Kohee (Closed)

以為係酒店裏面會有間有質素既咖啡店，但絕對唔係囉。咖啡豆係可以既，無酸味，但在場既一定唔係咖啡師。我地叫左杯手沖咖啡，另上既奶居然俾凍奶... 一落杯咖啡凍晒...（本來想叫latte,多問一句之下..原來係由普通咖啡機沖成...）其實收緊$80一杯，我諗真係會期望高d...但如果你想揾一間無人同你迫，坐一世無人趕既咖啡店，呢間係可以既黎既。

同朋友搵到依間新開既咖啡館，見係酒店入面一定無死。你以為酒店就無死啦咩，你以為有日本顧問就好啦咩。咖啡師無解釋果幾款咖啡既特色然後我地叫左standard coffee 係熱既然後我朋友因為飲唔慣黑咖，叫個咖啡師俾個奶加落去，佢俾個凍奶我地.... 糖都係得少少係酒店入面咁小家🙄 成7-80蚊一杯，加埋一，成百蚊一杯，真係好唔抵囉。唔係唔捨得俾，而係佢唔值！我情願去Starbucks,起碼佢d咖啡係熱架！唯一值得既係間野完全無人！

今日是慕名而來，聽講咖啡顧問是來自日本好出名的blue bottle coffee ，相信品質一定有番咁上下。位置在灣仔一間精品酒店内，環境不錯，有寬敞的坐位，還可遠望街景。咖啡選擇只四款，店員亦會簡單講解。揀選了Sumatra口味。店員會悉心在客人面前沖泡。整體味道口感濃重，濃郁中帶有醇度和馥郁，不澀不酸，醇度與苦度可以表露無遺。能在舌尖感覺到明顯的滑溜，含較低的酸度，還有一種淡淡的草香味。餘韻回甘持久。