Koh Tomyums

Open Now

Now Closed

野食唔算平，印象個蝦膏定蝦醬炒飯幾好味，其他野都係一般，服務態度就好一般，蝦就最唔抵食。同埋上菜都慢慢嚟咁。蝦餅幾好食，7點幾叫條魚都話冇🤔下次再入嚟唔會再試佢㗎啦

食物大份，味道正常，好多野食都$100以下有交易，幾抵食但唔叫出色嘅泰菜。但前台服務態度真係「一流」，從未遇過咁差嘅餐廳，啲眼神同語氣好似想同你搵交嗌咁，又細細聲俾說話你聽，之後仲要同其他侍應講客人壞話，食餐飯都食得唔安落。睇返原來已經好多人講過呢間野服務態度有問題，甚至兩三年前都已經提過，我諗餐廳應該完全唔care負評。以呢個水平嘅泰菜嚟講，愉景灣絕對有更多好餐廳，誠心建議大家真係無謂俾錢買難受。

入去等位完全唔理你,由得你自己企。之後叫你去隔離舖位等。冇人會落單，要自己周圍捉人去落。想叫多啲嘢食，佢同你講，有排等呀，你都係唔好等啦。人生從來未試過食一餐飯好似求佢比嘢食我咁，受氣到爆！食物就中規中矩啦唔覺得難食亦都冇乜驚喜。但係受完一輪氣之後根本就冇胃口食。四個人唔夠飽嘅份量之下大概要$600埋單，咁樣嘅價錢出面應該好多選擇，如果唔係喺愉景灣相信一早已經唔見咗佢。綜合來講假如成個愉景灣淨係得佢一間餐廳，我寧願帶飯盒入嚟食好過。

啲侍應全部都黑口黑面，我地一行6人有老人家同小朋友，入面有一張4人枱因為我地想平排坐埋一齊，我地就話想等一陣，咁佢就話冇位只得門口兩張枱分開坐，咁我地話我地話可以等一陣，侍應話“咁唔知你要等幾耐因為我唔會留比你有人入我就比佢坐，我唔會安排到比你地一齊坐，你鐘意咪等囉，依家係得門口呢兩張，唔啱就冇架喇”老人家話“呢個位好熱想坐入面呀”侍應話“呢度有1,2,3,4把風扇咁都唔夠牙，唔夠咁冇喇”既然你都唔憂做，咁唯有走啦…其實啲態度到咁樣，啲嘢食幾好食都冇用啦，再上黎呢度睇下原來係出名服務態度差嘅，講真入面好多餐廳都好好食有好禮貌，點解要咁樣受氣，咁樣嘅話我寧願食老麥算喇！

一星期前已經預約了六時半晚飯，我們五個成人加一個嬰兒，已電話通知安排嬰兒椅。由於大雨關係戶外不能坐人，餐廳裡面是未滿人的，而我們又是預訂了室內，可惜他們居然安排一張4 人枱給我們六人，中間還要加分隔版在二人枱中間，結果姐姐和女兒坐窗口側邊餵食。我們點了咖喱炸魚，豬頸肉沙律生菜包，半打串燒，炒介蘭，雞炒河粉，波蘿炒飯。食物質素中上，新鮮份量大，價錢合理，但以愉景灣來説算便宜，六個菜六百多元。可惜服務態度奇差，我們叫了幾個職員幾次加水，幾個職員都只顧閒談沒有理會我們，我們故意自己出去拿水自己加水，冷水、熱水。他們看到後態度超差，責怪我們，我說是已經叫了你們幾次也無動於衷，那個侍應更加黑面反駁，這樣貼錢買難受一定沒有下次。

去到愉景灣既第一餐無咩特別搵邊間餐廳黎到海邊 可能係Lunch時段好多都淨係得室外 淨係見到呢間有冷氣所以就揀左呢間呢間lunch 都已經好多人見到OpenRice都好多好評本身出發前都已經食左早餐所以今次都食唔到好多野首先坐低 因為太熱 所以第一時間order既係野飲先珍多冰 同埋 菠蘿 沙冰 兩杯野都幾好飲唔錯菠蘿炒飯 比想像中大碟 味道一般 普通炒飯一碟 無咩驚喜依然都係十分大碟 米通好脆 幾好食 側邊個汁有d花生醬 椰醬 我覺得好滯 好一般成餐食左3百蚊 都幾抵食 但味道我就覺得一般般嘢

