小平津 (Moved) New Location

]Knew about this place when they were at the old address, was kinda surprised when learning they gave up the old upstaris place and chose this location, which is more commercial.Booked a table for friday night and was quite surprised with there is no line up when we get there. Got seated after a 10 min wait and we ordered quite a bit:-Fried Tofu-Eel - keeping the standard, came out hot and crispy. The bold taste of eel balanced out the the mild taste of tofu.-Pumpkin Salad - usually my fave bu

零玖除夕的下午, 我要上班而老媽就放下午, 就趁中間的時段出來吃個午餐當慶祝。請阿媽食飯喎, 又可以選我想去的地方了, 揀了老媽公司附近的小平津。事前打電話去訂位, 電話的另一邊告知不用訂位也成, 就這樣搞定了。來到小平津, 滿眼都是顧客的留言, 看來這裡也挺受歡迎的啊。不過實在太有氣氛, 所以照片都比較昏黑 (我已經很努力 tune 相的啦)。桌上的餐牌都是各式午市定食, 壽司熱食都有, 選擇不少呢。因為我們只看了餐牌的一面 (背面才是刺身壽司類定食), 只看到熟食, 也就在那裡點了兩個家食。兩個定食都有麵豉湯、漬物和沙律。沙律菜幾新鮮, 下了點和風醬油汁, 挺開胃的。我點我最愛吃燒鯖魚 ($58), 老媽就要汁煮豬軟骨 ($45)。老媽的豬軟骨很有家庭風味, 豬軟骨的肉煮得軟腍非常, 又有些索索聲的軟骨咬下; 還有些紅蘿蔔、洋蔥等蔬菜, 濃汁也很好下飯。 我的燒鯖魚預了要等, 出來又幾好吃, 雖然皮燒得有些不平均, 但魚肉甘腴油潤, 伴著蘿蔔蓉, 洒上檸檬汁吃, 也很不錯。大節前也沒有開天殺價, 埋單 $103, 在銅鑼灣是頗經濟的價錢。

今天是我第二次的過來吃 很搞笑呢 臨時臨急的安排 搭朋友幫我跟餐廳老闆說有人生日呢 可否臨時的做一個蛋糕呢 最終也能幫我安排到呢~主打推介: 南瓜沙律, 海膽, 豆腐饅魚天婦羅, 前菜, 牛肉窩烏冬, sake

小弟生日，想不到女友在小平津訂了位，一直都想試試這間日式料理小店，這個安排相當窩心。店舖位於優食橫町，即前國貨公司樓上，環境不大，但二人被安排入座於四人座位，相當闊落，坐得挺舒服的。小店設每人最低消費百二蚊，門檻不高，食物即叫即做，當中不乏自家創意菜式，值得一試。甫上座，先來的漬物是辣牛脷粒，牛脷粒煮得軟腍，汁醬帶少許辣，不失刺激感，加上清脆口感的蘿白及青瓜粒，形成強烈對比，是不俗的開胃菜。前菜點了人人皆讚的南瓜沙律 ($40)，可說是大坑民聲冰室巨塔肉餅的南瓜變奏版，巨塔由南瓜蓉打造而成，入口充滿一份南瓜獨有的清甜，口感虛中帶實，只略嫌層次較為單調，容易生飽滯之感。卷物是碎蔥油甘魚卷 ($45)，我一向喜歡油甘魚脂肪中散發的甘香，加上少許的香蔥味，平衡得宜，誰也搶不了誰的風頭，效果上佳，如換了是碎蔥油甘魚壽司的話，應該更合我意。女友想吃稻庭烏冬，來一個冷的 ($78)，貪其夠彈牙煙韌，烏冬麵質軟滑，灑了少許白芝麻，份量足二人用。事不宜遲，先將鵪鶉蛋、蔥碎、蘿白蓉及薑蓉跟醬汁攪勻，一「雪」入口，傳來一陣清涼，醬料味道十分吸引，味道帶點複雜，感覺十分討好。另一名物豆腐鰻魚天婦羅緊接出場，

