係生炒排骨飯，完全係變成咗另外一種變種生炒排骨飯。

今日要岀屯門換禮物😵‍💫點知我好傻仔以為vcity就係屯門市中心😮‍💨兜兜轉轉抱住個仔換完已經11點…行行吓見到鐵板49蚊，仔仔未見過世面🤣就帶佢入去試吓食物雙吉魚豬鐵板 $49 (不包飲品)我老公好古板話:人哋叫自選2款，咪左1款右1款囉！問咗姐姐👩‍🍳原來係10款仼揀架一上到黎仲係咋咋聲個吉列魚同吉列豬都好脆！不過啲薯條係底就有啲淋😭2歲呀仔食咗好多飯同魚呀！佢都話好食😋餵完佢就到我食..個陣啲飯就岩岩暖，啲魚就好好食！不過豬扒就乾晒硬左…咖哩焗牛扒飯 $61 (連$3凍飲)一上枱，個碟邊仲係超熱，熱到盤邊都係咋咋聲㗎個咖哩汁好濃！上面仲有芝士，勁好食(芝士控）啲飯好粒粒分明，有咬口嘅！分量上就唔係夠，可能因為男人又大食環境地方都算乾淨，同埋光猛⭐️全部都係卡位！不過就感覺好窄，人哋行岀黎，你要褪後先可以俾人過完再入。服務我哋去食嘅時候12pm，應該未係忙嘅時候，啲姐姐都好都禮貌，見到我有小朋友，都主動拎定碗仔俾我！我因為冇嗌嘢飲，所以叫佢俾杯水我都好快！

🌍今晚去🚶廚房佬🏠食飯🍽介紹下😋有咩好食👍先：自選鐵板餐🍳：吉列魚柳🐟、香茅豬排🐷、白飯🍚、黑汁🧂、沙拉🥗；先講食物，沙拉🥗做頭盤開胃先，魚柳🐟外脆內滑，豬排🐷入味，咬一下肉汁爆🎆出嚟，重點講呢個黑汁🧂，呢個黑汁🧂好野味中辣，送飯🍚一流，一試難忘🤩。10星🌟為滿分一定比9星🌟鐵板雞扒炒烏冬🍳：今次冇用鐵板上🍳，怕過熱麵質🍜改變，食物方面；雞球🐓、紅蘿蔔絲🥕、椰菜絲🥬、烏冬🍜、豉油🧂；雞球🐓嫩滑，烏冬🍜有彈性，加埋豉油汁炒🧂...香氣十足😋👍。10星🌟為滿分一定比8星🌟小食雞翼🍖：上脆醬薄炸，炸出嚟勁脆，雞翼🍖本身入味😋，完美小食👍👍。10星🌟為滿分一定比9星🌟叫左2杯飲品：西米紅豆🥤冰及菠蘿冰🥤，唔多講，簡單野，好飲👍。10星🌟為滿分一定比7星🌟☂️以上為個人意見☂️🙇‍♂️(如有意見分歧者煩請見諒)🙇‍♂️

簡簡單單又一個晚餐，嘢食夠平，想据個平靚正嘅扒可以嚟呢度，服務一般啦，普通茶記咁樣，無乜特別，但都係果句啲嘢夠平，近近地對面就係戲院睇戲前食個晚餐，都幾方便㗎😚

門口望入去無人幫襯，附近兩間茶仔就坐到滿哂，都知實有伏，但趕近時間試下唔好咁標籤人，結果人流真係反應質素。去兩次咁大把，兩次廚房都出錯單，餐蛋治變餐麵。樓面圍埋一齊吹水，佢地係望住d客吹都唔緊要，至少有人見到我叫佢，但係佢地越吹越忘我。

本來今日係想食雲南米線但店內人流太滿所以就走咗去隔離嘅廚房佬茶記日式鐵板牛柳絲拉麵用鐵板上“吱哩咋啦 很有睇頭 份量望落亦很多味道還可以但拉麵麵質整得過淋 完全沒有麵的彈性👌咖哩豬扒飯豬扒有炸或煎的選擇我就比較喜歡煎的本人喜歡較多汁的這裏的汁量一般但以價錢來說味道已經合格

今次入屯門行街個Frd話去食爭鮮壽司。。點知未到門口已經排滿曬人...........無奈唯有轉埸.......過咗馬路就見到依間店$43特價扒餐...扒味夠香...乃物美價廉之店

今朝一早起身，假日第一個節目就係去覓食，在附近走走逛逛，發掘城中隱世美食。由於要去新墟街市買餸，所以就去左就近嘅廚房佬餐廳食早餐。典型荼記早餐，我當然係點摯愛嘅沙嗲牛麵配腸加炒蛋，老婆就點了餐蛋治。要睇一間餐廳的心機和誠意，就要先睇食物的presentation, 如果連presentation 都做得差，顧客根本唔會有意慾想食。講番沙嗲牛麵的賣相，不，是沙嗲牛麵加腸加蛋的賣相。可能餐廳為左節省人手洗碗，居然把腸和蛋混在沙嗲牛麵上！腸基本上煎熟了，牛肉的色澤很淡，咬落只有鬆粉味，有幾塊更加咬唔開，我開始懷疑食緊果塊係唔係肉？至於果塊蛋，唔知可唔可以介定為炒蛋，只有煎濃味道，賣相更像一個嘔肚物。唯一可取的是餐蛋治，食落似正常味道。匆匆埋單，同自己講冇下次！

曾經走到屯門，經過屯門市廣場附近的街道，見過這間廚房佬，雖然是一間茶餐廳，但似乎有點不同，於是走入了去。看過餐牌，有馬來咖哩，有港式炒粉麵飯和碟頭飯，也有日式鐵板等，當中亦有兩款餸的鐵板，似乎是選擇多多。沙律是用上生果加上奇妙醬，是一貫茶記的做法。在下只是吃過幾口，生果是清甜的，但礙於用上了沙律醬，而且佈滿了生果，只好吃了一點再沒有吃。鐵板飯選了兩款，公主豬扒和廚師腸仔。豬扒和腸仔吃起來沒有太大的分別，豬扒只是感覺上與一般醃過的豬扒一樣，與一般煎過的豬扒無異，只是有咬口，有點鬆化的口感，而腸仔只是一般早餐用的腸仔，沒有煎過，所以不脆，只有軟腍。醬汁方面，選了洋蒽汁，為豬扒和腸仔帶來蒽洋味的效果。熱奶茶茶味及茶香充足，在茶餐廳喝港式奶茶，是較穩陣的，只要杯茶順滑，夠味和夠茶香。當中洋蒽豬扒腸仔飯也許只是一般港式的午餐，沒甚特別。