Koh Tomyums

Open Now

Now Closed

Weekend去愉景灣做下遊客, 實情係約愉景灣居民舊同事食lunch, 揸車去到欣澳MTR出面停車場🅿️轉巴士🚌好快入到愉景灣個廣場. 醒目大哥一早Book好枱了. 正呀我地張枱就喺個沙灘🏖️景.>香炸蝦餅 (HKD110)一碟5件, 一人一件唔使爭, 由新鮮蝦肉打成, 現炸蝦餅好彈牙, 點泰式辣醬勁惹味.>泰國春卷 (HKD68)店家細心地將4件春卷切半成8小件, 充滿蘿蔔絲木耳粉絲, 餡料清清地都好好味.>香炸魚餅 (HKD90)一碟5件, 當中嘅微辣味令人欲罷不能的, 點附上嘅青瓜花生自製醬汁口感更好.>扒豬頸沙律 (HKD96)豬勁肉好辣好正呢! 最鐘意細細粒嗰啲辣辣地, 豬頸肉連埋薄荷葉包喺生菜入面, 有清新有剌激有爽脆生菜口感, 因為肉嘅份量幾多, 嗌多碟生菜就啱啱好食哂.>原個菠蘿🍍焗飯 (HKD98)泰菜必食item之一, 菠蘿搭大部份食材永遠都咁好食.>Pad Thai (HKD82)唧青檸汁再拌入旁邊花生碎, 簡單又有風味.>椰香紅咖哩牛肉 (HKD92)味道算Mild, 肉味豐富, 送白飯一流.>芒果糯

平日中午食的 環境好正 望出去就係沙灘 陽光透入餐廳 光線足夠 餐廳有outdoor space, 天氣怡人時坐係outdoor 都係一種享受豬頸肉唔錯 好快食哂成碟 No. 1 dish炸蝦餅加醬汁 prefect!半隻烤雞 賣相不錯 美中不足的是 剛端上桌後發現雞有點生 服務員帶回廚房再烤多一陣生菜包肉碎 碟淺色嘅肉碎望落去唔辣 其實...佢仲辣過另外一碟 不過不失 唔會太鹹咸魚炒雜菜 幾好食 不錯Pad thai 唔會太甜 調味適宜椰汁炒飯配海鮮咖哩 咖哩好香叫咗兩碟 一碟椰奶直接淋上面 朋友話啲芒果好酸另一碟冇椰奶 芒果幾甜 黑糯米好香好煙靭 只係...黑糯米上的黃色一粒粒的東西太硬了可以再encore PS 晚餐要book位 always fully booked

Consistently the best restaurant in DB and one of the best Thai Restaurant anywhere in Hong Kong. One of the few restaurants in DB that you need to book. I personally love the pork neck and all of the salads. Sashimi prawns are also spicy and delicious. Also worth trying out the surprisingly nice Thai wines.

因為見網上評價唔錯，所以去愉景灣的晚餐就決定食lee間泰菜了中午的時間我地專登打黎Book 定位先，我地7:15pm 就已經到餐廳了，但成間餐廳所有檯都已經Full 曬要打電話Book 位！要打電話Book 位！要打電話Book 位！ 好重要所以講三次因為Book 左位，所以店員幫我地留左戶外的窗邊位，可以望住海邊夜景邊食飯，夠曬情調落單的時候問左店員意見，叫左一個蝦醬炒飯，再叫左半份串燒，甜品芒果糯米飯就睇下食完主菜，再食唔食得落先再決定蝦醬炒飯蝦醬炒飯好香口，重有幾件豬手，味道都唔錯串燒 (雞&牛各3串)牛就燒得比較乾身少少，建議雞會好食d係我地食完主菜的時候，店員好主動咁過黎問我地重叫唔叫個芒果糯米飯，加分的，有記得我地之前問過！ 不過真係太飽了，所以結果都冇叫到，下次有機會再返黎的時候一定要試返！

放假去左愉景灣歎世界，晚餐我地揀左呢間。假日好 full , 好彩有訂枱啫。其實入口好難揾，因為冇招牌亦冇指示。我地誤打誤撞左一陣先揾到，响一樓角落位置，近沙灘果邊，或許可以認住呢個屋頂。氣氛真係唔錯，遠望係海景好正，可惜我地遲左book 枱，室外已經 full 了。而且餐廳是外國人居多，少少似去左泰國。室內亦有不少特別的泰式裝飾，不過位置比較逼左D，香港特式。醃辣肉鬆生菜包 -豬肉 $95好味，有五星。我地叫左中辣，醃汁的酸甜辣度都好適中好開胃。好多時候食生菜包都會有粒粒硬的野，但呢間冇喎。生菜洗得好乾淨，可惜數量少，差左兩塊。原個菠蘿炒飯 $98又係另一五星食物，好好味。有肉鬆、魷魚、蝦、腰果同菠蘿，各款食材各司其位。菠蘿、魷魚同蝦係切到好細的, mix 埋D飯食好味。用來撈剩返的生菜包肉鬆更是好味。飯質亦唔錯，唔會太硬，亦唔會黏埋一舊，控制得幾好。好少大讚平凡的菠蘿炒飯，但佢真係值架。原條香燒魚 $198原本以為係乾爭爭燒魚再另外點泰式辣汁，點知來左條好生面口既野。其實都係一條燒烏頭，不過佢將D汁撈曬入條魚到，再包錫紙燒。醬汁係特製的，偏甜少辣，似加左花生醬，有少少串燒沙爹汁感覺