很久沒寫食評，我想一試小平津的美食很久了，可是對今天晚餐有點失望，希望能給小平津點意見。我們是被水準很高的傳統日本料理寵壞的傢伙，這裡的港式日本料理蠻貼近日式，有誠意，不過味道可以更進一步。2人吃了:附送的前菜-比其他日本料理有誠意。南瓜沙律-南瓜蓉甜滑，但只有南瓜蓉，味道單調。一門的南瓜沙律，味道層次就比較豐富。鰻魚豆腐天婦羅(半份)-我喜歡試創作料理，鰻魚跟豆腐味道口感能配合，一滑一軟一濃一淡，豆腐減少天婦羅的油膩和鰻魚的濃。但這組合的化學作用似乎不夠強，不算香口不算鮮美不算脆不算清爽，總之沒有很點題的美味口感或味道。e.g.佐敦濱松町的創作料理黃金屋(玉子,蟹籽)就比較出色。另外很易散開。軟殼蟹卷(半卷)-飯易散，軟殼蟹不如其他食評所言般新鮮炸。碎章紅魚蔥卷-這個小卷只要材料新鮮，不會差。冷稻庭烏冬-最好的一道，稻庭烏冬所選來貨高質，彈牙，可以更冷些。鹽燒牛舌-燒得juicy。焼鵪鶉蛋-很少吃焼鵪鶉蛋，不錯。焼蔥-加上大量木魚，可以燒更久些。附送的豆腐/芝麻雪糕-因為是送的，不好意思要求太高。服務不錯，類似經理的先生主動告訴我可以點半份，很貼心。

家住大坑的我，在屋企附近、行幾步就到的日本料理眾多，無論串燒、刺身都不乏名店，可說是不假外求。不過要招呼朋友，有時又有點隔涉，想食前食後睇場戲、行下街都窄窄地。前排，有朋友介紹了呢間叫小平津的小店，聽聞早於唐樓起家，近來搬了新舖，依然客似雲來。趁有晚約了朋友在時代睇戲，就順道一試。兩個人食了南瓜沙律、鰻魚豆腐天婦羅、軟殼蟹卷等名物，味道不錯。其中這裡很多人說在家也弄得到的南瓜沙律，其實最難得的就是很難吃到這樣清甜的南瓜，愈簡單的東西愈見誠意。此外，此店最體貼的是有部份菜式都可揀半份，不怕浪費之餘又可以試多幾樣，三五知己和二人約會都能各適其適。

今晚去左呢間小平津食晚飯, 同行還有男友一名!食物portion好細, 叫了幾味之前d網友介紹的食物:南瓜沙津, 剌身等.整體無咩特別....唔似之前講到咁誇張.最慘係d剌身真係唔多新鮮, 三文魚有骨, 其他的無味! 剛剛仲有d肚痛有網友話d service好差,親身經歷都真係好一般,以咁既價錢真係唔值!未去過的唔會有損失, 去過的未必需要再去. 銅鑼灣既日本野大把choice.

去完旅行回來,第一個lunch就在這兒小平津享用之前睇過食評,都有好多人讚,今日一於試下啦~午餐的價錢平均4x-8x 又不算太貴~我叫了個豬軟骨飯, 同事叫咗個咖喱雞飯~ 一齊share 食豬軟骨係用做鍋仔盛住既, 個汁幾好味, 軟骨又不會太淋, 配埋洋蔥絲加蘿蔔絲好好味~還有一個面豉湯及沙律, 沙律好味丫酸酸地good~我食晒成碗飯~ 好勁呀~同事既咖喱雞都ok, 但雞就無雞味囉~ 配埋咖喱汁就ok 嘞~份量都大(因為好多飯呀) 男仔就一定啱晒~