今日天氣勁好，玩左成日，就係愉景灣搵食。行左陣見到原來樓上都有餐廳，就揀左一間黎食。▧ 椒絲炒通菜呢個炒通菜好好食。平時炒通菜就辣味，呢個有d 甜味，好得意，好開胃。▧ 原個菠蘿焗飯原個菠蘿炒飯唔係原個菠蘿上，好似比佢呃左。菠蘿雖然甜，但飯就淡左d。不過撈埋旁邊腰果同肉鬆，都可以接受。▧ 醃辣肉鬆生菜包(豬)呢個生菜包唔知點解等左好耐，不過係好食既。d 肉好入味，好多汁，多到一路包一路流汁。不過生菜份量就唔多，食食下就無晒。▧ 如果坐係出面望住個海咁食就一流。呢個餐廳係2樓，岩岩好前面無咩遮擋。價錢唔太貴，望海食性價比都一流。

今日天氣勁好，專登入嚟愉景灣玩沙玩水，去埋教堂影相，心情極為愉快。玩左一整日，肚仔餓到快要暈底，就唔出中環食飯了，選擇留喺呢度食飯飯。本以為愉景灣食飯都幾貴，唔打唔撞發掘到呢間餐廳，唔算貴，又好味。▧原個菠蘿焗飯呢個就有點失望。本以為是原個菠蘿蓋，上面裝滿炒飯，再拿去焗。可惜最後用碟上。菠蘿好甜，旁邊有肉鬆腰果作為配菜，腰果好脆好香。可惜炒飯味道偏淡，有進步嘅空間。▧醃辣肉鬆生菜包(豬)每次食泰國菜必點生菜包，今次亦不例外。生菜新鮮，洗得亦算乾淨。可能清洗用心，上菜時間亦稍為耐一點。醃肉充滿肉汁，碟底盡是肉汁精華。▧ 椒絲炒通菜甜甜辣辣，亦喺另一款好味之選。▧ 整體來說，食物大碟又好味，環境裝修是泰國風格，內裏還有一尊大佛。餐廳外亦有露天座位，可以望住愉景灣海景，浪漫至極。

Wheeee (｡･ω･｡)ﾉ٩(˃̶͈̀௰˂̶͈́)و【去到愉景灣　東南亞大餐】今日介紹嘅呢間餐廳位於愉景灣🏖當時嘅我哋為咗搵呢間餐廳都廢咗唔少時間。而一入到去，開揚嘅沙灘景令人眼前一亮。而呢度嘅嘢食亦都十分大份，我哋兩個細食怪差啲就食唔曬🦦另外因為愉景灣有免費交通優惠，每消費滿$120就可以俾一個人免費用八達通坐車或坐船出返去🛥所以交通都無想象中咁貴💸～我是Menu～椰盅海鮮咖喱飯 $124勁大份嘅椰青飯🥥入面嘅料多到瀉曬出嚟，大大粒嘅腰果，爽甜嘅椰青，再加上充滿椰汁味而粒粒分明嘅白飯🍚而另外兜咖喱都唔失禮，入面仲有好多新鮮嘅海鮮。泰國炒米粉 Pad Thai $82未喺泰國食過Pad Thai嘅我就唔知點先係最正宗，但我覺得今次呢個做得幾唔錯，味道甜中帶微酸，配埋脆脆嘅花生碎，入味得嚟又幾好食。啲海鮮感覺都好新鮮！啲蝦仲好大隻同彈牙添🦐～評分～ (5分滿分）環境：🦦🦦🦦🦦食物：🍯🍯🍯🍯服務：🐻🐻🐻總分：💛💛💛💛٩(˃̶͈̀௰˂̶͈́)و：啊可惜無Book枱，如果唔係有海景枱坐都幾正🤩(｡･ω･｡)ﾉ：有朋友試過豬頸肉、炸蝦餅同串燒拼盤話好正，我下次去都想試啊啊啊地址：Koh Tomyums愉景灣D’De

復活節假期最後一天去晚飯。沒有定枱，結果要等到8:00pm才有枱。點了一客炸魚餅，海鮮炒飯，清炒時菜，香蘭葉包鷄和春卷。炸魚餅炸完又炸，完全無味，又無質感。海鲜炒飯，海鮮完全無味。魷魚、蝦、青口完全無味。侍應有枱都不給我們，說已經有人定了，結果我們三仔乸坐一張兩尺乘兩尺的細枱。我們叫了以上餸菜，迫刧得可想而知！我以後唔會幫襯。嗰碟海鮮炒飯「灘凍」晒才上，因為我們的枱太細，無位置放上。