本人第一次打食評，因為 24/5 晚上在此餐廳點了生蝦刺身，結果今天肚瀉+腹痛 至入院，醫生說是腸胃炎。（最後打了針，但仍感不適😫）餐廳食物味道好，但各位如再光顧不要點生蝦，衛生程度有待改善。

難得入愉景灣，見依間都算多人話好味就訂枱試下朋友推薦蒜香大蝦，今次都有點到鮮芒沙律 ($76) 上枱時以為係木瓜，原來係芒果好爽口，酸酸地，好開胃配埋啲 nuts，好香口，有口感原個菠蘿焗飯 ($98) 都幾大份，而且有好多料菠蘿粒都好多好甜，肉鬆都多，又有腰果增加口感值得一讚嘅係啲飯粒係粒粒分明，唔係濕爛豬牛雞沙爹 ($92)豬同雞都好食，牛就偏乾同硬沙爹醬好惹味蒜香大蝦 ($258)依個真係要推薦俾大家雖然入面得 4 隻，但真係好大隻好厚肉！蝦肉仲好爽口，唔係啲梅左嘅肉蒜味香口，好好食呀！下面幅圖見到係成支竹籤咁長食 2 隻都飽飽地

今日同男朋友拍拖，搭船去愉景灣。因為已經係第二次嚟，所以男友book咗枱去食泰國菜～ 雖然我地早咗近半個鐘到餐廳，但職員都幫我地找了一個房外露天的位置！比大家望下有對住個海係幾浪漫啦(❁´ω`❁) 兩個人靜靜地食飯傾下心事，想食泰國菜又怕嘈？呢個地方真係啱哂拍拖嘅情侶～我地一共叫咗三碟食物，最推薦係佢嘅泰式豬肉炒河！豬肉非常大塊又份量多！蛋好甜，麵又入味！而且非常大碟，啲餸仲多過啲麵！比起其他，非常抵食～第二碟係沙嗲串，我地揀咗mixture: 豬肉、雞肉、牛肉。我個人認為個沙嗲醬好惹味，無論邊款肉點下沙嗲醬都變得好好吃！推薦！至於生菜包，我就揀了豬肉，但可能食唔慣，總覺得佢太酸了，好快就唔想吃，唔啱胃合。

我們經常去這家餐廳,這家是最棒的在愉景灣的那種。 幾乎總是有同樣的選擇和每次都很美味。 最喜歡吃的是春捲,烤豬頸,威士忌雞肉,泰式炒河粉,馬沙文咖喱和蒜味西蘭花。 很不錯的餐廳和他們有一個露臺Décor斜柵。 總之這是一個堅實可靠的選擇。 他們莫名其妙的原因也在家懶knignts！生蝦要點醬汁先有味，而且本身不太新鮮，不太大隻，連蒜食會被蒜遮蓋了味道，不值一試。泰式牛肉炒飯同乾炒雞肉河粉都好香，牛肉雞肉都好味，但肉既數量太少。這裡有很多菜式選擇 價錢合理而且份量亦很足 麵跟飯類3-4人分享也足夠 十分推薦咖哩海鮮配椰青焗飯。

Honestly the best restaurant in discovery bay hands down. The quality is amazing and the food never disappoints you. I recommend getting grilled fish (with tomato), thom kah soup, pork neck and papaya salad