不久前曾到這兒用餐，發覺「聞名不如見面」，都很期待再試試其他菜式。適逢閨中密友生日，而日本菜又是其至愛，於是就由我發辦到小平津慶祝了。預早了幾天訂位，順道一問可否自己帶生日蛋糕去，聽電話的小姐說可以，更教我可以早了一點上去先安頓好蛋糕，真的很窩心 在地鐵站等齊朋友、一行4個「女孩子」(開始對這個稱呼覺得有點別扭了)一起去餐廳。可能是我訂位時說得有點混亂，他們mark了8個人，又安排了partition內一張長梳化(單邊)給我們。不過講清楚後，老闆也替我們執好位，拆返細張枱，繼續坐望街景的長梳化，當日貪靚腳踏3吋半高跟鞋的我，就可以坐得舒舒服服地用餐了一面啖著惹味的前菜(之前以為是烤夫的東東原來是牛舌，哈，其實明知烤夫是上海菜)，一面對著內容豐富的餐牌，樣樣都想食，不知如何取捨。就在這時，老闆熱心地向我們作出推介，又提醒我們有些是可以選半份的。於是除了必吃的南瓜沙津和軟殼蟹卷，就點了以下菜式：1. 刺身拼盤--帶子、甜蝦、三文魚、劍魚腩、海膽、八爪魚等七款刺身，每樣三件。都切得幾厚(當然同元朗好似帖板咁厚的冇得比，不過市區內說是屬於足料了)，又新鮮，不過發現沒有整碟的照片，只有八爪魚的大

自從搬咗之後都未去過, 啱啱過咗的sat去了新店一試。好失望。以前選址隱隱蔽蔽, 私房格局坐得逼d大家都無咩所謂。搬咗舖變咗普通舖之後不論格局或食物都變得平平無奇。雜錦魚生卷---好散, 一夾起即刻散晒, 變咗食魚生飯。南瓜沙津---其實自己好易就整到......雞軟骨---超乾超細粒, 上菜嚇呆咗! 豆腐雪糕---毫無雪糕味......雞腎---OK爽口,叫做好食d!魚湯鍋---簡單都唔恨......唔明點解menu話要預先order要有海膽壽司---唔新鮮求其食完成枱人去咗白沙道峰壽司再食過!

從來服務係我最著重一環,有基本笑容,唔駛人追野食係基本動作,但@呢間,食野同服務,我都會俾得少有咁高.....話說呢餐飯係返Church飯黎既。咁我見到Openrice咁多好評,就試下啦.....首先叫左個牛舌,牛舌最重要係味要夠重同埋要有黑椒味,呢度比起一遊仲有一段距離......之後就黎個牛油燒銀鱈魚,平時人地就會叫西京燒既,但呢次金菇同鮮冬菇都好入味,舊魚都幾滑可以一層層,不過入味d會仲好=)最後係個金薯海老,南瓜同蝦呢兩隻天婦羅一齊整都算特別,兩者都冇搶味,各有各既口感。最低消費120,夠就送一球雪糕,最後老闆娘仲送多一球雪糕俾我,多謝晒!芝麻味幾香,口腐味反而有得再濃d=)ps:最正既係冇+一都有咁既服務=)

毎次幫襯, 都有食不厭的菜式, 款式夠多, 差不多食"雲"o西, 没有難食的料理！！ 環境舒適.先來一個前菜小吃, 是青瓜牛舌粒, 有少少辣, 牛舌切成方形, 味道不錯！去了N次, 可以介紹比大家既有以下幾様野, 一定要試！1. 刺身併盤. 有７様刺身, 分別有甜蝦、海膽、三文魚、白肉豚、油甘魚、北寄貝及魷魚，價錢只是二百多元，看份量，是超級抵食！又新鮮, 又好味, 不可錯過！2. 豆腐鰻魚天婦羅. 是用紫菜包著娟豆腐, 中間再夾一塊鰻魚, 蘸上脆漿再炸. 炸得火侯剛好, 食起來外面香脆, 裡面嫩滑, 鰻魚的肉又有質感, 食材配搭得岩岩好, 只是手工己花上一定的時間, 就是其中必試的菜式.3. 串焼: a. 鹽燒牛舌(肉身極厚, 又焼得岩岩好, 塩焼一流!)　　　 b. 雞中翼 (很惹味, 停唔到口....) c. 焼鵪鶉蛋 (雖然膽固淳比較高, 但又唔係成日食, 我覚得冇セ所謂, 最主要係真係焼得好食!) d. 鹽燒雞腎 (爽口, 正!)4. 南瓜沙律. 好甜好好味, 係健康之選! 5. 牛油果軟殼蟹卷. o的

