榮太日本家庭料理 (Closed)

山長水遠黎到荔枝角D2感受下聖誕氣氛,順便上去food court食下野.見到榮太日式家庭料理個名好感引謝黎試試,叫左個家庭式日本料理,$52 一個餐,連湯 /熱飲唔算貴啦…咁多野食.食到飽飽唔洗再加餸.感覺唔錯..嗯....如果細食兩個人食一個餐都得

溫泉蛋三文魚飯如果不叫外賣，這家店在荔枝角算是平食之前在這家店通常會吃冷麵之類冷盤的話選擇頗多這一次試一下飯餐$50 左右一個飯 + 茶 / 麵豉湯熱呼呼的，4大片魚+1隻溫泉蛋不錯的

平時lunch 都煩惱去邊度食，而呢間日本料理係我同同事諗唔到食乜就會去食。今次叫左個三文魚蟹籽炒飯。佢既三文魚都好足料，差不多啖啖都係三文魚飯都炒得好圴暈，味道唔會太咸，可能因為個三文魚本身都咸咸地，所以配埋個飯就岩岩好。價錢方面，係呢區就覺得有少少貴，要48元，因為以食物同環境黎講就有點貴

系個個地方想食平日本野，好似得依間，吾知系D2 有咩平啲既日本野食所以試左依間，比較小位，得6個位。不過都算平，叫左個滑蛋鰻魚飯、三文魚炒飯，鰻魚飯的確冇甘好食，不過三文魚炒飯都幾好夜晚又會有啲特價小食要求吾太高系可以試試

之前見到啲blog有介紹過呢一間餐廳的鏝魚飯只需48不需加一，去d2place行下市集就唸住食埋，餐單都有幾款可以選擇，鰻魚好像比較吸引，所以我就選擇了鰻魚炒飯和滑蛋鰻魚飯！來到後我覺得滑蛋做得很出色，是即叫即做的，半生半熟的蛋拌飯很好食！但是，鰻魚有少量骨，食得不是很好。。鰻魚的份量很足夠，不多不少，而且還有些少鰻魚汁，所以鰻魚炒飯很入味！但整體來說＄48的價錢來說，又可以食到滑蛋和鰻魚真的挺便宜，可以一試！

見佢平平地 賣相好似都唔錯但真係理想與現實叫左滑蛋鰻魚飯同可樂叉燒飯100蚊有找黎到用發泡膠裝都唔係咁開胃食左兩啖 起身走人過左隔離食麵間野咁既水準點解可以仲未執10蚊個飯我都唔會食

總覺得紅色黑色盒盛著的便當，喚起讀書年代的回憶。想快快吃個飯，在這裡選購個便當，不失為個好選擇。走近看看，除了便當，還有前菜、壽司和即叫即做的菜式。在凍如雪櫃的辦公室待了整個早上，熱騰騰的午餐格外吸引。滑蛋鰻魚飯等了好一陣子，一度以為漏單。當店員放下白色發泡膠碗時，當下呆了。半碗不滿，第一眼看去，只見到淺黃色、濕轆轆的蛋和蔥，沒找到鰻魚的踪影。鰻魚並不是預期的原條蒲燒鰻魚，而是被切成粒。望著眼前這碗不知所謂的鰻魚飯，肚餓的感覺不再復見，食慾全消。蛋太濕還可以，但飯太濕實在不能接受。理應深啡色的鰻魚汁，被淺啡色的湯汁取代，少少甜，有幾分似鰻魚汁的味道。飯粒吸滿湯汁之餘，底層還被浸過，白飯變成湯飯。蛋味完全被蓋過，就只有汁的味，加點蔥的青。鰻魚同樣又濕又腍，最可怕是，吃了人生第一次腥的鰻魚。這時，突然覺得湯汁不錯，能蓋過鰻魚的腥味，太濕就太濕吧。為了填飽肚子，開著Pokemon Go分散注意，勉強把飯吃完。＄48的鰻魚飯，送茶／麵豉湯。浸出茶包味的茶，算是抹去鰻魚飯留下的陰影。

是晚約左朋友o係附近既工作室學整皮革用品，朋友未到我就自己一個行D2 Place，見到有壽司小卷就決定買黎頂肚。當時係晚上6點幾，所以卷物都做左特價促銷，呢兩盒壽司只須$8 + $8，真係極度平!!首先唔好諗住咁平一定會好難食先，我可以同你講質素係正常既，唔特別好食亦都絕對唔難食，係D飯有少少硬咁。小卷例牌都係果D餡，蛋呀青瓜呀蟹柳咁，唔洗點特別烹調所以都無乜出錯機會，淋少少豉油o係面鹹鹹地好快就食晒八件。仲有呢盒大啲既卷物，餡料係肉鬆、青瓜、蟹柳&蛋，非常豐富。肉鬆份量好多，無咩鹹味既，青瓜就爽口，蛋我就覺得太細舊，都食唔出係咩味。$16 咁多件卷物，唔係特別難食既話其實已經very good la!

飯用上正宗日本米（我睇到廚房袋米係秋田米），飯面除了有鰻魚汁仲有香蔥既味道。溫泉蛋剛剛好蛋呈蛋漿狀不會太熟。每次即叫即做保證便當暖笠笠。呢個飯我encore咗幾次，水準依然！老闆娘好友善，佢明明打算收鋪都專登執返啲野出黎幫我整便當。四十五蚊仲包埋一杯綠茶/麵豉湯，有時去吉之島買本條鰻魚都要咁既價錢啦！而且見到整食物既地方整齊又乾淨，食得好放心。

食店已改名為滋味屋日本家庭料理。堂食叫了可樂叉燒飯，上菜時是一盒發泡膠飯盒，極不環保，賣像茶餐廳外賣。味道方面，叉燒又乾又硬又黑，飯是劣質珍珠水的份量控制得得差，煮得飯太淋，一pat pat.名為可樂叉燒，一點可樂味也沒有，與快餐店甜汁沒分別。友人叫了吉列豬排飯，同樣也是差到極點，好似翻炸多次。 此店除全場價錢最平，沒有什麼賣點。

今天和朋友到荔枝角的D2 place上面10樓開設的一個instamarket逛街,裡面全是手作店舖,有的甚至是自己的品牌。大家設計的東西都很可愛很專業。到午餐時間,D2 place3樓基本聚集全部食肆,有素菜,cafe。還有就是這間太太1個人打理的便當店。料理店主打即叫即做便當飯團等,十分新鮮。還有就是日式小吃例如是中華沙律和螺肉之類。我們點了"三文魚蟹籽炒飯","溫泉蛋鰻魚飯"和"薑汁燒豬肉飯"。為了方便店主都用即用即棄的餐廳,稍為有點不太環保。品嚐後發現前者兩款都不錯,尤其鰻魚的分量都不少,而蛋亦使用無菌溫泉蛋。三文魚蟹籽炒飯都不油膩。他們的米都是用日本米的。只是薑汁燒豬肉飯比我想像中的有出入,因為日式的一般都是將薑磨成蓉,然後混合豬肉一起煮的。但這裡的是用薑絲煮的,而且豬肉略韌,醬汁的味道不錯。環境方面不錯,很整潔。顧客一般都是外賣的,很少人像我們堂食。相比其他較中高檔次的餐廳,這間也是一個好的選擇。