下晝嚟附近參加酒店自助婚宴，反正平時唔會無端端入愉景灣，今次亦係第一次嚟，既然一場嚟到，索性住多晚酒店。由於愉景北嗰邊嘅食肆相對上，高消費而開飯指數麻麻哋，所以，我都係決定搭車去愉景廣場，一嚐呢間最吸笑泰國菜。坐低先點飲品。冰凍嘅泰啤，配以一隻預先雪凍嘅啤酒杯。青檸梳打，糖水分開上。細節嘢都做得唔馬虎，心中有數，嚟緊嘅菜應該唔會差得去邊。蝦醬炒飯—有啲臘腸粒、牛腩粒，仲有炒蛋鋪面嘅飯。幾好味，比想像中淨係得蝦醬嘅炒飯嚟得豐富而且有驚喜。金牌冬蔭湯紅色—泰籍店員問要紅色定係青色，我心諗我又未試過我鬼知紅色同青色有乜嘢分别咩，於是乎是鬼但要紅色。湯入面有大頭蝦，最緊要係冇芫茜(女友唔食)， 但係就比較鹹，似醬汁多過湯， 而且係細湯碗份量。呢個湯我就唔建議特別去點嘞。大蝦刺身—即係常見嘅生蝦刺身，佢冇解凍後嘅水喉水味，除咗苦瓜、蒜片、紅辣椒之外，竟然有口感新鮮清香嘅薄荷葉。椰香雜菜— 似熱食嘅沙律，有粟米芯、老咗嘅芥蘭、西蘭花、蘿蔔片、椰菜，淋响菜上面嘅椰漿勁香。

嚟到愉景灣，朋友介紹呢間泰國菜，話假日要預訂先有位，價錢又合理，但平日嚟就真係唔多人。而且6點都算早。呢度樓底高，對住個海，裝修中式配紅燈籠吊燈，都幾有mood。叫左冬陰功，ok啦，未係好突出。推介燒羊架，4大片，燒得香，味道夠，肉質霖，唔韌亦唔蘇。椰汁炒雜菜，幾特別，愛食椰汁的可叫。有西蘭花，椰菜，芥蘭，粟米芯同草菇。最後叫埋芒果糯米飯，熱辣辣既白糯米，黑糯米，配左2排大芒果，而且好芒厚肉，推介

I saw a note here on OpenRice 'may bring your own drink-with corkage fee applied', so my husband and I have decided to bring our own wine to celebrate. The staff tells us 'no we cant' although we are willing to pay corkage fee!Wrong information provided. I was hoping they would accommodate as the information provided was wrong but they insisted and would not allow us. which caused us to carry a bottle around.....such disappointing staff.

好姊妹生日入黎愉景灣行下，海邊呢幾間餐廳夜晚燈光十色，好浪漫、好吸引！梗係要食埋晚餐先走啦😋🍕🌭🥞🥓🍳🥘🍝🥖🌯🥙🌶🥒🥗🍲🍢還未慶祝生日，梗係唔可以求其啦呢間泰國餐廳之前有朋友已經介紹過，應該係信心之選，而且佢餐廳好有特色穿過餐廳，都係紅色的燈光，非常之有氣氛！！🍣🌭🍛🥙🍘🍧🍕🍙🌮🍥🥓🍨🥗🍳🍞啲嘢食款式好多，安排眼花撩亂！樣樣都好似好好食我心大心細，叫咗以下呢幾樣👇👅⭐️⭐️⭐️生菜包（評分：9/10）呢個山菜包真係不得了，佢除咗好香好夠味之外，肉碎又有咬口，重要嘅係⋯佢有啲冬陰公嘅汁架！！！！不過食到成手都係，因為一路食，啲汁會一路喺生菜包個底度滴⋯滴⋯滴⋯⋯⋯🍦🍕🍧🍳🍘🥚🍙🥙🍮🌯🍛🥞🍅🥓🍅⭐️⭐️⭐️豬牛雞串燒（評分：8/10）三款肉質都好嫩，口感亦好沙嗲醬出色夫復何求🍜🍞🍙🍆🍱🌽🍗🥒🍒🥝🥚🌭🍮🍕🍰⭐️⭐️⭐️燒羊架（評分：8/10）每件唔大，咬落肉質好嫩口，應該慢煮過，所以即使全熟佢都仲保留到肉質咁嫩！應該廚師有返咁上下先煮到有啲驚喜🍕🍞🥚🌰🥓🍆🥙🥗🥒🌰🍜🍊🍥🍱🍣⭐️⭐️⭐️Pad Thai(評分：7.5/10)食親泰國嘢都必點呢個佢有好多餸，幾粒蝦球，好多芽菜，花生碎超香口！個面略為濕咗少少🍑🥓🍳🥕🍖🥒

生蝦要點醬汁先有味，而且本身不太新鮮，不太大隻，連蒜食會被蒜遮蓋了味道，不值一試。泰式牛肉炒飯同乾炒雞肉河粉都好香，牛肉雞肉都好味，但肉既數量太少。而扒豬頸沙律，就有生菜提供給包住豬頸肉黎食，包住食較好吃，豬頸肉上面有d酸酸地既汁，食完好開胃，但不太夾豬頸肉既味道。環境好好，坐外面有襜蓬，即使落雨也不怕，而且可以望到迪士尼煙花。每位食滿一百二十蚊會有免費回中環的船票。店員服務態度亦很好，很有禮貌。