愉景呢間泰國餐廳十分地道，朋友話仲好食過係泰國食😆因為樣樣都想試，加上我們2人都有點肚餓，所以點了6道菜，份量有點多，不過都很好味。頭盤點了芒果沙律，算是味道一般，芒果比較酸。另外點了椰醬伴脆米，呢個真係好好味，食到停唔到。椰醬是類似免治豬肉加椰汁咖哩但唔辣，很香濃惹味😋加上脆卜卜的炸米通，真係食完可以再食。大蝦冬蔭公很多料，而且味道香濃，點了少辣，很好味。香濃咖哩鷄肉也十分好味，香草味道豐富，食得出很地道。再點了炒Pad Thai, 也是很不錯。可惜最後芒果糯米飯的芒果唔夠甜，可能唔啱季節，不過糯米飯加椰漿也很好味。

香蘭葉包雞每次必點菜式，此炸雞外面香脆，內裡充滿肉汁。而我最喜歡係隔離點汁，有些似將軍漢堡汁，酸酸甜甜，有些醬醋味道，令到雞肉更加可口。冬蔭公 蝦亦係必點菜式，冬蔭公味道香濃，大蝦有時又大又新鮮，今天運氣不錯，唯一的一隻大蝦好好味。椰香紅咖喱 豬屬於泰國比較常見的做法，豬肉沒有經過炸，而係加入椰香紅咖喱入面煮，豬肉亦不會好老，咖喱偏甜，不會太辣，一吃上隱，非常好送飯。白飯另加 15，很大一個，兩人都夠吃，但不是泰國的茉莉香米飯，當然餐牌也沒有寫係。美中不足餐廳已多年沒有裝修，比較殘舊。

同老公放假，入愉景灣就係想輕輕鬆鬆過一日食泰國菜好寫意😋🌴超脆嘅蝦餅，肉質彈牙，厚實，絕無馬虎👍🏻火辣辣生蝦，本身都知佢辣，但係冇諗過辣到咁加埋配菜食係正嘅，辣到我同老公總共嗌左四個椰青🤣🤣🤣🤣🤣呢個醬配飯焦冇得頂👍🏻鹹甜香咖喱蝦，雖然係用雪藏蝦，不過都好爽脆將個咖喱醬配埋上飯焦，更加好食👍🏻每次食泰國菜都要嗌嘅金邊粉，係偏甜嘅，我鍾意食😋

朝早食完酒店早餐其實仲好飽，不過一場嚟到都係要扮吓去咗泰國、食吓泰菜先圓滿。由酒店行過嚟大約二十分鐘，沿路樹影婆娑、花木成群，清幽又寧靜。招牌冬陰公 $75份量適合二人享用，貌似碗細細但配料多，有蝦、魚、魷魚等海鮮，味道鮮甜，酸辣惹味。炒金邊粉 $82金邊粉炒得乾身，調味得宜，明明唔餓都食咗兩碗。芒果糯米飯 $148訂座時店員建議訂兩份，上碟時砌成心型狀好驚喜。芒果酸甜，糯米飯軟糯不糊，有椰香但略甜，食到最後有點膩。多謝你一切的安排，心意無價，整趟旅程令人回味無窮。

好濃味嘅冬蔭功湯，好好食嘅木瓜沙律，那天相約閨蜜走轉愉景灣，好隨意走入去呢間泰國菜，大膽試吓個冬蔭功湯，比起出面嘅真係好飲好多☺️濃得來又唔會過鹹，個木瓜沙律嘅酸辣汁真係好正🤤有機會再入愉景灣嘅話會試埋其他🙂兩個人叫咗三餸一炒飯，不過到最後都係食唔哂😐可能胃口真係太細，但味道真係好好，環境又靚，我諗同男朋友去應該會覺得好浪漫😂不過同閨蜜或朋友聚餐，靜靜哋咁食一餐飯都係一個好唔錯嘅選擇🥰個View嘅感覺真係好似去咗旅行咁...尤其而家係疫情橫行天下世代，更加想念去旅行嘅時候，呢度暫時都仲可以止住渴先 🤣