要在銅鑼灣搵地方靜靜地食飯都好難，一路都知銅鑼灣廣場對面有個叫優食橫町的東東，好似多年前O既拉麵橫町咁，可惜場中餐廳都冇咩特式，都唔會特登去。最近再行過，發現有間"小平津" 進駐，就即管上去睇下有D乜。原來係日本料理，一睇個餐牌都幾吸引，所以就決定試下。星期二晚一個人去，都有得WALK-IN。細心睇下餐牌，原來都幾多元化，連沙律都有差唔多十款，我見枱枱都有一碟南瓜沙津，所以又想試下。開頭食落，覺得冇咩特別，咪又係南瓜... 不過食落又有D層次，雖然我食唔出有D咩加O左入去... 如果再有人去食，又食得出材料就記得報告下~~!!今次未有機會試粉麵飯等主食，主打手卷、串燒等輕食。ORDER了一客海膽手卷，味道同形態都算新鮮、分量適中，唔會剩係得面頭有一PAT。紫菜亦都夠乾身，值得一讚燒雞軟骨有2串，都幾好味，好脆，調味又O岩O岩好。再叫一客蝦天婦羅，都OK，炸漿幾脆，同滑溜嘅蝦有對比，蝦亦炸得剛好。最後就叫一杯豆腐雪糕做甜品，為呢一餐劃上完美句號。一個人去食係貴D，下次都係叫多幾個朋友一齊去先得

暑假前最後一個周末，打算用暑期工的錢跟屋企人食餐好。之前聽朋友講呢間小平津都唔錯，不過因為返工太忙，要到o個日晏晝先醒起打去book位。開頭都話要到4點幾先firm到，都有d擔心，不過好在都收到電話，有得食呢餐啦!! 打電話o黎個位小姐仲好好人，提我記得準時到，因為如果遲o左就可能會俾walk-in客，仲教我o地點樣o係地鐵站去舖頭...叫o左幾樣招牌菜，鰻魚豆腐天婦羅呀、軟殼蟹卷呀... 其中牛舌叫o左2款，汁燒同鹽燒，我個人就比較鍾意鹽燒，因為可以食得出牛舌o既原味，加上少少惹味o既芥末吊味，真係好過癮，屋企人就鍾意汁燒，因為個汁本身都好好味不過就冇叫南瓜沙律，因為屋企人想食蟹子沙律，都好好味呀，portion都幾足，下次一定會再同朋友o黎試南瓜沙律同埋其他菜式o既~食o野期間，侍應都好勤力加水，同埋上菜o既速度都適中，可能佢o地都會就住每張枱進食o既速度，唔會一次過上晒所有菜，而係keep住清一d就上一d... 都幾好~

琴晚3個女仔朋友一齊去呢間小平津度食dinner, 其實之前已去過舊店, 見食物不是太差所以選擇試試新店的水準.由於天氣太熱, 大家唔係太肚餓, 我地7點半到齊人就叫了一個南瓜沙津, 魚生卷, 雞腎,雞軟骨, 帶子串燒, 凍烏冬...食下食下(一個鐘到啦), 餐廳開始多人, 出面要等位, 我地幾個女仔都差不多食完主菜, 一心食埋甜品坐多陣, 所以我地叫左3個豆腐ice cream....點知突然有個女負責人一支箭咁衝過黎語帶恐嚇兼一d都唔客氣板住塊面同我地講, "如果你地唔埋單, 我地會收你每位$120最低收費"試問你係一個顧客, 你聽到此番說話除左可以O咀之外, 有咩反應可以俾呢?我地話" 我地arm arm叫左3個雪糕wor"女負責人 "呢度係要食夠 $xxxx, 先會有雪糕送wor"我地話"我地係order左雪糕...唔係要你送"個女負責人唔出聲....走開左.跟住其實我地幾個食客已經好嬲, 食埋雪糕立即走啦..(此時, 已經無人等位..), 個女負責人又走埋黎講"而家已經"消禁"啦, 你地可以慢慢食啦!"......我地又係O晒咀, 問自己 "我地呢檯原來之前俾人"戒嚴"緊咩?